ენალაპრილი / ENALAPRIL
- საერთაშორისო დასახელება (აქტიური ნივთიერება): enalapril maleate
- კლინიკურ-ფარმაკოლოგიური ჯგუფი: გულ-სისხლძარღვთა სისტემა → ანგიოტენზინ-გარდაქმნელი ფერმენტების ინჰიბიტორები
- მწარმოებელი კომპანია: ჯი-ემ-პი
- მწარმოებელი ქვეყანა: საქართველო
- გამოშვების ფორმა: 10მგ ტაბლეტი #20
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა
ენალაპრილის ერთი ტაბლეტი შეიცავს აქტიური ნივთიერების-ენალაპრილის მალეატის 10 მგ-ს.
მოქმედების მექანიზმი
პრეპარატი წარმოადგენს ანგიოტენზინ-მაკონვერტირებელი ფერმენტის ინჰიბიტორს. ორგანიზმში პერორალურად მოხვედრილი ენალაპრილი განიცდის ჰიდროლიზს ენალაპრილატამდე, რომელიც თრგუნავს ანგიოტენზინ I-ის გარდაქმნას ანგიოტენზინ II-ად, რითაც ხელს უშლის არტერიებისა და ვენების ვაზოკონსტრიქციას. ამცირებს მარჯვენა წინაგულსა და სისხლის მიმოქცევის მცირე წრეში წნევას, საერთო პერიფერიულ სისხლძარღვოვან წინააღმდეგობას და აქვს მკვეთრად გამოხატული ჰიპოტენზიური ეფექტი. აფერხებს თირკმელზედა ჯირკვალში ალდოსტერონის გამომუშავებას. კუჭ-ნაწლავის ტრაქტიდან შეიწოვება მიღებული დოზის 60%. პლაზმაში ენალაპრილის მაქსიმალური კონცენტრაცია მიიღწევა 3-4 სთ-ში, ვერ გადის ჰეპატო-ენცეფალურ ბარიერს, მაგრამ აღწევს პლაცენტაში. გამოიყოფა თირკმლების საშუალებით.
ჩვენებები
- არტერიული ჰიპერტონია (მათ შორის რენოვასკულარული);
- გულის ქრონიკული უკმარისობა;
- დიაბეტური ნეფროპათიის ფონზე განვითარებული მეორადი ჰიპერტენზია.
მიღების წესები და დოზები
დოზის შერჩევა საჭიროა ინდივიდუალურად, ავადმყოფის მდგომარეობის გათვალისწინებით. საშუალოდ დღიური დოზა შეადგენს 10-20 მგ-ს, გამონაკლის შემთხვევაში _ 40 მგ-მდე დღეში (განაწილებული ერთ ან ორ მიღებაზე). ჰიპერტონიის მსუბუქი ფორმის დროს ინიშნება 10 მგ დღეში ერთხელ, ყველა სხვა ფორმისას - 20 მგ დღეში ერთხელ, შემანარჩუნებელი დოზაა 20 მგ/დღეში. რენოვასკულარული ჰიპერტონიის დროს საწყისი დოზაა 5 მგ/დღეში, შემანარჩუნებელი - 5-10 მგ ერთხელ დღეში. გულის ქრონიკული უკმარისობოს დროს საწყისი დოზა შეადგენს 2.5 მგ-ს, შემანარჩუნებელი - 5-20 მგ-ს, განაწილებული ერთ ან ორ მიღებაზე. დიაბეტური ნეფროპათიით დაავადებულებში ნორმალური არტერიული წნევისას ინიშნება დღეში 5 მგ, ხოლო არტერიული ჰიპერტონიის შემთხვევაში - დღეში 15 მგ.გვერდითი მოვლენები შესაძლებელია თავბრუსხვევა, თავის ტკივილი, გულისრევა, მადის დაქვეითება, ორთოსტატური ჰიპოტონია, ასთენია, ალერგიული გენეზის კანის გამონაყარი, მშრალი ხველა. იშვიათად - ტაქიკარდია, მუცლის ტკივილი, დიარეა, პროტეინურია, ჰიპერკალიემია, ბილირუბინემია, ნეიტროპენია, აგრანულოციტოზი.
უკუჩვენება
- ენალაპრილისადმი მაღალი მგრძნობელობა;
- ორსულობისა და ლაქტაციის პერიოდი;
- ანამნეზში ანგიონევროზული შეშუპება;
- პორფირია.
განსაკუთრებული მითითებები
სიფრთხილეა საჭირო თირკმლის ფუნქციის დარღვევისას.
ენალაპრილით მკურნალობის დაწყებამდე 2-3 დღით ადრე საჭიროა დიურეზული საშუალების მოხსნა, რათა არ მოხდეს არტერიული წნევის სწრაფი დაქვეითება. გულის ქრონიკული უკმარისობით დაავადებულებში შესაძლებელია ენალაპრილისა და საგულე გლიკოზიდების ან დიურეზული საშუალებების ერთდროული გამოყენება. მაგრამ კალიუმის შემნახველ შარდმდენებთან კომპლექსურ თერაპიაში არსებობს ჰიპერკალიემიის განვითარების საშიშროება. ენალაპრილისა და ბეტა-ადრენობლოკატორების, მეთილდოფას, ნიტრატების, დიურეზული საშუალებების, პრაზოზინის ერთად დანიშვნისას ძლიერდება ჰიპოტენზიური ეფექტი. ენალაპრილი ამცირებს თეოფილინის ნახევარგამოყოფის პერიოდს. ციმეტიდინი ახანგრძლივებს ორგანიზმიდან ენალაპრილის ელიმინაციას.
შენახვის პირობები და ვადები
პრეპარატის ვარგისიანობის ვადაა 3 წელი, ინახება 10-25oC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!
აფთიაქში გაცემის წესი
ექიმის რეცეპტის მიხედვით!
რეგისტრაციის # და თარიღი
წს N რ - 000488 08.08.2005
სად შევიძინოთ?