რაუნატინი EM / RAUNATINE EM
- საერთაშორისო დასახელება (აქტიური ნივთიერება): rauwolfia alkaloids
- კლინიკურ-ფარმაკოლოგიური ჯგუფი: გულ-სისხლძარღვთა სისტემა → ადრენომაბლოკირებელი საშუალებები → სიმპატოლიზური საშუალებები
- მწარმოებელი კომპანია: ევრომედიკალი
- მწარმოებელი ქვეყანა: საქართველო
- გამოშვების ფორმა: 0.002გ ტაბლეტი №50, 0.002გ ტაბლეტი №10
- გაცემის რეჟიმი: III ჯგუფი (ურეცეპტოდ)
შემადგენლობა
შემადგენლობა: რაუნატინი EM-ის ერთი ტაბლეტი შეიცავს:
აქტიური ნივთიერება: რაუვოლფიას ალკალოიდები 2 მილიგრამი (0,002გ);
ფარმაკოლოგიური თვისებები
რაუვოლფიას ალკალოიდების კომპლექსური პრეპარატი - რაუნატინი ავლენს ანტიჰიპერტენზიულ და ნეიროლეფსიურ მოქმედებას. იგი ანელებს გულის შეკუმშვის რიტმს, არ ცვლის და არ ზრდის გულის წუთმოცულობას, აქვეითებს ქსოვილებში ნორადრენალინის შემცველობას. რაუნატინის სედაციური ზემოქმედება უფრო ნაკლებად არის გამოხატული, ვიდრე რეზერპინისა.
რაუნატინის სიმპათოლიზური მოქმედება განპირობებულია იმით, რომ იგი ხელს უწყობს ნერვული პრესინაფსური დაბოლოებების გრანულარული დეპოებიდან კატექოლამინების სწრაფ გამოყოფას.
რაუნატინი ამცირებს ადრენერგულ ზეგავლენას პერიფერიული ორგანოების ეფექტორულ სისტემებზე, მათ შორის სისხლძარღვთა ადრენორეცეპტორებზე, რაუნატინის ზემოქმედება ვრცელდება ცენტრალურ ნერვულ სისტემაზე, ის არღვევს ციტოპლაზმიდან ნეირომედიატორების ტრანსპორტს, ამდენად თავის ტვინის ქსოვილებში მცირდება ნორადრენალინის, დოფამინისა და სეროტონინის შემცველობა.
რაუნატინი თანდათანობით ამცირებს სისტოლურ და დიასტოლურ წნევას ჰიპერტონული დაავადებების როგორც სხვადასხვა ფორმების შემთხვევაში, ასევე სხვადასხვა სტადიისას.
რაუნატინი ავლენს ანტიარითმიულ ზემოქმედებას. პრეპარატი აღადგენს გულის კუნთში აგზნებისა და გამტარებლობის პროცესებს.
რაუნატინი დადებითად მოქმედებს ლიპიდურ და ცილოვან ცვლაზე ჰიპერტონული დაავადებებისა და კორონარული ათეროსკლეროზის მქონე პაციენტებში.
პრეპარატის თერაპიული ეფექტი ვითარდება თანდათანობით, მკურნალობის დაწყებიდან მე-10 - მე-14 დღისთვის და ნარჩუნდება 2-3 თვის განმავლობაში.
ფარმაკოკინეტიკა
პრეპარატის ალკალოიდები კარგად შეიწოვება კუჭ-ნაწლავის ტრაქტიდან, სისხლში მათი მაქსიმალური კონცენტრაცია აღინიშნება მიღებიდან 1-2 საათის შემდეგ. სისხლის პლაზმის ცილებთან შეკავშირება შეადგენს - 40-50%, ნახევრადგამოყოფის პერიოდი - 50-170სთ. მეტაბოლიზმს განიცდის ელენთასა და ღვიძლში. გამოიყოფა ძირითადად ფეკალიებთან და შარდთან ერთად.
ჩვენებები
მსუბუქი და საშუალო ხარისხის არტერიული ჰიპერტენზია.
მიღების წესები და დოზები
რაუნატინი EM ენიშნებათ მოზრდილებს პერორალურად ჭამის შემდეგ. პირველ დღეს საწყისი დოზა ჩვეულებისამებრ შეადგენს 1 ტაბლეტი ღამით, მეორე დღისთვის - 1 ტაბლეტი 2-ჯერ დღე-ღამეში, მესამე დღეს-1 ტაბლეტი 3-ჯერ დღე-ღამეში. შემდგომ საერთო დოზას ზრდიან 4-6 ტაბლეტამდე დღე-ღამეში. მდგრადი თერაპიული ეფექტის მიღწევის შემდეგ (როგორც წესი მიიღწევა 10-14დღეში) პრეპარატის დოზას თანდათანობით ამცირებენ 1-2 ტაბლეტამდე დღე-ღამეში.
მკურნალობის კურსი ძირითადად შეადგენს 3-4 კვირას, თუმცა მთელ რიგ შემთხვევებში პრეპარატი მიიღება ხანგრძლივად შემანარჩუნებული დოზით (1 ტაბლეტი დღეში)
გამოყენების თავისებურებანი:
პრეპარატით მკურნალობა უნდა მიმდინარეობდეს ექიმის ზედამხედველობის ქვეშ. სტენოკარდიით დაავადებულ პაციენტებში შეიძლება გაძლიერდეს ტკივილი გულ-მკერდის არეში. გეგმიური ოპერაციული ჩარევების შემთხვევაში პრეპარატის მიღება უნდა შეწყდეს ოპერაციამდე რამდენიმე დღით ადრე.
ავადმყოფებს, რომლებიც ღებულობენ რაუნატინს და უკეთდებათ ექსტრემალური ოპერაცია ზოგადი ნარკოზით, აუცილებლად უტარებენ პრემედიკაციას ატროპინით.
არ უნდა მივიღოთ პრეპარატი ელექტროიმპულსური თერაპიის სეანსის წინ.
ბავშვებში პრეპარატის მიღების შესახებ მონაცემები არ არსებობს.
გვერდითი მოვლენები
ავადმყოფი პრეპარატს ჩვეულებისამებრ კარგად იტანს. იშვიათად შეიძლება განვითარდეს ღებინება, გულისრევის შეგრძნება, დიარეა, მუცლის ტკივილი, ძილიანობა, გამონაყარი კანზე, ქავილი, ცხვირის ლორწოვანი გარსის შეშუპება, ოფლიანობა, საერთო სისუსტე, დეპრესია, ბრადიკარდია, სტენოკარდიის მქონე პაციენტებში შესაძლოა აღინიშნოს ტკივილის გაძლიერება გულ-მკერდის მიდამოში. გვერდითი მოვლენები ქრება დოზის შემცირებისას ან პრეპარატის მიღების ხანმოკლე (1-3დღით) შეწყვეტისას.
უკუჩვენება
მომატებული ინდივიდუალური მგრძნობელობა რაუვოლფიას ალკოლოიდების მიმართ, არტერიული ჰიპოტენზია, გულის უკმარისობა, გულის ორგანული დაზიანებები, ბრდიკარდია, აორტალური მანკები, გამოხატული ცერებრალური ათეროსკლეროზი, დეპრესია, ეპილეფსია, პარკინსონიზმი, ბრონქული ასთმა, ორსულობა, ლაქტაცია.
ორსულობა და ლაქტაცია
რამდენადაც ალკოლოიდი რეზერპინი აღწევს პლაცენტაში და დედის რძეში, პრეპარატის მიღება ორსულობისა და ძუძუთი კვების პერიოდში უკუნაჩვენებია. ლაქტაციის პერიოდში პრეპარატის მიღების აუცილებლობის შემთხვევაში ძუძუთი კვება უნდა შეწყდეს.
განსაკუთრებული მითითებები
ზეგავლენა სატრანსპორტო საშუალებების მართვასა და მექანიზმებთან მუშაობაზე:
პრეპარატს შეუძლია დაარღვიოს პაციენტის სწრაფი რეაგირების უნარი, განსაკუთრებით მკურნალობის დასაწყისში. ამდენად, მკურნალობის კურსის დროს პაციენტებმა თავი უნდა აარიდონ ისეთ საქმიანობას, რომელიც მოითხოვს მომატებულ ყურადღებასა და ფსიქომოტორული რეაქციის სისწრაფეს.
ჭარბი დოზირება
სიმპტომები: ოფლიანობა, საერთო სისუსტე, გამოხატული ჰიპოტენზია.
მკურნალობა: კუჭის ამორეცხვა, გააქტივებული ნახშირის მიღება, შესაძლოა ფორსირებული დიურეზი. საჭიროების შემთხვევაში შესაძლოა ვენაში რეოპოლიგლუკინის ან მეზატონის შეყვანა ანგიოტენზინამიდის ან 2%-იანი ნორადრენალინის ჰიდროტარტრატის დამატებით.
სხვა წამლებთან ურთიერთქმედება
პრეპარატის ანტიჰიპერტენზიული მოქმედება ძლიერდება სხვა ანტიჰიპერტენზიული საშუალებების გამოყენებისას (თიაზიდური დიურეზული საშუალებები, ბეტა-ადრენობლოკატორები, აგფ-ინჰიბიტორები, Ca2+-ანტაგონისტები და სხვა). აძლიერებს ცნს-ზე ალკოჰოლის, ბარბიტურატების და ანტიდეპრესანტების დამთრგუნველ ზემოქმედებას. შეიძლება გააძლიეროს საგულე გლიკოზიდების და ქინიდინის ტოქსიკური ზემოქმედება. ამცირებს პარკინსონზმის სამკურნალო საშუალებებისა და სიმპათომიმეტური საშუალებების ეფექტურობას.
შენახვის პირობები და ვადები
ინახება სინათლისაგან დაცულ, ბავშვებისათვის მიუწვდომელ ადგილას არა უმეტეს 25ºC ტემპერატურაზე.
ვარგისიანობის ვადა:
3 წელი. არ გამოიყენება ვარგისიანობის ვადის გასვლის შემდეგ.
აფთიაქში გაცემის წესი
ფარმაცევტული პროდუქტი ჯგუფი II, გაიცემა რეცეპტით.
სად შევიძინოთ?