Plasmon

იხილეთ აფთიაქების ჩამონათვალი

ბრიულიუმი 1მგ/მლ / Brulium 1mg/ml
ბრიულიუმი 1მგ/მლ ორალური სუსპენზია

დომპერიდონი

ყურადღებით წაიკითხეთ ბროშურა ბოლომდე ამ მედიკამენტის მიღების დაწყებამდე, რადგან იგი შეიცავს თქვენთვის მნიშვნელოვან ინფორმაციას. 
- შეინახეთ ფურცელი-ჩანართი, შეიძლება დაგჭირდეთ მისი ხელახლა წაკითხვა. 
- დამატებითი კითხვების შემთხვევაში მიმართეთ ექიმს ან ფარმაცევტს. 
- ეს მედიკამენტი დაგენიშნათ თქვენ, არ გადასცეთ იგი სხვებს. ამან შეიძლება მათზიანი მიაყენოს მათ, იმ შემთხვევაშიც კი, თუ მათი სიმპტომები თქვენის მსგავსია. 
- თუ თქვენ აღნიშნავთ გვერდით ეფექტებს, ისეთების ჩათვლით, რომლებიც არ არის აღნიშნული ფურცელ-ჩანართში, მიმართეთ ექიმს ან ფარმაცევტს. 

რას შეიცავს ფურცელი-ჩანართი:
1. რა არის ბრიულიუმი და რისთვის გამოიყენება
2. რა უნდა იცოდეთ ბრიულიუმის მიღების დაწებამდე
3. როგორ მიიღება ბრიულიუმი
4.შესაძლო გვერდითი ეფექტები
5. როგორ ინახება ბრიულიუმი
6. შეფუთვის შემცველობა და სხვა ინფორმაცია



1. რა არის ბრიულიუმი და რისთვის გამოიყენება
ბრიულიუმი არის მედიკამენტი, რომელიც აქტიური ნივთიერების სახით შეიცავს დომპერიდონს (ფარმაკოთერაპიული ჯგუფი: კუჭის მოტორიკის მოდიფიკატორი და პროკინეტიკური აგენტი). 

ბრიულიუმი ნაჩვენებია შემდეგ სიტუაციებში:
მოზრდილები: გულსირევის და ღებინების სიმპტომების მოხსნა, კუჭის გადავსების შეგრძნება, მუცლის ზედა კვადრანტების დისკომფორტი და კუჭის შიგთავსის რეგურგიტაცია. 
ბავშვები: გულსირევის და ღებინების სიმპტომების მოხსნა. 
ბრიულიუმის აქტიური ნივთიერება დომპერიდონი არის დოფამინის ანგატონისტი გასტროკინეტიკური და ანტიემეტური მოქემდებით:
- დომპერიდონი ზრდის კუჭის და ნაწლავის პერისტალტიკურ მოძრაობას და აძლიერებს კუჭის დაცლას, რაც იწვევს საკვების მიღების შემდეგ აღნიშნული ძირითადი დარღვევების მიზეზის მოხსნას. 
- დომპერიდონი მოქმედებს სპეციფიკურ ადგილებში, ხელს უშლის გულისრევას და ღებინების განვითარებას. 
ბრიულიუმის მიღების შემდეგ დომპერიდონი სწრაფად და სრულად შეიწოვება. 

2. რა უნდა იცოდეთ ბრიულიუმის მიღების დაწებამდე
არ მიიღოთ ბრიულიუმი

- თუ ხართ ალერგიული (ჰიპერსენსიტიური) დომპერიდონის ან მედიკამენტის ნებისმიერი სხვა კომპონენტის მიმართ (მითითებულია მე-6 პარაგრაფში)
- თუ გაქვთ ჰიპოფიზის სიმსივნური დაავადება (პროლაქტინომა), რომელიც გამოყოფს პროლაქტინს)
- თუ გაქვთ გასტროინტესტინური სისხდლენა, მექანიკური ობსტრუქცია ან გასტროინტესტინური პერფორაცია. 

გაფრთხილებები და უსაფრთხოების ზომები
ბრიულიუმის მიღებამდე მიმართეთ ექიმს ან ფარმაცევტს. 
ბრიულიუმით მკურნალობა უნდა მოხდეს სიფრთხილით, პაციენტებში, რომლებსაც აღენიშნებათ თირკმლის ფუნქციის დეფიციტი (თირკმლის უკმარისობა). ამ პაციეტნებისთვის შეიძლება საჭირო გახდეს მედიკამენტების დოზის ცვლილება (დოზის სიხშირის შემცირება დღეში 1-2-მდე, ან დოზის შემცირება) განსაკუთრებით ხანგრძლივი დროის განმავლობაში. ბრიულიუმით მკურნალობა რეკომენდებული არ არის პაციენტებში ღვიძლის ფუნქციის დეფიციტით (ღვიძლის უკმარისობა). 
კარდიოვასკულური დარღვევები
პრეკლინიკური და ეპიდემიოლოგიური კვლევების მონაცემები აჩვენებს, რომ დომპერიოდნს შეუძლია Qთ ინტერვალის გახანგრძლივება. შეიძლება განვითარდეს გულის არითმიები, განსაკუთრებით პაციენტებში, რომლებიც მიდრეკილნი არიან  Qთც ინტერვალის გახანგრძლივებისკენ (მაგ., გრძელი Qთ სინდრომი, ჰიპოკალიემია და იმ მედიკამენტების ერთდროული მიღება, რომლებიც ახანგრძლივებს  Qთ ინტერვალს).
დომპერიდონი შეიძლება დაკავშირებული იყოს გულის რითმის დარღვევის და გულის გაჩერების გაზრდილ რისკთან. ეს რისკი შეიძლება გაიზარდოს 60 წელზე უფროსი ასაკის პაციენტებში, რომლებიც იღებენ დღეში 30მგ-ზე მაღალ დოზას. დომპერიდონი უნდა გამოიყენონ მინიმალური ეფექტური დოზით მოზრდილებსა და ბავშვებში. 
ბავშვები
ბავშვებში სიცოცხლის პირველ თვეებში ბრიულიუმის გამოყენება დასაშვებია მხოლოდ უკიდურესი აუცილებლობის დროს, სამედიცინო დაკვირვების ქვეშ. რადგან სისხლი-ტვინის ბარიერი და მეტაბოლური ფუნქციები სრულად განვითარებული არ არის, გვერდითი ნევროლოგიური ეფექტების რისკი, რომელიც იშვიათია მოზრდილებში, უფრო მაღალია პატარა ბავშვებში. 
ბრიულიუმი სიფრთხილით და მონიტორინგის ქვეშ უნდა გამოიყენონ ახალშობილებში, ჩვილ ბავშვებში, პატარა ბავშვებში. 

სხვა მედიკამენტები და ბრიულიუმი
აცნობეთ ექიმს ან ფარმაცევტს თუ იღებთ ან ბოლო დროს მიღებული გაქვთ სხვა მედიკამენტები. 
არ მიიღოთ ბრიულიუმი თუ იღებთ კეტოკონაზოლს (მედიკამენტი სოკოვანი ინფექციებისთვის) ორალურად ან ერითრომიცინს (ანტიბიოტიკს) ორალურად. 

ორსულობა და ლაქტაცია
თუ ხართ ორსულად ან ბავშვს ძუძუთი კვებავთ ან თუ გაქვთ ორსულობაზე ეჭვი ან გეგმავთ ორსულობას, ამ მედიკამენტის მიღებამდე მიმართეთ ექიმს ან ფარმაცევტს. 
პოსტ-მარკეტინგული მონაცემები ორსულ ქალებში დომპერიდონის გამოენების შესახებ შეზღუდულია. ბრიულიუმი ორსულობის დროს უნდა გამოიყენონ მხოლოდ მაშინ, როდესაც მოსალოდნელი თერაპიული სარგებელი ამას ამართლებს. 
თუ ხართ ორსულად, არ მიიღოთ ბრიულიუმი თუ ამას არ გირჩევთ ექიმი. 
ბრიულიუმის გამოყენება აგრეთვე რეკომენდებული არ არის თუ ბავშვს ძუძუთი კვებავთ, რადგან დომპერიდონი გამოიყოფა ლაქტატში და უცნობია საზიანოა თუ არა ეს ბავშვისთვის. 

ავტომობილის მართვა და მექანიზმების გამოყენება
ბრიულიუმი არ მოქმედებს ან გააჩნია უმნიშვნელო ეფექტი ავტომობილის მართვის და მექანიზმებთან მუშაობის უნარზე. 
ბრიულიუმი შეიცავს ლაქტოზას ან სორბიოლს და მეთილ პარა-ჰიდროქსიბენზოატს. 
ორალური სუსპენზია შეიცავს:
- სორბიტოლის ხსნარი (E420) 70% თუ გაცნობეს, რომ არატოლერანტული ხართ გარკვეული შაქრების მიმართ, მიმართეთ ექიმს ამ მედიკამენტის მიღებამდე. 
- მეთილპარა-ჰიდროქსიბენზოატი (E218) და პროპილ-პარაჰიდროქსიბენზოატი (E216), შეიძლება იწვევდეს ალერგიულ რეაქციებს (შესაძლოა დაგვიანებულს). 

3. როგორ მიიღება ბრიულიუმი
მიიღეთ მედიკამენტი ზუსტად ექიმის დანიშნულებით. დამატებითი კითხვების შემთხვევაში მიმართეთ ექიმს ან ფარმაცევტს. 
ბრიულიუმის ორალური სუსპენზია უნდა მიიღონ საკვების მიღებამდე 15-30 წუთით ადრე. თუ მედიკამენტი გამოიყენება ჭამის შემდეგ, აქტიური ნივთიერების შეწოვა შეიძლება გახანგრძლივდეს. 
ორალური სუსპენზია უნდა შეანჯღრიონ ყოველ გამოყენებამდე.
მეტი კომფორტის და დოზის კონტროლისთვის, განსაკუთრებით ბავშვებში, გამოიყენეთ დოზირების პიპეტი ორალური სუსპენზიის მისაღებად (გამოყენების ინსტრუქცია იხ. ქვემოთ). 

მოზრდილები და მოზარდები (12 წელზე უფროსები, წონა 35კგ-ზე მეტი):
ორალური გზა: 10მლ (2 კოვზი) - 20მლ (4 კოვზი) ორალური სუსპენზია, 3-4-ჯერ დღეში, მაქსიმალური დოზა 80მგ დღეში. 

2-12 წლის ბავშვები: საერთო დღიური დოზა დამოკიდებულია ბავშვის წონაზე. 
ორალური გზა: 2.5მლ (1/2 კოვზი)-5.0მლ (1 კოვზი) ორაული სუსპენზია 10კგ წონაზე 
 ( 0.25-0.5 მგ/კგ) 3-4X დრეში, მაქსიმალური დღიური დოზა 80მგ.

გასახსნელად დააწექით სახურავს და მოატრიალეთ საათის ისრის საწინააღმდეგო მიმართულებით.

თუ იყენებთ დოზირების პიპეტს, გააცურეთ რგოლი ზემოთ, რათა მონიშნოთ ბავშვის წონა კილგორამებში, შემდეგ გამოიყენეთ გაზომილი მოცულობა. აუცილებლობისას ბავშვის წონის შესაბამისი დოზის მისაღებად გაიმეორეთ გაზომვა და პრეპარატი მიიღეთ თავიდან. 

ინსტრუქცია დოზირების პიპეტის გამოყენებისთვის (გამოყენება ბავშვებში):
შეფუთვაში მოცემული დოზირების პიპეტის გამოყენებისას მოიქეცით შემდეგნაირად:
1. შეანჯღრიეთ სუსპენზიის ფლაკონი ყოველ გამოყენებამდე. 
2. მოათავსეთ პიპეტის წვერი სუსპენზიაში. 
3. სწორი გაზომვისთივს, აწიეთ ზედა რგოლი ზემოთ (ქვედა გქონდეთ დაფიქსირებული), გააცურეთ ის ნელა ბავშვის წონის აღნიშვნელ ნიშნამდე კილოგრამებში (თუ არ არსებობს ექიმის სხვანაირი დანიშნულება). სურათი 1. 
4. მოათავსეთ პიპეტის წვერი პირდაპირ პირში და გამოიყენეთ გაზომილი მოცულობა, ბავშვს თავი ნაზად გადააწევინეთ უკან. 
5. გარეცხეთ პიპეტი გამდინარი წყლით, ძირითადად გარედან (რომელიც კონტაქტში იყო ბავშვის პირთან), გააშრეთ და მოათავსეთ შეფუთვაში შემდგომი გამოყენებისთვის. 

სურათი 1
 
თუ მიიღეთ საჭიროზე მეტი ბრიულიუმი
ჭარბი დოზირების ან შემთხვევით გამოყენებისას დაუყოვნებლივ მიმართეთ ექიმს ან ფარმაცევტს, აცნობეთ მიღებული რაოდენობა. 
პრეპარატის დოზის გადაჭარბებისას, შეიძლება აღინიშნოს აჟიტირება, ცნობიერების დარღვევები, კონვულსია, ძილიანობა, დეზორიენტაცია და ექსტრაპირამიდული რეაქციები, განსაკუთრებით ჩვილებსა და ბავშვებში. 
საჭიროა პაციენტის გადაიყვანა საავადმყოფოში და ადექვატური მკურნალობის ცატარება, როგორიცაა კუჭის ამორეცხვა, აქტივირებული ნახშირის მიღება და სიმპტომური მკურნალობა (ექსტრაპირამიდული რეაქციები შეიძლება დაითრგნოს პარკინსონისსაწინააღმდეგო და ანტიქოლინერგული აგენტების მიღებით). 

თუ დაგავიწყდათ ბრიულიუმის მიღება
არ მიიღოთ ორმაგი დოზა გამოტოვებულის კომენსაციისთვის. თუმცა გამოტოვებული დოზა უნდა მიიღოთ რაც შეიძლება სწრაფად, თუ არის შემდგომი დოზის მიღების დრო. ამ შემთხვევაში მკურნალობა უნდა განაგრძოთ ჩვეულებრივ და მედიკამენტი მიიღოთ ჩვეული სქემით. 
დამატებითი კითხვების შემთხვევაში მიამრთეთ ექიმს ან ფარმაცევტს. 

4. შესაძლო გვერდითი ეფექტები
როგორც ყველა მედიკამენტმა, ამ პრეპარატმაც შეიძლება გამოიწვიოს გვერდითი ეფექტები, თუმცა ისინი ყველას არ უვითარდება. 
იშვიათი (ვითარდება 1-ზე მეტ შემთხვევაში 10 000 პაციენტიდან და 1-ზე ნაკლებ შემთხვევაში 1 000 პაციენტიდან):
- გასტროინტესტინური დარღვევები: გასტროინტესტინური დარღვევები, ძალიან იშვიათად ნაწლავის დროებითი კოლიკის ჩათვლით
- ენდოკრინული დარღვევები: პროლაქტინის დონის ზრდა. 
- გენიტალური ორგანოების და სარძევე ჯირკვლის დარღვევები: გალაქტორეა (რძის გამოყოფა), ამენორეა (არარეგულარული მენსტრუაცია ან მისი არ არსებობა) ან გინეკომასტია (სარძევე ჯირკვლის მოცულობის ზრდა)
დომპერიდონმა შეიძლება გამოიწვიოს სისხლში პროლაქტინის დონის ზრდა, რომელმაც იშვით შემთხვევებში შეიძლება გამოიწვიოს სხვა ეფქტები (ნეიროენდოკრინული ეფექტები) როგორიცაა გინეკომასტია, გალაქტორეა და ამენორეა. 

ძალიან იშვიათი (ვითარდება 1-ზე ნაკლებ შემთხვევაში 10 000 პაციენტიდან):
- იმუნური სისტემის დარღვევები: ალერგიული რეაქციები, როგორიცაა მაგ., გამონაყარი, ქავილი, სუნთქვის უკმარისობა, სახის სიწითლე ან შეშუპება; ამ შემთხვევაში მკურნალობა დაუყოვნებლივ უნდა შეწყვიტოთ.
- ნერვული სისტემის დარღვევები: ექსპტრაპირამიდული ეფექტები (კუნთების ანომალური მოძრაობები ან ტრემორი), კონვულსიები, ძილიანობა, თავის ტკივილი; კუნთების ანომალური მოძრაობების რისკი უფრო მაღალია ახალშობილებში, ჩვილებსა და ბავშვებში. 
- კანის და კანქვეშა ქსოვილის დარღვევები: ურტიკარია, ქავილი ან გამონაყარი
- გასტროინტესტინური დარღვევები: დიარეა
- ფსიქიატრული დარღვევები: აჟიტაცია, ნევროზულობა
- გამოკვლევები: ღვიძლის ფუნქციური ტესტების ცვლილება. 
არასასურველი ნევროლოგიური ეფექტები (ესქტრაპირამიდული ეფექტები) ძალიან იშვაითია ბავშვებში და ჩვილებში, გამონაკლისია მოზრდილებში. ზოგადად ისინი ქრება სპონტანურად და სრულად მკურნალობის შეწყვეტის შემდეგ. 
ცენტრალურ ნერვულ სისტემასთან დაკავშირებული სხვა ეფექტები, როგორიცაა კონვულსიები, აჟიტაცია, ძილიანობა, აგრეთვე ძალიან იშვიათია და უპირატესად აღინიშნება ჩვილებსა და ბავშვებში. 
სიხშირე უცნობია (განსაზღვრა შეუძლებელია არსებული მონაცემებით). 
- გულის მხრივ დარღვევები: Qთც ინტერვალის გახანგრძლივება. დომპერიდონი შეიძლება დაკავშირბეული იყოს გულის რითმის დარღვევების და გულის გაჩერების გაზრდილ რისკთან. რისკი შეიძლება გაიზარდოს 60 წელზე უფროსი ასაკის პირებში ან პაციენტებში, რომლებიც იღებენ დღეში 30მგ-ზე მეტ დოზას. დომპერიდონი უნდა გამოიყენონ მინიმალური ეფექტური დოზით მოზარდებსა და ბავშვებში. 
თუ გაქვთ გვერდითი ეფექტები, მათ შორის ისეთი მოვლენებიც რომლებიც ამ ბროშურაში აღნიშნული არ არის, მიმართეთ ექიმს ან ფარმაცევტს.  

5. როგორ ინახება ბრიულიუმი
ინახება 15-25°C ტემპერატურაზე.

ვარგისობის ვადა
3 წელი

გაცემის პირობები
რეცეპტით

სუსპენზიის ფლაკონი შეინახეთ მჭიდროდ დახურული. 
ინახება ბავშვებისთვის მიუწვდომელ ადგილას.
მედიკამენტი არ მიიღოთ კოლფოზე მითითებული ვარგისობის ვადის გასვლის შემდეგ. ვარგისობის ვადა ეხება თვის ბოლო დღეს. 
არ გადააგდოთ მედიკამენტები გამდინარე წყლებში ან საყოფაცხოვრებო ნარჩენებში. კითხეთ ფარმაცევტს, როგორ უნდა გადააგდოთ გამოუყენებელი მედიკამენტები, ეს ზომები ხელს შეუწყობს გარემოს დაცვას. 

6. შეფუთვის შემცველობა და სხვა ინფორმაცია
რას შეიცავს ბრიულიუმი
- აქტიური ნივთიერებაა დომპერიდონი. ორალური სუსპენზია 1მლ-ში შეიცავს 1მგ დომპერიდონს. 
- სხვა ინგრედიენტები (შემავსებლები):
ორალური სუსპენზია - პოლისორბატი 20, მიკროკრისტალური ცელულოზა და ნატრიუმის კარბოქსიმეთილცელულოზა, სორბიტოლის 70% ხსნარი (E420) , მეთილ პარაჰიდროქსიბენზოატი (E218), პროპილპარაჰიდროქსიბენზოატი (E216), ნატრიუმის საქარინი და დისტილირებული წყალი წყალი. 

როგორ გამოიყურება ბრიულიუმი და შეფუთვის შემცველობა
ეს მედიკამენტი არის ორალური გამოყენების სუსპენზია. 
ორალური სუსპენზია არის თეთრი, ტკბილი გემოთი. 
ბრიულიუმი გამოდის 100მლ ან 200მლ ფლაკონებში ბავშვებისაგან დაცული სახურავით. 
შეფუთვა ორალური სუსპენზიით შეიცავს 5მლ-იან მზომ კოვზს და დოზირების პიპეტს. 

სად შევიძინოთ?