Plasmon

იხილეთ აფთიაქების ჩამონათვალი

ომეპრაზოლი / OMEPRAZOLE
შემადგენლობა 

პრეპარატი ომეპრაზოლი 20მგ გასტრო-რეზისტენტული კაფსულები (OMEPRAZOLE 20mg GASTRO-RESISTANT CAPSULES) აქტიური ნივთიერების სახით შეიცავს ომეპრაზოლს.

ჩვენებები
კუჭის ან თორმეტგოჯა ნაწლავის წყლულოვანი დაავადება გამწვავების ფაზაში (მათ შორის Helicobacter pylori–ისთან ასოცირებული) 
რეფლუქს-ეზოფაგიტი;
ზოლინგერ-ელისონის სინდრომი
ანთების საწინააღმდეგო არასტეროიდული საშუალებების მიღებასთან დაკავშირებული კუჭის ან თორმეტგოჯა ნაწლავის ეროზიულ-წყლულოვანი დაზიანებები.

მიღების წესები და დოზები
ინდივიდუალური. ერთჯერადი დოზა შეადგენს 20-40მგ-ს, სადღეღამისო დოზა – 20-80მგ-ს. მიღების სიხშირე 1-2-ჯერ/დღეში. მკურნალობის ხანგრძლივობა 2-8კვირა.

გვერდითი მოვლენები
საჭმლის მომნელებელი სისტემის მხრივ: იშვიათად - გულისრევა, დიარეა, ყაბზობა, ტკივილი მუცლის არეში, მეტეორიზმი.
ცნს-ის მხრივ: იშვიათად - თავის ტკივილი, თავბრუსხვევა, სისუსტე.
სისხლმბადი სისტემის მხრივ: ცალკეულ შემთხვევებში – ანემია, ეოზინოპენია, ნეიტროპენია, თრომბოციტოპენია.
შარდგამომყოფი სისტემის მხრივ: ცალკეულ შემთხვევებში – ჰემატურია, პროტეინურია.
ძვალ-კუნთოვანი სისტემის მხრივ: ცალკეულ შემტხვევებში – ართრალგია, კუნთის სისუსტე, მიალგია.
ალერგიული რეაქციები: იშვიათად – გამონაყარი კანზე.

უკუჩვენება
ღვიძლის ქრონიკული დაავადებები (მათ შორის ანამნეზში), მომატებული მგრძნობელობა ომეპრაზოლის მიმართ.

ორსულობა და ლაქტაცია
ორსულობისა და ლაქტაციის პერიოდში ომეპრაზოლის მიღება რეკომენდებული არ არის.

განსაკუთრებული მითითებები
თერაპიის დაწყებამდე უნდა გამოირიცხოს ავთვისებიანი პროცესის არსებობა (განსაკუთრებით კუჭის წყლულის დროს), რადგან ომეპრაზოლით მკურნალობამ შესაძლოა შენიღბოს სიმპტომატიკა და დააგვიანოს სწორი დიაგნოზის დასმა.
ომეპრაზოლით მკურნალობის ფონზე შესაძლოა დამახინჯდეს ღვიძლის ფუნქციის ლაბორატორიული გამოკვლევის შედეგები და სისხლის პლაზმაში გასტრინის კონცენტრაციის მაჩვენებლები.
ომეპრაზოლის კლინიკური გამოყენების გამოცდილების არარსებობის გამო არ არის რეკომენდებული მისი გამოყენება ბავშვებში.
ომეპრაზოლთან ერთდროული გამოყენებისას აღწერილია ბენზოდიაზეპინების ტოქსიური მოქმედების სიმპტომების განვითარება.
დიგოქსინთან ერთდროული გამოყენებისას შესაძლოა ომეპრაზოლის კონცენტრაციის უმნიშვნელო გაზრდა სისხლის პლაზმაში.
დისულფირამთან ერთდროული გამოყენებისას აღწერილია გონების დაკარგვის შემთხვევები, ინდინავირთან – შესაძლოა სისხლის პლაზმაში ინდინავირის კონცენტრაციის შემცირება, კეტოკონაზოლთან – ამ უკანასკნელის აბსორბციის შემცირება.
კლარითრომიცინთან ხანგრძლივი ერთდროული გამოყენებისას, იზრდება კლარითრომიცინისა და ომეპრაზოლის კონცენტრაცია სისხლის პლაზმაში.
აღწერილია ორგანიზმიდან მეთოტრექსატის გამოყოფის შემცირება პაციენტებში, რომლებიც ღებულობენ ომეპრაზოლს.
თეოფილინთან ერთდროული გამოყენებისას, შესაძლოა თეოფილინის კლირენსის უმნიშვნელო ზრდა.
ვარაუდობენ, რომ ომეპრაზოლის მაღალი დოზით მიღებამ ფენიტოინთან ერთად, შესაძლოა გამოიწვიოს ფენიტოინის კონცენტრაციის გაზრდა სისხლი პლაზმაში. 
აღწერილია სისხლის პლაზმაში ციკლოსპორინის კონცენტრაციის გაზრდა ომეპრაზოლთან მისი ერთდროული გამოყენებისას.
ერითრომიცინთან ერთდროული გამოყენებისას აღწერილია სისხლის პლაზმაში ომეპრაზოლის კონცენტრაციის გაზრდის შემთხვევები, ამასთან ომეპრაზოლის ეფექტურობა მცირდებოდა.

შენახვის პირობები და ვადები
ინახება ოთახის ტემპერატურაზე, ბავშვებისთვის მიუწვდენელ ადგილას.

სად შევიძინოთ?