იბუპროფენი აფლოფარმი / IBUPROFEN AFLOFARM
- საერთაშორისო დასახელება (აქტიური ნივთიერება): ibuprofen
- კლინიკურ-ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → პროპიონის მჟავას წარმოებული პრეპარატები გამოხატული ანალგეზიური ეფექტით
- მწარმოებელი კომპანია: Aflofarm Farmacja Polska Sp. z o.o.
- მწარმოებელი ქვეყანა: პოლონეთი
- გამოშვების ფორმა: 400მგ გარსით დაფარული ტაბლეტი №20
- გაცემის რეჟიმი: III ჯგუფი (ურეცეპტოდ)
შემადგენლობა
1 ტაბლეტი შეიცავს 400მგ იბუპროფენს (ibuprofenum)
დამხმარე ნივთიერებები: ჰიპრომელოზა, ნატრიუმის კარბოქსიმეთილსახამებელი ა ტიპის, სიმინდის სახამებელი, სილიციუმის კოლოიდური დიოქსიდი, აკაციის ფხვნილი (გუმიარაბიკი), საქაროზა, ტალკი, ტიტანის დიოქსიდი(E 171), ფუტკრის თეთრი ცვილის და კარნაუბის ცვილის (ჩაპოლ 1295) ნარევი.
შეფუთვა: 10, 20 ტაბლეტი
ჩვენებები
პრეპარატი იბუპროფენი აფლოფარმი შეიცავს აქტიურ ნივთიერება იბუპროფენს, რომელიც არის პროპიონის მჟავას წარმოებული. ახდენს ტკივილგამაყუჩებელ, ანთებისსაწინააღმდეგო და სიცხისდამწევ მოქმედებას. მიეკუთვნება არასტეროიდულ ანთებისსაწინააღმდეგო საშუალებებს (აასს).
პრეპარატ იბუპროფენ აფლოფარმის მიღების ჩვენება
-ზომიერი ან სუსტი ინტენსივობის ტკივილის სინდრომი, მათ შორის:: თავის ტკივილი, შაკიკი, კბილის ტკივილი, კუნთების ტკივილი, ტკივილი გავა-წელის მიდამოში, ძვლების დასახსრების ტკივილი, ნევრალგიური ტკივილები.
-ტკივილი მენსტრუაციის დროს
- ცხელების სინდრომი (მათ შორის გრიპის, გაციების და სხვა ინფექციური დაავადებებისას)
პრეპარატი იბუპროფენ აფლოფარმი განკუთვნილია დროებითი გამოყენებისათვის. თუ სიმპტომები ნარჩუნდება, ძლიერდება ან ჩნდება ახალი სიმპტომები, უნდა მიმართოთ ექიმს.
მიღების წესები და დოზები
პრეპარატი იბუპროფენ აფლოფარმი მიიღება პერორალურად.
მოზრდილები და 12 წელზე უფროსი ასაკის ბავშვები: 1 ტაბლეტი პერორალურად ყოველ 4 საათში საკვების მიღების შემდეგ წყლის მიყოლებით.
არ შეიძლება დღეში 3 ტაბლეტზე მეტი რაოდენობით პრეპარატის მიღება (მაქსიმალური სადღეღამისო დოზაა 1200 მგ იბუპროფენი რამდენიმე მიღებით).
პრეპარატი არ ინიშნება 12 წლამდე ასაკის ბავშვებში.
არ შეიძლება რეკომენდებულზე მეტი დოზით პრეპარატის მიღება.
პრეპარატი იბუპროფენ აფლოფარმი განკუთვნილია დროებითი გამოყენებისათვის. თუ სიმპტომები ნარჩუნდება, ძლიერდება ან ჩნდება ახალი სიმპტომები, უნდა მიმართოთ ექიმს.
გვერდითი მოვლენები
როგორც ყველა პრეპარატმა, იბუპროფენმაც შეიძლება გამოიწვიოს არასასურველი ეფექტები. გვერდითი ეფექტები ხშირად არ გვხვდება (100-ში 1 ადამიანზე ნაკლები). გვეერდითი ეფექტები გვხვდება იშვიათად (1000-ში 1-ზე ნაკლები). გვერდითი ეფექტები გვხვდება ძალიან იშვიათად (10 000-ში 1-ზე ნაკლები).
არახშირი: დისპეფსია, მუცლის ტკივილი, გულისრევა, ტკივილი ეპიგასტრიუმის მიდამნოში, აბდომინური ტკივილი, დისკომფორტი ეპიგასტრალურ მიდამოში, გულძმარვა, თავის ტკივილი, სკოტომა, არამკვეთრი მხედველობა, ფერადი ხმედველობის დარღვევა, გამონაყარი და ქავილი.
იშვიათი: დიარეა, მეტეოირიზმი, ღებინება, კუჭის ლორწოვანი გარსის ანთება, თავბრუსხვევა, უძილობა, აგზნება, გაღიზიანება და დაღლილობის გრძნობა, შეშუპება.
ძალიან იშვიათი: მელენა, ჰემატემეზი, პირის ღრუს ლორწოვანი გარსის წყლულოვანი ანთება, კოლიტის და კრონის დაავადების გამწვავება, დიურეზის, შემცირება, თირკმლის უკმარისობია, პაპილარული ნეკროზი, ნატრიუმის დონის მომატება პლაზმაში (ნატრიუმის შეკავება), ღვიძლის ფუნქციის დარღვევა, განსაკუთრებით ხანგრძლივი გამოყენებისას, სისხლის მორფოლოგიის მაჩვენებლების დარღვევა (ანემია-სისხლის წითელი უჯრედების ან ჰემოგლობინის ნორმაზე ქვევით დაქვეითება, ლეიკოპენია-სისხლის თეთრი უჯრედების დეფიციტი, თრომბოციტოპენია-თრომბოციტების რაოდენობის ნორმაზე ქვემოთ დაქვეითება, პანციტოპენია-სისხლის ყველა უჯრედის რიცხვის დაქვეითება:
ერითროციტების, ლეიკოციტების, თრომბოციტების, აგრანულოციტოზი-სისხლში გრანულოციტების რაოდენობის უეცარი შემცირება), კანის მძიმე რეაქციები, მრავალფორმული ერითემა, სტივენს-ჯონსონის სინდრომი, ტოქსიური ეპიდერმალური ნეკროლიზი, სახის, ყელის და ენის შეშუპება, ქოშინი, ტაქიკარდია-გულის შეკუმშვათა სიხშირის ზრდა, არტერიული ჰიპოტენზი-არტერიული წნევის უეცარი დაქვეითება, შოკი, ასთმის გამწვავება და ბრონქოსპაზმი, შეშუპება, არტერიული ჰიპერტენზია, გულის უკმარისობა დაკავშირებული აასს მაღალი დოზების გამოყენებასთან.
შეიძლება გამოვლინდეს კუჭის და (ან) თორმეტგოჯა ნაწლავის წყლული, კუჭ-ნაწლავიდან სისხლდენა, ზოგჯერ სასიკვდილო გამოსავლით, განსაკუთრებით ხანდაზმულებში, პერფორაცია.
ცალკეულ შემთხვევებში დარეგისტრირებული იყო: დეპრესია, ფსიქოზური რეაქციები, ყურებში ხმაური.
სისხლის და ლიმფური სისტემის დაავადებების პირველ ნიშნებს წარმოადგენს მაღალი ტემეპრატურა, ყელის ტკივილი, პირის ღრუში ზედაპირული წყლულები, გრიპისმსგავსი სიმპტომები, დაღლილობა, სისხლდენა (მაგ. სისხლჩაქცევა, პეტექიები, პურპურა, სისხდენა ცხვირიდან).
პაციენტებში არსებული ავტოიმუნური დაავადებებით (წითელი მგლურა, შემაერთებელი ქსოვილის შერეული დაავადებები) იბუპროფენით მკურნალობის ფონზე აღნიშულია ასეპტიური მენინგიტის სიმპტომების ერთეული შემთხვევები, როგორიცაა კეფის კუნთების რიგიდობა, თავის ტკივიული, გულისრევა, ღებინება, ცხელება, ცნობიერების დაბინდვა. აასს-თი მკურნალობის ფონზე დარეგისტრირებული იყო შეშუპება, ჰიპერტონია და გულის უკმარისობა.
ისეთი პრეპარატების მიღება, როგორიცაა იბუპროფენი შეიძლება დაკავშირებული იყოს გულის შეტევის (მიოკარდიუმის ინფარქტი) ან ინსულტის რისკის მცირე ზრდასთან. ზოგიერთ პაციენტში იბუპროფენის მიღებისას შეიძლება აღინიშნოს სხვა არასასურველი ეფექტები. ზემოაღნიშნული ან სხვა გვერდითი ეფექტების შემთხვევაში, რომლებიც ბროშურაში ჩამოთვლილი არ არის, უნდა მიმართონ ექიმს.
უკუჩვენება
-მომატებული მგრძნობელობისას იბუპროფენის და პრეპარატის სხვა კომპონენტების ან არასტეროიდული ანთებისსაწინააღმდეგო პრეპარატების მიმართ.
-ალერგიის სიმპტომების გამოვლენისას სურდოს, ჭინჭრის ციების ან ასთმის ფონზე აცეტილსალიცილის მჟავას ან სხვა არასტეროიდული ანთებისსაწინააღმდეგო პრეპარატების მიღების შემდეგ.
-კუჭის და (ან) თორმეტგოჯა ნაწლავის წყლულოვანი დაავადების დროს გამწვავების პერიოდში ან ანამნეზში, პერფორაციის და სისხლდენის დროს, მათ შორის აასს მიღების შემდეგ.
-თირკმლის და/ან ღვიძლის გამოხატული უკმარისობის ან გულის გამოხატული უკმარისობის დროს.
-სხვა ანთებისსაწინააღმდეგო არასტეროიდული პრეპარატების მიღებისას, მათ შორის ცოგ-2 ინჰიბიტორებისა.
-ორსულობის III ტრიმესტრის დროს.
-ჰემორაგიული დიათეზისას.
ორსულობა და ლაქტაცია
ორსულობა:
რეკომენდებული არ არის პრეპარატ იბუპროფენი აფლოფარმის მიღება ორსულობის I და II ტრიმესტრის დროს. ორსულობის ბოლო ტრიმესტრში პრეპარატის მიღება უკუნაჩვენებია.
ძუძუთი კვება:
არასტეროიდული ანთების საწინააღმდეგო პრეპარატები გამოიყოფა რძეში. იბუპროფენი და მისი მეტაბოლიტები გამოიყოფა რძეში დაბალი კონცენტრაციით (0.008% მიღებული დოზისა). რადგან ამ დრომდე არ არსებობს შეტყობინებები პრეპარატის მავნე გავლენაზე ძუძუთა ბავშვებზე, არ არსებობს ძუძუთი კვების შეწყვეტის აუცილებლობა იბუპროფენით ხანმოკლე მკურნალობის დროს ტკივილის ან ტემპერატურის სამკურნალო დოზებით.
განსაკუთრებული მითითებები
განსაკუთრებული სიფრთხილეა საჭირო იბუპროფენი აფლოფარმის მიღებისას შემდეგ შემთხვევებში:
-წითელი მგლურა და შემაერთებელი ქსოვილის შერეული დაავადებები
-კუჭ-ნაწლავის ტრაქტის დაავადებები და ნაწლავის ქრონიკული ანთებითი დაავადება (არასპეციფიური წყლულოვანი კოლიტი, კრონის დაავადება),
-ჰიპერტენზია და (ან) გულის დისფუნქცია
-თირკმელების ფუნქციის დარღვევა
-ღვიძლის ფუნქციის დარღვევა
-სისხლის შედედების დარღვევა (იბუპროფენმა შეიძლება გაახანგრძლივოს სისხლდენის დრო),
-სხვა მედიკამენტების მიღებისას (კერძოდ ანტიკოაგულანტები, დიურეტიკები, საგულე პრეპარატები, კორტიკოსტეროიდები).
ხანდაზმულ პაციენტებში შეიძლება პრეპარატის დოზის შემცირება, მინიმალური თერაპიული დოზის გამოყენებით მკურნალობის მცირე ხანგრძლივობისას, გვერდითი რეაქციების რისკის შემცირებისთვის.
აქტიური ან გადატანილი ბრონქული ასთმის შემთხვევაში და ალერგიული დაავადებისას პრეპარატმა შეიძლება გამოიწვიოს ბრონქოსპაზმი.
არსებობს კუჭ-ნაწლავიდან სისხლდენის, წყლულის ან პერფორაციის რისკი, რომელიც შეიძლება აღმოჩნდეს სასიკვდილო და რომლებსაც აუცილებლად არ ახლავს სიმპტომები, შეიძლება ეს მოვლენები განვითარდეს პაციენტებში, რომლებსაც აღენიშნებოდათ ამგვარი გამაფრთხილებელი სიმპტომები. კუჭ-ნაწლავიდან სისხლდენის ან წყლულის შემთხვევაში პრეპარატის მიღება უნდა შეწყდეს. პაციენტებმა ანამნეზში კუჭ-ნაწლავის დაავადებებით, განსაკუთრებით ხანდაზმულებმა უნდა შეატყობინონ თავის ექიმს კუჭ-ნაწლავის ტრაქტის მხრივ ნებისმიერი სიმპტომის შესახებ (კერძოდ სისხლდენაზე), განსაკუთრებით თერაპიის საწყის პერიოდში.
ამ პაციენტებმა უნდა გამოიყენონ პრეპარატის უმცირესი ეფექტური დოზა.
პრეპარატ იბუპროფენი აფლოფარმის მიღებისას უნდა დაიცვან სიფრთხილე პაციენტებში, რომლებიც იღებენ სხვა პრეპარატებს, რომლებმაც შეიძლება გაზარდოს კუჭის და ნაწლავის დარღვევების ან სისხლდენის რისგი, როგორიცაა კორტიკოსტეროიდები ან ანტიკოაგულანტები, მაგ. აცენოკუმარული ან ანტითრომბოციტური პრეპარატები, როგორიცაა აცეტილსალიცილის მჟავა.
სხვადასხვა ანალგეტიკების ხანგრძლივმა პარალელურმა მიღებამ შეიძლება გამოიწვიოს თირკმლის დაზიანება უკმარისობის რისკით (ანალგეზური ნეფროპათია).
პრეპარატ იბუპროფენი აფლოფარმის მიღება უნდა შეწყდეს და ექიმს მიმართონ კანის მძიმე რეაქციებისას (ექსფოლიაციური დერმატიტის, სტივენს-ჯონსონის სინდრომი და ტოქსიური ეპიდერმალური ნეკროლიზი), კანის გამონაყარი, პირის ღრუს ლორწოვანი გარსის დაზიანება ან მომატებული მგრძნობელობის სხვა რეაქციები. მძიმე რეაქციების რისკი უფრო მაღალია თერაპიის დასაწყისში, უმრავლეს შემთხვევაში პრეპარატის გამოყენების პირველი თვის განმავლობაში.
პრეპარატი მიეკუთვნება მედიკამენტების კლასს (არასტეროიდული ანთებისსაწინააღმდეგო პრეპარატები), რომლებმაც შეიძლება ნეგატიურად იმოქმედოს ქალთა ფერტილობაზე. ეს ეფექტი არის დროებითი და შექცევადია თერაპიის შეწყვეტის შემდეგ.
იბუპროფენის მიღება შეიძლება დაკავშირებული იყოს გულის შეტევის (მიოკარდიუმის ინფარქტი) ან ინსულტის რისკის ზრდასთან. ეს რისკი იზრდება პრეპარატის მაღალი დოზების ხანგრძლივი მიღებისას. არ გამოიყენოთ რეკომენდებულზე მაღალი დოზები რეკომენდებულზე დიდი ხანგრძლივობით. თუ სიმპტომები ნარჩუნდება, ძლიერდება ან არ ქრება 3 დღის შემდეგ ან ჩნდება ახალი სიმპტომები, უნდა მიმართო ექიმს. გულის პრობლემების შემთხვევაშI, გადატანილი ინსულტის ან ეჭვისას, რომ არსებობს ამ დაავადებების რისკი (მაგ. სისხლის მაღალი წნევა, დიაბეტი, ქოლესტერინის მომატებული დონე, მოწევა) აუცილებელია მკურნალობის განხილვა ექიმთან ან ფარმაცევტთან. მნიშვნელოვანი ინფორმაცია პრეპარატ იბუპროფენი აფლოფარმის ზოგიერთი კომპონენტის შესახებ
პრეპარატი შეიცავს საქაროზას. თუ პაციენტში დადგენილია ზოგიერთი შაქრის აუტანლობა, პაციენტმა უნდა გაიაროს ექიმის კონსულტაცია ამ პრეპარატის მიღებამდე.
მექანიკური საშუალებების და მანქანის მართვა:
არ არსებობს მონაცემები გვერდითი ეფექტების შესახებ, რომლებიც მოქმედებს ფსიქომოტორულ ფუნქციაზე , მანქანის მართვაზე და ტექნიკასთან მუშაობაზე.
ჭარბი დოზირება
თუ პრეპარატის მიღებული დოზა აჭარბებს რეკომენდებულს, აუცილებელია ექიმის ან ფარმაცევტისადმი მიმართვა.
თუ პრეპარატის მიღებული დოზა აჭარბებს რეკომენდებულს შეიძლება განვითარდეს: გულისრევა, ღებინება, ტკივილი ეპიგასტრიულ მიდამოში ან უფრო იშვიათად დიარეა, აგრეთვე ხმაური ყურებში, თავის ტკივილი, კუჭიდან და ნაწლავიდან სისხლდენა. მძიმე მოწამვლა მოქმედებს ცენტრალურ ნერვულ სისტემაზე და ვლინდება ძილიანობით, ძალიან იშვიათად აგზნებით და დეზორიენტაციით ან კომით.
ჭარბი დოზირების შემთხვევაში აუცილებელია კუჭის გამორეცხვა ღებინებიც პროვოცირებით და ექიმის კონსულტაცია.
თუ პრეპარატ იბუპროფენი აფლოფარმის მიღება გამოტოვებულია:
არ შეიძლება ორმაგი დოზის მიღება გამოტოვებულის კომპენსაციის მიზნით. მკურნალობა უნდა გაგრძელდეს დოზირების რეჟიმის დაცვით.
სხვა წამლებთან ურთიერთქმედება
იბუპროფენი აფლოფარმი (როგორც აასს ჯგუფის სხვა პრეპარატები) არ უნდა გამოიყენონ შემდეგ საშუალებებთან ერთად:
-აცეტილსალიცილის მჟავა და სხვა არასტეროიდული ანთებისსაწინააღმდეგო პრეპარატები:
გვერდითი ეფექტების რისკთან დაკავშირებით
-კორტიკოსტეროიდები: კუჭ-ნაწლავის ტრაქტის დარღვევების მომატებული რისკის გამო -ანტიჰიპერტენზული საშუალებები: აასს პრეპარატებმა შეიძლება დააქვეითოს პრეპარატების ეფექტურობა, რომლებიც აქვეითებენ არტერიულ წნევას.
-დიურეტიკები: არსებობს მცირერიცხოვანი მონაცემები, რომლებიც ადასტურებს ამ პრეპარატების ეფექტურობის დაქვეითებას.
-ანტიკოაგულანტები: აასს შეიძლება გააძლიეროს სისხლის შედედების დამაქვეითებელი პრეპარატების მოქმედება, როგორიცაა აცენოკუმაროლი
-ლითიუმი და მეტოტრექსატი: არასტეროიდულმა ანთებისსაწინააღმდეგო პრეპარატებმა შეიძლება გამოიწვიოს პლაზმაში ლითიუმის და მეტოტრექსატის კონცენტრაციის მომატება, რეკომენდებულია ლიტიუის და მეტოტრექსატის კონცენტრაციის კონტროლი სისხლის შრატში
-ზიდოვუდინი: არსებობს მონაცემები, რომლებიც ადასტურებს სისხლდენის დროის გაზრდას პაციენტებში, რომლებიც იღებენ ერთდროულად იბუპროფენსა და ზიდოვუდინს.
შენახვის პირობები და ვადები
პრეპარატი ინახება ბავშვებისთვის მიუწვდომელ ადგილას.
გამოყენება არ შეიძლება შეფუთვაზე მითითებული ვარგისობის ვადის გასვლის შემდეგ.
ინახება ორიგინალურ შეფუთვაში. არაუმეტეს 25°C ტემპერატურაზე.
სად შევიძინოთ?