თურმანიძის მალამო ნაწოლებისთვის / Turmanidze Ointment for Bedsores
- საერთაშორისო დასახელება (აქტიური ნივთიერება): Turmanidze
- კლინიკურ-ფარმაკოლოგიური ჯგუფი: ანთების საწინააღმდეგო საშუალებები → სხვა საშუალებები ანთების საწინააღმდეგო აქტივობით → პრეპარატები გარეგანი გამოყენებისათვის
- მწარმოებელი კომპანია: თურმანიძე
- მწარმოებელი ქვეყანა: საქართველო
- გამოშვების ფორმა: 40გ პოლიპროპილენის ხრახნილიანი ქილა.
- გაცემის რეჟიმი: III ჯგუფი (ურეცეპტოდ)
ფარმაკოლოგიური თვისებები
ახასიათებს ანთების საწინააღმდეგო, ადგილობრივად ტკივილგამაყუჩებელი და ანტისეპტიკური მოქმედება. აცილებს ნეკროზულ ქსოვილებს, ასუფთავებს ჭრილობას ჩირქოვანი ნადებებისგან, ხელს უწყობს ეპითელური ქსოვილის რეგენერაციას და გრანულაციური ქსოვილის განვითარებას, აჩქარებს შეხორცებით პროცესს.
ჩვენებები
პრეპარატი გამოიყენება ნაწოლების სამკურნალოდ როგორც მაცერირებული, ასევე შორს წასულ შემთხვევაში ინფიცირებული და ნეკროზული ქსოვილის არსებობისას.
მიღების წესები და დოზები
რეპარატით გაჟღენთილ სტერილურ მიტკალს ან სამფენოვან დოლბანდს დავაფარებთ ჭრილობის ზედაპირზე. ღრმა ჭრილობებში მალამო გამოიყენება ტამპონების სახით. ყოველი შეხვევის წინ ჭრილობას ამუშავებენ ანტისეპტიკური (მაგალითად: 3% წყალბადის ზეჟანგი) ხსნარით, ნახვევის გამოცვლა რეკომენდებულია 24 სთ-ში ერთხელ.
გვერდითი მოვლენები
არ აღინიშნება.
უკუჩვენება
არ არის გამოვლენილი.
შენახვის პირობები და ვადები
ვარგისიანობის ვადა: 3 წელი.
შენახვის პირობები: ინახება მშრალ, გრილ ადგილას.
სად შევიძინოთ?