Plasmon

იხილეთ აფთიაქების ჩამონათვალი

ფიქსჰალერი / Fixhaler

1. რა არის ფიქსჰალერი და რისთვის გამოიყენება ის?

• ფიქსჰალერი შეიცავს ფორმოტეროლს და ფლუტიკაზონს, როგორც პრეპარატის სუბსტანციებს. ფორმოტეროლი შედის პრეპარატების ჯგუფში, სახელწოდებით ბრონქოდილატატორები, რომლებიც ადუნებს ფილტვებში სასუნთქი გზების კუნთებს და იწვევს მათ გაფართოებას.

ფლუტიკაზონი მიეკუთვნება წამლების ჯგუფს, რომელსაც ეწოდება კორტიკოსტეროიდები და რადგან მას აქვს ანთების საწინააღმდეგო ეფექტი, ის ხსნის სუნთქვის პრობლემებს შეშუპების  და მგრძნობელობის შემცირებით სასუნთქი გზების კედლებზე ფილტვებში.

• ფიქსჰალერი ხელმისაწვდომია შეფუთვაში, რომელიც შეიცავს 60 საინჰალაციო კაფსულას, რომელიც შეიცავს 12 მკგ ფორმოტეროლის ფუმარატს და 100 მკგ ფლუტიკაზონის პროპიონატს და შეიცავს 1 ერთჯერად  საინჰალაციო მოწყობილობას (კაფსულა იხვრიტება  მოწყობილობის შიგნით და კაფსულაში არსებული ფხვნილი ინჰალირებულია ფილტვებში).

• ფიქსჰალერი  გამოიყენება შემდეგ სიტუაციებში:

ასთმის სიმპტომების კორექციისა და კონტროლისთვის.

ის განკუთვნილია ასთმური დაავადების  ეტაპობრივი მკურნალობისთვის მე-3 საფეხურიდან.

 

2. რა უნდა იცოდეთ ფიქსჰალერის გამოყენების წინ

არ უნდა გამოიყენოთ ფიქსჰალერი;

თუ თქვენ გაქვთ:

• ალერგია (ჰიპერმგრძნობიარე) აქტიური ნივთიერებების ფორმოტეროლის ან ფლუტიკაზონის  ან დამხმარე ნივთიერების, ლაქტოზას, მიმართ

განსაკუთრებული სიფრთხილე გამოიჩინეთ ფიქსჰალერის მიმართ შემდეგი პირობების დროს:

თუ თქვენ გაქვთ:

• აქტიური ან გადატანილი ფილტვის ტუბერკულოზი აცნობეთ თქვენს ექიმს. სიმპტომებია მუდმივი ხველა სისხლით ნახველში, ცხელება, მადის დაკარგვა, წონის დაკლება და ღამის ოფლიანობა.

• ინფექციის ნიშნები ფილტვებში ან გულმკერდის არეში.

• გულის პრობლემები, როდესაც გულში სისხლის მომიქცევის პრობლემებია ან გულის უკმარისობა, რაც იწვევს გულის რომელიმე სარქველის შევიწროებას, ქოშინი ან ტერფის შეშუპება, ან მდგომარეობა, რომელიც იწვევს გულის კუნთის გაფართოებას (ჰიპერტროფიული ობსტრუქციული კარდიომიოპათია), არარეგულარული გულისცემა, ან თუ  გითხრეს, რომ  თქვენი გულისცემის მრუდი არანორმალურია (QT ინტერვალის გახანგრძლივება)

• შეშუპება (ანევრიზმა) სისხლძარღვის ნაწილის პათოლოგიური გაფართოების გამო

• დიაბეტი,

• სისხლის მაღალი წნევა,

• ფარისებრი ჯირკვლის ჭარბი აქტივობით (თირეოტოქსიკოზი) გამოწვეული მომატებული  მადა,

  წონის დაკლება ან ოფლიანობა

• სისხლში კალიუმის დონის დაქვეითებით გამოწვეული კუნთების სისუსტე, კუნთების კრუნჩხვა

  ან გულის არანორმალური  რითმი.

• თირკმელზედა ჯირკვლის ცუდი ფუნქციონირება (თუ თქვენი თირკმელზედა ჯირკვალი გამართულად არ ფუნქციონირებს, შესაძლოა გამოვლინდეს ისეთი სიმპტომები, როგორიცაა თავის ტკივილი, სისუსტე, დაღლილობა, მუცლის ტკივილი, მადის დაკარგვა, წონის დაქვეითება, თავბრუსხვევა, დაბალი წნევა, დიარეა, ავადმყოფობის შეგრძნება) ან თირკმელზედა ჯირკვლის სიმსივნე,

•  ღვიძლის პრობლემები

 

თუ აპირებთ ოპერაციის გაკეთებას ან გაქვთ უკიდურესად სტრესული სიტუაცია, აცნობეთ ექიმს, რადგან თქვენ შესაძლოა დაგჭირდეთ დამატებითი სტეროიდული თერაპია ასთმის გასაკონტროლებლად.

 

ფიქსჰალერის გამოყენება საკვებთან და სასმელთან ერთად

 

ფიქსჰალერი არ ურთიერთქმედებს საკვებთან და სასმელებთან  გამოყენების წესიდან გამომდინარე.

 

ორსულობა

პრეპარატის გამოყენებამდე მიმართეთ ექიმს ან ფარმაცევტს. თუ ხართ ორსულად და გეგმავთ ორსულობას, აუცილებლად აცნობეთ ექიმს. ჩაატარეთ აუცილებელი ზომები, რათა არ დადგეს ორსულობა, ვიდრე იყენებთ ამ მედიკამენტს.

 

თუ შეამჩნევთ, რომ მკურნალობის განმავლობაში დაორსულდით,  დაუყოვნებლივ მიმართეთ ექიმს ან ფარმაცევტს.

ლაქტაცია

პრეპარატის გამოყენებამდე მიმართეთ ექიმს ან ფარმაცევტს.

 

ავტომობილის მართვა და მექანიზმებთან მუშაობა

მოსალოდნელია, რომ ფიქსჰალერს არ ექნება გავლენა მანქანის მართვისა და მექანიზმებთან მუშაობის უნარზე.

 

მნიშვნელოვანი ინფორმაცია ფიქსჰალერის ზოგიერთი დამხმარე ნივთიერებების შესახებ

ფიქსჰალერი შეიცავს ლაქტოზას, თუ თქვენმა ექიმმა გითხრათ, რომ თქვენ გაქვთ ზოგიერთი შაქრის აუტანლობა, მიმართეთ ექიმს ამ პრეპარატის მიღებამდე.  

სხვა მედიკამენტები და ფიქსჰალერი

თუ იყენებთ ამ ინჰალატორს სხვა მედიკამენტებთან ერთად, შეიძლება იყოს ამ ინჰალატორის ან სხვა მედიკამენტის  ეფექტის ცვლილება.

• ბეტა ბლოკატორების სახელით ცნობილი მედიკამენტები (ატენოლოლი - გამოიყენება მაღალი წნევის სამკურნალოდ,  სოტალოლი - არარეგულარული გულისცემის დროს,  მეტოპროლოლი გამოიყენება სწრაფი გულისცემის დროს, თიმოლოლის თვალის წვეთები, რომლებიც გამოიყენება გლაუკომის სამკურნალოდ),

• ასთმა ან ზოგიერთი სხვა სამკურნალო საშუალება სუნთქვის რეგულირებისთვის (თეოფილინი ან ამინოფილინი)

• ადრენალინის შემცველი ან მასთან დაკავშირებული სუბსტანციები (ისინი, რომლებიც ასტიმულირებენ ბეტა რეცეპტორებს, როგორიცაა სალბუტამოლი ან ის, რომელიც აბლოკირებს  ბეტა რეცეპტორებს, როგორიცაა ატენოლოლი, მეტოპროლოლი, პროპრანოლოლი, თიმოლოლი).  ხანგრძლივი მოქმედების ბეტა რეცეპტორის მასტიმულირებელი პრეპარატი დამატებით არ უნდა იქნას გამოყენებული ამ ინჰალატორთან ერთად.

თუ თქვენი ასთმა უფრო გამწვავდა  ფიქსჰალერის გამოყენებისას, თქვენ უნდა გამოიყენოთ სწრაფი მოქმედების დამხმარე წამალი  შვებისთვის.

• მედიკამენტები ალერგიული რეაქციების სამკურნალოდ (ანტიჰისტამინები),

• დიურეზული საშუალებები, რომლებიც გამოიყენება მაღალი წნევის სამკურნალოდ ან

მეტი შარდის გამოყოფის მიზნით,

• მედიკამენტები, რომლებიც გამოიყენება გულის უკმარისობის სამკურნალოდ

(დიგოქსინი),

• მედიკამენტები, რომლებიც გამოიყენება   გულის პათოლოგიური რითმის სამკურნალოდ

 (ქინიდინი, დიზოპირამიდი, პროკაინამიდი),

• თუ იღებთ დეპრესიის სამკურნალო საშუალებებს, როგორიცაა მონოამინოოქსიდაზას ინჰიბიტორები (ფენელზინი, იზოკარბოქსაზიდი), ტრიციკლური ანტიდეპრესანტები (ამიტრიპტილინი ან იმიპრამინი), ან თუ იღებდით მას ბოლო 2 კვირის განმავლობაში,

•მედიკამენტები, რომლებიც გამოიყენება ფსიქიატრიული ან ფსიქიკური დარღვევების სამკურნალოდ (ფენოთიაზინები ან ანტიფსიქოტიკები),

• სტეროიდების შემცველი სხვა მედიკამენტები,

• ფუნგიციდები (როგორიცაა კეტოკონაზოლი, თიაკონაზოლი),

• ვირუსული დაავადებების სამკურნალოდ გამოყენებული მედიკამენტები, როგორიცაა შიდსი (როგორიცაა რიტონავირი, ატაზანავირი, ინდინავირი, ნელფინავირი ან საქვინავირი),

• ანტიბიოტიკები (როგორიცაა კლარითრომიცინი, ტელითრომიცინი ან ფურაზოლიდონი)

• პარკინსონის დაავადების სამკურნალო საშუალებები (ლევოდოპა),

• მედიკამენტი, რომელიც გამოიყენება ფარისებრი ჯირკვლის ნელი მუშაობის სამკურნალოდ (ლევოთიროქსინი),

• ჰოჯკინის დაავადების სამკურნალოდ გამოყენებული პრეპარატი (პროკარბაზინი)

• პრეპარატი, რომელიც ასტიმულირებს შეკუმშვას მშობიარობის დროს (ოქსიტოცინი)

   თუ აპირებთ ოპერაციის გაკეთებას ზოგადი ანესთეზიით, აცნობეთ თქვენს ექიმს, რომ იყენებთ

  ამ საინჰალაციო მოწყობილობას.

 

თუ ამჟამად იყენებთ რეცეპტით ან ურეცეპტოდ გასაცემ მედიკამენტს ან იყენებდით ბოლო დროს, გთხოვთ, აცნობოთ თქვენს ექიმს ან ფარმაცევტს ამის შესახებ.

 

3. როგორ გამოიყენება ფიქსჰალერი?

• სწორი გამოყენების ინსტრუქცია და დოზირების/შეყვანის სიხშირე:

ასთმის მკურნალობისას:

მოზრდილები  და მოზარდები 12 წლის ზემოთ:

1 ინჰალაცია დღეში ორჯერ (ინჰალაცია ფილტვებში) ფიქსჰალერი 12 მკგ / 100 მკგ საინჰალაციო ფხვნილით, მყარი კაფსულა

• მიღების გზა და მეთოდი

ფიქსჰალერი შეჰყავთ მხოლოდ ინჰალაციის გზით.

შეისუნთქეთ დაფხვნილი წამალი პირით ფილტვებში (ინჰალაცია: წამლის შესუნთქვა პირით, მოწყობილობოს საშუალებით).

 

თუ ფიქსჰალერი ინიშნება 18 წლამდე ასაკის ბავშვში, ადმინისტრირება უნდა მოხდეს მოზრდილი ადამიანის მეთვალყურეობის ქვეშ, რომელსაც შეუძლია გაიგოს, როგორ გამოიყენოთ ფიქსჰალერი.

 

აუცილებელია ფიქსჰალერის რეგულარულად გამოყენება სრული სარგებელის მისაღებად.

 არ შეწყვიტოთ მკურნალობა მაშინაც კი, თუ თავს უკეთ გრძნობთ.

 

არ შეცვალოთ  წამლის დოზა ექიმის გარეშე.

 

გამოყენების  ინსტრუქცია

ფიქსჰალერი

მონოდოზის ინჰალატორის მოწყობილობის გამოყენების ინსტრუქცია

1- მოხსენით მონოდოზურ ინჰალატორს თავსახური.

2- დაიჭირეთ მონოდოზის ინჰალატორის ქვედა ნაწილი ერთი ხელით და მეორე ხელით  მოატრიალეთ მუნშტუკი ისრის მიმართულებით.

3- მოათავსეთ კაფსულა მონოდოზის ინჰალატორის მოწყობილობის  კამერაში.

კაფსულა ამოიღეთ შეფუთვიდან უშუალოდ გამოყენების წინ.

4- მოატრიალეთ  მუნდშტუკი და დახურეთ.

5- დაიჭირეთ მონოდოზის ინჰალატორის მოწყობილობა ვერტიკალურად, ბოლომდე დააჭირეთ  გვერდებზე არსებულ ღილაკებს  მხოლოდ ერთხელ და აუშვით. კაფსულა გაიხვრიტება ორივე მხრიდან.

ჟელატინის კაფსულების პატარა ნაჭრები შეიძლება სუნთქვისას მოხვდეს პირში. ჟელატინის ნაჭრები უვნებელია და შეიწოვება მიღების შემდეგ.

ჟელატინის პატარა ნაჭრების წარმოქმნის რისკი მცირდება კაფსულის  გამოყენებით ბლისტერის შეფუთვიდან ამოღებისთანავე და ღილაკებზე ერთჯერადი დაჭერით.

6- ამოისუნთქეთ ძლიერად.

7. მოათავსეთ მუნდშტუკი პირში და დახარეთ თავი ოდნავ უკან. მჭიდროდ მოუჭირეთ  ტუჩები მუნშტუკს  და ჩაისუნთქეთ შეძლებისდაგვარად სწრაფად და ღრმად.

8. ამოიღეთ მონოდოზის ინჰალატორი მოწყობილობა პირიდან და შეიკავეთ სუნთქვა რაც შეიძლება დიდხანს, სადამდეც შეძლებთ. შემდეგ ისუნთქეთ ჩვეულებრივად. მონოდოზის ინჰალატორის მოწყობილობა თავიდან გახსენით და შეამოწმეთ, ხომ არ დარჩა ფხვნილი კაფსულაში. თუ კაფსულაში არის მტვერი, გაიმეორეთ ნაბიჯები 6, 7 და 8.

9. შემდეგ გამოივლეთ  პირში წყალი და გადმოღვარეთ.

არ გადაყლაპოთ წყალი, რომელიც გამოივლეთ პირში.

10. გამოყენების შემდეგ გადააგდეთ ცარიელი კაფსულა და დახურეთ მუნშტუკი.

 

არ დაგავიწყდეთ!

შეინახეთ მონოდოზის ინჰალატორი მშრალად.

შეინახეთ დახურულ მდგომარეობაში, როდესაც არ იყენებთ.

არასოდეს ამოისუნთქოთ  მონოდოზური ინჰალატორის მოწყობილობაში.

დააწექით ხელსაწყოს მხოლოდ მაშინ, როცა მზად ხართ მედიკამენტის გამოყენებისთვის.

არ მიიღოთ დანიშნულ დოზაზე მაღალი დოზა.

 

• სხვადასხვა ასაკობრივი ჯგუფები

გამოყენება ბავშვებში: არ არსებობს ინფორმაცია ფიქსჰალერის გამოყენების  შესახებ 12 წლამდე ასაკის ბავშვებში.

ფიქსჰალერი  არ არის რეკომენდებული 12 წლამდე  ასაკის ბავშვებში.

გამოყენება ხანდაზმულებში: დოზის კორექცია ხანდაზმულებში საჭირო არ არის.

 

• გამოყენების განსაკუთრებული პირობები:

თირკმლის/ღვიძლის უკმარისობა: დოზის კორექცია არ არის საჭირო პაციენტებში თირკმლის ან ღვიძლის უკმარისობით.

 

თუ თქვენ ფიქრობთ, რომ ფიქსჰალერის ეფექტი ძალიან ძლიერი ან სუსტია, გაესაუბრეთ თქვენს ექიმს ან ფარმაცევტს.

თუ თქვენ გამოიყენეთ იმაზე მეტი ფიქსჰალერი,  ვიდრე უნდა გამოგეყენებინათ:

თუ თქვენ გამოიყენეთ იმაზე მეტი ფიქსჰალერი, ვიდრე უნდა გამოგეყენებინათ, გაესაუბრეთ ექიმს ან ფარმაცევტს.

არ არსებობს მონაცემები ფიქსჰალერის გადაჭარბებული გამოყენების შესახებ.

ასევე, მონაცემები აქტიური სუბსტანციების  ჭარბი გამოყენების შესახებ მხოლოდ ფიქსჰალერში შემდეგია.

ფორმოტეროლის ფუმარატი

თუ ფორმოტეროლი გამოიყენება საჭიროზე მეტი, ტიპიური სიმპტომები მოიცავს ტკივილს გულმკერდში, არტერიული წნევის მაჩვენებლების მატება/კლებას, გულისცემას, თავის ტკივილს, ტრემორს, შფოთვას, კუნთების სპაზმს, პირის სიმშრალეს, უძილობას, დაღლილობას, სისუსტეს, კრუნჩხვებს,  სისხლში შაქრის მატებას, გულისრევას და ღებინებას.

 

ფლუტიკაზონის პროპიონატი

საჭიროზე მეტი ფლუტიკაზონის პროპიონატის გამოყენება მოკლე დროში, როგორც წესი, არ წარმოადგენს კლინიკურ პრობლემას.

არის ცნობები  თირკმელზედა ჯირკვლის ფუნქციის უეცარი  შედეგების შესახებ იშვიათი შემთხვევების განვითარების გამო.

განსაკუთრებული რისკის ქვეშ შეიძლება აღმოჩნდნენ 16 წლამდე ასაკის ბავშვები და მოზარდები, რომლებიც იყენებენ ფლუტიკაზონის პროპიონატს მაღალი დოზებით (ჩვეულებრივ 1000 მიკროგრამი/დღეში).

წარმოდგენილი  სიმპტომები შეიძლება იყოს ორაზროვანი (ანორექსია, მუცლის ტკივილი, წონის დაკლება, დაღლილობა, თავის ტკივილი, გულისრევა, ღებინება და ჰიპოტენზია).

თირკმელზედა ჯირკვლის კრიზის ტიპიური სიმპტომებია ცნობიერების დონის დაქვეითება, სისხლში გლუკოზის დაბალი დონე და/ან კრუნჩხვები.

 

თუ თქვენ დაგავიწყდათ ფიქსჰალერის მიღება:

თუ დაგავიწყდათ ფიქსჰალერის მიღება, გააგრძელეთ შემდეგი დოზის მიღება ჩვეულებრივ დროს.

არ მიიღოთ ორმაგი დოზა გამოტოვებული დოზის შესავსებად.

შესაძლო ეფექტები ფიქსჰალერით მკურნალობის შეწყვეტისას

ფიქსჰალერით მკურნალობა ასთმიან პაციენტებში არ უნდა შეწყდეს მოულოდნელად გამწვავების გამო, მკურნალობის დოზა  უნდა შემცირდეს თანდათან ექიმის მეთვალყურეობის ქვეშ.

ამან შეიძლება გააუარესოს თქვენი სუნთქვის პრობლემები და იშვიათად გამოიწვიოს სერიოზული გვერდითი მოვლენები, როგორიცაა:

• მუცლის ტკივილი

• დაღლილობა და მადის დაკარგვა

• გულისრევა და დიარეა

• წონის დაკლება

• თავის ტკივილი და თავბრუსხვევა

• სისხლში კალიუმის დაბალი დონე

• დაბალი წნევა და კრუნჩხვები

 

4. რა არის შესაძლო გვერდითი ეფექტები?

ყველა მედიკამენტის მსგავსად, ფიქსჰალერმაც შეიძლება გამოიწვიოს გვერდითი ეფექტები მისი კომპონენტების მიმართ  მგრძნობიარე ადამიანებში. გვერდითი მოვლენების ალბათობის შესამცირებლად, თქვენი ექიმი დაგინიშნავთ ფიქსჰალერის ყველაზე დაბალ დოზას თქვენი ასთმის გასაკონტროლებლად.

თუ თქვენ გაქვთ რომელიმე ქვემოთ ჩამოთვლილი, შეწყვიტეთ ფიქსჰალერის გამოყენება

და დაუყოვნებლივ აცნობეთ ექიმს ან ეწვიეთ უახლოესი საავადმყოფოს სასწრაფო დახმარების განყოფილებას:

 

მიუხედავად იმისა, რომ სერიოზული ალერგიული რეაქციები აღწერილია იშვიათად, ყველა მედიკამენტმა შეიძლება გამოიწვიოს ალერგიული რეაქცია. თუ მოულოდნელად გამოვლინდა სუნთქვის უეცარი ცვლილება, როგორიცაა ქუთუთოების, სახის, ყელის, ენისა და ტუჩების უეცარი შეშუპება, უეცარი ქავილი, რომელიც ფარავს მთელ სხეულს, თავბრუსხვევა ან სისუსტე, ან ხიხინი ან ქოშინი, დაუყოვნებლივ აცნობეთ ექიმს.

გვერდითი ეფექტები კლასიფიცირებულია, როგორც აღწერილია ქვემოთ კატეგორიები.

ძალიან ხშირი: შეიძლება გამოვლინდეს 10-დან 1-ზე ნაკლებში პაციენტში.

ხშირი: შეიძლება გამოვლინდეს 10-დან არაუმეტეს 1 პაციენტში, მაგრამ 100-დან 1-ზე მეტ პაციენტში.

არახშირი: შეიძლება გამოვლინდეს 100-დან არაუმეტეს 1 პაციენტში, მაგრამ 1.000-დან 1-ზე მეტ პაციენტში.

იშვიათი: შეიძლება გამოვლინდეს 1000-დან არაუმეტეს 1 პაციენტში, მაგრამ 10.000-დან 1-ზე მეტ პაციენტში.

ძალიან იშვიათად: შეიძლება გამოვლინდეს 10.000-დან 1-ზე ნაკლებში პაციენტში.

უცნობია: შეუძლებელია შეფასება ხელმისაწვდომი მონაცემების საფუძველზე.  

 

ძალიან ხშირი:

● მონილიოზი პირის ღრუსა  და ყელის არეში (კანდიდოზი)

 

ხშირი:

• ხმის ჩახლეჩა

• პნევმონია (ფილტვების ინფექცია) პაციენტებში ფქოდ-ით

აცნობეთ თქვენს ექიმს, თუ ფლუტიკაზონის გამოყენებისას გამოგივლინდათ  რომელიმე ქვემოთ ჩამოთვლილი სიმპტომი. ეს სიმპტომები შეიძლება იყოს ფილტვის ინფექციის ნიშნები:

• ცხელება ან შემცივნება

• ლორწოს გამომუშავების გაზრდა, ლორწოს ფერის ცვლილება

• გაძლიერებული ხველა ან გახშირებული სუნთქვა

 

არახშირი:

• ასთმის გამწვავება,

• თავის ტკივილი,

• ტრემორი

• გულისცემის დარღვევა ან პალპიტაცია,

• თავბრუსხვევა,

•  უძილობა

• ხმის შეცვლა, ჩახლეჩილი ხმა,

• პირის სიმშრალე, ყელის გაღიზიანება,

• გამონაყარი

 

იშვიათი:

• სისხლში შაქრის მომატება. დიაბეტი (თუ თქვენ გაქვთ დიაბეტი), უნდა შეამოწმოთ შაქარი სისხლში უფრო ხშირად და შესაბამისად დააკორექტიროთ  დიაბეტის მკურნალობა. ექიმი უფრო ხშირად გაგიწევთ მონიტორინგს.

• სოკოვანი ინფექცია პირის ან ყელის არეში, მონილიოზი,

• სინუსიტი

• აჩქარებული გულისცემა,

• გულმკერდის ტკივილი, რომელიც დაკავშირებულია გულის დაავადებებთან,

• დიარეა,

• საჭმლის მონელების დარღვევა,

• გემოვნების დარღვევა

• თავბრუსხვევა ან გონების დაბინდვა,

• ანომალური სიზმრები,

• აჟიტირება

• ქავილი,

• სისხლის მაღალი წნევა,

• უჩვეულო სისუსტე,

• ხელების, ტერფის ან ფეხების შეშუპება

 

უცნობი:

• ძილის პრობლემები, დეპრესია ან შფოთვა, ნევროზულობა

ეს გვერდითი მოვლენები უმეტესად გვხვდება ბავშვებში.

შემდეგი გვერდითი მოვლენები დაკავშირებულია ფორმოტეროლთან:

• სისხლში კალიუმის დაბალი დონე იწვევს კუნთების სისუსტეს, კუნთების კრუნჩხვას ან გულის რიტმის დარღვევას

• თქვენი გულისცემის დარღვევა, რაც იწვევს გულის რითმის დარღვევას (QT ინტერვალის გახანგრძლივება)

• სისხლში რძემჟავას დონის მომატება

• ცუდად ყოფნის შეგრძნება

• კუნთების ტკივილი

 

თუ თქვენ იყენებთ ინჰალაციურ სტეროიდებს მაღალი დოზებით ხანგრძლივად, ამან შეიძლება გავლენა მოახდინოს თქვენი ორგანიზმის მიერ სტეროიდული ჰორმონების ჩვეულ გამომუშავებაზე.  ეს ეფექტებია:

• ძვლის მინერალური სიმკვრივის ცვლილება (ძვლების გათხელება)

• კატარაქტა:

• გლაუკომა (თვალის წნევის მომატება),

• კანის გათხელება,

• ინფიცირების ზრდა,

• ბავშვებისა და მოზარდების  ზრდის შენელება,

• მრგვალი სახე (მთვარის სახე),

• ზემოქმედება თირკმელზედა ჯირკვალზე ისეთი სიმპტომებით როგორიცაა სისუსტე, დაღლილობა, სირთულეები სტრესთან გამკლავებაში, მუცლის ტკივილი, მადის დაკარგვა, წონის დაკლება, თავის ტკივილი, თავბრუსხვევა, დაბალი წნევა, დიარეა,  ცუდად ყოფნის გრძნობა.

ეს ეფექტები ნაკლებად სავარაუდოა ორალური სტეროიდების მიღებისას.

თუ შეგხვდებათ რაიმე არასასურველი ეფექტი, რომელიც არ არის აღნიშნული ამ ინსტრუქციაში, აცნობეთ თქვენს ექიმს ან ფარმაცევტს.

 

შეტყობინება გვერდითი ეფექტების შესახებ

თუ თქვენ გაქვთ ამ ფურცელ-ჩანართში ჩამოთვლილი ან არ ჩამოთვლილი გვერდითი მოვლენები, გაესაუბრეთ თქვენს ექიმს, ფარმაცევტს ან ექთანს.  გარდა ამისა, გთხოვთ შეატყობინოთ თქვენი გვერდითი ეფექტის შესახებ თურქეთის ფარმაკოზედამხედველობის

ცენტრს (TÜFAM) დაწკაპუნებით ღილაკზე „წამლის გვერდითი ეფექტების შეტყობინება" მისამართზე www.tick.gov.tr ან დარეკეთ შეტყობინების  ცხელი ხაზის ნომერზე 0 800 314 00 08.

არასასურველი ეფექტების შესახებ მოხსენებით, შეგიძლიათ დაეხმაროთ მეტი ინფორმაციის მიწოდებაში ამ მედიკამენტის უსაფრთხოების შესახებ.

* ფიქსჰალერის გამოყენების შემდეგ პირის ღრუს გამოვლება წყლით შეიძლება სასარგებლო იყოს ხმის ჩახლეჩვის და რძიანას შესამსუბუქებლად.

 

5. როგორ ინახება ფიქსჰალერი

შეინახეთ ფიქსჰალერი ბავშვებისათვის უხილავ და მიუწვდომელ ადგილას და მის შეფუთვაში.

ინახება 25°C-ზე დაბალ ტემპერატურაზე და მშრალ ადგილას.

გამოიყენეთ ვარგისობის ვადის შესაბამისად.

არ გამოიყენოთ ფიქსჰალერი შეფუთვაზე  მითითებული ვადის გასვლის შემდეგ.

არ გადააგდოთ წამლები, რომლებსაც ვადა გაუვიდა ან არ გამოიყენება!

პროდუქტის უტილიზაციისთვის გამოიყენეთ გარემოს დაცვისა და ურბანიზაციის სამინისტროს  მიერ განსაზღვრული შეგროვების სისტემა.

სად შევიძინოთ?