ასპარკამი / Asparkam
- საერთაშორისო დასახელება (აქტიური ნივთიერება): potassium aspartate, magnesium aspartate
- კლინიკურ-ფარმაკოლოგიური ჯგუფი: გულ-სისხლძარღვთა სისტემა → რითმისა და გამტარებლობის დარღვევის დროს გამოსაყენებელი საშულებები → რითმის დარღვევის დროს გამოსაყენებელი სხვა ჯგუფის პრეპარატები → კალიუმის და მაგნიუმის იონების შემცველი პრეპარატები
- გამოშვების ფორმა: 0,175მგ + 0,175მგ ტაბლეტი №50
- გაცემის რეჟიმი: II ჯგუფი (გაიცემა ფორმა N3 რეცეპტით)
ჯგუფური დასახელება: კალიუმის და მაგნიუმის ასპარაგინატი
სამკურნალწამლო ფორმა: ტაბლეტები
შემადგენლობა: 1 ტაბლეტი შეიცავს ასპარკამის ნახევარფაბრიკატ-გრანულებს - 0,5 გ, რომლის შემადგენლობაში შედის:
- აქტიური ნივთიერებები: კალიუმის ასპარაგინატი - 0,175 გ და მაგნიუმის ასპარაგინატი - 0,175 გ.
- დამხმარე ნივთიერებები: კარტოფილის სახამებელი - 0,135 გ, ტალკი - 0,01 გ, კალციუმის სტეარატი - 0,005 გ.
აღწერილობა: თეთრი ფერის, ბრტყელცილინდრული ფორმის ტაბლეტები, ნაზოლით და
ნაჭდევით.
ფარამაკოთერაპიული ჯგუფი: კალიუმის და მაგნიუმის პრეპარატი
ათქ კოდი: A 12CX
ფარმაკოლოგიური თვისებები
ფარმაკოდინამიკა. ასპარკამი წარმოადგენს კალიუმის და მაგნიუმის იონების წყაროს, არეგულირებს მეტაბოლურ პროცესებს. მოქმედების მექანიზმი სავარაუდოდ დაკავშირებულია კალიუმის და მაგნიუმის ასპარაგინატის, როგორც კალიუმის და მაგნიუმის იონების გადამტანის როლთან, უჯრედშიდა სივრცეში, მის მეტაბოლურ პროცესებში მონაწილეობასთან. ამგვარად, ასპარკამი აღმოფხვრავს ელექტროლიტების დისბალანსს, ამცირებს მიოკარდის აღგზნებადობას და გამტარობას (ზომიერი ანტიარითმული ეფექტი).
ფარმაკოკინეტიკა. ადვილად შეიწოვება შიგნით მიღებისას და შედარებით სწრაფად გამოიყოფა თირკმელებით.
გამოყენების ჩვენება
K + და MG 2+ დეფიციტის შევსება (კომპლექსური თერაპიის შემადგენლობაში) მათ შორისგულის იშემიური დაავადებისას (მათ შორის მიოკარდის მწვავე ინფარქტი), გულისქრონიკული უკმარისობა, არითმია (მათ შორის საგულე გლიკოზიდების ჭარბი დოზირების
დროს).
უკუჩვენება
ჰიპერმგრძნობელობა პრეპარატის მიმართ, ამინომჟავების ცვლის დარღვევა, არტერიული ჰიპოტენზია, თირკმლის მწვავე და ქრონიკული უკმარისობა, ჰიპერკალიემია, ჰიპერმაგნიემია, ატრივენტრიკულური გამტარებლობის დარღვევა, (I-III სტადიის AV ბლოკადა), ოლიგურია, ანურია, მწვავე მიასთენია, მწვავე მეტაბოლური აციდოზი, ამინომჟავების ცვლის დარღვევა, გაუწყლოება (ექსიკოზი), ჰემოლიზი, ადისონის დაავადება.
სიფრთხილით: ჰიპოფოსფატემია, შარდკენჭოვანი დიათეზი (Ca2+, MG2+ და ამონიუმის ფოსფატის ცვლის დარღვევასთან დაკავშირებული), ორსულობა, (განსაკუთრებით I ტრიმესტრი) და ლაქტაციის პერიოდი.
გამოყენების მეტოდი და დოზირება
ასპარკამი ინიშნება შიგნით, ჭამის შემდეგ. ძირითადად უნიშნავენ მოზრდილებს 1-2 ტაბლეტი დღეში 3 ჯერ. მკურნალობის კურსი 3-4 კვირა. აუცილებლობის შემთხვევაში კურსს იმეორებენ.
გვერდითი ეფექტები
შესაძლებელია გულისრევა, ღებინება, დიარეა, ტკივილი ეპიგასტრიუმის მიდამოში (პაციენტებში ანაციდური გასტრიტით ან ქოლეცისტიტით), ჰიპერკალიემია (გულისრევა, ღებინება, დიარეა პარესთეზია) და ჰიპერმაგნიემია (სახის კანის ჰიპერემია, წყურვილი,
ბრადიკარდია, არტერიული წნევის დაწევა, კუნთების სისუსტე, დაღლილობა, პარეზი, კომა, არეფლექსია, სუნთქვის დათრგუნვა, კრუნჩხვები).
ჭარბი დოზირება
სიმპტომები: ჰიპერკალიემია და ჰიპერმაგნიემია.
მკურნალობა: ინტრავენურად კალციუმის ქლორიდი; საჭიროების შემთხვევაში - ჰემოდიალიზი და პერიტონეული დიალიზი.
ურთიერთქმედება სხვა სამკურნალო საშუალებებთან
ფარმაკოდინამიკური: ერთდროული გამოყენება კალიუმის შემნახველ დიურეზულ საშუალებებთან (ტრიამტერენი, სპირონოლაქტონი), ბეტა-ადრენომაბლოკირებელ საშუალებებთან, ციკლოსპორინთან, ჰეპარინთან, აგფ ინფიბიტორებთან, ანთების საწინააღმდეგო არასტეროიდულ პრეპარატებთან ზრდის ჰიპერკალიემიის განვითარების რისკს, არითმიის და ასისტოლიის განვითარებამდეც კი. კალიუმის პრეპარატების ერთდროული გამოყენება გლუკოკორტიკოსტეროიდებთან აღმოფხვრას ამ უკანასკნელების მიერ გამოწვეულ ჰიპოკალიემიას. კალიუმის ზემოქმედებით მცირდება საგულე გლიკოზიდების არასასურველი ეფექტები. მაგნიუმი ამცირებს ნეომიცინის, პოლიმიქსინ B-ს,
ტეტრაციკლინის და სტრეპტომიცინის ეფექტს. ანესთეტიკები ზრდიან მაგნიუმის პრეპარატების ცენტრალურ ნერვულ სისტემაზე დამთრგუნველ ზემოქმედებას;
ერთდროული გამოყენებისას ატრაკურონიუმთან, დეკამეტონიუმთან, სუქცინილქლორიდთან და სუქსამეთონიუმთან შესაძლებელია ნერვ-კუნთოვანი ბლოკადის გაძლიერება; კალციტრიოლი ზრდის მაგნიუმის შემცველობას სისხლის პლაზმაში, კალიუმის პრეპარატები ამცირებენ მაგნიუმის პრეპარატების ეფექტს.
აძლიერებს ანტიარითმიული საშუალებების უარყოფით დრომო- და ბათროტროპულ მოქმედებას.
ფარმაკოკინეტიკური: შემკვრელი და ამომფენი საშუალებები ამცირებენ პრეპარატის შეწოვას საჭმლის მომნელებელ ტრაქტში.
განსაკუთრებული მითითებები
აუცილებელია ელექტროლიტური ჰემოსტაზის მაჩვენებლების რეგულარული კონტროლი.
გამოშვების ფორმა
10 ტაბლეტი კონტურულ - უჯრედულ შეფუთვაში
1, 2 ან 5 კონტურულ - უჯრედული შეფუთვა, სამედიცინო გამოყენების ინსტრუქციასთან ერთად საკოლოფე მუყაოს შეკვრაში ან 1 კონტურულ - უჯრედული შეფუთვა სამედიცინო გამოყენების ინსტრუქციასთან ერთად ქაღალდის პაკეტში.
სტაციონარებისთვის 700 კონტურულ - უჯრედული შეფუთვა სამედიცინო გამოყენების ინსტრუქციასთან ერთად მუყაოს კოლოფში.
შენახვის პირობები
მშრალ ადგილას 12-25 ° C ტემპერატურაზე, ბავშვებისთვის მიუწვდომელ ადგილას.
ვარგისიანობის ვადა
3 წელი. არ გამოიყენება შეფუთვაზე მითითებული ვარგისიანობის ვადის ამოწურვის შემდეგ.
აფთიაქიდან გაცემის პირობები: ფარმაცევტული პროდუქტის ჯგუფი III, გაიცემა ურეცეპტოდ.
მწარმოებელი/პრეტენზიის მიმღები ორგანიზაცია
შპს „ფარმაპოლ-ვოლგა“
446100, რუსეთი, სამარის ოლქი, ს.ო, ჩაპაევსკი, პიონერსკაიას ქ., ს. 1, ტელ./ფაქსი (84639)20801
შპს „ფარმაპოლ-ვოლგა“-ს
ხარისხის უზრუნველყოფის სამსახურის უფროსი ხელმოწერილია ნ.ვ. აფანასკინა
ბეჭედდასმულია
სად შევიძინოთ?