რატომ ავადობენ ხშირად სასუნთქი გზების ინფექციებით ადრეული ასაკის ბავშვები და როგორ გავაძლიეროთ იმუნიტეტი

რატომ ავადობენ ხშირად სასუნთქი გზების ინფექციებით ადრეული ასაკის ბავშვები და როგორ გავაძლიეროთ იმუნიტეტი

პატარა ბაღში მივიდა და დაუსრულებელი ვირუსული სეზონიც დაიწყო. ერთი ინფექცია დამთავრდა და მეორე იწყება. ბოლო არ უჩანს ცხვირიდან გამონადენს და ხველას.... ნაცნობი სიტუაციაა?

რატომ ხდებიან პატარები ასე ხშირად ავად?
იმიტომ, რომ ბავშვის იმუნური სისტემა უმწიფარია. მას არ შეუძლია მოზრდილივით ეფექტურად გაუმკლავდეს გარემო ფაქტორების ზემოქმედებას.
იმიტომ, რომ უმწიფარია მათი სასუნთქი სისტემაც - უფრო ვიწრო, უფრო ნაკლებ ელასატიურ ბოჭკოებს შეიცავს, შედეგად უფრო ხშირია ბრონქოსპაზმიც. კრუპის სინდრომიც ამის გამო სწორედ ბავშვობის ასაკში გვხვდება.
იმიტომ, რომ მათი იმუნიტეტი სუფთა ფურცელივითაა - არანაირი ავადობის ისტორია, მიკრობებთან ბრძოლის არავითარი გამოცდილება, 5-6 თვის ასაკისათვის მუცლადყოფნის პერიოდში და ძუძუს წოვებისას დედისაგან გადასული ანტისხეულებიც განილევა. ვირუსული ინფექციების გადატანის შემდეგ თანდათან იმუნიტეტიც გამომუშავდება და ძლიერდება.
იმუნური სისტემის ფორმირებაზე დიდი გავლენას ახდენს ეკოლოგიური სიტუაცია, როგორც სახლის გარეთ, ისე მის შიგნით.
დაიმახსოვრე, ადრეული ასაკის ბავშვი 6-8-ჯერ წლის მანძილზე ვირუსული ინფექციებით ავად შეიძლება გახდეს. მაგრამ თუ ის უფრო ხშრად ავადობს, 3 ჯერზე მეტად ემართება ანგინა, ყურის ანთება ან ბრონქიტი და პნევმონია, ნიშნავს, რომ შენი პატარა ხშირად მოავადეა.