აუტიზმის მქონე ბავშვის ინტელექტი ასაკის მატებასთან ერთად შეიძლება გაიზარდოს
აუტიზმის მქონე ბავშვის ინტელექტი ასაკის მატებასთან ერთად შეიძლება გაიზარდოს
ამ გრძელვადიან კვლევაში მონაწილეობდა აუტიზმის სპექტრის მქონე 126 პირი. კვლევამ აჩვენა, რომ მიუხედავად აუტიზმის სიმპტომების მყარად შენარჩუნებისა, მონაწილეთა ინტელექტის მაჩვენებელი საშუალოდ 7.28-ით გაიზარდა 12-დან 23 წლამდე პერიოდში.
ეს კვლევა გამოქვეყნდა ამერიკის ბავშვთა და მოზარდთა ფსიქიატრიული აკადემიის ჟურნალში 2 დღის წინ, 18 დეკემბერს. კვლევა ეფუძნებოდა დაკვირვებას იმ ბავშვებზე, რომელებიც ჩართულნი იყვნენ ლონდონის სპეციალური საჭიროებისა და აუტიზმის პროექტში. კვლევაში მონაწილეობდნენ, როგორც მძიმე ინტელექტუალური შეზღუდვის, ასევე მაღალი ინტელექტუალური მაჩვენებლის მქონე მონაწილეები, რომელთა შეფასება მოხდა 12, 16 და 23 წლის ასაკში.
IQ ტესტები მორგებული იყო თითოეულ ასაკზე და ნაკლებად იყო მოსალოდნელი ქულების ცვლილება. თუმცა, როგორც მკვლევარები ამბობენ, ცვლილებები იმდენად თვალსაჩინო იყო, რომ ის შეამჩნიეს მშობლებმაც და მზრუნველმა პირებმაც.
კვლევის თანახმად, უფრო მაღალი შედეგები ჰქონდათ მათ, ვისაც აღენიშნებოდათ სამეტყველო ენის ადრეული რეგრესი. ასეთ ჯგუფში ზრდა იყო საშუალოდ 15,4 ქულა, მაშინ, როცა რეგრესიის არმქონე ჯგუფში იგივე მაჩვენებელი იყო საშუალოდ 6,6.
„მართალია ჩვენ ვერ გამოვრიცხავთ იმ ალბათობას, რომ ინტელექტის კოეფიციენტის ზრდა გამოიწვია მოტივაციის ზრდამ ან ტესტის ხელმისაწვდომობამ, მაგრამ მთავარია, რომ ეს ალტერნატივები წარმოადგენს ცხოვრებისეული ფუნქციონირების მნიშვნელოვან ასპექტებს, რამაც შესაძლოა შექმნას ახალი საგანმანათლებლო და დასაქმების შესაძლებლობები“, განაცხადა ემილი სიმონოფმა (Emily Simonoff), ლონდონის ბავშვთა და მოზარდთა ფსიქიატრიული კინგსის კოლეჯის ფსიქიატრიის პროფესორმა, რომელიც ხელმძღვანელობდა ამ კვლევას.
მასალა მოამზადა: მენტალური ჯანმრთელობის ცენტრის ფსიქოლოგმა და ქცევითმა თერაპევტმა გვანცა ვარდიშვილმა.
წყარო:https://bit.ly/2Wzg3sc
ბოლო სიახლეები
შემოდგომა-ზამთრის ვირუსები - როგორ გავაძლიეროთ ბავშვის იმუნური სისტემა?
186
მაღალი ალერგიული თვისებების მქონე სარეველა მცენარეები
228
დღეიდან ქვეყნის მასშტაბით სეზონური გრიპის საწინააღმდეგო ვაქცინაცია დაიწყო
277
ქრონიკული ხველის მართვა პირველად ჯანდაცვაში
355
მითები და რეალობა- რა უნდა ვიცოდეთ ფილტვების ქრონიკული ობსტრუქციული დაავადების შესახებ
1,410
