Plasmon

იხილეთ აფთიაქების ჩამონათვალი

ციტრამონი-P / Сitramon-P

შემადგენლობა და გამოშვების ფორმა

1 ტაბლეტი შეიცავს:
აცეტილსალიცილის მჟავას _ 0.24 გ-ს,
პარაცეტამოლს _ 0.18 გ-ს,
კოფეინს _ 0.03 გ-ს.
დამხმარე ნივთიერებები: კაკაო, ლიმონმჟავა, კარტოფილის სახამებელი, ტალკი, კალციუმის სტეარატი.

ფარმაკოლოგიური თვისებები
ციტრამონი-პ _ კომბინირებული პრეპარატია. 
აცეტილსალიცილის მჟავას გააჩნია სიცხის დამწევი და ანთების საწინააღმდეგო მოქმედება. იგი ხსნის ანთებით გამოწვეულ ტკივილს, ზომიერად თრგუნავს თრომბოციტების აგრეგაციას და თრომბის წარმოქმნას, აუმჯობესებს მიკროცირკულაციას ანთების კერაში. 
პარაცეტამოლს გააჩნია ანალგეზიური, სიცხის დამწევი და სუსტად გამოხატული ანთების საწინააღმდეგო მოქმედება, რაც დაკავშირებულია მის ზემოქმედებაზე ჰიპოთალამუსში ლოკალიზებულ თერმორეგულაციის ცენტრზე და სუსტად გამოხატულ უნარზე მოახდინოს პროსტაგლანდინების სინთეზის ინჰიბირება პერიფერიულ ქსოვილებში.
კოფეინი ზრდის ზურგის ტვინის რეფლექტორულ აგზნებადობას, ასევე აღაგზნებს სუნთქვისა და სისხლის მიმოქცევის მარეგულირებელ ცენტრებს, აფართოებს ჩონჩხის კუნთების სისხლძარღვებს, ამცირებს ძილიანობას, დაღლილობის შეგრძნებას, ზრდის გონებრივ და ფიზიკურ შრომისუნარიანობას. მცირე დოზით კოფეინი პრაქტიკულად არ ახდენს მასტიმულირებელ მოქმედებას ცენტრალურ ნერვულ სისტემაზე, თუმცა ხელს უწყობს თავის ტვინის სისხლძარღვთა ტონუსის ნორმალიზებას და სისხლის მიმოქცევის აჩქარებას.

ფარმაკოკინეტიკა
პერორალური მიღებისას პრეპარატის ყველა კომპონენტი სწრაფად და თითქმის მთლიანად აბსორბირდება. კოფეინი ზრდის პარაცეტამოლისა და აცეტილსალიცილის მჟავას ბიოშეღწევადობას. ნაწლავის კედელსა და ღვიძლში აცეტილსალიცილის მჟავას დეაცეტილირების შედეგად წარმოიქმნება სალიცილის მჟავა. ღვიძლის ციტოქრომი Р450-ს იზოფერმენტი CYP1A2 - ს მოქმედებით კოფეინისაგან წარმოქმნება დიმეთილქსანთინები (თეოფილინი, პარაქსანთინი). ყველა კომპონენტების მაქსიმალური კონცენტრაცია (Cmax) პლაზმაში 0.3_1 სთ-ში მიიღწევა.
პლაზმის ალბუმინებს უკავშირდება სალიცილის მჟავას დაახლოებით 80% და პარაცეტამოლის 10_15%. პრეპარატის კომპონენტები კარგად აღწევენ ორგანიზმის ყველა ქსოვილსა და სითხეებში. ტვინის ქსოვილში სალიცილატები მცირე რაოდენობით აღინიშნება, ხოლო პარაცეტამოლისა და კოფეინის კონცენტრაცია _ პლაზმაში არსებული კონცენტრაციის ტოლია. აციდოზის განვითარებისას სალიცილის მჟავა არაიონიზირებულ ფორმაში გადადის და მისი შეღწევადობა ნერვულ ქსოვილში იზრდება. ყველა კომპონენტი გადის პლაცენტურ ბარიერს და გადადის დედის რძეში. პრეპარატის კომპონენტები მეტაბოლიზდება ღვიძლში. მეტაბოლიზმის პროდუქტები გამოიყოფა თირკმლებით. პრეპარატის კომპონენტების ნახევარგამოყოფის პერიოდი (T1/2) 2_4.5 სთ-ს შეადგენს. ციტრამონი-პ-ს დოზის გაზრდისას აცეტილსალიცილის მჟავას ელიმინაცია სხვა კომპონენტებთან შედარებით შენელებულია 15 სთ-მდე. მწეველებში დაჩქარებულია კოფეინის ელიმინაცია.

ჩვენებები
ტკივილის სინდრომი: თავის ტკივილი, კბილის ტკივილი, ნევრალგია, ართრალგია, მიალგია. 
ციების სინდრომი: მწვავე რესპირატორული დაავადებები, გრიპი.

მიღების წესები და დოზები
პრეპარატი მიიღება პერორალურად (ჭამის დროს ან ჭამის შემდეგ) _ 1 ტაბლეტი 4 სთ-ში ერთხელ. ტკივილის სინდრომის დროს _ 1_2 ტაბლეტი. საშუალო სადღეღამისო დოზაა 3_4 ტაბლეტი, მაქსიმალური სადღეღამისო დოზა – 8 ტაბლეტი. მკურნალობის კურსია არა უმეტეს 7_10 დღია. 
პრეპარატი არ გამოიყენება 5 დღეზე მეტი ხნის განმავლობაში, როგორც ანალგეზური საშუალება და 3 დღეზე მეტხანს, როგორც სიცხის დამწევი საშუალება (ექიმის დანიშნულებისა და მეთვალყურეობის გარეშე).

გვერდითი მოვლენები
გასტრალგია, გულისრევა, ღებინება, ჰეპატო- და ნეფროტოქსიკურობა, კუჭ-ნაწლავის ტრაქტის ეროზიულ-წყლულოვანი დაზიანება, ალერგიული რეაქციები, ტაქიკარდია, მომატებული არტერიული წნევა, ბრონქოსპაზმი. 
ხანგრძლივი გამოყენებისას _ თავბრუხვევა, თავის ტკივილი, მხედველობის დარღვევა, ყურებში შუილი, ჰიპოკოაგულაცია, ჰემორაგიული სინდრომი (სისხლდენა ცხვირიდან, ღრძილებიდან და სხვა), თირკმლის ფუნქციის დარღვევა, რეიეს სინდრომი ბავშვებში.

უკუჩვენება
მომატებული მგრძნობელობა, კუჭ-ნაწლავის ტრაქტის ეროზიულ-წყლულოვანი დაზიანება, სისხლდენა კუჭ-ნაწლავის ტრაქტიდან, `ასპირინული~ ასთმა, ჰემოფილია, ჰემორაგიული დიათეზი, ჰიპოპროთრომბინემია, პორტული ჰიპერტენზია, K ვიტამინის დეფიციტი, თირკმლის უკმარისობა, გლუკოზო-6-ფოსფატდეჰიდროგენაზას დეფიციტი, გამოხატური არტერიული ჰიპერტენზია, მძიმედ მიმდინარე გულის იშემიური დაავადება, გლაუკომა, მომატებული აგზნებადობა, ძილის დარღვევა, ქირურგიული ჩარევები სისხლდენით, 15 წლამდე ასაკი (ვირუსული დაავადებების ფონზე ჰიპერთერმიის დროს რეიეს სინდრომის რისკის გამო).

ორსულობა და ლაქტაცია
პრეპარატი უკუნაჩვენებია ორსულობის დროს (I და III ტრიმესტრები) და ლაქტაციის (ძუძუთი კვების) პერიოდში.

განსაკუთრებული მითითებები
პრეპარატის ხანგრძლივი გამოყენებისას საჭიროა პერიფერიული სისხლისა და ღვიძლის ფუნქციური მდგომარეობის კონტროლი. 
სასწრაფო ქირურგიული ჩარევის შემთხვევაში საჭიროა ექიმის წინასწარი ინფორმირება პრეპარატის გამოყენების შესახებ.
ციტრამონი-პ სიფრთხილით ინიშნება ღვიძლის დაავადებების, პოდაგრის დროს.

ჭარბი დოზირება
სიმპტომები: გულისრევა, ღებინება, გასტრალგია, თავბრუხვევა, ყურებში შუილი, მოქმედების შენელება, ძილიანობა, კოლაფსი, კრუნჩხვები, ბრონქოსპაზმი, სუნთქვის გაძნელება, ანურია, სისხლდენა, აციდოზი.
მკურნალობა: მჟავა-ტუტოვანი წონასწორობისა და ელექტროლიტური ბალანსის მუდმივი კონტროლი; ნივთიერებათა ცვლის მდგომარეობიდან გამომდინარე – ნატრიუმის ჰიდროკარბონატის, ნატრიუმის ციტრატის ან ნატრიუმის ლაქტატის შეყვანა.

სხვა წამლებთან ურთიერთქმედება
ციტრამონი-პ აძლიერებს ჰეპარინის, არაპირდაპირი ანტიკოაგულანტების, რეზერპინის, სტეროიდული ჰორმონების და ჰიპოგლიკემიური საშუალებების მოქმედებას.
სხვა ანთების საწინააღმდეგო არასტეროიდულ საშუალებებთან, მეტოტრექსატთან ერთდროული დანიშვნისას იზრდება გვერდითი ეფექტების განვითარების რისკი.
პრეპარატი ამცირებს სპირონოლაქტონის, ფუროსემიდის, ჰიპოტენზიური საშუალებების, ასევე პოდაგრის საწინააღმდეგო საშუალებების ეფექტურობას, რომლებიც ხელს უწყობს შარდმჟავას გამოყოფას. 
ბარბიტურატები, რიფამპიცინი, სალიცილამიდი, ეპილეფსიის საწინააღმდეგო საშუალებები და მიკროსომული ჟანგვის სხვა სტიმულატორები ხელს უწყობენ პარაცეტამოლის ტოქსიკური მეტაბოლიტების წარმოქმნას, რომლებიც ღვიძლის ფუნქციაზე მოქმედებს.
მეტოკლოპრამიდი აჩქარებს პარაცეტამოლის შეწოვას.
პარაცეტამოლის მოქმედებით ქლორამფენიკოლის T1/2 5-ჯერ იზრდება. 
პარაცეტამოლისა და ეთანოლის ერთდროული მიღება ზრდის ჰემატოტოქსიკური ეფექტების განვითარების რისკს.
კოფეინი აჩქარებს ერგოტამინის შეწოვას.

შენახვის პირობები და ვადები
ინახება მშრალ, სინათლისაგან დაცულ ადგილას, არა უმეტეს 25°C ტემპერატურაზე.
ინახება ბავშვებისათვის მიუწვდომელ ადგილას.
ვარგისობის ვადა: 4 წელი.
შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქში გაცემის წესი
ფარმაცევტული პროდუქტის III ჯგუფი (გაცემის რეჟიმი: ურეცეპტოდ).

სად შევიძინოთ?