Plasmon

იხილეთ აფთიაქების ჩამონათვალი

დეპრექს ლეჩივა / Deprex Léčiva
შემადგენლობა და გამოშვების ფორმა
კაფსულები: შეფუთვაში 30 ც.
                                 1 ტაბ.
ფლუოქსეტინი. . . . . . 20 მგ

კლინიკურ-ფარმაკოლოგიური ჯგუფი
III თაობის ანტიდეპრესანტი. სეროტონინის უკუშებოჭვის პროცესის არჩევითი ინჰიბიტორი. 
ფარმაკოლოგიური თვისებები

დეპრექსის გამოყენება იწვევს სეროტონინის ნაკლებობის შედეგების გამოსწორებას.
ფლუოქსეტინი კარგად შეიწოვება კუჭ-ნაწლავის ტრაქტში და მაქსიმალურ კონცეტრაციას აღწევს 6-8 საათში. 90%-ზე მეტი უკავშირდება სიხლის შრატის ცილებს. ნაწილდება მთელ ორგანიზმში. აქტიურად მეტაბოლიზდება ღვიძლში. გამოიყოფა შარდით ინაქტიური მეტაბოლიტების სახით. 

ჩვენებები
სხვადასხვა ეტიოლოგიის დეპრესია; ნერვული ბულიმია; ობსესურ-კომპულსური და პანიკური აშლილობები; პრემენსტრუალური დისფორიული დარღვევები.

დოზირების რეჟიმი
მიიღება საკვებისგან დამოუკიდებლად. კაფსულა იყლაპება მთლიანად საკმარისი რაოდენობით სითხესთან ერთად (მაგ.: ჭიქა წყლით). 
18 წლის ასაკიდან საწყისი რეკომენდებული დოზაა: დეპრესიის დროს – 20 მგ/დღ  (1 კაფსულა); ნერვული ბულიმიის დროს – 60 მგ/დღ (1 კაფსულა 3-ჯერ დღეში); ობსესურ-კომპულსური აშლილობისას – 20-60 მგ/დღ; პრემენსტრუალური დისფორიული დარღვევებისას – 20 მგ/დღ (1 კაფსულა);
რეკომენდებული დოზები შეიძლება გაიზარდოს ან შემცირდეს. Mმაქსიმალური შესწავლილი დღიური დოზაა 80 მგ/დღ. 
ავადმყოფებს თირკმლისა და ღვიძლის ფუნქციათა დარღევევებით შესაძლოა დასჭირდეთ დოზის კორეგირება. 
მკურნალობა ჩვეულებრივ ხანგრძლივია.

გვერდითი მოვლენები
კუჭ-ნაწლავის ტრაქტის მხრივ: დიარეა, გულისრევა ღებინება, დისფაგია, დისპეფსია.
ცენტრალური  და პერიფერიული ნერვული სისტემის მხრივ: იშვიათად – კრუნჩხვა, ატაქსია, ტრემორი, ანორექსია, შფოთვა, თავბრუსხვევა, ძილის დარღვევები, მხედველობის დარღვევა, ვეგეტატიური დარღვევები (პირის სიმშრალე, გაძლიერებული ოფლდენა, ვაზოდილატაცია); ძალიან იშვიათად -  სეროტონინური სინდრომი. 
შარდ-სასქესო სისტემის მხრივ: შარდვის გახშირება, გახანგრძლივებული ერექცია, ლიბიდოს დაქვეითება, ეაკულაციის დაგვიანება არარსებობა, ორგაზმის გაქრობა, 
ენდოკრინული სისტემის მხრივ: ძალიან იშვიათად - ანტიდიურეზული ჰორმონის სეკრეციის დარღვევა.
ალერგიული და დერმატოლოგირი რეაქციები: ქავილი, გამონაყარი კანზე, ჭინჭრის ციება, ვასკულიტი, ფოტოსენსიბილიზაცია, ალოპეცია. 

უკუჩვენებები 
დადასტურებული მომატებული მგრძნობელობა ფლუოქსეტინზე.
არ გამოიყენება ბავშვებსა და 18 წლამდე ასაკის მოზარდებში.

განსაკუთრებული მითითებები
დეპრექსი შეიცავს ლაქტოზის მონოჰიდრატს (გასათვალისწინებელია ლაქტოზის აუტანლობის დროს). ასევე შეიცავს აზორუბინს, რომელმაც მომატებული მგრძნობელობის მქონე პირებში, შეიძლება გამოიწვიოს ალერგიული რეაქცია.
შაქრიანი დაიბეტით დაავადებულში ფლუოქსეტინმა შეიძლება გამოიწვიოს ჰიპოგლიკემია, ხოლო მოხსნის შემდეგ - ჰიპერგლიკემია. ისევე, როგორც სხვა ანტიდეპრესანტების გამოყენებისას, ფლუოქსეტინი სიფრთხილით უნდა დაენიშნოს ავადმყოფებს, რომელთაც ანამნეზში აღენიშნებოდათ ეპილეფსიური გულყრები. 
გავლენა ავტოტრანსპორტისა და მექანიზმების მართვაზე: დეპრექსის გამოყენების დროს გათვალისწინებული უნდა იყოს მისი შესაძლო გავლენა ავტოტრანსპორტის და მექნიზმების მართვაზე.

სხვა წამლებთან ურთიერთქმედება 
არ უნდა დაინიშნოს ერთდროულად მაო-ს ინჰიბიტორებთან ერთად (მათ მიღებებს შორის ინტერვალი უნდა იყოს არანაკლებ 5 კვირა). ფენიტოინთან, კარბამაზეპინთან, ჰალოპერიდოლთან, დაიზეპამთან, კლოზაპინთან, ლითიუმთან  ერთდროული გამოყენებისას აღინიშნება სისხლში მათი კონცენტრაციის ცვლილება. ვარფარინთან ერთდროულად გამოყენებისას აუცილებელია კოაგულოგრამის მკაცრი კონტროლი.  

შენახვის პირობები და ვადა 
პრეპარატი ინახება არა უმეტეს 25oC ტემპერატურაზე, ბავშვებისათვის მიუწვდომელ ადგილას.

სად შევიძინოთ?