Plasmon

იხილეთ აფთიაქების ჩამონათვალი

იზოფრა / ISOFRA

შემადგენლობა
სამკურნალო ფორმა:ცხვირის აეროზოლი.
შემდგენლობა პრეპარატის 100მლ-ში:
აქტიური ნივთიერება:
ფრამიცეტინის სულფატი – 800 000ME.
სხვა კომპონენტები: მეთილპარაჰიდროქსიბენზოატი, ნატრიუმის ქლორიდი, ნატრიუმის ციტრატი, ლიმონმჟავა, გასუფთავებული წყალი. 
აღწერილობა: გამჭვირვალე უფერო სითხე.

ფარმაკოლოგიური თვისებები
ფრამიცეტინი ამინოგლიკოზიდების ჯგუფის ანტიბიოტიკია და განკუთვნილია ადგილობრივი გამოყენებისათვის ოტოლარინგოლოგიაში. გააჩნია ბაქტერიოციდული ზემოქმედება. აქტიურია გრამდადებითი და გრამუარყოფითი ბაქტერიების მიმართ (Staphylococcus aureus, Escherichia coli, Klebsiella, pneumoniae, Haemophilus influenzae) რომლებიც იწვევენ ზედა სასუნთქი გზების ინფექციურ პროცესებს.

ჩვენებები
ზედა სასუნთქი გზების ინფექციურ-ანთებითი დაავადებების კომბინირებული მკურნალობა:
- რინიტი;
- რინოფარინგიტი;
- სინუსიტი (დაუზიანებელი ძგიდის პირობებში);
- ადენოიდიტის ადგილობრივი მკურნალობა;
- ოპერაციული ჩარევების შემდგომ პერიოდში ანთებითი პროცესების მკურნალობა და პროფილაქტიკა.

მიღების წესები და დოზები
მოზრდილებში: თითოეულ ნესტოში ერთი შესხურება დღეში 4-6 ჯერ.
ბავშვებში: თითოეულ ნესტოში ერთი შესხურება დღეში 3 ჯერ.
მკურნალობის ხანგრძლივობა – არაუმეტეს 7 დღისა.
გამოყენების პროცესში ფლაკონი უნდა იმყოფებოდეს ვერტიკალურ პოზიციაში.

გვერდითი მოვლენები
შესაძლებელია ალერგიული რეაქციების განვითარება.

უკუჩვენება
- მომატებული მგრძნობელობა ფრამიცეტინისა და ამინოგლიკოზიდების გჯუფის სხვა ანტიობიოტიკების მიმართ;

ჭარბი დოზირება
პრეპარატის სისხლის მიმოქცევაში დაბალი აბსორბციის გამო ჭარბი დოზირების განვითარება ნაკლებ სავარაუდოა.

სხვა წამლებთან ურთიერთქმედება
სხვა პრეპარატებთან ურთიერთქმედების კლინიკური შემთხვევები არ არის გამოვლენილი..

შენახვის პირობები და ვადები
3 წელი.
პრეპარატი არ გამოიყენება შეფუთვაზე მითითებული ვარგისიანობის ვადის გასვლის შემდეგ.
ინახება არაუმეტეს 25oC ტემპერატურაზე. ბავშვებისათვის მიუწვდომელ ადგილას.

აფთიაქში გაცემის წესი
გაიცემა ექიმის რეცეპტით.

სად შევიძინოთ?