როგორ დავადგინოთ ზაფხულის ალერგია?

აგვისტოში იწყებს ყვავილობას ისეთი სარეველა მცენარეები, როგორიცაა ამბროზია, ავშანი, ნაცარქათამა და სხვა მრავალი, რომლებიც ხშირად ალერგიის მიზეზი ხდება.

ალერგიის დიაგნოსტიკა შესაძლებელია:
კანის სინჯით
სისხლში სპეციფიკური ანტისხეულების განსაზღვრით
მულტიკომპონენტური ტესტით, რომელიც ალერგენის ზუსტ კომპონენტსაც ადგენს

მცენარეული ალერგიის ყველაზე ხშირი სიმპტომებია:
ცემინება, სურდო, ცხვირის გაჭედილობა
ცრემლდენა, თვალების სიწითლე და ქავილი
ხველა და სუნთქვის გაძნელება

ამ სიმპტომების მიღმა ალერგია დგას თუ რაიმე სხვა დაავადება, ამის დადგენას ალერგიის სამიზნე ორგანოების (ცხვირი, თვალები, ბრონქები) გამოკვლევები უზრუნველყოფს: ცხვირის ციტოლოგიური ნაცხი, FeNO-ინფლამომეტრია, სპირომეტრია და სხვ.

ზაფხულში მნიშვნელოვანია მწერის ნაკბენზე ალერგიის დროული დიაგნოსტიკაც. თუ ნაკბენის ადგილზე 10 სმ-ზე მეტი სიწითლე ან შეშუპება განვითარდა, რეკომენდებულია ალერგოლოგის კონსულტაცია.

ალერგიული რეაქციები შეიძლება გამოიწვიოს საკვებმაც, განსაკუთრებით მცენარეულ ალერგიასთან ჯვარედინად მორეაგირე პროდუქტებმა.

მაღალი ტემპერატურით გამოწვეული ურტიკარიის დიაგნოსტიკისთვის გამოიყენება სპეციალური ტემპ-ტესტი.

თუ ალერგიის სიმპტომები გაწუხებთ, დროული დიაგნოსტიკა სწორი მკურნალობის პირველი ნაბიჯია.

დაგეგმე ვიზიტი:(+995 32) 2 52 05 33