ინგა მამუჩიშვილი: კორონავირუსი ნაკლებად ერჩის ბავშვებს, ეს უკვე ძალიან მნიშვნელოვანია
თარიღი: 28 თებერვალი, 2020
ინგა მამუჩიშვილი კორონავირუსთან დაკავშირებით რჩევებს გასცემს. ამის შესახებ პედიატრი სოციალურ ქსელში წერს და აღნიშნავს, რომ ახალი კორონავირუსი ნაკლებად ერჩის ბავშვებს, ეს კი, ძალიან მნიშვნელოვანი ფაქტორია. მის პოსტს უცვლელად გთავაზობთ:
“ჩემო უძვირფასესო მეგობრებო,საქართველოსაც ეწვია კორონავირუსი. უკვე გვაქვს ეს ბედნიერება!!! მაგრამ ერთი რამ გვახსოვდეს,რომ ექსტრემალური სიტუაციიდან გამოსავალს პანიკა არ წარმოადგენს. ჩვენ უნდა ვიფრთხილოთ!არ შეგვიპყროს შიშმა!ვიყოთ ყურადღებით!მოვუფრთხილდეთ ერთმანეთს (მხოლოდ საკუთარ თავს და საკუთარ ოჯახებს არა)მკაცრად დავიცვათ ჯანმო-ს მიერ მოწოდებული რეკომენდაცები! სახელმწიფო სტრუქტურების მოვალეობა კი უსაფრთხოების ზომების გამკაცრება და საკუთარ ხალხზე ზრუნვაა! შევწყვიტოთ იმ ქვეყნებში გამგზავრება,სადაც დაფიქსირებულია კორონავირუსი და უმჯობესია დროებით თავი შევიკავოთ იმ სიამოვნებისგან რასაც ტურისტად ყოფნა ქვია! მოვერიდოთ ადამიანთა თავშეყრის ადგილებში ყოფნას, დროებით გადავდოთ კინოთეატრებში, საკონცერტო დარბაზებში, დიდ მარკეტებში, ბავშვთა გასართობ ცენტრებში და სტუმრად სიარული. დავივიწყოთ მისალმების ქართული წესი-გადაკოცნა. ისტერიულად ვიბანოთ ხელ-პირი, დავაცემინოთ და დავახველოთ წესების დაცვით (აიფარეთ პირზე იდაყვის მიდამო) და არა ხელისგულები, ნახმარი ერთჯერადი ხელსახოცები არ დადოთ მაგიდაზე, მოათავსეთ მყისიერად ურნაში, ხშირად გაანიავეთ ოთახები. სახლში მისულებმა სწრაფად გამოიცვალეთ ფეხსაცმელი და ტანსაცმელი, გაწმინდეთ სპირტით ქუჩაში ნახმარი ნივთები, განსაკუთრებით მობილური ტელეფონი და საფულე. თუ ვირუსული ინფექციის ნიშნები გაქვთ, ნუ წახვალთ სამსახურში, არც ბავშვები წაიყვანოთ ხველით, ტემპერატურით და ცემინებით ბავშვთა დაწესებულებაში. მაღალი ტემპერატურის, ხველის, სუნთქვის გაძნელების,ზოგადი სისუსტის შემთხვევაში დაუყოვნებლივ განახორციელეთ ვიზიტი ექიმთან, მოახდინეთ ავადმყოფი ადამიანის იზოლირება, დაალაგეთ ოთახები სველი წესით, ხშირად გაანიავეთ, პაციენტიც და ოჯახის სხვა წევრებიც უნდა ხმარობდნენ სამედიცინო ნიღბებს. ავიმაღლოთ მოქალაქეობრივი კულტურა, ყოველთვის გვახსოვდეს მეორე ადამიანი, ნუ გავზიდავთ მარკეტებს და აფთიაქებს სახლში, არ არის საჭირო წინასწარი მარაგის შექმნა!!! სირცხვილია რაც დღეს ქალაქში ხდება!!! თითოეულ ჩვენთაგანს ალბათ გვქონია კორონავირუსთან შეხება, რომელიც შეიძლება გმოიხატა მარტივი კატარალური მოვლენებით:ხველით, ცხვირიდან გამონადენით, ყელის ტკივილით, ტემპერატურის მომატებით, გააჩნია ადმიანის იმუნური სისტემის კომპეტენციას, თუმცა ახალი, მუტანტი კორონავირუსი, რომელიც ადამიანის და ცხოველის კორონავირუსის შერწყმით წარმოიქმნა, შეუცნობადი და უცხოა იმუნური სისტემისთვის, მაგრამ თუ ის მწყობრშია, გამკლავებას ვირუსთან შეძლებს, სწორედ ამიტომ გმოჯანმრთელების პროცენტული მაჩვენებელი მნიშვნელოვნად აჭარბებს სიკვდილობის მაჩვენებელს!!!
როგორ მოვამძლავრით ჩვენი იმუნური სისტემა?
სწორი, ბალანსირებული კვება (მდიდარი ვიტამინებით და ცილებით) დიდი რაოდენობით სითხეების მიღება.‼ფიზიკური აქტივობა.‼ ნაკლები სტრესი და პანიკა.‼ ვისაც აქვს იმის საშუალება, რომ მიაშურონ სოფლებს და აგარაკებს ძალიან მისასალმებელია. ‼გამოვიყენოთ ყველა ცნობილი ხლხური საშუალება (ნიორი, ხახვი, ჯანჯაფილი, ლიმონი, თაფლი, ნიგოზი, ჟოლო, გვირილა, ცაცხვი, გრეიფრუტი, ბროკოლი, სტაფილო, ქოქისი, ბროწეული, ქიშმიში და ა.შ) ცხვირთან მოსასმელი ანტივირუსული მალამოები, ვიტამინები და ბუნებრივი იმუნომოდულატორები (თქვენი ექიმის რჩევით‼შეიძლება, ძლიან მარტივი საშუალება, რომელიც დევს სააფთიაქო თაროზე, ძალიან ეფექტური აღმოჩნდეს კორონავირუსთან გასამკლავებლად.
რა მაიმედებს?
კორონავირუსი, ნაკლებად ერჩის ბავშვებს, ეს უკვე ძალიან მნიშვნელოვანია… ჩემი მოსაზრებით , რომელიმე კალენდარული ვაქცინაციის შედეგად ორგანიზმში გამომუშავებული ანტისხეულები ჯვარედინად მოქმედებს კორონავირუსზე და თრგუნავს მის რეპლიკაციას, გარდა ამისა ბავშვებში ქრონიკული დაავადებების დაბალი პროცენტია, რაც აადვილებს ინფექციასთან ბრძოლას! ‼ალბათ მალე გამოჩნდება ანტივირუსული პრეპარატი და გაგვაბედნიერებს ისე, როგორც A ტიპის გრიპის შემთხვევაში ოსელტამივირმა (ტამუფლუ) ‼მ ალე გაზაფხული მოვა. ვეღარ გაუძლებს იმედია მუტანტი კორონავირუსი პირდპირი მზის სხივის ზემოქმედებას, თანდათან შესუსტდება და დაანებებს ჩვენთან ბრძოლას თავს‼ ამასობაში კორონავირუსის საწინააღმდეგი ვაქცინაც არ დააყოვნებს. ჯანმრთელობას და მშვიდობას გისურვებთ ყველას -წერს პედიატრი სოციალურ ქსელში.
წყარო: https://fortuna.ge/