Plasmon

იხილეთ აფთიაქების ჩამონათვალი

დოსტინექსი® / DOSTINEX
შემადგენლობა

აღწერა:
ბრტყელი, თეთრი, წაგრძელებული ტაბლეტები, ცალ მხარეს ნაზოლით გაყოფილი მარკირებით ,,P’’ და ,,U’’ და მეორე მხარეს მოკლე ნაჭდევებით ციფრი ,,700”-ის ზემოთ და ქვემოთ.
შემადგენლობა:
ყოველი ტაბლეტი შეიცავს:
აქტიური ნივთიერება: კაბერგოლინი 0,5მგ; 
დამხმარე ნივთიერებები: ლეიცინი, უწყლო ლაქტოზა.

ფარმაკოლოგიური თვისებები
ფარმაკოდინამიკა
კაბერგოლინი წარმოადგენს ერგოლინის დოფამინერგულ წარმოებულს და ხასიათდება გამოხატული და ხანგრძლივი პროლაქტინდამაქვეითებელი მოქმედებით., რომელიც განპირობებულია ჰიპოფიზის ლაქტოტროპული უჯრედების D2-დოფამინური რეცეპტორების პირდაპირი სტიმულირებით. ამას გარდა, იმაზე უფრო მაღალი დოზების მიღებისას, რომელიც საჭიროა შრატში პროლაქტინის დასაქვეითებლად, კარბეგოლინს ახასიათებს ცენტრალური დოფამინერგული ეფექტი D2-რეცეპტორების სტიმულირების შედეგად. სისხლის პლაზმაში პროლაქტინის კონცენტრაციის დაქვეითება აღინიშნება 3 საათის განმავლობაში პრეპარატის მიღების შემდეგ და ინახება 7-28 დღის განმავლობაში ჯანმრთელ მოხალისეებში და ჰიპერპროლაქტინემიის მქონე პაციენტებში, ასევე ქალებში მშობიარობის შემდგომ პერიოდში 14-21 დღემდე.
კარბეგოლინს ახასიათებს მკაცრად შერჩევითი მოქმედება, გავლენას არ ახდენს ჰიპოფიზის სხვა ჰორმონების და კორტიზოლის ბაზალურ სეკრეციაზე. პრეპარატის პროლაქტინდამაქვეითებელი მოქმედება წარმოადგენს დოზადამოკიდებულს როგორც გამოხტულების, აგრეთვე მოქმედების ხანგრძლივობასთან მიმართებაში.
კარბეგოლინის ფარმაკოდინამიურ მოქმედებას, რომელიც დაკავშირებული არ არის თერაპიულ ეფექტთან, მიეკუთვნება მხოლოდ არტერიული წნევის დაქვეითება. პრეპარატის ერთჯერადი მიღებისას მაქსიმალური ჰიპოტენზიური ეფექტი აღინიშნება პირველი 6 საათის განმავლობაში და დოზადამოკიდებულია.

ფარმაკოკინეტიკა
კარბეგოლინი სწრაფად შეიწოვება კუჭ-ნაწლავის ტრაქტიდან, მაქსიმალური კონცენტრაცია პლაზმაში მიიღწევა 0,5-4 საათის შემდეგ, პლაზმის ცილებთან კავშირი შეადგენს 41-42%-ს. კარბეგოლინის ნახევარგამოყოფის პერიოდი, რომელიც ფასდება შარდთან ერთად გამოყოფის სისწრაფით, შეადგენს 63-68 საათს ჯანმრთელ მხოალისეებში და 79-115 საათს ჰიპერპროლაქტინემიის მქონე პაციენტებში. ნახევარგამოყოფის ხანგრძლივი პერიოდის გამო გაწონასწორებული კონცენტრაციის მდგომარეობა მიიღწევა 4 კვირის შემდეგ. პრეპარატის მიღებიდან 10 დღის შემდეგ შარდში და განავალში აღინიშნება დაახლოებით 18% და 72% მიღებული დოზისა, ამასთან შარდში უცვლელი პრეპარატის წილი შეადგენს 2-3%-ს. კარბეგოლინის მეტაბოლიზმის ძირითად პროდუქტს, რომელიც იდენტიფიცირდება შარდში, წარმოადგენს 6-ალლილ-8β-კარბოქსი-ერგოლინი მიღებული დოზის 4-6% კონცენტრაციით. შარდში დამატებითი 3 მეტაბოლიტის შემცველობა არ აჭარბებს მიღებული დოზის 3%-ს. დადგენილია, რომ მეტაბოლიზმის პროდუქტებს ახასიათებს მნიშვნელოვნად ნაკლები ეფექტი პროლაქტინის სეკრეციის დათრგუნვაზე ვიდრე კარბეგოლინს.
საკვების მიღება არ მოქმედებს კარბეგოლინის შეწოვასა და განაწილებაზე.

ჩვენებები
• ფიზიოლოგიური ლაქტაციის პრეევნცია მშობიარობის შემდეგ;
• მშობიარობის შემდგომი ლაქტაციის შეწყვეტა
• დარღვევების მკურნალობა, როელიც დაკავშირებულია ჰიპერპროლაქტინემიასთან, ამენორეის, ოლიგომენორეის, ანოვულაციის, გალაქტორეის ჩათვლით;
• ჰიპოფიზის პროლაქტინმასეკრეტირებელი ადენომები (მიკრო და მაკროპროლაქტინომები); იდიოპათიური ჰიპერპროლაქტინემია, “ცარიელი” თურქული კეხის სინდრომი ჰიპერპროლაქტინემიასთან ერთად.

მიღების წესები და დოზები
შიგნით, ჭამის დროს.
ლაქტაციის პროფილაქტიკა: 1მგ ერთჯერადად (2 0,5მგ-იანი ტაბლეტი), მშობიარობის შემდეგ პირველ დღეს.
ლაქტაციის დათრგუნვა: 0,25მგ (1/2 ტაბლეტი) 2X დღეში ყოველ 12 საათში ერთხელ პირველი 2 დღის განმავლობაში (საერთო დოზა 1 გ). ორთოსტაზური ჰიპოტენზიის რიკის შემცირების მიზნით მეძუძურ დედებში დოსტინექსის® ერთჯერადი დოზა არ უნდა აჭარბებდეს 0,25მგ-ს. ჰიპერპროლაქტინემიასთან დაკავშირებული დარღვევების მკურნალობა: რეკომენდებული საწყისი დოზა შეადგენს 0,5მგ-ს კვირაში ერთ მიღებაზე (1 0,5მგ-იანი ტაბლეტი) ან 2 მიღებაზე (1/2 0,5მგ-იანი ტაბლეტი მაგალითად ორშაბათს და ოთხშაბათს). კვირის დოზის მომატება შეიძლება მოხდეს თანდათან-0,5მგ-ით თვიანი ინტერვალით ოპტიმალური თერაპიული ეფექტის მიღწევამდე. თერაპიული დოზა ჩვეულებრივ შეადგენს 1მგ-ს კვირაში, მაგრამ შეიძლება მერყეობდეს 0,25-დან 2მგ-მდე კვირაში. მაქსიმალური დოზა ჰიპერპროლაქტინემიის მქონე პაციენტებში არ უნდა აჭარბებდეს 4,5მგ-ს კვირაში.
ატანის მიხედვით, კვირის დოზა შეიძლება მიიღონ ერთჯერადად ან 2 ან მეტ მიღებაზე კვირაში. კვირის დოზის გაყოფა რამდენიმე მიღებაზე რეკომენდებულია პრეპარატის კვირაში 1გ-ზე მაღალი დოზის დანიშვნისას.
დოფამინური პრეპარატებისადმი მომატებული მგრძნობელობის მქონე პაციენტებში გვერდითი მოვლენების განვითარების შესაზლებლობა შეიძლება შემცირდეს, დოსტინექსის უფრო დაბალი დოზით (მაგალითად 0,25მგ კვირაში ერთხელ) დაწყებისას, მისი შემდგომი გაზრდით თერაპიული დოზის მიღწევამდე. პრეპარატის ამტანობის გაუმჯობესებისთვის გამოხატული გვერდითი მოვლენების განვითარებისას შესაძლებელია დოზის დროებითი დაქვეითება შემდგომში მისი თანდათან გაზრდით (მაგ. გაზრდა 0,25მგ-ით კვირაში, ყოველ 2 კვირაში ერთხელ).

გვერდითი მოვლენები
კლინიკური გამოკვლევებისას დოსტინექსის® ფიზიოლოგიური ლაქტაციის პრევენციისთვის გამოყენებისას: (1მგ ერთჯერადად) და ლაქტაციის დათრგუნვისთვის (0,25მგ ყოველ 12 საათში პირველი 2 დღის განმავლობაში) გვერდითი მოქმედება აღინიშნა დაახლოებით ქალების 14%-ში. დოსტინექსის® გამოყენებისას 6 თვის განმავლობაში 1-2მგ დოზით კვირაში, 2 მიღებაზე გაყოფისას, ჰიპერპროლაქტინემიასთან დაკავშირებული დარღვევების მკურანლობისთვის, გვერდითი მოვლენების სიხშირე შეადგენდა 68%-ს. გვერდითი მოვლენები ჩნდებოდა ძირითადად თერაპიის პირევლი 2 კვირის განმავლობაში, შემთხვევათა უმრავლესობა ქრებოდა თერაპიის გაგრძელებისას ან დოსტინექსის მოხსნიდან რამდენიმე დღის შემდეგ. გვერდითი მოვლენები ჩვეულებრივ იყო დროებითი, სიმძიმის ხარისხით-სუსტი ან ზომიერად გამოხატული, ატარებდა დოზადამოკიდებულ ხასიათს. უკიდურეს შემთხვევაში ერთჯერადად თერაპიის დროს მძიმე გვერდითი მოვლენები ჩნდებოდა პაციენტების 14%-ში, გვერდითი მოქმედების გამო მკურნალობა შეწყდა დაახლებით პაციენტების 3%-ში. მეტნაკლებად ხშირი გვერდითი მოვლენები წარმოდგენილია ქვემოთ:
გულ-სისხლძარღვთა სისტემის მხრივ: ტაქიკარდია, იშვიათად-ორთოსტაზური ჰიპოტენზია (დოსტინექსი ხანგრძლივი გამოყენებისას ჩვეულებრივ ახდენს ჰიპოტენზიურ მოქმედებას); შესაზლოა არტერიული წნევის უსიმპტომო დაქვეითება პირველი 3-4 დღის განმავლობაში მშობიარობის შემდეგ (სისტოლური-20მმ ვ.წყ სვეტზე მეტად, დიასტოლური-10მმ-ზე მეტად).
ნერვული სისტემის მხრივ: თავბრუსხვეავ/ვერტიგო, თავის ტკივილი, მომატებული დაღლილობა, ძილიანობა, დეპრესია, ასთენია, პარესთეზიები, შოკი.
საჭმლის გადამამუშავებელი სისტემის მხრივ: გულისრევა, ღებინება, ტკივილი ეპიგასტრალურ მიდამოში, ტკივილი მუცელში, შეკრუობა, გასტრიტი, დისპეფსია.
სხვა: მასტოდინია, ცხვირიდან სისხლდენა, სისხლის “მივარდნა” სახის კანზე, ტრანზიტორული ჰემიანოფსია, თითების სისხლძარღვების სპაზმები და ქვემო კიდურების კუნთების კრუნჩხვები (როგორც სპორინიების სხვა წარმოებულები, დოსტინექსი შეიძლება ახდენდეს სისხლძარღვთა შემავიწროვებელ მოქმედებას).
დოსტინექსის გამოყენებით ხანგრზლივ მკურნალობისას სტანტარტული ლაბორატორიული მაჩვენებლების ნორმიდან გადახრა აღინიშნებოდა იშვიათად; ამენორეის მქონე ქალებში აღინიშნებოდა ჰემოგლობინის დონის დაქვეითება პირველი რამდენიმე თვის განმავლობაში მენსტრუაციის აღდგენის შემდეგ. პოსტმარკეტინგულ გამოკვლევებში დარეგისტრირებულია აგრეთვე შემდეგი გვერდითი მოქმედება, დაკავშირებული კარბეგოლინის მიღებასთან: ალოპეცია, სისხლში კრეატინ ფოსფოკინაზას აქტივობის მომატება, მანიები, დისპნოე, შეშუპებები, ფიბროზი, ღვიძლის ფუნქციის დარღვევა და ღვიძლის ფუნქციის მაჩვენებლების გადახრა, მომატებული მგრძნობელობის რეაქციები, გამონაყარი, რესპირატორული დარღვეევბი, სუნთქვის უკმარისობა, ვალვულოპათია.

უკუჩვენება
• მომატებული მგრძნობელობა კარბეგოლინის ან პრეპარატის სხვა კომპონენტების, აგრეთვე სპორინიების ნებისმიერი ალკალოიდის მიმართ.
• 16 წელზე უმცროსი ასაკის ბავშვებში პრეპარატის უსაფრთხოება და ეფექტურობა დადგენილი არ არის.

ორსულობა და ლაქტაცია
რადგან კონტროლირებული კლინიკური კვლევები ორსულ ქალებში დოსტინექსის® გამოყენებით არ ჩატარებულა, პრეპარატის დანიშვნა ორსულობის დროს დასაშვებია მხოლოდ უკიდურესი აუცილებლობის შემთხვევაში, ქალის და ნაყოფის სარგებელი/რისკის გათვალისწინებით. 
თუ ორსულობა დადგა დოსტინექსით® მკურნალობის ფონზე, უნდა განიხილონ პრეპარატის მოხსნის მიზანშეწონილობა, გასათვალისწინებელია რისკი/სარგებელი. 
ორსულობა თავიდან უნდა აიცილონ დოსტინექსის® მიღების შეწყვეტის შემდეგ მინიმუმ 1 თვის განმავლობაში, პრეპარატის ხანგრძლივი ნახევარგამოყოფის პერიოდისა და ნაყოფზე მისი მოქმედების შეზღუდული მონაცემების გათვალისწინებით (თუმცა, არსებული მონაცემების მიხედვით, დოსტინექსის® მიღებას დოზით 0,5-2 მგ კვირაში ჰიპერპროლაქტინემიასთან დაკავშირებული დარღვევების გამო არ ახდა აბორტების, ნაადრევი მშობიარობის, მრავალნაყოფიანი ორსულობის და განვითარების თანდაყოლილი მანკების სიხშირის ზრდა).
რძეში პრეპარატის გამოყოფის შესახებ მონაცემები არ არსებობს, თუმცა დოსტინექსის® ეფექტის არ არსებობისას დედის ლაქტაციის პრევენციის ან დათრგუნვის მიზნით საჭიროა ძუძუთი კვების შეწყვეტა. ჰოპერპროლაქტინემიასთან დაკავშირებული დარღვევებისას, დოსტინექსი® არ უნდა დაენიშნოთ დედებს, რომლებსაც ბავშვის ძუძუთი კვება სურთ.

განსაკუთრებული მითითებები
სიფრთხილით
როგორც სპორინიების სხვა წარმოებულების, დოსტინექსის® დანიშვნაც საჭიროა სიფრთხილით შემდეგი მდგომარეობების და/ან დაავადებების დროს:
• არტერიული ჰიპერტენზია, განვითარებული ორსულობის დონზე, მაგალითად პრეეკლამფსია ან მშობიარობის შემდგომი არტერიული ჰიპერტენზია (დოსტინექსი ინიშნება მხოლოდ იმ შემთხვევაში, როცა პოტენციური სარგებელი მნიშვნელოვნად აჭარბებს შესაძლო რისკს);
• გულ-სისხლძარღვთა მძიმე დაავადებები, რეინოს სინდრომი.
• პეპტიური წყლული, კუჭ-ნაწლავიდან სისხლდენა
• ღვიძლის მძიმე უკმარისობა (რეკომენდებულია უფრო დაბალი დოზების გამოყენება); 
• მძიმე ფსიქოზური ან კოგნიტიური დარღვევები (მათ შორის ანამნეზში);
• გულის ფუნქციის და სუნთქვის დარღვევები ფიბროზული ცვლილებების ან ანამნეზში რაიმე მდგომარეობის არსებობის გამო. 
• ერთდროული გამოყენება პრეპარატებთან, რომლებიც ჰიპოტენზიურ მოქმედებას ახდენს (ორთოსტაზული ჰიპოტენზიის განვითარების რისკის გამო).

დოსტინექსის® დანიშვნამდე ჰიპერპროლაქტინემიასთან დაკავშირებული დარღვევების სამკურნალოდ, აუცილებელია ჰიპოფიზის ფუნქციის გამოკვლევა.
დოზის გაზრდისას პაციენტები უნდა იმყოფებოდნენ ექიმის დაკვირვების ქვეშ მცირე ეფექტური დოზის დასადგენად, რომელიც უზრუნველყოფს თერაპიულ ეფექტს.
იმის შემდეგ, რაც შერჩეული იქნება დოზირების ეფექტური რეჟიმი, რეკომენდებულია სისხლში პროლაქტინის დონის რეგულარული (თვეში ერთხელ) განსაზღვრა. პროლაქტინის დონის ნორმალიზება ჩვეულებრივ აღინიშნება მკურნალობის 2-4 კვირის განმავლობაში. 
დოსტინექსის® მოხსნის შემდეგ ჩვეულებრივ აღინიშნება ჰიპერპროლაქტინემიის რეციდივი, თუმცა ზოგიერთ პაციენტში არინიშნა პროლაქტინის დონის მყარი დაქვეითება რამდენიმე თვის განმავლობაში. ქალების უმრავლესობაში ოვულატორული ციკლი ნარჩუნდება არანაკლებ 6 თვის განმავლობაში დოსტინექსის მოხნის შემდეგ. 
დოსტინექსი® აღადგენს ოვულაციას და ფერტილობას ჰიპერპროლაქტინემიური ჰიპოგონადიზმის მქონე ქალებში. რადგან ორსულობა შეიძლება დადგეს მენსტურაციის აღდგენამდე, რეკომენდებულია ტესტის ჩატარება მინიმუმ 4 კვირაში ერთხელ ამენორეის პერიოდში, მენსტრუაციის აღდგენის შემდეგ-ყოველთვის როდესაც აღინიშნება მენსტრუაციის შეკავება 3 დღეზე დიდი ხნის განმავლობაში. ქალებში, რომლებსაც დაორსულება არ სურთ, საჭიროა კონტრაცეფციის ბარიერული მეთოდების გამოყენება დოსტინექსით® მკურნალობის დროს, აგრეთვე პრეპარატის მოხსნის შემდეგ ანოვულაციის განმეორებამდე. ქალებში, რომლებიც დაორსულდნენ საჭიროა ექიმის მეთვალყურეობა ჰიპოფიზის გადიდების სიმპტომების დროულად გამოსავლენად, რადგან ორსულობის დროს შესაძლებელია ჰიპოფიზის უკვე არსებული სიმსივნეების ზომაში მატება. 
დოსტინექსის დანიშვნა საჭიროა უფრო დაბალი დოზებით ღვიძლის მძიმე უკმარისობის მქონე პაციენტებში (კლასი C Child-Pugh-ის კლასიფიკაციით), რომლებშიც ნაჩვენებია ხანგრძლივი თერაპია. ამგვარ პაციენტებში 1მგ დოზის ერთჯერადი მიღებისას აღინიშნა AUC ზრდა (მრუდი “კონცენტრაცია/დრო”) ჯანრთელ მოხალისეებთან ან უფრო ნაკლებად გამოხატული უკმარისობის მქონე პაციენტებთან შედარებით.
როგორც სპორინიების სხვა წარმოებულების გამოყენებისას, კაბერგოლინის ხანგრძლივი გამოყენების შემდეგ პაციენტებში აღინიშნა პლევრული გამონაჟონი/პლევრული ფიბროზი და ვალვულოპათია. ზოგიერთ შემთხვევაში პაციენტები იღებდნენ ადრეულ თერაპიას დოფამინის ერგოტონური აგონისტებით. ამიტომ დოსტინექსის® გამოყენება საჭიროა სიფრთხილით პაციენეტბში რომლებსაც აქვთ ნიშნები ან კლინიკური სიმპტომები გულის ფუნქციის დარღვევისა ან ამგვარი მდგომარეობა ანამნეზში. დოსტინექსის® მიღების შეწყვეტის შემდეგ პლევრული გამონაჟონის/ფიბროზის და ვალვულოპათიის დიაგნოზის მქონე პაციენტებში აღინიშნა სიმპტომების გაუმჯობესება.
კაბერგოლინის გამოყენება იწვევს ძილიანობას. პარკინსონის დაავადების მქონე პაციენტებში დოფამინური რეცეპტორების აგონისტების გამოყენებამ შეიძლება გამოიწვიოს უეცარი დაძინება. ამგვარ შემთხვეევბში რეკომენდებულია დოსტინექსის® დოზის დაქვეითება ან თერაპიის შეწყვეტა.
ხანდაზმულ პაციენტებში პრეპარატის გამოყენების კვლევები, რომლებსაც აღენიშნებოდათ ჰიპერპროლაქტინემიასთან დაკავშირებული დარღვევები, არ ჩატარებულა. 16 წელზე უმცროსი ასაკის ბავშვებში პრეპარატის უსაფრთხოება და ეფექტურობა დადგენილი არ არის. 

გავლენა ავტომობილისა და სხვა მექანიზმების მართვის უნარზე
პაციენტები, რომლებიც იღებენ დოსტინექსს® და აღენიშნებათ ძილიანობა, უნდა იყვნენ გაფრთხილებულნი, რომ რეკომენდებულია ავტომობილის მართვისა და ისეთი სამუშაოს (მაგალითად მექანიზმებთან) შესრულებისგან თავის შეკავება, რომლის დროსაც ყურადღების დაქვეითებამ შეიძლება შექმნას სერიოზული დაზიანებისა ან სიკვდილის რისკი, მათთვის ან მათ გარშემო მყოფი ადამიანებისთვის.

ჭარბი დოზირება
ჭარბი დოზირების სიმპტომები: გულისრევა, ღებინება, დისპეფსიური დარღვევები, ორთოსტაზური ჰიპოტენზია, ცნობიერების დაბინდვა, ფსიქოზები, ჰალუცინაციები.
ჭარბი დოზირებისას უნდა ჩატარდეს დამხმარე ღონისძიებები, მიმართული პრეპარატის გამოსაყოფად (კუჭის ამორეცხვა) და, აუცილებლობისას არტერიული წნევის შესანარჩუნებლად. შესაძლებელია დოფამინის ანტაგონისტების დანიშვნა.

სხვა წამლებთან ურთიერთქმედება
კაბერგოლინის და სხვა სპორინიული ალკალოიდების ურთიერთქმედების შესახებ ინფორმაცია არ არსებობს, ამიტომ ამ სამკურნალწამლო საშუალებების ერთდროული გამოყენება დოსტინექსის® ხანგრძლივი მიღებისას რეკომენდებული არ არის.
რადგან დოსტინექსი® ახდენს თერაპიულ მოქმედებას დოფამინური რეცეპტორების პირდაპირი სტიმულირების გზით, მისი დანიშვნა არ შეიძლება დოფამინის ანტაგონისტებთან ერთად (ფენოთიაზინები, ბუტიროფენონები, თიოქსანტინები, მეტოკლოპრამიდი და სხვ.) რადგან მათ შეუძლიათ დოსტინექსის® მოქმედების შესუსტება, რომელიც მიმარტულია პროლაქტინის დონის დაქევითებისკენ.
როგორც სპორინიების სხვა წარმოებულების, დოსტინექსის® გამოყენება არ შეიზლება ანტიბიოტიკებთან-მაკროლიდებთან ერთად (მაგალითად ერითრომიცინი), რადგან ამან შეიძლება გამოიწვიოს კაბერგოლინის სისტემური ბიომისაწვდომლობის ზრდა.

შენახვის პირობები და ვადები
ვარგისობის ვადა:
2 წელი. გამოყენება არ შეიძლება ვარგისობის ვადის გასვლის შემდეგ.
შენახვის პირობები
არაუმეტეს 25°C ტემპერატურაზე, ბავშვებისთვის მიუწვდომელ ადგილას.

აფთიაქში გაცემის წესი
რეცეპტით

სად შევიძინოთ?