მაჟეზიკი-სანოველი / MAJEZIC-sanovel
- საერთაშორისო დასახელება (აქტიური ნივთიერება): flurbiprofen
- კლინიკურ-ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → პროპიონის მჟავას წარმოებული პრეპარატები გამოხატული ანალგეზიური ეფექტით
- მწარმოებელი კომპანია: SANOVEL ILAC SAN. ve TIC. AS
- მწარმოებელი ქვეყანა: თურქეთი
- გამოშვების ფორმა: 0.25% 30 მლ სპრეი პირის ღრუსათვის ფლაკონში გამფრქვევი მოწყობილობით
- გაცემის რეჟიმი: III ჯგუფი (ურეცეპტოდ)
სამკურნალო ფორმის აღწერა: 0.25% პირის ღრუს სპრეი
შემადგენლობა:
პირის ღრუს სპრეი - 30 მლ
ფლურბიპროფენი - 0.075 გ
კლინიკურ-ფარმაკოლოგიური ჯგუფი
ანთების საწინაარმდეგო არასტეროიდული საშუალება
ათქ კლასიფიკაციის კოდი M01AE09
ფარმაკოლოგიური თვისებები
ფარმაკოდინამიკა:
ფლურბიპროფენი ძლიერი ანთების საწინააღმდეგო არასტეროიდული საშუალებაა. იგი ფენილალკანოის მჟავას წარმოებულია და გააჩნია ტკივილგამაყუჩებელი და ანთების საწინააღმდეგო ეფექტი. მისი მოქმედების მექანიზმი დაკავშირებულია ფერმენტ ციკლოოქსიგენაზას ბლოკირების შედეგად პროსტაგლანდინების სინთეზის დათრგუნვასთან, რომლებიც წარმოადგენენ ტკივილის, ანთებისა და ტემპერატურული რეაქციის მედიატორებს.
ფარმაკოკინეტიკა:
შეწოვა: ფლურბიპროფენი პასიური დიფუზიის გზით ადვილად შეიწოვება ლორწოვანი გარსიდან. ფლურბიპროფენი სუსტი მჟავაა, რომლის აბსორბცია დამოკიდებულია PH-ზე. ფლურბიპროფენი გამოიყენება პერიოდონტალური დაავადებების პროფილაქტიკისათვის და სამკურნალოდ. პრეპარატის ლოკალურად გამოყენება არ მოითხოვს მაღალ სისტემურ კონცენტრაციას. ამ ჩვენებისთვის აუცილებელია ლორწოვანის სუსტი აბსორბცია.
ჩვენებები
მაჟეზიკი 0.25% პირის ღრუს სპრეი გამოიყენება როგორც ანთების საწინააღმდეგო და ანალგეზიური საშუალება ოროლარინგოლოგიასა და სტომატოლოგიაში (მაგ. ღრძილების ანთება, ტონზილიტი და სხვა).
უკუჩვენებები
• ფლურბიპროფენის და პრეპარატის სხვა კომპონენტების მიმართ მომატებული მგრძნობელობა;
• პრეპარატი უკუნაჩვენებია აგრეთვე იმ პაციენტებში, რომლებიც ამჟღავნებენ მომატებული მგრძნობელობის რეაქციებს (მაგ. ბრონქოსპაზმი, რინიტი, ურტიკარია) ფლურბიპროფენის, ასპირინის ან სხვა ანთების საწინააღმდეგო არასტეროიდული პრეპარატების მიღების დროს;
• პეპტიური წყლულის არსებობა ანამნეზში.
განსაკუთრებული მითითებები
სიფრთხილით ინიშნება პაციენტებში თირკმლის, გულის ან ღვიძლის უკმარისობით.
მეთილპარაბენის და პროპილპარაბენის შემცველობამ შეიძლება გამოიწვიოს ალერგიული რეაქციები (დაგვიანებული).
გავლენა ავტოტრანსპორტის და სხვა მექანიზმების მართვის უნარზე
სპეციალური კვლევები არ ჩატარებულა, თუმცა ფარმაკოდინამიურ და უსაფრთხოების საერთო პროფილზე დაყრდნობით ფლურბიპროფენის გავლენა ავტომობილის მართვასა და იმ სამუშაოს შესრულებაზე, რომელიც მოითხოვს ყურადღების კონცენტრირებას, ნაკლებადსავარაუდოა.
გამოყენება პედიატრიაში:
12 წლამდე ასაკის ბავშვებში პრეპარატის გამოყენება უკუნაჩვენებია.
გამოყენება ხანდაზმულ პაციენტებში:
ხანდაზმულ პაციენტებში პრეპარატის მიღების შესახებ მონაცემები არ არსებობს.
ორსულობა და ლაქტაცია
ორსულობის C კატეგორია (D კატეგორიის მესამე ტრიმესტრი).
რეპროდუქციული ასაკის ქალებში ფლურბიპროფენის გამოყენების შესახებ მონაცემები არ არსებობს.
მიუხედავად იმისა, რომ კლინიკამდელმა კვლევებმა დაამტკიცეს ფლურბიპროფენის ტერატოგენული ეფექტის არარსებობა, ორსულებში ფლურბიპროფენის გამოყენება რეკომენდებული არ არის, რადგან სათანადო კვლევა ადამიანებში ჩატარებული არ არის. გამოყენება დასაშვებია მხოლოდ იმ შემთხვევაში, როდესაც მოსალოდნელი სარგებელი დედისთვის აჭარბებს ნაყოფზე უარყოფითი ზემოქმედების პოტენციურ რისკს.
ლაქტაცია
პროსტაგლანდინების ინჰიბიტორები უარყოფითად მოქმედებენ ახალშობილზე, ამიტომ ლაქტაციის დროს პრეპარატის მიღება არ არის მიზანშეწონილი.
ფერტილობა
ფერტილობაზე ფლურბიპროფენის მოქმედების შესახებ მონაცემები არ არსებობს.
გვერდითი მოვლენები
ადგილობრივი გაღიზიანება.
გაუთვალისწინებელი ეფექტების გამოვლენისას მიმართეთ ექიმს.
ურთიერთქმედება სხვა სამკურნალო პრეპარატებთან
ფლურბიპროფენმა შესაძლოა შეამციროს ფუროსემიდის ტიპის პრეპარატების დიურეზული ეფექტი. ერთდროულად მიღებისას ფლურბიპროფენი იშვიათად შედის ურთიერთქმედებაში ანტიკოაგულანტებთან. ამასთან ფლურბიპროფენი არ ურთიერთქმედებს დიგოქსინთან, ტოლბუტამიდთან და ანტაციდთან.
დოზირება და გამოყენების წესი
გამოყენების სიხშირე და ხანგრძლივობა:
2 შესხურება 3-ჯერ დღეში შესაბამის უბანზე. ყოველი შესხურება წარმოადგენს ხსნარის 0.2 მლ-ს, რომელიც შეიცავს 0.5 მგ ფლურბიპროფენს.
გამოყენების წესი:
მკურნალობა ტარდება სპრეის შესხურებით პირის ღრუს შესაბამის უბანზე. არ გადაყლაპოთ.
ჭარბი დოზირება
აქტიური ნივთიერების დაბალი დოზის და ადგილობრივი გამოყენების გამო ჭარბი დოზირების ალბათობა ძალიან დაბალია. ჭარბი დოზირებისას ტარდება სიმპტომატური მკურნალობა.
ჭარბი დოზირების სიმპტომებია: გულისრევა, ღებინება, გასტროენტერალური დარღვევები.
შენახვის პირობები:
პრეპარატი ინახება ოთახის ტემპერატურაზე 25°C - მდე.
შენახვის ვადა:
ვარგისიანობის ვადა _ 2 წელი.
პრეპარატი არ გამოიყენება შეფუთვაზე მითითებული ვადის ამოწურვის შემდეგ.
შეფუთვა
მუყაოს კოლოფში მოთავსებულია 30 მლ მოცულობის მუქი მინის ფლაკონი პლასტმასის სარქველითა და მფრქვევანით.
აფთიაქიდან გაცემის პირობები
პრეპარატი გაიცემა ურეცეპტოდ.
პრეპარატის მიღებამდე ყურადღებით გაეცანით ინსტრუქციას,
შეინახეთ ბავშვებისაგან დაცულ ადგილას.
სად შევიძინოთ?