Plasmon

იხილეთ აფთიაქების ჩამონათვალი

კლოტრიმაზოლი / Clotrimazole

სამკურნალწამლო ფორმა: 
გარეგანი გამოყენების კრემი 

შემადგენლობა 100გ კრემში: 
კომპონენტების დასახელება რაოდენობა, გ 
მოქმედი ნივთიერება 
კლოტრიმაზოლი 1,00 

დამხმარე ნივთიერებები 
ბენზილის სპირტი 1,00 
ცეტოსტეარილის სპირტი 11,50 
ოქტილდოდეკანოლი 10,00 
პოლისორბატი-60 1,50 
სორბიტან სტეარატი 2,00 
სინთეზური სპერმაცეტი 3,00 
წყალი* 71,00 
დოზირების ერთეულის საერთო მასა 100,000 
* წყალი შეყავთ 1,5%-იანი ნაჭარბით, რომელიც ტექნოლოგიური პროცესის მიმდინარეობისას ქრება

აღწერილობა 
თეთრი ერთგვაროვანი კონსისტენციის მასა.

ფარმაკოთერაპიული ჯგუფი 
სოკოს საწინააღმდეგო საშუალება. 
ათქ კოდი: D01AC01. 

ფარმაკოლოგიური თვისებები 
ფარმაკოდინამიკა 
მოქმედების მექანიზმი 
კლოტრიმაზოლი არის გარეგანი გამოყენების, სოკოს საწინააღმდეგო ფართო სპექტრის საშუალება. კლოტრიმაზოლის (იმიდაზოლის წარმოებული) სოკოს საწინააღმდეგო მოქმედება დაკავშირებულია სოკოს უჯრედული მემბრანის შემადგენლობაში შემავალი ერგოსტერინის სინთეზის დარღვევასთან, რაც იწვევს მემბრაბის განვლადობის ცვლილებას და უჯრედის შემდგომ ლიზისს. დაბალი კონცენტრაციებით მოქმედებს ფუნგისტატიკურად, მაღალი დოზებით – ფუნგიციდურად, ამასთან, არა მხოლოდ პროლიფერირებად უჯრედებზე. ფუნგიციდური კონცენტრაციებით ურთიერთქმედებს მიტოქონდრიულ და პეროქსიდაზურ ფერმენტებთან, რის შედეგადაც იზრდება წყალბადის ზეჟანგის კონცენტრაცია ტოქსიკურ დონემდე, რაც ასევე ხელს უწყობს სოკოს უჯრედების დაშლას. 
ეფექტურია დერმატოფიტების (Epidermophyton, Microsporum Trichophyton) საფუარას მსგავსების (ძირითადად ჩანდიდა ალბიცანს), ობის სოკოების და უმარტივესების, ასევე ნაირფერი ლიქენის Pიტყრიასის ვერსიცოლორ (Mალაზესსია ფურფურ) და ერითრაზმის გამომწვევის მიმართ. ავლენს ანტიმიკრობულ მოქმედებას გრამ-დადებითი მიკროორგანიზმების და ანაერობების მიმართ. კლოტრიმაზოლი არ მოქმედებს ლაქტობაცილებზე. 

ფარმაკოკინეტიკა 
კლოტრიმაზოლი ცუდად შეიწოვება კანიდან და პრაქტიკულად არ ავლენს სისტემურ მოქმედებას. გარეგანი გამოყენებისას კლოტრიმაზოლის კონცენტრაცია ეპიდერმისში, უფრო მაღალია ვიდრე დერმაში და კანქვეშა ქსოვილში. 

მიღების ჩვენება 
დერმატოფიტებით, საფუარის მსგავსი სოკოებით, ობის სოკოებით, აგრეთვე კლოტრიმაზოლის მიმართ მგრძნობიარე გამომწვევებით: ტერფის, მტევნების, ტანის, კანის ნაოჭების მიკოზები; კანდიდოზური ვულვიტი, კანდიდოზური ბალანიტი, ნაირფერი ლიქენი, ერითრაზმები; გარეთა ყურის სოკოვანი ინფექციების სამკურნალოდ.

უკუჩვენებები
ჰიპერმგრძნობელობა კლოტრიმაზოლის ან პრეპარატის სხვა კომპონენტების მიმართ. 
გამოყენება ორსულობის და ლაქტაციის პერიოდში 

ფერტილობა
ფერტილობაზე კლოტრიმაზოლის გავლენასთან დაკავშირებული კვლევები ადამიანებში არ ჩატარებულა, ცხოველებზე კვლევებში პრეპარატის გავლენა ფერტილობაზე აღმოჩენილი არ არის 

ორსულობა 
ორსულ ქალებში პრეპარატის გამოყენების მონაცემები შეზღუდულია. კლინიკურ და ექსპერიმენტულ კვლევებში არ დადგინდა, რომ პრეპარატის გამოყენება ორსულობის პერიოდში ავლენს უარყოფით ზემოქმედებას ქალის ან ნაყოფის ჯანმრთელობაზე. კლოტრიმაზოლი, კრემის სამკურნალწამლო ფორმით, უკუნაჩვენებია ორსულობის პირველ ტრიმესტრში. საკითხი პრეპარატის მეორე და მესამე ტრიმესტრში გამოყენების მიზანშეწონილობის შესახებ უნდა გადაწყდეს ინდივიდუალურად, ექიმის კონსულტაციის შემდეგ. 

ლაქტაციის პერიოდი 
კლოტრიმაზოლი გამოიყოფა ლაქტატში. პრეპარატის გამოყენების აუციებლობის შემთხვევაში ძუძუთი კვება უნდა შეწყდეს. 

გამოყენების მეთოდი და დოზები 
გარეგანი გამოყენებისთვის. კრემი ისმება კანის დაზიანებულ უბანზე 2-3-ჯერ დღეში. რეციდივების საპროფილაქტიკოდ მკურნალობა უნდა გაგრძელდეს ინფექციის ყველა სიმპტომის გაქრობიდან მინიმუმ ორი კვირის განმავლობაში. კრემი ისმება დაზიანებული კანის სუფთა მშრალ უბნებზე (ნეიტრალური პH-ის მქონე საპნით დაბანილი), ტერფებზე კრემი ისმება თითებს შორის. მკურნალობის ხანგრძლივობა დამოკიდებულია დაავადების სიმძიმეზე, მის ლოკალიზაციაზე, მკურნალობის ეფექტურობაზე. 

მკურნალობის ხანგრძლივობა: 
• დერმატომიკოზები - 3-4კვირის განმავლობაში; 
• ერითრაზმა - 2-4 კვირა; 
ნაირფერი ლიქენი - 1-3 კვირა; 
• კანდიდოზური ვულვიტი და ბალანიტი - 1-2 კვირა. 
მკურნალობის ხანგრძლივობა შეიძლება შეიცვალოს ინდივიდუალური თავისებურებების შესაბამისად, მაგრამ რეკომენდებული არ არის მკურნალობის გაგრძელება 3 კვირაზე ნაკლები დროის განმავლობაში. ინფექციის რეციდივის საპროფილაქტიკოდ პრეპარატის გამოყენება უნდა გაგრძელდეს დაავადების ყველა სიმპტომის გაქრობიდან მინიმუმ 1-2 კვირის განმავლობაში. თუ მკურნალობის 7 დღის შემდეგ სიმპტომები არ უმჯობესდება, აუცილებელია ექიმის კონსულტაცია. 

პაციენტების განსაკუთრებული ჯგუფები 
არ არსებობს მონაცემები დოზის კორექციის შესახებ ბავშვებში, ხანდაზმული ასაკის პაციენტებში, თირკმლის და ღვიძლის ფუნქციის დარღვევის მქონე პირებში. 

გვერდითი მოქმედება 
გამოვლინების სიხშირე განისაზღვრება შემდეგნაირად: ძალიან ხშირი (≥ 1/10), ხშირი (≥ 1/100 - < 1/10), არახშირი (≥ 1/1 000 - < 1/100), იშვიათი (≥ 1/10 000 - < 1/1 000), ძალიან იშვიათი (< 1/10 000) ცალკეული შემთხვევების ჩათვლით), უცნობია (ხისშირის განსაზღვრა შეუძლებელია არსებული მონაცემების მიხედვით). 

დარღვევები იმუნური სისტემის მხრივ 
უცნობია: ალერგიული რეაქცია (ვლინდება ჭინჭრის ციებით, გულის წასვლით, არტერიული ჰიპოტენზიით, ქოშინით). 
დარღვევები კანის და კანქვეშა ქსოვილის მხრივ 
უცნობია: გამონაყარი, ქავილი, ბუშტუკოვანი გამონაყარი, აქერცლვა, ტკივილი ან დისკომფორტი, შეშუპება, წვა, გაღიზიანება, ერითემა, ჩხვლეტის შეგრძნება. 
თუ ინსტრუქციაში აღნიშნული რომელიმე გვერდითი ეფექტი მწვავდება ან შენიშნავთ ნებისმიერ ეექტს, რომელიც ჩამოთვლილი არ არის ინსტრუქციაში, შეატყობინეთ ექიმს. 

ჭარბი დოზირება 
სიმპტომები 
პრეპარატის შემთხვევით შიგნით მიღებისას შესაძლებელია შემდეგი სიმპტომების გამოვლენა: თავბრუსხვევა, გულისრევა, ღებინება.
მკურნალობა
კრემის შემთხვევით შიგნით მიღებისას ტარდება სიმპტომური მკურნალობა. პრეპარატის გარეგანი გამოყენებისას ჭარბი დოზირება ნაკლებსავარაუდოა. 

ურთიერთქმედება სხვა სამკურნალო საშუალებებთან 
შესწავლილი არ არის 

განსაკუთრებული მითითებები 
აუცილებელია თავი მოარიდოთ კრემის წასმას თვალების ლორწოვან გარსზე. არ გადყლაპოთ. 
ყველა ინფიცირებულ უბანს უნდა უმკურნალოთ ერთდროულად. 
პრეპარატის კლოტრიმაზოლი შემადგენლობაში შედის ცეტოსტეარილის სპირტი, რომელმაც შეიძლება გამოიწვიოს კანის ადგილობრივი რეაქციები (მაგ., კონტაქტური დერმატიტი). 
ჰიპერმგრძნობელობის სიმტპომების ან გაღიზიანებისას გამოვლენისას მკურნალობას წყვეტენ. 
ლაბორატორიული გამოკვლევების მონაცემები მიუთითებს, რომ ლატექსის შემცველი კონტრაცეპტივების გამოყენებამ შეიძლება გამოიწვიოს მათი დაზიანება კლოტრიმაზოლთან ერთად გამოყენებისას. შესაბამისად, ამგვარი კონტრაცეპტივების ეფექტურობა შეიძლება დაქვეითდეს. პაციენტებს უნდა ურჩიონ კონტრაცეფციის ალტერნატიული მეთოდების გამოყენება, ყოველ შემთხვევაში კლოტრიმაზოლის გამოყენებიდან ხუთი დღის განმავლობაში მაინც. 

გავლენა სატრანსპორტო საშუალებების და მექანიზმების მართვის უნარზე 
პრეპარატის უარყოფითი ზემოქმედების შესახებ მომატებული კონცენტრაციის და სწრაფი ფსიქომოტორული რეაქციების მომთხოვნ ქმედებების შესრულებაზე (ავტოტრანსპორტის მართვა, მოძრავ მექანიზმებთან მუშაობა) მონაცემები არ არსებობს. 

გამოშვების ფორმა 
გარეგანი გამოყენების კრემი 1%. 20გ კრემი, შიგნიდან ლაქით დაფარულ ალუმინის, მემბრანის მქონე ტუბში, რომელიც დახურულია პოლიეთილენის ან პოლიპროპულენის ხრახნიანი თავსახურით. 1 ტუბი გამოყენების ინსტრუქციასთან ერთად მოთავსებულია მუყაოს კოლოფში. 

ვარგისობის ვადა 
3 წელი 
არ გამოიყენება შეფუთვაზე მითითებული ვარგისობის ვადის ამოწურვის შემდეგ 

შენახვის პირობები 
ინახება არაუმეტეს 25ºC ტემპერატურაზე. არ გაყინოთ. 
ინახება ბავშვებისთვის მიუწვდომელ ადგილზე. 

გაცემის რეჟიმი 
ურეცეპტოდ.

სად შევიძინოთ?