Nuk

იხილეთ აფთიაქების ჩამონათვალი

კაპტოპრილი პოლფარმექსი / Captopril Polfarmex

 

1.             რა არის კაპტოპრილ პოლფარმექსი, და რისთვის გამოიყენება იგი

კაპტოპრილი წარმოადგენს ანგიოტენზინგარდამქმნელი ფერმენტის (აგფ) ინჰიბიტორს, რომელიც გარდაქმნის არააქტიურ ანგიოტენზინ I აქტიურ ანგოტენზინ II. ჰიპერტენზიით დაავადებულ პაციენტებში, შემცირებული ანგიოტენზინ II სინთეზი, რომელიც ამცირებს წნევას, რენინ-ანგიოტენზინი ამცირებს მარცხენამხრივ ვენტიკულარულ ჰიპერტროფიას. გულის უკმარისობის დროს, როდესაც შემცირებულია პერიფერული სისხლს-ძარღვოვანი რეზისტენტობა, კაპტოპრილი ამცირებს გულისცემის სიხშირეს და აუმჯობესებს პაცოენტის მდგომარეობას. პიაბეტური ნეფროპათიის დროს კი ამცირებს პროთეინურიას.

 კაპტოპრილ პოლფარმექსის მიღება ნაჩვენებია:

ჰიპერტენზიის სამკურნალოდ,

ქრონიკული გულის უკმარისობის სამკურნალოდ,  პარკუჭის სუსტი ფუნქციით, შესაძლებელია კაპტოპრილის ერთდროული მიღება იურეტიკებთან, შაგულე გლიკოზიდებთან და ბეტა-ბლოკერებთან;

გულის მარცხენა პარკუჭის ასიმპტომური დისფუნქცია (გადარტორცნის ფრაქცია ≤ 40%) მიოკარდიუმის ინფარქტის შემდეგ სტაბილური კლინიკური სტატუსის მქონე პაციენტებში,

დიაბეტური ნეფროპათიის სამკურნალოდ.

 

2. რა უნდა იცოდეთ კაპტოპრილ პოლიფარმექსის მიღებამდე

 კაპტოპრილ პოლფარმექსის მიღება დაუშვებელია:

 -      თუ პაციენტი ალერგიულია კაპტოპრილის, სხვა ანგიოტენზინ-გარდამქმნელი ფერმენტის ინჰიბიტორების ან ამ პრეპარატში შემავალი რომელიმე კომპონენტის მიმართ;
 -      თუ პაციენტს აქვს ანგიოდემა, რომელიც გამოწვეულია ანგიოტენზინ-გარდამქმნელი ფერმენტის ინჰიბიტორებით მკურნალობის შედეგად;
 -      თუ პაციენტს აქვს მემკვიდრეობითი ან შეძენილი ანგიონევროზული შეშუპება,
 -      თუ პაციენტს აქვს დიაბეტი ან თირკმლის ფუნქციის დარღვევები და იღებს მედიკამენტებს რომლებიც ამცირებენ არტერიულ წნევას და შეიცავენ ალისკირენს;
 -      თუ პაციენტი არის ორსულობის მე-2 ან მე-3 ტრიმესტრში;
 -      თუ პაციენტს აქვს ლაქტაციის პერიოდი.

 სიფრთხილის ზომები

 კაპტოპრილ პოლფარმექსის მიღებამდე აუცილებელია კონსულტაცია მკურნალ ექიმთან ან ფარმაცევტთან.

- თუ პაციენტი იღებს რომელიმე ქვემოთ ჩმოთვლილ მედიკამენტს მაღალი არტერიული წნევის სამკურნალოდ:

- ანგიოტენზინ II რეცეპტორის ანტაგონისტებს (არა) (ასევე ცნობილი როგორც სარტანების ჯგუფი - მაგალითად, ვალსარტანი, ტელმისარტანი, იბერსარტანი); განსაკუთრებით თუ თქვენ გაქვთ თირკმლის პრობლემები, რომელიც ასევე დაკავშირებულია დიაბტთან.

- ალისკირენი; 

-  თუ პაციენტს აქვს ჰიპერტენზია;
- თუ პაციენტს აქვს გულის უკმარისობა;
- თუ პაციენტს აქვს თირკმლის არტერიის ორმხრივი სტენოზი ან სისხლძარღვების შევიწროვება ერთ თირკმელზე;
- თუ პაციენტს აქვს თირკმლის ფუნქციური დარღვევები (კრეატინინის კლირენსი ≤ 40 მლ / წთ)
- თუ მკურნალობის პირველ კვირაში გამოვლინდა კიდურების, სახის, პირის, ლორწოვანი გარსის, ენის, ყბის, ხორხის ანგიონევროზული შეშუპება; ენის, ყიას ან ყბის შეშუპებას შეუძლია გამოიწვიოს ფატალური შედეგი.
- თუ პაციენტს გამოუვლინდა ხველება;
- თუ პაციენტს აქვს ყვითელა ან აღინიშნა ღვიძის ფერმენტის მომატებული დონე;
- თუ პაციენტს აქვს თირკმლის უკმარისობა;
- თუ პაციენტს აქვს დიაბეტი
- თუ პაციენტი იღებს კალიუმის შემნახველ დიურეტიკებს, კალიუმის შემცველ პრეპარატებს ან სხვა რომელიმე პრეპარატებს, რომლებიც ხელს უწყობენ კალიუმის დონის მომატებას.
- თუ პაციენტი იღებს ლითიუმს;
- თუ პაციენტს აქვს ფუტკრის ან კრაზანის შხამით დესენსიბილიზაცია;
- თუ პაციენტი იმყოფება დიალიზზე გამფილტვრელი მემბრანის გამოყენებით, რომელიც არის ძალიან განმტარი ან როდესაც ლიპოპროტეიდების აფერეზი არის დაბალი სიმკვრივის;
-  თუ პაციენტს დაგეგმილი აქვს ქირურგიული ჩარევა ან ანესთეზია ისეთი ანესთეზიური საშუალებების გამოყენებით, რომლებიც იწვევენ არტერიული წნევის დაწევას;
- თუ პაციენტს აქვს თანდაყოლილი გალაქტოზემია, გლუკოზა-გალაქტოზის მალაბსორბაცია ან ლაქტოზის დეფიციტი,

- თუ პაციენტი არის შავ-კანიანი.
მკურნალ ექიმს შეუძლია გააკონტროლოს თირკმლის ფუნქცია, არტერიული წნევა, სისხლში ელექტროლიტების (მაგალითად კალიუმი) კონცენტრაცია პერიოდულად.

 

ურთიერთქმედება სხვა მედიკამენტებთან კაპტოპრილ პოლფარმექსით მკურნალობის დროს.

აცნობეთ მკურნალ ექიმს ან ფარმაცევტს ნებისმიერი სხვა მედიკამენტის შესახებ, რომელსაც იღებთ, ახლო წარსულში იღებდით ან შესააძლოა მიიღოთ.

ექიმს შეუძლია დააკორექტიროს დოზირება და (ან) მიიღოს სიფრთხილის სხვა ზომები: 

- თუ პაციენტი იღებს ანგიოტენზინ II რეცეპტორის ანტაგონისტებს (არა) ან ალისკირენს (იხილეთ ასევე ინფორმაცია „კაპტოპრილ ფარმექსის მიღება დაუშვებელია“ და „სიფრთხილის ზომები“). კაპტოპრილ პოლფარმექსის მიღებისას საჭიროა განსაკუთრებული სიფრთხილის გამოჩენა:
-  თუ პაციენტი იღებს კალიუმის შემნახველ დიურეტიკებს (მაგალითად, სპირონოლაქტონი, ტრიმტერენი ან ამილორიდი), კალიუმის დანამატებს, ან საკვები მარილის ალტერნატივებს, რომლებიც ზრდიან კალიუმის შემცველობას.
- თუ პაციენტი მკურნალობდა ან მკურნალობს დიურეტიკების მაღალი დოზებით (თიაზედები ან მარყუჟული დიურეტიკები).
- თუ პაციენტი იღებს ნიტროგლიცერინს და სხვა ნიტრატებს ან სხვა აგენტებს, რომლებიც აფართოვებენ სისხლძარღვებს.
- თუ პაციენტი იღებს ლითიუმს.
- თუ პაციენტი მკურნალობს ტრიციკლური ანტიდეპრესანტებით/ანტიფსიქოზური საშუალებებით.
- თუ პაციენტი იღებს ალოპურინოლს, პროკაინამიდს, ციტოსტატიკებს და იმუნოსუპრესიულ მედიკამენტებს.
- თუ პაციენტი ერთდროულად იღებს არასტეროიდული ანთების საწინააღმდეგო პრეპარტებს.
- თუ პაციენტი იღებს სიმპათომიმეტურ პრეპარატებს.
- თუ პაციენტი იღებს დიაბეტის სამკურნალო საშუალებებს.
კაპტოპრლის მიღება უსაფრთხოა შემდეგთან კომბინაციაში 

ჩვეულებრივ ანტიჰიპერტენზულ აგენტებთან (მაგალითად, ბეტა-ბლოკერები, ხანგრძლივი მოქმედების კალციუმის არხების ბლოკატორები. აცეტილსალიცილის მჟავასთან (კარდიოლოგიური დოზებით), თრომბოლიზურ პრეპარატებთან, ბეტა-ბლოკატორებთან და (ან) ნიტრატებთან მიოკარდიუმის ინფარქტის მქონე პაციენტებში

კლინიკური ქიმია (სამედიცინო ანალიზი):

შარდის ანალიზმა აცეტონზე გამოვლევისას კაპტოპრილის გამოყენებამ შეიძლება მოგვცეს ცრუ-დადებითი პასუხი.

 

ორსულობა და ლაქტაციის პერიოდი

კაპტოპრილ პოლფარმექსის მიღება რეკომენდირებული არაა ორსულობის პირველ ტრიმესტრში. თუ პაციენტი ორსულადაა, ან გეგმავს ორსულობას, აუცილებელია მკურნალობის სხვა მედიკამენტით ჩანაცვლება დაუყოვნებლივ. აღნიშნული მედიამენტის გამოყენება დაუშვებელია ორსულობის მეორე და მესამე ტრიმესტრში. კაპტოპრილის მიღება ორსულობის მეორე და მესამე ტრიმესტრში არის ნაყოფისთვის ტოქსიკური (თირკმლის ფუნქციის დარღვევა, სანაყოფო წყლების საგრძნობი შემცირება, თავის ქალის ძვლების გაძვალება) ახალშობილებში (თირკმლის უკმარისობა, არტერიული ჰიპოტენზია, ჰიპერკალიუმია). კაპტოპრილი პოლფარმექსის მიღება ძუძუთი კვების პერიოდში უკუნაჩვენებია.

 

ზეგავლენა ავტოტრანსპორტის მართვასა და ტექნიკასთან მუშაობის უნარზე:

ავტოტრანსპორტის მართვის და ტექნიკასთნ მუშაობის უნარზე კაპტოპრილმა შესაძლოა ზეგავლენა მოახდინოს მკურნალობის დასაწყისში, დოზის კორექტირების ან ალკოჰოლის მიღების შემთხვევაში. თუმცა ეს დამოკიდებულია ინდივიდუალურ მგრძნობელობაზე.

 

მნიშვნელოვანი ინფორმაცია კაპტოპრილ პოლფარმექსის შემადგენლობაში შემავალ კომპონენტებზე

პრეპარატი შეიცავს ლაქტოზას. თუ თქვენ გაქვთ შაქრის აუტანლობის დიაგნოზი, პრეპარატის მიღებამდე მიმართეთ ექიმს. კაპტოპრილი პოლფარმექსი 12.5 მგ შეიცავს 0.01785 გ ლაქტოზას (0.008925 გ გლუკოზა და 0.008925 გ გალაქტოზა), კაპტოპრილ პოლფარმექსი 25 მგ - 0.0357 გ ლაქტოზა (0.01785 გ გლუკოზა და 0.01785 გ გალაქტოზა), კაპტოპრილი პოლფარმექსი 50 მგ 0.05 - ლაქტოზა (0.0357 გ გლუკოზა და 0.0357 გ გალაქტოზა) ერთ ტაბლეტში.

ეს უნდა იქნას გათვალისწინებული დიაბეტით დაავადებულ პაციენტებში.

კაპტოპრილი პოლფარმექსი შეიცავს 1 მმოლ-ზე ნაკლებ (23 მგ) ნატრიუმს თითო ტაბლეტში, ანუ არსებითად „ნატრიუმის გარეშე“.

 

3. როგორ გამოვიყენოთ კაპტოპრილ პოლფარმექსი

კაპტოპრილ პოლფარმექსი მიიღება მკურნალი ექიმის მიერ განსაზღვრული დოზირბის მკაცრი დაცვით. დამატებითი კითხვების შემთხვევავში მიმართეთ მკურნალ ექიმს ან ფარმაცევტს.

მაქსიმალური რეკომენდირებული დღიური დოზა არის 150 მგ/დღეში.

მედიკამენტის მიღება შეიძლება ჭამამდე, ჭამის დროს ან ჭამის შემდეგ.

 

ჰიპერტენზია:

კაპტოპრილის რეკომენდებული საწყისი დოზაა 25-50 მგ ორჯერ დღეში. დოზა შეიძლება თანდათან გაიზარდოს, მინიმუმ ორი კვირის ინტერვალით, დოზით 100-150 მგ / დღეში ორ დაყოფილ დოზად სამიზნე არტერიული წნევის მისაღწევად. კაპტოპრილი შეიძლება გამოყენებულ იქნას ცალკე (მონოთერაპიაში) ან სხვა ანტიჰიპერტენზიულ საშუალებებთან ერთად, მაგალითად თიაზიდებთან ერთად.

კაპტოპრილის ერთჯერადი დოზა შეიძლება გამოყენებულ იქნას კომბინირებულ თერაპიაში ანტიჰიპერტენზიულ საშუალებებთან, როგორიცაა თიაზიდური შარდმდენები.

რენინ-ანგიოტენზინ-ალდოსტერონის სისტემის მაღალი აქტივობის მქონე პაციენტებში (ჰიპერვოლემია, თირკმელ-სისხლძარღვთა ჰიპერტენზია, გულის დეკომპენსაცია), რეკომენდებულია მკურნალობის დაწყება დოზით 6,25 მგ ან 12,5 მგ დღეში ერთხელ. მკურნალობა სასურვლია დაიწყოს სამედიცინო მეთვალყურეობის ქვეშ და შემდეგ გაიზარდოს ორ მიღებამდე დღეში. დოზა უნდა გაიზარდოს თანდათან 50 მგ-მდე ან 100 მგ-მდე, განაწილებული დღეში 1-2 მიღებად 

 

გულის უკმარისობა:

გულის უკმარისობის დროს კაპტოპრილით მკურნალობა უნდა ჩატარდეს ექიმის ზედამხედველობის ქვეშ. დოზირება ჩვეულებრივ იწყება 6.25 მგ -დან 12.5 მგ -მდე დღეში ორჯერ ან სამჯერ. გადასვლა შემანარჩუნებელი დოზიდან მაქსიმალურ დოზამდე არის 150 მგ/დღეში, გაყოფილი რამდენიმე დოზად, დამოკიდებული პაციენტის ინდივიდუალურ რეაქციაზე. დოზირება უნდა გაიზარდოს თანდათან, ორი კვირის განმავლობაში, თუ პაციენტი იქნება ტოლერანტული.

მიოკარდიუმის ინფარქტი:

მოკლე–ვადიანი მკურნალობა: კაპტოპრილ პოლფარმექსით მკურნალობა უნდა დაიწყოს საავადმყოფოში დაუყოვნებლივ, მას შემდეგ რაც პაციენტის მდგომარეობა იქნება სტაბილური.

საწყისი დოზა არის 6,25 მგ, შემდგომი დოზის 12,5 მგ–ის მიღება უნდა მოხდეს 2 საათის შემდეგ, ხოლო 12 საათის შემდეგ მისაღები დოზა შეადგენს 25 მგ–ს.

შემდგომში, 100 მგ კაპტოპრილი უნდა დაიყოს ორ დაყოფილ დოზად 4 კვირის განმავლობაში, იმ პირობით, რომ არ იქნება გვერდითი ჰემოდინამიკური რეაქციები.

ოთხი კვირის შემდეგ, ვიდრე რაიმე გადაწყვეტილების მიღება მოხდება პოსტმიოკარდიულ მკურნალობაზე, რეკომენდებულია პაციენტის მდგომარეობის განსაზღვრა.

ხანგრძლივი მკურნალობა: თუ არ იქნა გადაწყვეტილი მკურნალობის დაწყება კაპტოპრილით ძლიერი მიოკარდიუმის ინფარქტის შემდეგ 24 საათის განმავლობაში, რეკომენდებულია მკურნალობის დაწყება 3–დან 16 დღის განმავლობაში, ჯანმრთელობის შესაბამისი მდგომარეობის  შემდეგ (სტაბილური ჰემოდინამიკა, რეციდიული იშემიის სრული დიაგნოსტიკა). მკურნალობა უნდა ჩატარდეს საავადმყოფოში ექიმის მკაცრი ზედამხედველობის ქვეშ, ვიდრე პაციენტი მიაღწევს მკურნალობის მაქსიმალურ დოზას 75 მგ–ს. საწყისი დოზა უნდა იყოს მსუბუქი, განსაკუთრებით თუ პაციენტს მკურნალობის საწყის ეტაპზე აღენიშნება ნორმალური ან დაბალი არტერიული წნევა. მკურნალობა უნდა დაიწყოს 6,25 მგ–დან 12,5 მგ–მდე, დღეში სამ მიღებად 2 დღის განმავლობაში, შემდეგ, 25 მგ დღეში სამჯერ, თუ არ მოხდება არანაირი უარყოფითი ჰემოდინამიური რეაქციის წარმოქმნა. იმისათვის რომ პაციენტმა მიაღწიოს კარდიოპროტექტულ ეფექტს მიზანშეწონილია კაპტოპრილის 75 მგ–დან 150 მგ–მდე მიღება დაყოფილი 2–3 დღიურ მიღებად – ხანგრძლივი მკურნალობის დროს. სიმპტომური ჰიპოტენზიის შემთხვევაში, რომელიც იწვევს გულის უკმარისობას, დიურეტიკის დოზა და (ან) სხვა თანმხლები პრეპარატის რომელიც აფართოვებს სისხლძარღვებს შესაძლოა შემცირდეს კაპტოპრილის განსაზღვრულ ჩვეულ დოზასთან მიმართებაში. კაპტოპრილის გამოყენება შესაძლებელია სხვა მედიკამენტებთან ერთად, რომლებიც გამოიყენება გულის უკმარისობის სამკურნალოდ, როგორიცაა; თრომბოლიტიკები, ბეტა–ბლოკერები და აცეტილსალიცილის მჟავა.

დიაბეტური ნეფროპათია ტიპი I:

 რეკომენდებული დოზა არის 75 მგ–დან – 100 მგ–მდე დაყოფილი რამდენიმე მიღებად.

 თუ რეკომენდებულია არტერიული წნევის დაწევა მაშინ ანტი–ჰიპერტენზიული მედიკამენტის მიღებაა შესაძლებელი.

 თირკმლის უკმარისობა:

იმის გათვალისწინებით რომ კაპტოპრილი ორგანიზმიდან გამოიდევნება თირკმლის მეშვეობით, თირკმლის დარღვევების მქონე პაციენტებში დოზირება უნდა შემცირდეს ან ინტერვალები მიღებებს შორის გაიზარდოს. თუ დიურეტიკებით მკურნალობა აუცილებელია იმ პაციენტებში რომელთაც აქვთ თირკმლის მწვავე უკმარისობა, მაშინ მარყუჟული დიურეტიკებია (მაგალითად, ფუროსემიდი) რეკომენდებული თიაზიდების ნაცვლად.

 თირკმლის უკმარისობის მქონე პაციენტებში, დღიური დოზა ისე უნდა იყოს განსაზღვრული, რომ თავიდან ავიცილოთ კაპტოპრილის დალექვა.

 

კრეატინინის კლირენსი (მლ/წ/1.73 მ3)

საწყისი დღიური დოზა (მგ)

მაქსიმალური დღიური დოზა(მგ)

> 40

25 – 50

150

21 – 40

25

100

10 – 20

12,5

75

< 10

6,25

37,5

 

 ხანდაზმული პაციენტები:

ისევე, როგორც სხვა ანტიჰიპერტენზიული მედიკამენტების შემთხვევაში, თირკმლის დარღვევების და სხვა ორგანოების დისფუნქციის მქონე ხანდაზმულ პაციენტებში, თერაპია უნდა დაიწყოს დაბალი საწყისი დოზირებიდან (6,25 მგ ორჯერ დღეში).

დოზირება, უნდა იყოს განსაზღვრული პაციენტის არტერიული წნევის შესაბამისად და შემდგომში უნდა მოხდეს ყველაზე მცირე ეფექტური დოზის შენარჩუნება.

  

ბავშვები და მოზარდები:

კაპტოპრილის ეფექტურობა და უსაფრთხოება არაა შესწავლილი დაზუსტებით. კაპტოპრილის მიღება ბავშვებსა და მოზარდებში ხდება ექიმის მკაცრი ზედამხედველობის ქვეშ. საწყისი დოზა უნდა იყოს 0,3 მგ/კგ. სპეციალური ყურადღების მქონე პაციენტებში (ბავშვები თირკმლის ფუნქციის დარღვევით, დღენაკლული ბავშვები, ახალშობილები და ჩვილები, რადგანაც მათი თირკმლის ფუნქციები განსხვავდება მოზრდილების და უფროსების თირკმლის ფუნქციებისგან)  საწყისი დღიური დოზაა 0,15 მგ/კგ. ჩვეულებრივ, კაპტოპრილი ბავშვებში მიიღება 3–ჯერ დღეში, მაგრამ დოზირება და ინტერვალები მიღებებს შორის არის ინდივიდუალური და დამოკიდებულია პაციენტის მდგომარეობაზე.

 

 

თუ მიიღეთ კაპტოპრილ პოლფარმექსის გადაჭარბებული დოზა

ზედოზირების სიმპტომებია: მწვავე ჰიპოტენზია, შოკი, ბრადიკარდია, ელექტროლიტების დისბალანსი, თირკმლის უკმარისობა.

ზედოზირების აშკარა სიმპტომების გამოვლენიდან, აუცილებელია თავიდან ავიცილოთ პრეპარატის აბსორბაცია (მაგალითად, კუჭის ამორეცხვა, ზედოზირებიდან 30 წუთის განმავლობაში ადსორბენტების და ნატრიუმის სულფატის მიღებით). ზედოზირების შემდეგ, აუცილებელია მედიკამენტის ელიმინაცია.

ზედოზირების შედეგად ჰიპოტენზიის განვითარების შემთხვევაში, პაციენტი უნდა განთავსდეს შოკური მდგომარეობის შესაბამისად, და უნდა ჩაუტარდეს გადასხმა, და დაუყოვნებლივ მიიღოს ფიზიოლოგიური ხსნარი. რეკომენდებულია, ანგიოტენსინ II მიღება. ბრადიკარდიის ან ვაგუსის  სხვა არასასურველი რეაქციის განვითარების შემთხვევაში აუცილებელია ატროპინის მიღება. გასათვალისწინებელია სტიმულატორიც.

კაპტოპრილი გამოიდევნება ორგანიზმიდან ჰემოდიალიზის საშუალებითაც.

 

თუ დაგავიწყდათ კაპტოპრილ პოლფარმექსის მიღება

არ მიიღოთ ორმაგი დოზა გამოტოვებული დოზის საკომპენსაციოდ.

 

4. შესაძლო გვერდითი მოვლენები

ისევე როგორც ყველა სხვა მედიკამენტს, კაპტოპრილ პოლფარმექსსაც შეუძლია გამოიწვიოს გვერდითი მოვლენები.

გვერდითი მოვლენები რომელიც გამოვლენილა კაპტოპრილის ან/და აგფ ინჰიბიტორების მიღებისას: 

სისხლის და ლიმფური სისტემის მხრივ:

ძალიან იშვიათად: ნეიტროპენია / აგრანულოციტოზი, პანციტოპენია - განსაკუთრებით პაციენტებში – თირკმლის ფუნქციის დარღვევით, ანემიით (მათ შორის აპლასტიური და ჰემოლიზური ანემია), თრომბოციტოპენიით, შუასაყრის ლიმფური კვანძებით, ეოზინოფილიით, აუტოიმუნური დაავადებებით და (ან) დადებითი ანტიბირთვული ანტისხეულების ტესტით.

 

საჭმლის მომნელებელი სისტემის მხრივ:

იშვიათად: ანორექსია;

ძალიან იშვიათად: ჰიპერკალიემია (სისხლში კალიუმის ძალიან მაღალი დონე), ჰიპოგლიკემია (სისხლში შაქრის ძალიან დაბალი დონე).

 

ფსიქიური მდგომარეობის მხრივ:

ხშირი: ძილის დარღვევა;

ძალიან იშვიათად: დისორიენტაცია, დეპრესია.

 

ნერვული სისტემის მხრივ:

ხშირი: გემოს შეგრძნების დარღვევა, ვერტიგო;

იშვიათად: ძილიანობა, თავის ტკივილი, პარესთეზია;

ძალიან იშვიათად:  ცერებროვასკულარული ინციდენტები, მაგ. ინსულტი, გულის წასვლა.

 

მხედველობის მხრივ:

ძალიან იშვიათად: ბუნდოვანი ხედვა.

 

გულის მხრივ:

იშვიათად: ტაქიკარდია ან ტაქიარითმია, ანგინა, გახშირებული გულისცემა;

ძალიან იშვიათად: გულის გაჩერება; გულის შოკი.

ვასკულარული დარღვევების მხრივ:

იშვიათად: ჰიპოტენზია, რეინოს სინდრომი, სიწითლე, სიფერმკრთალე.

 

რესპირატორული, გულმკერდის და შუასაყრის დარღვევები:

ხშირი: მშრალი (არაპროდუქტიული), შემაწუხებელი ხველა, ქოშინი;

ძალიან იშვიათად: ბრონქოსპაზმი, რინიტი, ალერგიული ალვეოლიტი, ეოზინოფილური პნევმონია.

 

კუჭ–ნაწლავის დარღვევების მხრივ:

ჩვეულებრივ: გულისრევა, კუჭის გაღიზიანება – ტკივილი, დიარეა, ყაბზობა, პირის სიმშრალე.

იშვიათად: სტომატიტი, აფტოზური ეროზია;

ძალიან იშვიათად: გლოსიტი, კუჭის წყლულოვანი ტკივილი, პანკრეატიტი.

 

ჰეპატობილიარული დარღვევების მხრივ:

ძალიან იშვიათად: ღვიძლის უკმარისობა და ნაღვლის შეკავება (ასევე სიყვითლე), ჰეპატიტი ციროზის ჩათვლით,  ღვიძლის ფერმენტების და ბილირუბინის დონის გაზრდა.

 

კანისა და კანქვეშა ქსოვილის დარღვევების მხრივ:

ხშირი: ქავილი გამონაყრით ან გამონაყარის გარეშე, გამონაყარი და სიმელოტე;

იშვიათად: ანგიოდემა;

ძალიან იშვიათად: ურტიკარია, სტივენ ჯონსის სინდრომი, მულტიფორმული ერითემა, მზის ალერგია, ერითროდერმია, ბუშტუკოვანი ან ექსფოლიაციური დერმატიტი.

 

ჩონჩხის კუნთების, შემაერთებელი ქსოვილის და ძვლების მხრივ:

ძალიან იშვიათად: კუნთების და სახსრების ტკივილი.

 

თირკმლებისა და საშარდე სისტემის მხრივ:

იშვიათად: თირკმლის ფუნქციის დარღვევა, თირკმლის უკმარისობის ჩათვლით, პოლიურია, ოლიგურია,  შარდის გამოყოფის გაზრდა;

ძალიან იშვიათად: ნეფროზული სინდრომი.

 

რეპროდუქტიული სისტემის და გულ–მკერდის დარვევების მხრივ:

ძალიან იშვიათად: იმპოტენცია, გინეკომასტია (მამაკაცის მკერდის გადიდება).

ზოგადი დარღვევები:

იშვიათად: ტკივილი მკერდის არეში, დაღლილობა, სისუსტე.

ძალიან იშვიათად: გაციება.

 

ლაბორატორიული პარამეტრები:

ძალიან იშვიათად: პროტეინურია, ეოზინოფილია, კალიუმის მომატებული დონე სისხლში, ნატრიუმის დაბალი დონე სისხლში, BUN დონის მომატება, სისხლში კრეატინინის და ბილირუბინის მომატებული დონე, დაბალი ჰემოგლობინი, ლეიკოციტების, თრომბოციტების კონცენტრაცია, ჰემატოკრიტის შემცირება, დადებითი ანტიბირთვული ანტისხეულების ტესტი, ESR დონის მომატება.

 

გვერდითი მოვლენების შეტყობინება:

თუ შენიშნავთ რაიმე გვერდითი მოვლენის განვითარებას, მიმართეთ მკურნალ ექიმს ან ფარმაცევტს. ეს ეხება ისეთ გვერდით მოვლენებსაც, რომელიც არაა ჩამოთვლილი წინამდებარე ინსტრუქციაში. ასევე გვერდითი მოვლენების შეტყობინება შესაძლებელია: სამედიცინო პროდუქციის, საკვებ დანამატების და ბიოციდური პროდუქციის სამსახურის სამკურნალო საშუალებების გვერდითი მოვლენების მონიტორინგის განყოფილებაში:

ალ. იეროზოლიმსკი 181 წ

02-222 ვარშავა,

ტელ: + 48 22 49 21 21 301

ფაქსი: + 48 22 49 21 21 309.

საიტი: https://smz.ezdrowie.gov.pl

გვერდითი ეფექტების შესახებ ასევე შეიძლება შეატყობინოს მარკეტინგის ავტორიზაციის მფლობელს.

გვერდითი ეფექტების შეტყობინებით, თქვენ შეგიძლიათ მიიღოთ მეტი ინფორმაცია ამ პრეპარატის უსაფრთხოების შესახებ.

 

5. კაპტოპრილ პოლფარმექსის შენახვის წესი:

შეინახეთ პრეპარატი ბავშვებისათვის მიუწვდომელ ადგილას.

არ გამოიყენოთ ეს წამალი შეფუთვაზე მითითებული ვარგისიანობის ვადის გასვლის შემდეგ.

ინახება 25 ° C ტემპერატურაზე.

შეინახეთ ორიგინალ შეფუთვაში.

მედიკამენტები არ უნდა გადააგდოთ ჩამდინარე წყლების ან საყოფაცხოვრებო ნარჩენების საშუალებით.

ჰკითხეთ თქვენს ფარმაცევტს, თუ როგორ უნდა გადააგდოთ წამლები, რომლებიც აღარ არის საჭირო. ეს ხელს შეუწყობს გარემოს დაცვას.

 

 

6. პაკეტის შინაარსი და დამატებითი ინფორმაცია

რას შეიცავს კაპტოპრილ პოლფარმექსი

აქტიური ნივთიერებაა კაპტოპრილი. ერთი ტაბლეტი შეიცავს 12.5 მგ; 25 მგ ან 50 მგ კაპტოპრილს.

დამხმარე ნივთიერებებია: მიკროკრისტალური ცელულოზა, ლაქტოზას მონოჰიდრატი, ნატრიუმის კროსკარმელოზა, მაგნიუმის სტეარატი, კოლოიდური უწყლო სილიციუმი.

 

კაპტოპრილი პოლფარმექსის შეფუთვა:

კაპტოპრილი პოლფარმექსი არის ტაბლეტების სახით.

12.5 მგ ტაბლეტი - პაკეტში არის 30 ტაბლეტი.

25 მგ ან 50 მგ ტაბლეტები - პაკეტი შეიცავს 30, 40, 90 ტაბლეტს.

 

სად შევიძინოთ?