ინგავირინი / Ingavirin
- საერთაშორისო დასახელება (აქტიური ნივთიერება): Imidazolyl ethanamide pentandioic acid
- კლინიკურ-ფარმაკოლოგიური ჯგუფი: ანტივირუსული საშუალებები
- მწარმოებელი კომპანია: OJSC Valenta Pharmaceuticals
- მწარმოებელი ქვეყანა: რუსეთი
- გამოშვების ფორმა: 90მგ მყარი ჟელატინის კაფსულა №7
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა
1 კაფსულა შეიცავს:
აქტიური ნივთიერება:
პენტანდინის მჟავას იმიდაზოლილეტანამიდი (ვიტაგლუტამი) 100% ნივთიერებაზე გაანგარიშებით - 90,00 მგ.
დამხმარე ნივთიერებები:
ლაქტოზას მონოჰიდრატი - 90,00 მგ, კარტოფილის სახამებელი - 35,60 მგ, კრემნიუმის დიოქსიდი კოლოიდური (აეროსილი) - 2,20 მგ, მაგნიუმის სტეარატი - 2,20 მგ.
კაფსული გარსის შემადგენლობა:
ტიტანის დიოქსიდი E 171 - 1,3333%, საღებავი ალისფერი [პონსო 4ღ] E 124 - 0,008%, საღებავი აზორუბინი E 122 - 0,3066%, საღებავი ქინოლინის ყვითელი E 104 - 0,4207%, ჟელატინი - 100%-მდე.
მელნის შემადგენლობა ლოგოტიპისათვის: შელაკი, პროპილენგლიკოლი E 1520, ტიტანის დიოქსიდი E 171.
აღწერილობა
წითელი ფერის #2 კაფსულები. კაფსულის თავსახურზე დატანებულია თეთრი ფერის ლოგოტიპი რგოლის და რგოლის შიგნით “И” ასოს სახით. კაფსულის შიგთავსი - თეთრი ან თითქმის თეთრი ფერის გრანულები და ფხვნილი; დასაშვებია კონგლომერატების წარმოქმნა, რომლებიც ადვილად იფშვნება მსუბუქად დაჭერისას.
ფარმაკოთერაპიული ჯგუფი: ანტივირუსული საშუალება. ანთების საწინაღმდეგო საშუალება.
ათქ კოდი: [J05AX].
ფარმაკოლოგიური თვისებები
ფარმაკოდინამიკა
ანტივირუსული პრეპარატი.
პრეკლინიკურ და კლინიკურ კვლევებში ნაჩვენებია პრეპარატის ინგავირინი® ეფექტურობა A ტიპის გრიპის (A(H1N1), მათ შორის “ღორის” A(H1N1) პდმ09, A(H3N1), A(H5N1)) და B ტიპის გრიპის ვირუსების, ადენოვირუსის, პარაგრიპის ვირუსის, რესპირატორულ-სინციტიალური ვირუსის მიმართ; პრეკლინიკურ კვლევებში: კორონავირუსის, მეტაპნევმოვირუსის, ენტეროვირუსების, მათ შორის კოკსაკის ვირუსის და რინოვირუსის მიმართ.
პრეპარატი ინგავირინი® ხელს უწყობს ვირუსების დაჩქარებულ ელიმინაციას, ავადმყოფობის ხანგრძლივობის შემცირებას, გართულებების განვითარების რისკის შემცირებას.
მოქმედების მექანიზმის რეალიზება ხდება ინფიცირებული უჯრედების დონეზე, თანდაყოლილი იმუნიტეტის ფაქტორების სტიმულირების ხარჯზე, რომელთა დათრგუნვაც ხდება ვირუსული ცილებით. ექსპერიმენტულ კვლევებში, კერძოდ, ნაჩვენებია, რომ პრეპარატი ინგავირინი® ზრდის პირველი ტიპის ინტერფერონის რეცეპტორის IFNAღ ექსპრესიას ეპითელური და იმუნიკომპეტენტური უჯრედების ზედაპირზე. ინტერფერონული რეცეპტორების სიმკვრივის ზრდა იწვევს უჯრედებს მგრძნობელობის ზრდას ენდოგენური ინტერფერონის სიგნალებისადმი. პროცესს ახლავს ცილა-ტრანსმიტერის შთAთ1 ფოსფორილირება, რომელიც გადასცემს სიგნალს უჯრედის ბირთვში ანტივირუსული გენების ინდუქციისათვის. ნაჩვენებია, რომ ინფექციის პირობებში, პრეპარატი ასტიმულირებს MხA ანტივირუსული ეფექტორული ცილის გამომუშავებას, რომელიც აინჰიბირებს სხვადასხვა ვირუსების რიბონუკლეოპროტეიდების უჯრედშიდა ტრანსპორტს, ანელებს რა ვირუსული რეპლიკაციის პროცესს.
პრეპარატი ინგავირინი® იწვევს სისხლში ინტერფერონის შემცველობის ზრდას ფიზიოლოგიურ ნორმამდე, ახდენს სისხლის ლეიკოციტების დაქვეითებული α-ინტერფერონ მაპროდუცირებელი უნარის სტიმულირებასა და ნორმალიზებას, ასტიმულირებს ლეიკოციტების ϒ-ინტერფერონ მაპროდუცირებელ უნარს. იწვევს ციტოტოქსიკური ლიმფოციტების გენერაციას და ზრდის NK-თ უჯრედების შემცველობას, რომლებსაც გააჩნიათ მაღალი ქილერული აქტივობა ვირუსებით დაინფიცირებული უჯრედების მიმართ.
ანთების საწინააღმდეგო მოქმედება განპირობებულია საკვანძო ანთების საწინააღმდეგო ციტოკინების (სიმსივნის ნეკროზის ფაქტორის (თNF-α), ინტერლეიკინების (IL-1β და IL-6)) პროდუქციის დათრგუნვით, მიელოპეროქსიდაზას აქტივობის შემცირებით.
ექსპერიმენტულ კვლევებში ნაჩვენებია, რომ ანტიბიოტიკებთან პრეპარატის ინგავირინი® კომბინირებული გამოყენება ზრდის თერაპიის ეფექტურობას ბაქტერიული სეფსისის მოდელზე, მათ შორის, სტაფილოკოკის პენიცილინ-რეზისტენტული შტამებით გამოწვეულის.
ჩატარებული ექსპერიმენტალური ტოქსიკოლოგიური კვლევები ახდენენ ტოქსიკურობის დაბალი დონის და პრეპარატის უსაფრთხოების მაღალი პროფილის დემონსტრირებას.
მწვავე ტოქსიკურობის პარამეტრების მიხედვით პრეპარატი ინგავირინი® მიეკუთვნება ტოქსიკურობის მე-4 კლასს - “ნაკლებად ტოქსიკური ნივთიერებები” (მწვავე ტოქსიკურობასთან დაკავშირებულ ექსპერიმენტებში LD50 განსაზღვრისას ვერ მოხერხდა პრეპარატის ლეტალურ დოზების განსაზღვრა).
პრეპარატს არ გააჩნია მუტაგენური, იმუნოტოქსიკური, ალერგიული და კანცეროგენული თვისებები, არ ახდენს ადგილობრივ გამაღიზიანებელ მოქმედებას. პრეპარატი ინგავირინი® არ მოქმედებს რეპროდუქციულ ფუნქციაზე, არ ახდენს ემბრიოტოქსიკურ და ტერატოგენურ მოქმედებას.
ფარმაკოკინეტიკა
შეწოვა და განაწილება.
არ არის შესაძლებელი მისაწვდომი მეთოდებით სისხლის პლაზმაში რეკომენდირებულ დოზებში პრეპარატის განსაზღვრა.
ექსპერიმენტში რადიოაქტიური ნიშნულის გამოყენებით დადგენილი იყო: პრეპარატი სწრაფად ხვდება სისხლში კუჭ-ნაწლავის ტრაქტიდან. თანაბრად ნაწილდება შინაგან ორგანოებში. მაქსიმალური კონცენტრაციები სისხლში, სისხლის პლაზმაში და უმეტეს ორგანოებში მიიღწევა პრეპარატის შეყვანიდან 30 წუთის შემდეგ. თირკმელების, ღვიძლის და ფილტვების AUჩ (ფართობი ფარმაკოკინეტიკური მრუდის “კონცენტრაცია-დრო” ქვეშ) მნიშვნელობები უმნიშვნელოდ აღემატება სისხლის AUჩ-ს (43,77 მკგ.სთ/გ). AUჩ-ის მნიშნელობები ელენთისათვის, თირკმელზედა ჯირკვლისთვის, ლიმფური კვანძებისა და თიმუსისათვის სისხლის AUჩ-ზე დაბალია. Mღთ (პრეპარატის შეკავების საშუალო დრო) სისხლში - 37,2 სთ.
პრეპარატის საკურსო მიღებისას დღეში ერთხელ ხდება მისი დაგროვება შინაგან ორგანოებსა და ქსოვილებში. ამასთან ფარმაკოკინეტიკური მრუდის ხარისხობრივი მახასიათებლები პრეპარატის ყოველი შეყვანის შემდეგ იყო იდენტური: პრეპარატის კონცენტრაციის სწრაფი ზრდა თითოეული მიღებიდან 0,5-1 საათის შემდეგ და შემდგომ ნელი შემცირება 24 საათის განმავლობაში.
მეტაბოლიზმი.
პრეპარატი ორგანიზმში არ მეტაბოლიზირდება და გამოიყოფა უცვლელი სახით.
გამოყოფა.
გამოყოფის ძირითადი პროცესი ხდება 24 საათის განმავლობაში. ამ პერიოდში გამოიყოფა მიღებული დოზის 80%: 34,8% გამოიყოფა 0-დან 5 საათამდე დროის ინტერვალში და 45,2% 5-დან 24 საათამდე დროის ინტერვალში. აქედან 77% გამოიყოფა ნაწლავებით და 23% - თირკმელებით.
გამოყენების ჩვენებები
A და B ტიპის გრიპის და სხვა მწვავე რესპირატორული ვირუსული ინფექციების (ადენოვირუსული ინფექცია, პარაგრიპი, რესპირატორულ-სინციტიალური ინფექცია) მკურნალობა მოზრდილებსა და 13 წლიდან ასაკის ბავშვებში.
A და B ტიპის გრიპის და სხვა მწვავე რესპირატორული ვირუსული ინფექციების პროფილაქტიკა მოზრდილებში.
უკუჩვენებები
მომატებული მგრძნობელობა აქტიური ნივთიერების ან პრეპარატის ნებისმიერი სხვა კომპონენტის მიმართ.
ლაქტაზას დეფიციტი, ლაქტოზას აუტანლობა, გლუკოზა-გალაქტოზური მალაბსორბცია.
ორსულობა.
ძუძუთი კვების პერიოდი.
13 წლამდე ბავშვთა ასაკი ჩვენებისათვის “A და B ტიპის გრიპის და სხვა მწვავე რესპირატორული ვირუსული ინფექციების (ადენოვირუსული ინფექცია, პარაგრიპი, რესპირატორულ-სინციტიალური ინფექცია) მკურნალობა”.
18 წლამდე ბავშვთა ასაკი ჩვენებისათვის “A და B ტიპის გრიპის და სხვა მწვავე რესპირატორული ვირუსული ინფექციების პროფილაქტიკა”.
გამოყენება ორსულობის და ლაქტაციის პერიოდში
პრეპარატის გამოყენება ორსულობის დროს არ შესწავლილა.
პრეპარატის გამოყენება ლაქტაციის დროს არ შესწავლილა, ამიტომ ლაქტაციის პერიოდში პრეპარატის გამოყენების აუცილებლობის შემთხვევაში საჭიროა ძუძუთი კვების შეწყვეტა.
გამოყენების წესი და დოზირება
შიგნით. საკვების მიღების მიუხედავად.
გრიპის და მწვავე რესპირატორული ვირუსული ინფექციების სამკურნალოდ მოზრდილებში ინიშნება 90 მგ 1 ჯერ დღეში.
მკურნალობის ხანგრძლივობა 5-7 დღე (მდგომარეობის სიმძიმის მიუხედავად). პრეპარატის მიღებას იწყებენ დაავადების პირველი სიმპტომების აღნიშვნის მომენტიდან, სასურველია ავადმყოფობის დაწყებიდან არაუგვიანეს 2 დღისა.
გრიპის და მწვავე რესპირატორული ვირუსული ინფექციების პროფილაქტიკისათვის დაავადებულ პირებთან კონტაქტის შემდეგ ნიშნავენ 90 მგ-ს 1 ჯერ დღეში, 7 დღის განმავლობაში.
გვერდითი მოქმედება
ალერგიული რეაქციები (იშვიათად).
ჭარბი დოზირება
პრეპარატის ჭარბი დოზირების შემთხვევები არ არის აღწერილი.
სხვა სამკურნალო პრეპარატებთან პრეპარატ ინგავირინის® ურთიერთქმედების შემთხვევები არ არის გამოვლენილი.
განსაკუთრებული მითითებები
პრეპარატი არ ახდენს სედატიურ მოქმედებას, არ მოქმედებს ფსიქომოტორული რეაქციების სოჩქარეზე და შეიძლება გამოყენებულ იქნას სხვადასხვა პროფესიის პირებში, მათ შორის, რომლებიც საჭიროებენ მომატებულ ყურადღებას და მოძრაობების კოორდინაციას.
არ არის რეკომენდირებული სხვა ანტივირუსული პრეპარატების ერთდროული მიღება.
ზემოქმედება სატრანსპორტო საშუალებების, მექანიზმების მართვის უნარზე
არ შესწავლილა, მაგრამ, მოქმედების მექანიზმის და გვერდითი რეაქციების პროფილის გათვალისწინებით, შეიძლება ვივარაუდოთ, რომ პრეპარატი არ ახდენს ზემოქმედებას სატრანსპორტო საშუალებების, მექანიზმების მართვის უნარზე.
გამოშვების ფორმა
90 მგ კაფსულები.
7 კაფსულა კონტურულ უჯრედოვან შეფუთვაში პოლივინილქლორიდის აპკისა და ალუმინის დაბეჭდილი ლაქირებული ფოლგისაგან.
1 კონტურულ შეფუთვას გამოყენების ინსტრუქციასთან ერთად ათავსებენ კოლოფში.
შენახვის პირობები
სინათლისაგან დაცულ ადგილას, არაუმეტეს 25°C ტემპერატურაზე.
ინახება ბავშვებისათვის მიუწვდომელ ადგილას.
ვარგისობის ვადა
3 წელი. ნუ გამოიყენებთ ვარგისობის ვადის გასვლის შემდეგ.
აფთიაქიდან გაცემის პირობები
ფარმაცევტული პროდუქტის ჯგუფი II, გაიცემა ფორმა N3 რეცეპტით.
სად შევიძინოთ?