მაია ლაგვილავა მედიკამეტების პროგრამის მიმდინარეობას გაეცნო
მაია ლაგვილავა მედიკამეტების პროგრამის მიმდინარეობას გაეცნო
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე მაია ლაგვილავა მედიკამენტების გაცემის პროცესს პირადად დაესწრო და პენსიონერებსაც გაესაუბრა
თარიღი: 07/09/2018
მაია ლაგვილავა მედიკამეტების პროგრამის მიმდინარეობას გაეცნო
ქრონიკული დაავადების სამკურნალო მედიკამენტებით უზრუნველყოფის პროგრამის გაფართოვებიდან 3 დღის ვადაში, მედიკამენტებზე მინიმუმ 50%-იანი ფასდაკლებით 79-მა პენსიონერმა და 7-მა შშმ პირმა ისარგებლა.
პროგრამის გაფართოვების შემდეგ სოციალურად დაუცველი მოქალაქეების გარდა, პროგრამით ასაკით პენსიოერები და შეზღუდული შესაძლებლობის პირებიც სარგებლობენ. ყველაზე გავრცელებული ქრონკული დაავადებების სამკურნალო 23 მედიკამენტებს სოციალურად დაუცველი მოქალაქეები 1 ლარად, პენსიონერები და შშმ პირები კი საბაზრო ღირებულების მინიმუმ 50%-იანი ფასდაკლებით მიიღებენ.
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე მაია ლაგვილავა მედიკამენტების გაცემის პროცესს პირადად დაესწრო და პენსიონერებსაც გაესაუბრა.
პროგრამის ფარგლებში ფასდაკლება შეეხება გულ-სისხლძარღვთა სისტემის, დიაბეტის ტიპი 2-ის (არაინსულინდამოკიდებული, ფარისებრი ჯირკვლის და ფილტვის ქრონიკული დაავადებების სამკურნალო პრეპარატებს. მედიკამენტების ფასდაკლებით შესაძენად ბენეფიციარმა უნდა მიმართოს ოჯახის/სოფლის ექიმს ან ექიმ სპეციალისტს ფორმა N100-სა და რეცეპტის მისაღებად, შემდეგ სოციალური მომსახურების სააგენტოს ნებისმიერ ფილიალში აღნიშნული დოკუმენტაციისა და პირადობის მოწმობის წარდგენით გაიაროს რეგისტრაცია პროგრამაში.ბენეფიციარს შესაძლებლობა აქვს ერთჯერადად შეიძინოს მედიკამენტის მაქსიმუმ სამი თვის სამყოფი ოდენობა. ამ ეტაპზე მედიკამენტების შეძენა შესაძლებელია მხოლოდ სააფთიაქო ქსელ PSP-ს შესაბამის ფილიალში, თუმცა უახლოეს მომავალში პროგრამაში ჩაერთვება სხვა სააფთიაქო ქსელებისა და აფთიაქების უმეტესობა, რაც მნიშვნელოვნად გაზრდის მოსახლეობისათვის ამ მედიკამენტებზე გეოგრაფიულ ხელმისაწვდომობას. ყველა პრეპარატი არის ჯანდაცვის მსოფლიო ორგანიზაციის მიერ პრეკვალიფიცირებული. პროგრამის გაფართოება უახლოეს მომავალში კვლავ იგეგმება.