ურსოკამი / Ursocam
- საერთაშორისო დასახელება (აქტიური ნივთიერება): ursodeoxycholic acid
- კლინიკურ-ფარმაკოლოგიური ჯგუფი: გასტროენტეროლოგია, ჰეპატოლოგია → ჰეპატოპროტექტორები
- მწარმოებელი კომპანია: პოლფარმექს
- მწარმოებელი ქვეყანა: პოლონეთი
- გამოშვების ფორმა: 250მგ ტაბლეტი N25
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა
1 ტაბ.
ურსოდეოქსიქოლის მჟავა. . . . . . . . . . . . 250 მგ
დამხმარე ნივთიერებები: მიკროკრისტალური ცელულოზა, კარბომერი 934 P, ტალკი.
ფარმაკოლოგიური თვისებები
აქვეითებს ნაღველში ქოლესტერინის სეკრეციას, ხელს უშლის ნაღვლის ბუშტში კენჭების წარმოქმნას და იწვევს მათ დაშლას. ნაღვლის სხვა მჟავების შემცველობის შემცირებით, ასუსტებს ღვიძლის უჯრედებზე მათ ტოქსიკურ გავლენას.
ჩვენებები
- 15 მმ დიამეტრის, რენტგენის სხივების გამტარი, ნაღვლის ქოლესტერინული კენჭების დაშლა პაციენტებში, რომელთაც ნაღვლის ბუშტის ფუნქციონირება შენარჩუნებული აქვთ, კენჭების არსებობის მიუხედავად;
- ღვიძლის პირველადი ბილიარული ციროზის სიმპტომური მკურნალობა, მხოლოდ იმ შემთხვევაში თუ ეს არის დეკომპენსირებული ციროზი.
მიღების წესები და დოზები
ნაღვლის კენჭების დაშლა: ორალურად, 8-10 მგ/კგ დღეში, განაწილებული 2 დოზად (ცხრილში მოყვანილი სქემის მიხედვით).
| სხეულის მასა (კგ) | დღიური დოზა | ტაბლეტების რაოდენობა | |
| დილა | საღამო | ||
| 60 კგ-მდე | 500 მგ | --- | 2 |
| 80 კგ-მდე | 750 მგ | 1 | 2 |
| 100 კგ-მდე | 1000 მგ | 1 | |
| 100 კგ-ის ზევით | 1250 მგ | 2 | 3 |
პირველადი ბილიარული ციროზი: 5-10 მგ/კგ დღეში, ერთეული ან განაწილებული დოზა. თუ მიგაჩნიათ, რომ ურსოკამის ეფექტი ზედმეტად ძლიერი ან სუსტია, ამის შესახებ აცნობეთ ექიმს.
პრეპარატ ურსოკამის დოზის გამოტოვების შემთხვევაში: ნუ მიიღებთ დამატებით დოზას. მიიღეთ მომდევნო ტაბლეტი ჩვეულებრივ.
გვერდითი მოვლენები
სხვა პრეპარატების მსგავსად, ურსოკამმაც შეიძლება გამოიწვიოს გვერდითი მოვლენები, თუმცა არა ყველა პაციენტში.
არასასურველი რეაქციების შესაძლებლობა შემდეგი კლასიფიკაციითაა განსაზღვრული:
ძალიან ხშირი: 10-დან 1 პაციენტზე მეტი; ხშირი: 100-დან 1 პაციენტი მაინც; საშუალო სიხშირის: 1000-დან 1 პაციენტი მაინც; იშვიათი: 10 000-დან 1 პაციენტზე მეტი; ძალიან იშვიათი: 10 000-დან 1 პაციენტი ან ერთეული შემთხვევა.
კუჭ-ნაწლავის ტრაქტი: კლინიკურ კვლევებში, ურსოდეოქსიქოლის მჟავათი მკურნალობისას ხშირი იყო ღია ფერის განავალი ან დიარეა; ძალიან იშვიათად - პირველადი ბილიარული ციროზის მკურნალობისას აღინიშნებოდა ძლიერი ტკივილი მუცლის ზედა მარჯვენა მეოთხედში.
ჰეპატო-ბილიარული დარღვევები: ძალიან იშვიათად - ურსოდეოქსიქოლის მჟავათი მკურნალობისას, აღინიშნება ნაღვლის კენჭების კალციფიკაცია; პირველადი ბილიარული ციროზის მკურნალობისას შეიძლება გაუარესდეს დაავადების სიმპტომები, რაც ნაწილობრივ შექცევადია მკურნალობის შეწყვეტის შემდეგ.
კანი და კანქვეშა ქსოვილი: ძალიან იშვიათად - შეიძლება განვითარდეს ჭინჭრის ციება. აქ ჩამოთვლილ გვერდით მოვლენათაგან თუ რომელიმემ მძიმე ხასიათი მიიღო, ან თუ შენიშნეთ რაიმე სხვა გვერდითი მოვლენა, აცნობეთ თქვენს ექიმს ან ფარმაცევტს.
უკუჩვენება
ურსოკამი არ გამოიყენება შემდეგ შემთხვევებში:
- აქტიური ნივთიერების ან პრეპარატის რომელიმე სხვა კომპონენტის მიმართ ჰიპერმგრძნობელობის ან აუტანლობის დროს;
- ნაღვლის ბუშტისა და სანაღვლე გზების მწვავე ანთებისას;
- ნაღვლის საერთო და ბუშტის სადინარების ობსტრუქციის დროს.
ურსოკამის გამოყენება არ შეიძლება თუ ნაღვლის ბუშტი რენტგენის სურათზე არ ჩანს, ნალექში კალციფიკაცია აღინიშნება, ნაღვლის ბუშტის სისტოლური მოქმედება შესუსტებულია ან ხშირია ბილიარული კოლიკები.
ურსოკამის გამოყენება მოითხოვს განსაკუთრებულ სიფრთხილეს: ურსოკამის გამოყენება უნდა მოხდეს ექიმის მეთვალყურეობის ქვეშ.
ღვიძლის ფუნქცია – AST (GOT), ALT (GPT) და γ-GT უნდა შემოწმდეს ყოველ 4 კვირაში ერთხელ, თერაპიის პირველი 3 თვის განმავლობაში, ხოლო შემდეგ 3 თვეში ერთხელ. მკურნალობის ეფექტურობის შესაფასებლად და სანაღვლე გზებში კალციუმის ნალექის შესამოწმებლად, მკურნალობის დაწყებიდან 6-10 თვის შემდეგ ტარდება ნაღვლის ბუშტის რადიოგრაფიული შემოწმება (ორალური ქოლეცისტოგრაფია), დანალექის დიამეტრის მიხედვით. დათვალიერება (საწყისი და კონტრასტის შეყვანის შემდეგ) უნდა მოხდეს როგორც მდგომარე, ისე მწოლიარე მდგომარეობაში (ულტრაბგერითი გამოკვლევა).
ნუ მიიღებთ პრეპარატს იმ შემთხვევაში, თუ თქვენ ზემოთ აღწერილ მდგომარეობათაგან რომელიმე გაწუხებთ.
კონსულტაციისთვის მიმართეთ ექიმს.
ორსულობა და ლაქტაცია
ორსულობა: ცხოველებზე ჩატარებულმა ცდებმა აჩვენა, რომ ორსულობის ადრეულ ეტაპზე ურსოკამის მიღებისას, არსებობს ნაყოფის დაზიანების საშიშროება. ადამიანებზე ზუსტი მონაცემების არარსებობის გამო, რეპროდუქციული ასაკის ქალებმა მკურნალობის პერიოდში უნდა გამოიყენონ კონტრაცეპტივები. ორსულობის შესახებ აუცილებლად აცნობეთ ექიმს. უსაფრთხოების მიზნით, ნუ მიიღებთ ურსოკამს ორსულობის პირველ ტრიმესტრში.
ლაქტაცია: საკმარისი მონაცემები, ურსოდეოქსიქოლის მჟავას დედის რძეში შეღწევადობის შესახებ, არ არსებობს. ნუ მიიღებთ ურსოკამს ლაქტაციის პერიოდში.
განსაკუთრებული მითითებები
სატრანსპორტო საშუალებებისა და მექანიკური მოწყობილობების მართვა: პრეპარატის გავლენა მანქანის ან მექანიკური მოწყობილობების მართვაზე არ არის დაფიქსირებული.
ჭარბი დოზირება
დოზის გადაჭარბებამ შეიძლება გამოიწვიოს დიარეა.
დოზის გაზრდა იწვევს ურსოდეოქსიქოლის მჟავას შეწოვის დაქვეითებას. შედეგად გაიზრდება ფეკალიებთან ერთად გამოყოფა.
სხვა წამლებთან ურთიერთქმედება
ურსოკამი არ უნდა მიიღოთ ქოლესტირამინთან, ქოლესტიპოლთან ან ალუმინის ჰიდროქსიდთან და (ან) მარილმჟავას გამანეიტრალებელ პრეპარატებთან ერთად, რომლებიც ალუმინის ჰიდროქსიდს და მაგნიუმის ტრისილიკატს შეიცავს. აღნიშნული ნივთიერებები კუჭ-ნაწლავის ტრაქტში ბოჭავენ ურსოდეოქსიქოლის მჟავას და ხელს უშლიან მის შეწოვას, რაც მკურნალობას არაეფექტურს ხდის. თუ ამ ნივთიერებების შემცველი პრეპარატების გამოყენებაა საჭირო, ურსოკამი უნდა მიიღოთ მათ მიღებამდე 2 საათით ადრე ან გვიან.
ურსოკამმა შეიძლება გააძლიეროს კუჭ-ნაწლავის ტრაქტიდან ციკლოსპორინის შეწოვა. ციკლოსპორინით მკურნალობის შემთხვევაში უნდა შემოწმდეს სისხლში მისი კონცენტრაცია. თუ საჭიროა, შეამცირეთ ციკლოსპორინის დოზა.
ერთეულ შემთხვევებში, ურსოკამმა შეიძლება დააქვეითოს ციპროფლოქსაცინის შეწოვა.
ურსოდეოქსიქოლის მჟავა ამცირებს ნიტრენდიპინის (კალციუმის ანტაგონისტის) პიკურ კონცენტრაციას. აღწერილია ერთი შემთხვევა, როცა ურსოდეოქსიქოლის მჟავა ურთიერთქმედებდა დაპსონთან (პრეპარატის თერაპიული ეფექტის დათრგუნვა). ურსოდეოქსიქოლის მჟავას შეუძლია ციტოქრომ P450- ის იზოენზიმის 3A4- ის სტიმულირება, რომელიც წამლების მეტაბოლიზმში მონაწილეობს. ვარაუდები ემყარება ნიტრენდიპინის ფარმაკოკინეტიკას, დაპსონის მოქმედების სიძლიერის შეფასებას და ინ ვიტრო კვლევებს.
სიფრთხილით უნდა მოხდეს იმ პრეპარატების მიღება, რომლებიც აღნიშნული ენზიმით მეტაბოლზირდება. თუ საჭიროა, უნდა მოხდეს მათი დოზის დარეგულირება.
შენახვის პირობები და ვადები
პრეპარატი ინახება არა უმეტეს 25oC ტემპერატურაზე, ბავშვებისთვის მიუწვდომელ ადგილას.
ვარგისიანობის ვადა - 3 წელი.
აფთიაქში გაცემის წესი
პრეპარატი გაიცემა ექიმის რეცეპტით.
სად შევიძინოთ?