რა არის დერმატოსკოპია
რა არის დერმატოსკოპია
თანამედროვე დერმატოსკოპებში გაერთიანებულია როგორც პოლარიზებული, ისე არაპოლარიზებული სინათლის სხივი, რაც კანის ელემენტების უფრო ზუსტი და ამომწურავი დიაგნოსტიკის შესაძლებლობას იძლევა.
დერმატოსკოპიით შესაძლებელია კანის ავთვისებიანი, კეთილთვისებიანი და კიბოსწინარე (პრეკანცერული) დაავავადებების - მელანომა, ბაზალურუჯრედოვანი კარცინომა, ბრტყელუჯრედოვანი კარცინომა, სხვადასხვა ტიპის ნევუსები, სებორეული კერატომა, სოლარული ლენტიგო, ჰემანგიომა, პაპილომა, კერატოაკანტომა და სხვა ადრეული დიაგნოსტიკა.
დერმატოსკოპიით, ასევე, შესაძლებელია ფრჩხილის, თავის კანის დაავადებების, თმის ცვენის (ალოპეციის) და სხვადასხვა დერმატოზების დიაგნოსტიკა. დერმატოსკოპიით ხდება დერმატოსკოპული ფოტოდოკუმენტაციის წარმოება და მისი მონიტორინგიც.
კანის კიბო ერთ-ერთი ყველაზე გავრცელებული სიმსივნეა მსოფლიოში. ის, როგორც წესი, ვითარდება კანზე მზის ულტრაიისფერი (UV)-სხივების ხანგრძლივი და გადაჭარბებული ზემოქმედების შედეგად.
კანის კიბო უმეტესად სხეულის იმ ნაწილებში ჩნდება, რომელზეც უფრო ხშირია ულტრაიისფერი (UVB და UVA) სხივების ზემოქმედება, ესენია: კიდურები, სახე, კისერი, ზურგი.
კანის კიბოს ყველაზე გავრცელებული ფორმებია ბაზალურუჯრედოვანი, ბრტყელუჯრედოვანი კიბო და მელანომა.
ყველაზე გავრცელებლი კანის კიბოსწინარე დაავადება არის აქტინური კერატოზი, რომელიც ფორმირდება კანზე ულტრაიისფერი (UV) სხივების ქრონიკული ზემოქმედების შედეგად. ის შედარებით ხშირად გვხვდება შუა და ხანშიშესული ასაკის პირებში სხეულის იმ ნაწილებზე, რომელიც ყველაზე ხშირად ხვდება მზის სხივების ქვეშ: სახე, კისერი, ყურები, სკალპი და ხელის მტევნების დორზალური ზედაპირები.
- I და II ტიპის კანის მქონე ადამიანები, რომლებიც მზეზე ადვილად იწვებიან;
- ვისაც მზის დამწვრობა აქვს მიღებული ბავშვობაში;
- ვინც მზეზე დიდ დროს ატარებს;
- სოლარიუმების მომხმარებლები;
- ვისაც მრავლობითი (50–ზე მეტი) ხალი აქვთ;
- აქვს კანის კიბოს ოჯახური შემთხვევა;
- 50+ წელზე მეტი ასაკის მქონე ადამიანები;
- ვისაც გადანერგილი აქვს ორგანო.
კანის კიბო ხილვადია, შესაძლებელია მისი ადრეული დიაგნოსტიკა და განვითარების ძირითადი რისკ-ფაქტორის - UV გამოსხივების ზემოქმედების მაქსიმალური შემცირება, მზის სხივების მიმართ ქცევის შეცვლით.
კანის კეთილთვისებიანი წარმონაქმნებია: პაპილომა, სებორეული კერატოზი, ანგიომა, ჰემანგიომა, დერმატოფიბრომა. ზოგიერთი მათგანის მკუნრნალობა შესაძლებელია კრიოთერაპიის საშუალებით.
კრიოთერაპია არის მარტივი და უმტკივნეულო პროცედურა რომლის დროსაც ხდება ქსოვილის გაყინვა თხევადი აზოტის მეშვეობით - 196 გრადუსამდე, მისი მოქმედების პრინციპი დაფუძნებულია ხანმოკლე დაბალი ტემპერატურების ზემოქმედებაზე, რომელიც კანზე არასასურველი წარმონაქმნების ქსოვილების სიკვდილს იწვევს.
ბოლო სიახლეები
დაავადებათა კონტროლის ცენტრის რეკომენდაციები : მზით დამწვრობა და მისი პრევენციის გზები
როგორ დავადგინოთ ზაფხულის ალერგია?
235
ჯანდაცვის სამინისტრო დიუშენის კუნთოვანი დისტროფიის მქონე პაციენტებისთვის ჯივინოსტატს შეიძენს
188
ზაფხულის ცხელ დღეებთან დაკავშირებით, დაავადებათა კონტროლისა და საზოგადოებრივი ჯანმრთელობის ეროვნული ცენტრი მოქალაქეებს რეკომენდაციებით მიმართავს
308
LIVE ქირურგია სამედიცინო კონფერენციაზე — ონკო-გინეკოლოგიაში რობოტის გამოყენებით შესრულებული რადიკალური ჰისტერექტომია
2,730
