პანტო-დენკი 20 / Panto-Denk 20
- საერთაშორისო დასახელება (აქტიური ნივთიერება): pantoprazole
- კლინიკურ-ფარმაკოლოგიური ჯგუფი: გასტროენტეროლოგია, ჰეპატოლოგია → პროტონული ტუმბოს ინჰიბიტორები
- მწარმოებელი კომპანია: Advance Pharma GmbH
- გამოშვების ფორმა: 20მგ გასტრო-რეზისტენტული ტაბლეტი №28
- გაცემის რეჟიმი: III ჯგუფი (ურეცეპტოდ)
შემადგენლობა
აქტიურ ნივთიერებას წარმოდაგენს პანტოპრაზოლი.
1 ნაწლავში ხსნადი ტაბლეტი შეიცავს 20მგ პანტოპრაზოლს, რაც ექვივალენტურია 22.6მგ პანტოპრაზოლის ნატრიუმის სესკვიჰიდრატის.
დამხმარე ნივთიერებები:
ტაბლეტის გული:
მალტიტოლი (E965), კროსპოვიდონი B ტიპის, ნატრიუმის კარმელოზა, ნატრიუმის კარბონატი (E 500), კალციუმის სტეარატი.
ტაბლეტის გარსი:
პოლი(ვინილის სპირტი), ტალკი (E 553ბ), ტიტანის დიოქსიდი (E 171), მაკროგოლი 3350, ლეციტინი მიღებული სოიოს მარცვლიდან (E 322), რკინის (III) ოქსიდი – ჰიდროქსიდი (E 172), ნატრიუმის კარბონატი (E 500), მეთაკრილის მჟავა – ეთილის აკრილატის კოპოლიმერი (1:1), ტრიეთილის ციტრატე (E 1505)
ფარმაკოდინამიური თვისებები
პანტოპრაზოლი წარმოადგენს შენაცვლებულ ბენზიმიდაზოლს, რომელიც აინჰიბირებს კუჭის წვენის სეკრეციას პარიეტალური უჯრედების პროტენულ ტუმბოზე სპეციფიკური მოქმედების გზით.
პანტოპრაზოლი გარდაიქმნება მის აქტიურ ფორმად პარიეტალური უჯრედების მჟავა ნაწილში, სადაც იგი აინჰიბირებს H+/K+-ATP-აზას, ანუ კუჭში მჟავას წარმოქმნის საბოლოო საფეხურს. ინჰიბირება დოზა-დამოკიდებულია და მოქმედებს როგორც ბაზალურ, ასევე სტიმულირებულ კუჭის წვენის სეკრეციაზე. უმეტესობა პაციენტებში სიმპტომების შემსუბუქება შეინიშნება 2 კვირაში. სხვა პროტონული ტუმბოს ინჰიბიტორების და H2-რეცეპტორების ბლოკატორების მსგავსად კუჭის წვენი მცირდება პანტოპრაზოლით მკურნალობის შედეგად, რაც იწვევს გასტრინის დონის მომატებას მჟავას შემცირებასთან ერთად. გასტრინის დონის მომატება შექცევადია. როდესაც პანტოპრაზოლი უერთდება ფერმენტს რეცეპტორის დისტალურად და სხვა ნივთიერებების მიერ (აცეტილქოლინი, ჰისტამინი, გასტრინი) მათი სტიმულაციისა მიუხედავად მან შესაძლებელია ზეგავლენა მოახდინოს მჟავას სეკრეციაზე. ეფექტი ერთი და იგივეა, მიუხედავად იმისა შიგნით მიიღება სამედიცინო პრეპარატი თუ ინტრავენურად.
უზმოზე გასტრინის დონე იმატებს პანტოპრაზოლით მკურნალობის დროს. ხანმოკლე მკურნალობის დროს იგი ჩვეულებრივ არ აჭარბებს ზღურბლის ზედა ზღვარს. ხანგრძლივი მკურნალობის დროს გასტრინის დონე ორმაგდება უმეტეს შემთხვევებში. თუმცა გადაჭარბებული მომატება ხდება მხოლოდ ცალკეულ შემთხვევებში. შედეგად კუჭში აღინიშნება სპეციფიკური ენდოკრინული უჯრედების მცირე ან ზომიერი მომატება (ადენომატოზური ჰიპერპლაზიის მსგავსი) ხანგრძლივი მკურნალობის მცირე შემთხვევებში. თუმცა ჩატარებული კვლევებიდან გამოვლინდა, რომ ადამიანებში შეიძლება გამოირიცხოს კარცინოიდული პრეკურსორების (ატიპიური ჰიპერპლაზია) და კუჭის კარცინოიდის განვითარება.
ცხოველებში ჩატარებული კვლევებიდან გამოვლინდა, რომ ფარისებრის ენდოკრინულ ფუნქციაზე და ღვიძლის ფერმენტების პარამეტრებზე ზეგავლენა არ არის გამორიცხული თუ პანტოპრაზოლის მკურნალობა გრძელდება 1 წელზე მეტ ხანს.
ფარმაკოკინეტიკური თვისებები
პანტოპრაზოლი სწრაფად შეიწოვება. აქტიური ნივთიერების მაქსიმალური დონე მიიღწევა 40მგ პანტოპრაზოლის ერთი პერორალური მიღების შემდეგაც კი. მთლიანობაში, მაქსიმალური შრატის კონცენტრაცია, დაახლოებით 2-3 მკგ/მლ, მიიღწევა დაახლოებით 2.5 საათში დოზის მიღების შემდეგ და რჩება ერთ დონეზე მრავალჯერადი მიღების შემდეგაც კი. განაწილების მოცულობა შეადგენს დაახლოებით 0.15 ლ/კგ; კლირენსი შეადგენს დაახლოებით 0.1 ლ/სთ/კგ. ნახევარგამოყოფის პერიოდი შეადგენს დაახლოებით 1 სთ-ს. რამდენიმე შემთხვევაში გამოვლინდა შენელებული ელიმინაციის მქონე პირები. პარიეტალურ უჯრედებში პანტოპრაზოლის სპეციფიკური აქტივაციის გამო ნახევარგამოყოფის პერიოდი არ არის დაკავშირებული პრეპარატის მოქმედების უფრო გახანგრძლივებასთან (მჟავას სეკრეციის ინჰიბირება).
ერთი ან განმეორებითი მიღების შემდეგ ფარმაკოკინეტიკური თვისებები არ განსხვავდება. 10-80 მგ დოზის ფარგლებში პანტოპრაზოლს გააჩნია ხაზოვანი კინეტიკა როგორც შიგნით მიღების, ასევე ინტრავენური შეყვანის შემდეგ.
შრატის ცილებთან პანტოპრაზოლის მიერთება შეადგენს დაახლოებით 98%-ს. პანტოპრაზოლი თითქმის ექსკლუზიურად იშლება ღვიძლში. მეტაბოლიტების უმეტესობა (დაახლოებით 80%) გამოიყოფა თირკმელების გზით, ხოლო დანარჩენი ნაწილი ფეკალური მასებით. შრატშიც და შარდშიც ძირითად მეტაბოლიტებს წარმოადგენს დისმეთილის პანტოპრაზოლი, რომელიც კონიუგირდება სულფატთან. ძირითადი მეტაბოლიტების ნახევარდაშლის პერიოდი (დაახლოებით 1.5 სთ) მხოლოდ უმნიშვნელოდ ხანგრძლივია პანტოპრაზოლთან შედარებით.
ბიოათვისებულობა
პანტოპრაზოლი მთლიანად შეიწოვება შიგნით მიღების შემდეგ. გამოვლინდა, რომ ტაბლეტის აბსოლუტური ბიოათვისებულობა შეადგენს დაახლოებით 77%-ს. არ ახდენს გავლენას AUC-ზე, შრატის პიკურ კონცენტრაციაზე და შესაბამისად ბიოათვისებულობა აღინიშნება საკვებისა ან ანტაციდის კომბინირებული მიღების დროსაც. თუმცა საკვებთან ერთად მიღებამ შესაძლებელია შეაყოვნოს აბსორბცია 2 ან მეტი საათით.
ჩვენება
პანტო-დენკი 20 წარმოადგენს პრეპარატს, რომელიც ამცირებს კუჭის წვენის წარმოქმნას (სელექტიური პროტონული ტუმბოს ინჰიბიტორი).
პანტო-დენკ 20 გამოიყენება:
- ზომიერი სიმძიმის რეფლუქს-დაავადებების (საყლაპავის დაავადება, რაც გამოწვეულია კუჭიდან მჟავა შიგთავსის უკუდინებით) და მასთან დაკავშირებული სიმპტომების (მაგ. გულძმარვა, კუჭის წვენის რეგურგიტაცია, ყლაპვის გაძნელება) სამკურნალოდ.
- რეფლუქს-ეზოფაგიტის (საყლაპავის ანთება) ხანგრძლივი მკურნალობისთვის და მისი რეციდივის პრევენციისთვის.
- კუჭისა და თორმეტგოჯა ნაწლავის წყლულის პრევენციისთვის ისეთ პაციენტებში, რომლებიც მუდმივად იღებენ ტკივილგამაყუჩებლებს (არასელექტიური, არასტეროიდული ანთების საწინააღმდეგო პრეპარატები).
უკუჩვენება
- თუ პაციენტი ალერგიულია (ჰიპერსენსიტიულია) პანტოპრაზოლის, სოიოს, მიწის თხილის ან პანტო-დენკ 20-ში შემავალი ნებისმიერი ინგრედიენტის მიმართ;
- თუ პაციენტი მკურნალობს პრეპარატით, რომლის აქტიური ნივთიერებაა ატაზანავირი (გამოიყენება აივ-ინფექციის სამკურნალოდ);
პანტო-დენკ 20 ინიშნება განსაკუთრებული სიფრთხილით:
- თუ პაციენტს აღენიშნება ღვიძლის მძიმე დაავადება. ასეთ შემთხვევაში უნდა მიემართოს მკურნალ ექიმს, რადგან მან უნდა გადაწყვიტოს საჭიროა თუ არა დოზის დარეგულირება;
- თუ პაციენტი ხანგრძლივად მკურნალობს პანტო-დენკ 20-ით (მაგ. 1 წელზე მეტ ხანს). ასეთ შემთხვევაში მკურნალი ექიმი რეგულარულად ჩაატარებს გამოკვლევებს.
აუცილებლად უნდა ეცნობოს მკურნალ ექიმს ნებისმიერი ახალი სიმპტომის ან უჩვეულო შეგრძნებების შესახებ.
- თუ პაციენტს აქვს ან ანამნეზში აღენიშნება ვიტამინი B12-ის ნაკლებობა. აღნიშნული უნდა ეცნობოს მკურნალ ექიმს, რათა მან გააკონტროლოს B12-ს დონე.
- თუ პაციენტს აქვს რევმატიული დაავადება ან იღებს ანტირევმატიულ საშუალებებს სხვა მიზნების გამო და თუ პაციენტს წარსულში ოდესმე ჰქონია კუჭის ან თორმეტგოჯა ნაწლავის წყლული მსგავსი პრეპარატების მიღების შემდეგ. მკურნალმა ექიმმა უნდა გადაამოწმოს მიეკუთვნება თუ არა პაციენტი ეგრეთ წოდებულ “რისკ-ჯგუფს”;
- თუ პაციენტმა უახლოეს პერიოდში დაიკლო წონაში ან აღენიშნება განმეორებითი ღებინება, ყლაპვის გაძნელება ან სისხლიანი ღებინება, ან თუ გამოვლინდება სისხლიანი განავალი ან ძალიან მუქი განავალი, ასეთ შემთხვევაში უნდა მიემართოს მკურნალ ექიმს. ექიმმა შესაძლებელია ჩაატაროს დამატებითი კვლევები (მაგ. გასტროსკოპია, რითაც ხდება საყლაპავის, კუჭის და ნალწავების ზედა ნაწილის ვიზუალური დათვალიერიება). თუ აღნიშნული პრეპარატით ჩატერებული შესაბამისი მკურნალობის მიუხედავად სიმპტომები მაინც გრძელდება, მაშინ ეს უნდა ეცნობოს ექიმს.
12 წლამდე ასაკის ბავშვები
პანტო-დენკ 20 არ ინიშნება 12 წლამდე ასაკის ბავშვებში, რადგან ამ ასაკში ამჟამად არ არსებობს პანტო-დენკ 20-ით მკურნალობის გამოცდილება.
ურთიერთქმედება სხვა პრეპარატებთან
უნდა ეცნობოს ექიმს ან ფარმაცევტს თუ პაციენტი მკურნალობს ან უახლოესი პერიოდის განმავლობაში იღებდა ნებისმიერ სხვა პრეპარატს, მათ შორის ურეცეპტოდ გასაცემ პრეპარატებს.
პაციენტმა უნდა აცნობოს მკურნალ ექიმს თუ იგი იღებს ნებისმიერ ქვემოთ ჩამოთვლილ პრეპარატს:
- სოკოს საწინააღმდეგო პრეპარატები (მაგ. კეტოკონაზოლი ან იტრაკონაზოლი), ან სხვა პრეპარატები, რომელთა კონცენტრაცია სისხლში დამოკიდებულია კუჭის წვენის სეკრეციაზე.
- სისხლის გამათხელებლები (ე.წ. კუმარინის წარმოებულები, მაგალითად ფენპროკუმონი ან ვარფარინი). ასეთ შემთხვევაში მკურნალმა ექიმმა უნდა გადაამოწმოს სისხლის შედედების უნარი.
- ატაზანავირი, გამოიყენება აივ-ინფექციის სამკურნალოდ. არ შეიძლება აღნიშნული პრეპარატის დანიშვნა პანტო-დენკ 20-თან ერთად.
ორსულობა და ლაქტაცია
ნებისმიერი პრეპარატის მიღებამდე უნდა მიემართოს მკურნალ ექიმს ან ფარმაცევტს.
კლინიკური გამოცდილება ორსულ ქალებში მცირეა. არ არის ცნობილი გადადის თუ არა აქტიური ნივთიერება დედის რძეში. ამის გამო მთელი ორსულობის განმავლობაში და ლაქტაციის პერიოდში პანტო-დენკ 20 შეიძლება დაინიშნოს მხოლოდ იმ შემთხვევაში, თუ მკურნალი ექიმი დარწმუნებულია, რომ დედის სარგებელი აჭარბებს ნაყოფის ან ახალშობილის მოსალოდნელ რისკს.
მანქანის და სხვა მექანიზმების მართვა
პანტო-დენკ 20-ს არა აქვს გავლენა მანქანის და სხვა მექანიზმების მართვაზე.
თუმცა ზოგიერთი გვერდითი ეფექტის გამოვლენამ, მაგ. თავბრუსხვევა ან დაბინდული მხედველობა, შესაძლებელია გავლენა იქონიოს რეაგირების უნარზე, რაც თავის მხრივ შეაფერხებს მანქანის და სხვა მექანიზმების მართვის უნარს.
მნიშვნელოვანი ინფორმაცია პანტო-დენკ 20-ში შემავალი ზოგირთი ინგრედიენტის შესახებ.
აღნიშნული პრეპარატი შეიცავს მალტიტოლს. ამის გამო, პანტო-დენკ 20-ის მიღებამდე უნდა მიემართოს მკურნალ ექიმს იმ შემთხვევაში თუ პაციენტი გაფრთხილებულია, რომ მას აქვს ზოგიერთი შაქრის აუტანლობა.
ძალიან იშვიათად სოიოს მარცვლებში შემავალმა ლეციტინმა შეიძლება გამოიწვიოს ალერგიული რეაქცია
მიღების წესები
პანტო-დენკ 20 ყოველთვის მიიღება ექიმის დანიშნულების შესაბამისად. რაიმე ეჭვის გაჩენის შემთხვევაში პაციენტმა უნდა მიმართოს მკურნალ ექიმს.
ტაბლეტი მიიღება მთლიანად (დაღეჭვის ან გატეხვის გარეშე) ჭიქა წყალთან ერთად.
თუ არ არის ექიმის განსხვავებული მითითება, მაშინ ჩვეულებრივი დოზა შეადგენს შემდეგს:
მოზრდილები და 12 წლის და უფროსი მოზარდები
ზომიერი სიმძიმის რეფლუქს-დაავადება და მასთან დაკავშირებული სიმპტომები (მაგ. გულძმარვა, კუჭის წვენის რეგურგიტაცია, ყლაპვის გაძნელება):
1 ტაბლეტი დღეში (ექვივალენტური 20მგ პანტოპრაზოლის).
სიმპტომების გაუმჯობესება ძირითადად აღინიშნება 2-4 კვირაში და ჩვეულებრივ მკურნალობის 4 კვირიანი პერიოდია საჭირო მასთან დაკავშირებული ეზოფაგიტის სამკურნალოდ. თუ ეს არ არის საკმარისი, მაშინ განკურნება აღინიშნება შემდგომი 4 კვირიანი მკურნალობის დროს.
სიმპტომების რეციდივის შემთხვევაში ეს შესაძლებელია გაკონტროლდეს საჭიროების მიხედვით და ექიმთან კონსულტაციის შემდეგ შემდეგი დოზის დანიშვნით: 1 ტაბლეტი დღეში (ექვივალენტური 20მგ პანტოპრაზოლის). ასეთ მკურნალობას ეწოდება “საჭიროების მიხედვით მკურნალობა”. თუ არ მიიღწევა სიმპტომების ადეკვატური კონტროლი, მაშინ ექიმი გადაწყვეტს შეცვალოს შემანარჩუენებელი მკურნალობა.
ხანგრძლივი მკურნალობის დროს მოზარდმა უნდა მიიღოს 1 ტაბლეტი დღეში (ექვივალენტური 20მგ პანტოპრაზოლის). რეფლუქს-ეზოფაგიტის რეციდივის შემთხვევაში აღნიშნული დოზა შესაძლებელია გაიზარდოს 2 ტაბლეტამდე დღეში (ექვივალენტური 40მგ პანტოპრაზოლის). ასეთი შემთხვევებისთვის არსებობს პანტო-დენკ 40მგ. როდესაც რეციდივი განიკურნება, დოზა კვლავ შესაძლებელია შემცირდეს 1 ტაბლეტამდე დღეში (ექვივალენტური 20მგ პანტოპრაზოლის).
მოზრდილები
კუჭის და თორმეტგოჯა ნაწლავის წყლულის პრევენცია პაციენტებში, რომლებიც მუდმივად მკურნალობენ ტკივილგამაყუჩებლებით (არასტეროიდული, ანთების საწინააღმდეგო პრეპარატები):
1 ტაბლეტი დღეში (ექვივალენტური 20მგ პანტოპრაზოლის).
პაციენტები ძლიერ დაქვეითებული ღვიძლის ფუნქციით:
თუ პაციენტი მიეკუთვნება ასეთ კატეგორიას, მაშინ უნდა მიემართოს მკურნალ ექიმს, რათა გადაწყდეს საჭიროა თუ არა დოზის შემცირება. ზოგადად, დღიური დოზის გადაჭარბება, რაც შეადგენს 1 ტაბლეტს (ექვივალენტური 20მგ პანტოპრაზოლის) არ შეიძლება ასეთ პაციენტებში.
ხანდაზმული პაციენტები და თირკმლის დარღვეული ფუნქციის მქონე პაციენტები
უნდა ეცნობოს მკურნალ ექიმს, თუ პაციენტი მიეკუთვნება მსგავს ჯგუფს. თუმცა ზოგადად არ არის საჭირო დოზის დარეგულირება ან შეცვლა
12 წლამდე ასაკის ბავშვები
არ არსებობს აღნიშნული პრეპარატით მკურნალობის გამოცდილება 12 წლამდე ასაკის ბავშვებში.
უნდა მიემართოს ექიმს თუ 4 კვირიანი მკურნალობის შემდეგ არ აღინიშნება გაუმჯობესება. იგი გადაწყვეტს საჭიროა თუ არა მკურნალობის გახანგრძლივება.
დოზის გადაჭარბება
ადამიანებში არ არის ცნობილი დოზის გადაჭარბების სიმპტომები. თუმცა თუ გამოვლინდა ინტოქსიკაციის ნიშნები, უნდა მიემართოს მკურნალ ექიმს. მიღებული დოზის და/ან გამოვლენილი სიმპტომების მიხედვით ექიმი მიიღებს შესაბამის ზომებს.
დოზის გამოტოვება
არ მიიღება გაორმაგებული დოზა გამოტოვებულის სანაცვლოდ. შემდეგი დოზა მიიღება დოზირების რეჟიმის შესაბამისად.
მკურნალობის შეწყვეტა
თუ პაციენტს უნდა ან სრული კურსის ჩატარებამდე შეწყვიტა მკურნალობა, მან აუცილებლად უნდა მიმართოს მკურნალ ექიმს.
პრეპარატის გამოყენების შესახებ დამატებითი შეკითხვების გაჩენის შემთხვევაში უნდა მიემართოს ექიმს ან ფარმაცევტს
გვერდითი ეფექტები
ყველა სხვა პრეპარატის მსგავსად პანტო-დენკ 20-მაც შესაძლებელია გამოიწვიოს გვერდითი ეფექტები, თუმცა ისინი ყველას არ უვითარდება. ქვემოთ მითითებულ ცხრილში მოცემულია გვერდითი ეფექტების სიხშირე:
|
ძალიან
ხშირი: |
10 ნამკურნალევი პაციენტიდან 1-მეტი
შემთხვევა |
|
ხშირი: |
100 ნამკურნალევი პაციენტიდან 1-10 შემთხვევა |
|
არახშირი: |
1000 ნამკურნალევი პაციენტიდან 1-10 შემთხვევა |
|
იშვიათი: |
10000 ნამკურნალევი პაციენტიდან 1-10 შემთხვევა |
|
ძალიან
იშვიათი: |
10000 ნამკურნალევი პაციენტიდან 1-ნაკლები
შემთხვევა |
|
არ
არის
ცნობილი: |
არსებული
მონაცემების
მიხედვით
სიხშირე
დაუდგენელია |
მნიშვნელოვანი გვერდითი ეფექტები ან სიმპტომები, რასაც პაციენტმა ყურადღება უნდა მიაქციოს და ამ დროს მისაღები ზომები:
პანტო-დენკ 20-ით მკურნალობა დაუყოვნებლივ უნდა შეწყდეს და კონსულტაციისთვის მიემართოს მკურნალ ექიმს, თუ გამოვლინდება შემდეგი გვერდითი ეფექტები:
- სახის, ენის და ხახის შეშუპება;
- ყლაპვის გაძნელება;
- კანის რეაქციები ბუშტუკებით ან წყლულებით, ჭინჭრის ციება;
- ქოშინი;
- თავბრუსხვევა, აჩქარებულ გულისცემასთან და ოფლიანობასთან ერთად.
სხვა შესაძლო გვერდითი ეფექტები
ხშირი გვერდითი ეფექტები
- თავის ტკივილი;
- ჩივილები მუცლის ზედა ნაწილის მხრივ, ფაღარათი, ყაბზობა, აირების დაგროვება;
არახშირი გვერდითი ეფექტები
- თავბრუსხვევა და პრობლემები თვალის მხრივ, მაგალითად მხედველობის დაბინდვა;
- გულისრევა და ღებინება;
- ალერგიული რეაქციები, მაგალითად ქავილი და გამონაყარი;
- მოტეხილობები (ბარძაყის, მაჯის ან ხერხემლის)
იშვიათი გვერდითი ეფექტები
- პირის სიმშრალე;
- სახსრების ტკივილი;
- დეპრესია, ჰალუცინაცია, ორიენტაციის დარღვევა და გონების დაბინდვა, განსაკუთრებით რისკის ქვეშ მყოფ პაციენტებში ან თუ მსგავსი სიმპტომები უკვე არსებობს, მათი გაუარესება;
ძალიან იშვიათი გვერდითი ეფექტები
- ლეიკოციტების რაოდენობის შემცირება (შესაბამისად ინფექციების რისკის გაზრდა), თრომბოციტების რაოდენობის შემცირება (შესაბამისად სილურჯეების და სისხლდენის რისკის გაზრდა);
- თირკმელების ანთება (ინტერსტიციული ნეფრიტი);
- კანის და ლორწოვანი გარსის აჭრელება და შეშუპება (ანგიოედემა), კანის და ლორწოვანი გარსის მძიმე რეაქციები ბუშტუკების გაჩენით (სტივენ-ჯონსონის სინდრომი, პოლიმორფული ერითემა), ლაიელის სინდრომი (აქერცლილი კანის სინდრომი), მომატებული მგრძნობელობა სინათლის მიმართ (ფოტოსენსიტიურობა);
- კუნთების ტკივილი;
- ხელის და ფეხის ქვედა ნაწილების შეშუპება (პერიფერიული შეშუპება)
- სხეულის მომატებული ტემპერატურა;
- ჰიპერნატრემია ხანდაზმულ პაციენტებში;
- მძიმე ალერგიული რეაქციები ადგილობრივი სიმპტომების თანხლებით, მაგალითად პულსის აჩქარება, უეცარი გაოფლიანება და მნიშვნელოვნად შემცირებული არტერიული წნევა;
- ღვიძლის უჯრედების მძიმე დაზიანება და შემდგომი სიყვითლე ღვიძლის უკმარისობით ან მის გარეშე;
- ღვიძლის ფერმენტების მომატება, სისხლის ლიპიდების დონის გაზრდა;
- გინეკომასტია;
უცნობი სიხშირით:
- სისხლში მაგნიუმის დაბალი დონე (ჰიპომაგნეზიემია);
- ძალიან იშვიათად ლეციტინში შემავალმა სოიოს მარცვლებმა შესაძლებელია გამოიწვიოს ალერგიული რეაცია.
თუ რომელიმე გვერდითი ეფექტი გახდება სერიოზული ან გამოვლინდება რეაქცია, რომელიც არ არის მითითებული ინსტრუქციაში, დაუყოვნებლივ უნდა მიემართოს მკურნალ ექიმს ან ფარმაცევტს
შენახვის წესი
ინახება 25ºC-ზე დაბალ ტემპერატურაზე.
არ გამოიყენება შეფუთვაზე მითითებული ვადის გასვლის შემდეგ.
ინახება ბავშვებისთვის მიუწვდომელ ადგილას
სად შევიძინოთ?