ფენიბუტი / Fenibuti
- საერთაშორისო დასახელება (აქტიური ნივთიერება): phenibut
- კლინიკურ-ფარმაკოლოგიური ჯგუფი: ცენტრალური ნერვული სისტემა → თავის ტვინის მეტაბოლიზმის გასაუმჯობესებელი საშუალებები → ნოოტროპული პრეპარატები
- მწარმოებელი კომპანია: Usolye-Sibirskiy Khimfarmzavod
- გამოშვების ფორმა: 250 მგ ტაბლეტი #20
- გაცემის რეჟიმი: III ჯგუფი (ურეცეპტოდ)
შემადგენლობა ერთ ტაბლეტზე
მოქმედი ნივთიერება: ამინოფენილერბოს მჟავას ჰიდროქლორიდი - 250.0 მგ;
დამხმარე ნივთიერებები:
ლაქტოზა (რძის შაქარი) - 181.4 მგ
კარტოფილის სახამებელი - 63,6 მგ
კალციუმის სტეარატი - 5.0 მგ
აღწერა: თეთრი ან თეთრი მოყვითალო ელფერით ფერსი მრგვალი ბრტყელ-ცილინდრული ტაბლეტები დახრილი კიდეებით და გამყოფი ღარით.
ფარმაკოთერაპიული ჯგუფი: სხვა ფსიქოსტიმულატორები და ნოოტროპული საშუალებები. ფენიბუტი
ათქ კოდი: N06BX22
ფარმაკოლოგიური თვისებები
ფარმაკოდინამიკა
ფენიბუტი ახდენს თავის ტვინის ნერვულ უჯრედებში მეტაბოლური პროცესების ნორმალიზებას.
პრეპარატის მოქმედი ნივთიერება ფენიბუტი (ამინოფენილერბოს მჟავას ჰიდროქლორიდი)
შეიძლება განვიხილით, როგორც y-ამინო-ერბოს მჟავას (GABA) წარმოებული ან, როგორც
β- ფენილეთილამინის წარმოებული. ფენიბუტს გააჩნია ნოოტროპული აქტივობა და როგორ
GABA-ს წარმოებულს, გააჩნია ანქსიოლიზური (ტრანკვილიტაზატორული) მოქმედება. არ ახდენს გავლენას ქოლინორეცეპტორებსა და ადრენორეცეპტორებზე.
პრეპარატი ამცირებს დაძაბულობას, შფოთვას, შიშს და აუმჯობესებს ძილს, ამიტომაც ის
გამოიყენება ნევროზების სამკურნალოდ და ოპერაციების წინ. ფენიბუტი ახანგრძლივებს და აძლიერებს საძილე, ნარკოტიკული, ანტიფსიქოზური და ანტიპარკინსონური საშუალებების
მოქმედებას. ფენიბუტს არ გააჩნია კრუნჩხვის საწინააღმდეგო მოქმედება. ფენიბუტი ახანგრძლივებს ნისტაგმის ლატენტურ პერიოდს და ამოკლებს მის ხანგრძლივობასა და გამოხატულობას. პრეპარატი ამცირებს ასთენიისა და ვაზოვეგეტატიური სიმპტომების გამოვლინებებს, მათ შორის თავის ტკივილს, თავში სიმძიმის შეგრძნებას, ძილის დარღვევებს, გაღიზიანებადობას, ემოციურ ლაბილობას და ზრდის გონებრივ შრომისუნარიანობას. ფსიქოლოგიური მაჩვენებლები (ყურადღება, მეხსიერება, სენსორულ-მოტგორული რეაქციების სისწრაფე და სიზუსტე) პრეპარატ ფენიბუტის გავლენის ქვეშ უმჯობესდება, ტრანკვილიზატორების გავლენისგან განსხვავებით. პაციენტებში
ასთენიის მქონე და ემოციურად მგრძნობიარე პაციენტებში თერაპიის პირველივე დღეებიდან უმჯობესდება სუბიექტური თვითგრძნობა, იზრდება ინტერესი და ინიციატივა, საქმიანობის მოტივაცია.
ფარმაკოკინეტიკა
ამინოფენილერბოს მჟავა კარგად შეიწოვება პერორალურად მიღების შემდეგ და აღწევს ორგანიზმის ყველა ქსოვილში, ადვილად აღწევს ჰემატოენცეფალურ ბარიერში. პრეპარატის შეყვანილი დოზის დაახლოებით 0,1% აღწევს თავის ტვინის ქსოვილში, ამავდროულად ახალგაზრდა და ხანდაზმული ასაკის პირებში გაცილებით უფრო დიდი რაოდენობით. მეტაბოლიზდება ღვიძლში - 80-95%, ფარმაკოლოგიურად არააქტიურ მეტაბოლიტებამდე. დაახლოებით 5% გამოიყოფა თირკმელებით უცვლელი სახით, ნაწილობრივ ნაღველით. განმეორებითი მიღებისას კუმულაცია არ აღინიშნება.
გამოყენების ჩვენებები
ასთენიური და შფოთვით-ნევროზული მდგომარეობები; ენაბლუობა, ტიკები და ენურრეზი ბავშვებში; უძილობა და ღამის შფოთვა ხანდაზმულებში; მენიერის დაავადება; თავბრუსხვევები, დაკავშირებული სხვადასხვა გენეზის ვესტიბულური ანალიზატორის დისფუნქციასთან; რყევის ავადმყოფობის პროფილაქტიკა კინეტოზების დროს; კომპლექსური თერაპიის შემადგენელი ნაწილის სახით ალკოჰოლური აბსტინენციის სინდრომის დროს ფსიქოპათოლოგიური და სომატოვეგეტატიური დარღვევების კუპირებისათვის.
უკუჩვენებები
მომატებული მგრძნობელობა პრეპარატის მოქმედი ნივთიერების ან დამხმარე ნივთიერებების მიმართ, ორსულობა, ძუძუთი კვება, 3 წლამდე ასაკის ბავშვები.
პრეპარატი შეიცავს ლაქტოზას. ის არ უნდა იქნას გამოყენებული იშვიათი თანდაყოლილი გალაქტოზას აუტანლობის, ლაქტაზას დეფიციტის ან გლუკოზო-გალაქტოზური მალაბსორბციის მქონე პაციენტებში.
სიფრთხილით
კუჭ-ნაწლავის ტრაქტის ეროზიული და წყლულოვანი დაავადებების მქონე პაციენტებში, პრეპარატის გამაღიზიანებელი მოქმედების გამო, რეკომენდებულია პრეპარატის უფრო მცირე დოზების დანიშვნა.
გამოყენების მეთოდი და დოზები
პერორალურად ჭამის შემდეგ, წყლის დაყოლებით. არ უნდა დაიღეჭოს.
შეიძლება ტაბლეტების დაყოფა.
ასთენიური და შფოთვით-ნევროზული მდგომარეობები
მოზრდილები: 250-500 მგ 3 -ჯერ დღეში. მაქსიმალური ერთჯერადი დოზაა 750 მგ (3 ტაბლეტი), 60 წელზე უფროსი ასაკის პაციენტებისთვის - 500 მგ. მკურნალობის კურსი - 2-3 კვირა. აუცილებლობის შემთხვევაში, სადღეღამისო დოზა იზრდება 2500 მგ-მდე. მკურნალობის კურსი 4-6 კვირა.
ბავშვები: 3-დან 8 წლამდე - 125 მგ 2-3-ჯერ დღეში; 8-დან 14 წლამდე - 250 მგ 2-3-ჯერ დღეში; 14 წელზე უფროსი ასაკის ბავშვები - მოზრდილების დოზები.
ენაბლუობა, ტიკები და ენურეზი ბავშვებში: 3-დან 8 წლამდე - 125 მგ 3- ჯერ დღეში; 8-დან 14 წლამდე - 250 მგ 3 -ჯერ დღეში; 14 წელზე უფროსი ასაკის ბავშვები - მოზრდილების დოზები.
უძილობა და ღამის შფოთვა ხანდაზმულებში: 250-500 მგ 3- ჯერ დღეში.
მენიერის დაავადება, თავბრუსხვევები, რომელიც დაკავშირებულია სხვადასხვა გენეზის ვესტიბულური ანალიზატორის დისფუნქციასთან:
გამწვავების პერიოდში მოზრდილებში750 მგ 3-4 -ჯერ დღეში 5-7 დღის განმავლობაში, შემდეგ 250-500 მგ 3-ჯერ დღეში 5-7 დღის განმავლობაში, შემდეგ კი 250 მგ 1-ჯერ დღეში 5 დღის განმავლობაში. სისხლძარღვოვანი და ტრავმული გენეზის ვესტიბულური ანალიზატორის დისფუნქციების დროს თავბრუსხვევის სამკურნალოდ - 250 მგ 3-ჯერ დღეში 12 დღის განმავლობაში.
რყევის ავადმყოფობის პროფილაქტიკისთვის კინეტოზების დროს
250-500 მგ ერთჯერადად სავარაუდო მოგზაურობამდე 1 საათით ადრე ან რყევის ავადმყოფობის პირველი სიმპტომების გამოჩენისას. რყევის ავადმყოფობის საწინააღმდეგო მოქმედება იზრდება პრეპარატის დოზის გაზრდისას. პრეპარატი მცირედ ეფექტურია რყევის ავადმყოფობის გამოხატული მოვლენების შემთხვევებში (შეუჩერებელი ღებინება და სხვა).
კომპლექსური თერაპიის შემადგენელი ნაწილის სახით ალკოჰოლური აბსტინენციის სინდრომის დროს ფსიქოპათოლოგიური და სომატოვეგეტატიური დარღვევების კუპირების მიზნით.
მკურნალობის პირველ დღეებში ინიშნება 250-500 მგ 3 -ჯერ დღის განმავლობაში და 750 მგ ძილის წინ, სადღეღამისო დოზის თანდათანობითი შემცირებით მოზრდილების ჩვეულებრივ დოზამდე.
გვერდითი მოქმედება
ფენიბუტმა, სხვა სამკურნალო საშუალებების მსგავსად, შეიძლება გამოიწვიოს გვერდითი მოვლენები, რომლებიც ვლინდება არა ყველა პაციენტში. ფენიბუტი ჩვეულებრივ კარგად გადაიტანება.
შესაძლებელია:
დარღვევები ნერვული სისტემის მხრივ: ძილიანობა და სიმპტომების გაძლიერება (მკურნალობის დასაწყისში), თავბრუსხვევა, თავის ტკივილი;
დარღვევები კუჭ-ნაწლავის ტრაქტის მხრივ: გულისრევა (მკურნალობის დასაწყისში); დარღვევები კანისა და კანქვეშა ქსოვილების მხრივ: ალერგიული რეაქციები (კანის - გამონაყარი, ქავილი);
დარღვევები ღვიძლისა და ბილიარული ტრაქტის მხრივ: მაღალი დოზების ხანგრძლივო მიღებისას- ჰეპატოტოქსიკურობა.
დოზის გადაჭარბება
სამკურნალო საშუალება მცირედ ტოქსიკურია. დოზის გადაჭარბების შემთხვევების შესახებ მონაცემები მიღებული არ ყოფილა.
სიმპტომები: ძილიანობა, გულისრევა, ღებინება, თავბრუსხვევა. მაღალი დოზების ხანგრძლივი გამოყენებისას შეიძლება განვითარდეს ეოზინოფილია, არტერიული წნევის დაქვეითება, თირკმლის მოქმედების დარღვევები, ღვიძლის ცხიმოვანი დისტროფია (7 გ-ზე მეტის მიღება).
მკურნალობა: კუჭის ამორეცხვა, სიმპტომური მკურნალობა, სასიცოცხლოდ მნიშვნელოვანი ფუნქციების შენარჩუნება. სპეციფიური ანტიდოტი არ არსებობს.
ურთიერთქმედება სხვა სამკურნალო პრეპარატებთან
ურთიერთ-პოტენცირების მიზნით ამინოფენილერბოს მჟავას კომბინირება შეიძლება სხვა ფსიქოტროპულ პრეპარატებთან, ამინოფენილერბოს მჟავასა და კომბინირებული პრეპარატების დოზის შემცირებით.
ახანგრძლივებს და აძლიერებს საძილე, ნეიროლეფსიური, კრუნჩხვის საწინააღმდეგო და ანტიპარკინსონული საშუალებების მოქმედებას.
განსაკუთრებული მითითებები
ხანგრძლივი გამოყენებისას (2-3 კვირაზე მეტი), აუცილებელია ყოველ 2-3 კვირაში პერიფერიული სისხლისა და ღვიძლის ფუნქციის მაჩვენებლების კონტროლი.
გამოყენება ორსულობის დროს და ძუძუთი კვების პერიოდში
ორსულობის დროს და ძუძუთი კვების პერიოდში გამოყენება არ არის რეკომენდებული, რადგანაც არ არსებობს საკმარისი რაოდენობის კლინიკური დაკვირვებები.
ცხოველებზე ჩატარებულ ექსპერიმენტულ კვლევებში პრეპარატის მუტაგენური, ტერატოგენული და ემბრიოტოქსიური მოქმედებები არ დადგინდა.
გავლენა სატრანსპორტო საშუალებების მექანიზმების მართვის უნარზე
მკურნალობის პერიოდში საჭიროა სიფრთხილის გამოჩენა სატრანსპორტო საშუალებების მართვისას და სხვა პოტენციურად საშიში საქმიანობებით დაკავებისას, რომლებიც საჭიროებენ ყურადღების მომატებულ კონცენტრაციას და ფსიქომოტორული რეაქციების სისწრაფეს, რადგანაც ზოგიერთ პაციენტში შეიძლება აღინიშნოს ცენტრალური ნერვული სისტემის მხრივი დარღვევები, როგორიცაა ძილიანობა და თავბრუსხვევა.
გამოშვების ფორმა
ტაბლეტები 250 მგ
10 ტაბლეტი კონტურულ უჯრედოვან შეფუთვაში პოლივინილქლორიდის გარსის და ალუმინის ბეჭდური ლაკირებული ფოლგისგან.
1 კონტურული უჯრედოვანი შეფუთვა 10 ტაბლეტით ან 2 კონტურული უჯრედოვანი შეფუთვა 10 ტაბლეტით გამოყენების ინსტრუქციასთან ერთად მოთავსებულია კოლოფის მუყაოს პაკეტში.
შენახვის პირობები
მშრალ, სინათლისგან დაცულ ადგილზე, არაუმეტეს 25°C ტემპერატურაზე.
შეინახეთ ბავშვებისთვის მიუწვდომელ ადგილზე.
ვარგისიანობის ვადა
3 წელი. არ შეიძლება პრეპარატის გამოყენება შეფუთვაზე მითითებული ვარგისიანობის ვადის გასვლის შემდეგ.
გაცემის წესი:
ფარმაცევტული პროდუქტის ჯგუფი - III, გაიცემა რეცეპტის გარეშე
სად შევიძინოთ?