Plasmon

იხილეთ აფთიაქების ჩამონათვალი

ამოქსიკლავი APO / AMOKSIKLAV APO

შემადგენლობა:

თითოეული აპკიანი გარსით დაფარული ტაბლეტი შეიცავს:

აქტიური ნივთიერებები: ამოქსიცილინი 875მგ (ამოქსიცილინის ტრიჰიდრატის სახით), კლავულანის მჟავა 125მგ (კალიუმის კლავულანატის სახით)

დამხმარე ნივთიერებები: ნატრიუმის სახამებლის გლიკოლატი, მიკროკრისტალური ცელულოზა, სილიციუმის კოლოიდური დიოქსიდი, სილიციუმის კოლოიდური უწყლო დიოქსიდი, მაგნიუმის სტეარატი, Opadry 04-F-28791 თეთრი, ჰიდროქსიპროპილმეთილცელულოზა, ტიტანის დიოქსიდი, პოლიეთილენგლიკოლი 4000, პოლიეთილენგლიკოლი 6000.

  

ფარმაკოთერაპიული ჯგუფი:

პენიცილინის ჯგუფის,  ფართო სპექტრის ანტიბიოტიკი ბეტა-ლაქტამაზების ინჰიბიტორთან ერთად.

 

ფარმაკოლოგიური თვისებები:

ამოქსიცილინი - ნახევრადსინთეზური, ფართო სპექტრის, ბაქტერიციდული მოქმედების ანტიბიოტიკი მრავალი გრამდადებითი და გრამუარყოფითი მიკროორგანიზმის მიმართ. ამოქსიცილინი იშლება ბეტა-ლაქტამაზებით და ამიტომ არ არის აქტიური იმ მიკროორგანიზმების მიმართ, რომლებიც აპროდუცირებენ ამ ფერმენტებს. კლავულანის მჟავა, რომელიც სტრუქტურულად ჰგავს პენიცილინებს, ხასიათდება ინაქტივირების უნარით ფართო სპექტრის ბეტა-ლაქტამაზების მიმართ, -ეს ის ფერმენტებია, რომლებსაც გამოყოფენ პენიცილინების და ცეფალოსპორინების მიმართ რეზისტენტული მიკროორგანიზმები. განსაკუთრებით აქტიურია იმ ბეტა-ლაქტამაზების მიმართ, რომლებთანაც დაკავშირებულია შეძენილი წამლისმიერი რეზისტენტობა. შემადგენლობაში ერთდროულად ამოქსიცილინისა და კლავულანის მჟავის არსებობა უზრუნველყოფს აქტივობას ისეთი მიკროორგანიზმებით გამოწვეული ინფექციის მიმართ, რომელიც ბეტა-ლაქტამაზების გამომუშავების გამო შლის ამოქსიცილინს. ამგვარად, ფართო სპექტრის მქონე ანტიბიოტიკის - ამოქსიცილინის სპექტრი კიდევ უფრო ფართოვდება. ამიტომ ამოქსიკლავი -APO ხასიათდება მოქმედების ფართო სპექტრის მქონე ანტიბიოტიკისა და ბეტა-ლაქტამაზების ინჰიბიტორის თვისებებით.

 

ფარმაკოდინამიკა:

გრამდადებითი აერობები: Enterococcus faecalis, Gardnerella vaginalis, Staphylococcus aureus (მეტიცილინისადმი მგრძნობიარე შტამები)£, კოაგულაზა-უარყოფითი სტაფილოკოკები (მეტიცილინისადმი მდგრადი), Streptococcus agalacticae, Streptococcus pneumoniae1, Streptococcus pyogenes და სხვა ბეტა-ჰემოლიზური სტრეპტოკოკები, ჯგუფი Streptococcus viridans

გრამუარყოფითი აერობები: Capnocytophaga  spp.,  Eikenella  corrodens,  Haemophilus influenzae2, Moraxella catarrhalis, Pasteurella multocida

ანაერობები: Bacteroides fragilis, Fusobacterium nucleatum, Prevotella spp.

სახეობები შეძენილი რეზისტენტობის შესაძლო განვითარებით

გრამდადებითი აერობები: Enterococcus faecium 

სახეობები ბუნებრივი რეზისტენტობით გრამუარყოფითი აერობები: Acinetobacter sp., Citrobacter freundii, Enterobacter sp., Legionella pneumophila, Morganela morganii, Providencia spp, Pseudomonas sp., Serratia sp., Stenotrophomonas maltophilia.

სხვა მიკროორგანიზმები: Chlamydophila pneumoniae, Clamydophila psittaci, Coxiella burnetti, Mycoplasma pneumoniae

 

ფარმაკოკინეტიკა:

შეწოვა

შინაგანი მიღებისას პრეპარატის ორივე კომპონენტი - ამოქსიცილინი და კლავულანის მჟავა- სწრაფად და სრულად შეიწოვება. ამოქსიცილინის და კლავულანის მჟავის ფარმაკოკინეტიკა მსგავსია. მაქსიმალური კონცენტრაცია სისხლის პლაზმაში მიიღწევა 1სთ-ში. ამოქსიცილინისა და კლავულანის მჟავის მცირე რაოდენობა უკავშირდება პლაზმის ცილებს, დაახლოებით 70% აღინიშნება პლაზმაში თავისუფალი სახით.

 

განაწილება

დაახლოებით 18% ამოქსიცილინი და 25% კლავულანის მჟავა უკავშირდება პლაზმის ცილებს. ამოქსიცილინის განაწილების ხილული მოცულობა 0.3-0.4ლ/კგ, კლავულანის მჟავის - 0.2ლ/კგ

 

ბიოტრანსფორმაცია

ამოქსიცილინი განიცდის ნაწილობრივ მეტაბოლიზმს, კლავულანის მჟავა- ინტენსიურ მეტაბოლიზმს.

 

გამოყოფა

ამოქსიცილინ/კლავულანის მჟავის ნახევარგამოყოფის საშუალო პერიოდი მოზრდილებში შეადგენს 1სთ-ს, საშუალო საერთო კლირენსი - დაახლობით 25ლ/სთ.

ამოქსიკლავი-APO ტაბლეტების შინაგანი მიღებისას  875მგ/125მგ და 500მგ/125მგ პირველი 6სთ-ის განმავლობაში დაახლოებით 60-70% ამოქსიცილინი და 40-65% კლავულანის მჟავა გამოიყოფა უცვლელი სახით შარდთან ერთად. პრობენეციდის ერთდროული მიღება ანელებს ამოქსიცილინის გამოყოფას, მაგრამ არ მოქმედებს კლავულანის მჟავის თირკმლით გამოყოფაზე.

გამოყენების  ჩვენება:

ამოქსიკლავი-APO გამოიყენება ქვემოთ ჩამოთვლილი ინფექციების სამკურნალოდ, რომელებიც გამოწვეულია ამოქსიცილინის მიმართ გამძლე შტამებით, რომლებიც აპროდუცირებენ ბეტა-ლაქტამაზას:

- ზედა სასუნთქი გზების ინფექციები (მათ შორის ყელ-ყურ-ცხვირის ორგანოების ინფექციები): ტონზილიტი, სინუსიტი, შუა ოტიტი

- ქვედა სასუნთქი გზების ინფექციები (მათ შორის ქრონიკული ბრონქიტის გამწვავება, პნევმონია)

- შარდ-სასქესო სისტემის ინფექციები (მათ შორის ცისტიტი, ურეთრიტი, პიელონეფრიტი, ქალის სასქესო ორგანოების ინფექციები, გონორეა)

- კანისა და რბილი ქსოვილების ინფექციები (მათ შორის ცელულიტი, ცხოველების ნაკბენები)

- ოდონტოგენური ინფექციები (მათ შორის, დენტოალვეოლური აბსცესი)

- ძვლების და სასხსრების ინფექციები (მათ შორის, ოსტეომიელიტი)

- სხვა: სეპტიური აბორტი, მშობიარობის შემდგომი ინფექციები.

 

უკუჩვენება:

ანამნეზში მომატებული მგრძნობელობა პენიცილინების, ცეფალოსპორინების, სხვა ბეტა-ლაქტამური ანტიბიოტიკების ან პრეპარატის ნებისმიერი კომპონენტის მიმართ.

ანამნეზში სიყვითლის/ღვიძლის ფუნქციის დარღვევების არსებობა, რაც დაკავშირებული იქნებოდა ამოქსიცილინ/კლავულანატის ან პენიცილინის გამოყენებასთან.

 

განსაკუთრებული მითითება:

თერაპიის დაწყებამდე პაციენტის ანამნეზში, აუცილებელია ზედმიწევნით დადგინდეს პენიცილინებზე, ცეფალოსპორინებზე და სხვა ალერგენებზე ჰიპერმგრძნობელობის რეაქციების არსებობა. ცნობილია ჰიპერმგრძნობელობის (ანაფილაქსიური რეაქციები) მნიშვნელოვანი და ზოგჯერ ფატალური რეაქციები პენიცილინებით მკურნალობის დროს. ასეთი ტიპის რეაქციები უფრო ხშირია ადამიანებში, რომლებსაც აქვთ მომატებული მგრძნობელობა პენიცილინების მიმართ ანამნეზში. რადგან ამოქსიცილინის მიღებისას შესაძლოა წითელას მაგვარი გამონაყარის გაჩენა, ინფექციურ მონონუკლეოზზე ეჭვის არსებობისას თავი უნდა შევიკავოთ ამოქსიკლავი APO-ს გამოყენებისგან. პრეპარატის ხანგრძლივი გამოყენება იშვიათ შემთხვევებში შეიძლება გახდეს რეზისტენტული ორგანიზმების გამრავლების მიზეზი. პაციენტებში, რომლებიც ღებულობდნენ  ამოქსიკლავი APO-ს და პერორალურ ანტიკოაგულანტებს, იშვიათ შემთხვევებში გამოვლინდა პროთრომბინული დროის და სისხლდენის დროის გახანგრძლივება. პაციენტები, რომლებიც ერთდროულად იღებენ აღნიშნულ პრეპარატებს უნდა იმყოფებოდნენ კონტროლის ქვეშ. ანტიკოაგულანტების საჭირო დონის შესანარჩუნებლად, შესაძლოა საჭირო გახდეს დოზის კორექცია. ზოგიერთ პაციენტებში ამოქსიკლავი APO-ს  გამოყენებისას აღინიშნება ღვიძლის ფუნქციონალური ტესტების ცვლილება. თუმცა ამ ცვლილებების კლინიკური მნიშვნელობა შეიძლება შეიცვალოს. პრეპარატი სიფრთხილით ინიშნება ღვიძლის ფუნქციის დარღვევების დროს. იშვიათ შემთხვევებში აღინიშნებოდა მძიმე შექცევადი ქოლესტაზური სიყვითლე და ასეთ შემთხვევებში უნდა გავითვალისწინოთ, რომ სიმპტომები შეიძლება გამოვლინდეს მკურნალობის დასრულებიდან 6კვირის განმავლობაში. პაციენტებში თირკმლის ფუნქციის დარღვევებით, პრეპარატ ამოქსიკლავი APO-ს  დოზა კორექტირდება უკმარისობის სიმძიმის მიხედვით. პაციენტეში შარდვის შეკავებით, ძირითადად პარენტერალური მკურნალობის პირობებში, ძალიან იშვიათად აღინიშნება კრისტალურია. კრისტალურიის შესამცირებლად, რომელიც აღინიშნება ამოქსიცილინის მაღალი დოზით გამოყენებისას, რეკომენდებულია სითხის ადექვატური მიღება და შარდგამოყოფის ხელშეწყობა.

ყველა სახის ანტიბიოტიკის, მათ შორის ამოქსიცილინის, გამოყენებისას იყო ცნობები ანტიბიოტიკებთან ასოცირებული კოლიტის განვითარების, მსუბუქიდან სიცოცხლისათვის საშიშ ფორმამდე.  თუ ანტიბიოტიკების მოხმარების პერიოდში ან მკურნალობის დასრულების შემდეგ  განვითარდა დიარეა, მნიშვნელოვანია  გავითვალისწინოთ კოლიტის შესაძლო განვითარება. თუ შეიმჩნევა ანტიბიოტიკებთან ასოცირებული კოლიტი, პრეპარატის მოხმარება დაუყოვნებლივ უნდა შეწყდეს და დაინიშნოს შესაბამისი თერაპია. ამ შემთხვევაში პერისტალტიკის შემაფერხებელი პრეპარატების გამოყენება უკუნაჩვენებია. შარდში  გლუკოზის განსაზღვრისას  არაფერმენტული გლუკოზაოქსიდაზური  მეთოდის  გამოყენებამ შეიძლება მოგვცეს ცრუ დადებითი შედეგი, ამიტომ  ამ შემთხვევაში რეკომენდებულია გამოყენებული იქნას ფერმენტული  გლუკოზაოქსიდაზური  მეთოდი.  ამოქსიკლავი APO- ში კლავულანის მჟავას არსებობა   შეიძლება გახდეს მიზეზი Ig G და ალბუმინის არასპეციური კავშირისა ერითროციტების მემბრანასთან და მივიღოთ   კუმბსის  სინჯის ცრუ დადებითი  შედეგი.

 

ურთიერთქმედება სხვა პრეპარატებთან:

პრობენეციდი

პრობენეციდი ამცირებს ამოქსიცილინის თირკმლის ტუბულარულ სეკრეციას. პრეპარატ ამოქსიკლავი APO-სთან ერთდროული გამოყენებისას შესაძლოა ამოქსიცილინის კონცენტრაციის გაზრდა პლაზმაში, ამასთან კლავულანის მჟავის კონცენტრაცია არ იცვლება. ამის გამო არ არის რეკომენდებული ამოქსიკლავი APO-ს ერთდროული გამოყენება პრობენეციდთან.

ალოპურინოლი

ალოპურინოლის გამოყენებამ ამოქსიცილინით მკურნალობის პერიოდში შესაძლოა გამოიწვიოს კანის ალერგიული რეაქციების გამოვლენის რისკის გაზრდა. არ არსებობს ინფორმაცია ამოქსიკლავი APO-სა  და ალოპურინოლის ერთდროული გამოყენების შესახებ.

პერორალური კონტრაცეპტივები

ისევე როგორც სხვა ანტიბიოტიკები, ამოქსიკლავი APO მოქმედებს ნაწლავის ფლორაზე, რომელიც ესტროგენის დაბალი რეაბსორბციის მიზეზს წარმოადგენს და შესაძლოა გამოიწვიოს კომბინირებული პერორალური კონტრაცეპტივების ეფექტურობის შემცირება.

პერორალური ანტიკოაგულანტები

არსებობს ცნობები სისხლდენის დროის გახანგრძლივების შესახებ იმ პაციენტებში, რომლებიც ამოქსიცილინთან ერთად იღებდნენ აცენოკუმაროლს ან ვარფარინს. აღნიშნული პრეპარატების ერთროული გამოყენების აუცილებლობისას, საჭიროა სისხლდენის დროისა და პროთრომბინული დროის მაჩვენებლების კონტროლი. გარდა ამისა შესაძლოა საჭირო გახდეს პერორალური ანტიკოაგულანტების დოზის კორექცია.

მეტოტრექსატი

პენიცილინებმა შესაძლოა შეასუსტოს მეტოტრექსატის გამოყოფა და გაზარდოს ტოქსიურობის განვითარების რისკი.

 

გამოყენება ორსულობის და ლაქტაციის პერიოდში:

ორსულობა

ორსულებში პრეპარატის გამოყენების შეზღუდული გამოცდილბის  გამო, არარეკომენდებულია მისი გამოყენება ორსულობის პერიოდში. ისევე, როგორც სხვა სამკურნალო საშუალებების გამოყენება. განსაკუთრებით პირველ ტრიმესტრში, თუ ექიმი მის მიღებას  არ ჩათვლის  აუცილებლად.

ლაქტაცია

პრეპარატის ორივე აქტიური კომპონენტი-ამოქსიცილინი და კლავულანის მჟავა-ხვდება დედის რძეში, ამიტომ პრეპარატის მიღება შეიძლება მხოლოდ იმ შემთხვევაში, როდესაც მისი მიღების სარგებელი აჭარბებს  პოტენციურ რისკს.

 

გავლენა სატრანსპორტო საშუალებების და სხვა პოტენციურად საშიში მექანიზმების მართვის შესაძლებლობაზე:

არ არის მონაცემები  სატრანსპორტო საშუალებების და  მექანიზმების  მართვის შესაძლებლობაზე არასასურველი  ზემოქმედების შესახებ. მიუხედავად ამისა პრეპარატის მიღებისას დასაშვებმა  გვერდითმა  ეფექტებმა (მაგ.ალერგიული რეაქციები, თავბრუსხვევა, კრუნჩხვები) შესაძლოა  ზემოქმედება მოახდინოს სატრანსპორტო საშუალებების  და მექანიზმების მართვის შესაძლებლობაზე

მიღების წესი და დოზა:

ტაბლეტები უნდა გადაიყლაპოს მთლიანად, დაუღეჭავად. აუცილებლობის შემთხვევაში ტაბლეტები შეიძლება გაიყოს ორ ნაწილად და მიღებულ იქნეს დაუღეჭავად.  კუჭ-ნაწლავის ტრაქტის მხრიდან გვერდითი ეფექტების რისკის  შემცირების მიზნით, პრეპარატი ინიშნება ჭამის წინ. ჭამის წინ მიღებისას პრეპარატის  აბსორბცია იზრდება. მკურნალობა უნდა ჩატარდეს ჩვენების მიხედვით, მკურნალობა ექიმის მეთვალყურეობის გარეშე, 14 დღეზე მეტი ხნით  დაუშვებელია.

 

მოზრდილები და ბავშვები 40კგ-ზე მეტი სხეულის წონით:

რეკომენდებული დოზა:

- სტანდარტული დოზა (ყველა ჩვენებაზე): 1 ტაბლეტი (875მგ/125მგ) 2- ჯერ დღეში

-  დიდი დოზა (განსაკუთრებით ოტიტის, სინუსიტის, ქვედა სასუნთქი გზების და შარდგამომყოფი სისტემის ინფექციების დროს): 1 ტაბლეტი (875მგ/125მგ) 3-ჯერ დღეში;

 

ბავშვები  40კგ.-ზე ნაკლები სხეულის  წონით

ბავშვებს შეუძლიათ მიიღონ ამოქსიცილინი/კლავულანის მჟავა როგორც სუსპენზიის ისე ტაბლეტების სახით.

რეკომენდებული დოზა:

- დღე-ღამური  დოზა 25მგ/3,6მგ/კგ-დან  45მგ/6,4მგ/კგ-მდე გაყოფილი ორ მიღებაზე

- დღე-ღამური  დოზა 70მგ/10მგ/კგ-მდე  გაყოფილი ორ მიღებაზე (ოტიტის, სინუსიტის, ქვედა სასუნთქი გზების ინფექციების დროს)

სპეციალური ჯგუფის ავადმყოფებთან დაკავშირებული დამატებითი მონაცემები

თირკმლის უკმარისობა

პაციენტებს გლომერულური ფილტრაციის  30მლ/წთ-ზე  მეტი სიჩქარით, დოზის კორექცია არ სჭირდებათ

პაციენტებისთვის, გლომერული ფილტრაციის  30მლ/წთ-ზე  ნაკლები სიჩქარით,  ამოქსიცილინი/კლავულინის მჟავის მიღება რეკომენდებული არ არის

ღვიძლის უკმარისობა

ღვიძლის ფუნქციის დარღვევის დროს დოზირება უნდა მოხდეს სიფრთხილით და ღვიძლის ფუნქციები  უნდა იყოს რეგულარული დაკვირვების ქვეშ.

ხანდაზმული პაციენტები:

დოზის კორექციას არ საჭიროებენ


გვერდითი მოვლენები:

წარმოქმნის სიხშირე: ძალიან ხშირად(≥1/10); ხშირად( ≥1/100-დან   <1/10-მდე); არცთუხშირად    (≥1/1000-დან  <1/100-მდე); იშვიათად(( ≥1/10000-დან   <1/1000-მდე); ძალიან იშვიათად (<1/10000);უცნობი სიხშირით (შეუძლებელია შეფასება არსებულ მონაცემებზე დაყრდნობით)

ინფექციები და ინვაზიები:

ხშირად: კანისა და ლორწოვანი გარსის კანდიდოზი

სისხლმბადი და ლიმფური სისტემის მრივ

იშვიათად: ტრანზიტორული ლეიკოპენია (მათ შორის ნეიტროპენია), თრომბოციტოპენია;

ძალიან იშვიათად: ტრანზიტორული აგრანულოციტოზი და ჰემოლიზური ანემია, სისხლდენის და პროთრომბინის დროის გახანგრძლივება

იმუნური სისტემის მხრივ

ძალიან იშვიათად: ანგიონევროზული შეშუპება, ანაფილაქსია, შრატის მაგვარი სინდრომი, ჰიპერმგძრნობელობითი ვასკულიტი

ნერვული სისტემის მხრივ

არცთუხშირად: თავბრუსხვევა, თავის ტკივილი;

ძალიან იშვიათად: შექცევადი ჰიპერაქტიურობა, კრუნჩხვები, კრუნჩხვები შეიძლება განვითარდეს  თირკმლის ფუნქციის დარღვევისას  ან  იმ პაციენტებში  ვინც ღებულობს პრეპარატს  დიდი დოზებით

საჭმლის მომნელებელი სისტემის მხრივ

მოზრდილები:

ძალიან ხშირად:  დიარეა

ხშირად:  გულისრევა, ღებინება

ბავშვები:

ხშირად: დიარეა, გულისრევა ღებინება

ყველა პოპულაციაში: გულისრევა უმეტესად ვითარდება დიდი დოზების მიღებისას; კუჭ-ნაწლავის გამოხატული სიმპტომები შეიძლება შევამციროთ პრეპარატის მიღებით ჭამის წინ.

არცთუხშირად: დისპეფსია

ძალიან იშვიათად: კოლიტი, ასოცირებული ანტიბიოტიკების მიღებასთან (ფსევდომემბრანოზული კოლიტი, ჰემორაგიული კოლიტი.)

ჰეპატობილიარული სისტემის მხრივ

არცთუ ხშირად: პაციენტები, რომლებიც ღებულობენ ბეტა-ლაქტამურ ანტიბიოტიკებს, აღენიშნათ  ასტ და/ან ალტ დონის ზომიერი, უსიმპტომო მატება, ამის კლინიკური მნიშვნელობა უცნობია;

ძალიან შვიათად:  ჰეპატიტი და ქოლესტაზური სიყვითლე, რომელიც შეიძლება გამოვლინდეს ასევე სხვა პენიცილინების  და ცეფალოსპორინების გამოყენებისას

ღვიძლის მხრიდან სიმპტომები უმეტესად გვხვდება მამაკაცებში ან ასაკოვან პაციენტებში და შეიძლება დაკავშირებული იყოს პრეპარატის ხანგრძლივ მოხმარებასთან. ბაშვებში მსგავსი სიმპტომები იშვიათად გვხვდება. ღვიძლის ჩართულობის სიმპტომები როგორც წესი ვითარდება მკურნალობის პერიოდში ან მკურნალობის  შემდგომ, მალევე. ზოგჯერ პრეპარატის მოხსნიდან მხოლოდ რამოდენიმე კვირის შემდეგ. ისინი როგორც წესი შექცევადია, მაგრამ შეიძლება იყოს მნიშვნელოვნად გამოხატული. იშვიათად მთავრდება ლეტალურად. მსგავსი სიმპტომები ვლინდება ძირითადად მძიმე დაავადებების ან ჰეპატოტოქსიურ პრეპარატებთან  იმავდროული მიღებისას

კანისა და კანქვეშა ქსოვილების მხრივ

არცთუ ხშირად: გამონაყარი კანზე, ქავილი, ჭინჭრის ციება

იშვიათად:  მრავალფორმიანი ერითემა

ძალიან იშვიათად : სტივენს-ჯონსონის სინდრომი, ტოქსიური ეპიდერმული ნეკროლიზი, ბულოზური ექსფოლიაციური დერმატიტი, მწვავე გენერალიზებული ეგზანთემატოზური  პუსტულოზი, კანის რეაქციის წარმოქმნის შემთხვევაში მკურნალობა უნდა შეწყდეს.

თირკმლის და შარდგამომყოფი  სისტემის  მხრივ

ძალიან იშვიათად: ინტერსტიციული ნეფრიტი, კრისტალურია.

ცნობები  საეჭვო  გვერდითი  რეაქციების  შესახებ:

დიდი მნიშვნელობა აქვს ცნობებს საეჭვო გვერდითი რეაქციების შესახებ, მას შემდეგ რაც სამკურნალო საშუალება იქნა რეგისტრირებული. ეს საშუალებას იძლევა განხორციელდეს სამკურნალო საშუალების მოხმარების  სარგებელის/რისკთან შეფარდების ხანგრძლივი კონტროლი.

არასასურველი ეფექტის გამოვლენის შემთხვევაში მიმართეთ ექიმს

დოზის გადარჭარბება

პრეპარატ ამოქსიკლავი APO-ის გამოყენებისას დოზის გადაჭარბების რისკი მცირეა. დოზის გადაჭარბებამ  შესაძლოა გამოიწვიოს რეაქციები კუჭ-ნაწლავის ტრაქტის მხრივ და  წყალ-ელექტროლიტური ბალანსის დარღვევა. ასეთ შემთხვევაში უნდა ჩატარდეს სიმპტომატური მკურნალობა. პრეპარატი  ამოქსიკლავი APO  უნდა იქნას გამოდევნილი სისხლიდან ჰემოდიალიზის მეშვეობით.

 

შენახვის პირობები:

ინახება  არაუმეტეს 25 °С ტემპერატურაზე, ორიგინალურ შეფუთვაში, მშრალ და ბავშვებისთვის მიუწვდომელ  ადგილზე

 

ვარგისობის ვადა:

იხილეთ შეფუთვაზე.

 

აფთიაქიდან გაცემის პირობა:

ფარმაცევტული პროდუქტის ჯგუფი II, გაიცემა ფორმა N3 რეცეპტით.

სად შევიძინოთ?