აზიტრომიცინი / Azitromycin
- საერთაშორისო დასახელება (აქტიური ნივთიერება): azithromycin
- კლინიკურ-ფარმაკოლოგიური ჯგუფი: ანტიბაქტერიული საშუალებები → მაკროლიდები
- მწარმოებელი კომპანია: cipla
- მწარმოებელი ქვეყანა: ინდოეთი
- გამოშვების ფორმა: 250მგ კაფსულა №60
- გაცემის რეჟიმი: II ჯგუფი (გაიცემა ფორმა N3 რეცეპტით)
შემადგენლობა
თითო კაფსულა შეიცავს 250 მგ აზითრომიცინის დიჰიდრატის ექვივალენტურ აზიტრომიცინს.
თითო აპკით დაფარული ტაბლეტი შეიცავს 500 მგ აზითრომიცინის დიჰიდრატის ექვივალენტურ აზიტრომიცინს.
თითო 5 მლ გახსნილი სუსპენზია შეიცავს 200 მგ აზითრომიცინს.
ჩვენებები
აზითრომიცინი ნაჩვენებია საეჭვო ორგანიზმებით გამოწვეული ინფექციების დროს: ქვედა სასუნთქი გზების ინფექციები, მათ შორის ბრონქიტის და პნევმონიის, ასევე კანის და რბილი ქსოვილის ინფექციების დროს. სქესობრივად გადამდები დაავადებების შემთხვევაში ქალებსა და მამაკაცებში აზიტრომიცინი გამოიყენება Chlamidia trachomatis- ით გამოწვეული სქესობრივი ინფექციების იოლი ფორმების სამკურნალოდ.
მიღების წესები და დოზები
აზითრომიცინის კაფსულები მიიღება კვებამდე 1 სთ-ით ადრე ან კვებიდან 2 სთ-ის შემდეგ.
პერორალური სუსპენზიის მიღება შესაძლებელია კვების დროს.
Chlamidia trachomatis მოზრდილებში: 1 გ ერთჯერადი დოზა.
სხვა ჩვენებების დროს: 500 მგ დღეში ერთხელ 3 დღე.
ბავშვებში: 10მგ/კგ ერთხელ დღიური დოზა 3 დღე
15 კგ-მდე: დაადგინეთ დოზა რაც შეიძლება ზუსტად.
15-25 კგ: 200 მგ (5 მლ) დღეში ერთჯერ 3 დღე.
26-35 კგ: 300 მგ(7.5 მლ) დღეში ერთხელ 3 დღე.
36-45 კგ: 400მგ (10მლ) დღეში ერთხელ 3 დღე.
>45 კგ: დოზა იგივე რაც მოზრდილებში
პაციენტებში, რომელთაც აღენიშნებათ თირკმლის უკმარისობა:
დოზის კორექტირება არ არის საჭირო იმ პაციენტებში, რომელთაც აღენიშნებათ თირკმლის უკმარისობა.
პაციენტებში, რომელთაც აღენიშნებათ ღვიძლის უკმარისობა:
აზითრომიცინი არ გამოიყენება პირებში, რომელთაც აღენიშნებათ ღვიძლის დაავადებები.
გვერდითი მოვლენები
გულისრევა, ღებინება, დისკომფორტი მუცლის არეში, ფაღარათი ( და ანტიბიოტიკით გამოწვეული კოლიტი), ურტიკარია, გამონაყარი და სხვა ალერგიული რეაქციები(იშვიათად ანაფილაქსია) სმენის შექცევითი დაქვეითება დიდი დოზების მიღებისას, ქოლესტატური სიყვითლე, ზეგავლენა გულზე (ტკივილი მკერდის არეში და არითმია), მიასთენიის მსგავსი სინდრომი, მულტიფორმული ერითემა(სტივენ ჯონსონის სინდრომი), ტოქსიკური ეპიდერმული ნეკროლიზი
უკუჩვენება
აზითრომიცინი უკუნაჩვენებია იმ პირებში, რომელთაც აღენიშნებათ ჰიპერმგრძნობელობა აზითრომიცინის ან ნებისმიერი მაკროლიდური ანტიბიოტიკის მიმართ. რადგან თეორიულად შესაძლებელია ერგოტიზმის განვითარება აზითრომიცინი და ჭვავის რქით წარმოებული პრეპარატების ერთობლივად გამოყენება დაუშვებელია. დაფიქსირებულია იშვიათი სერიოზული ალერგიული რეაქციები, მათ შორის ანგიონევროზული შეშუპება და ანაფილაქსია (იშვიათად ფატალური). სხვა მაკროლიდებთან ერთად გამოყენებისას გამოვლინდა გულის რეპოლარიზაცის ფაზის და QT ინტერვალის გახანგრძლივება, რაც იწვევს გულის არითმიის და პარკუჭების ციმციმის განვითარების რისკს. ისევე როგორც სხვა ანტიბიოტიკების შემთხვევაში შესაძლებელია აღინიშნოს არასაეჭვო ორგანიზმებით განმეორებით დასენიანება.
ორსულობა და ლაქტაცია
აზითრომიცინის გამოყენება შესაძლებელია ორსულობის და ლაქტაციის პერიოდში იმ შემთხვევაში თუ სათანადო ალტერნატივა არ არსებობს.
ჭარბი დოზირება
სიმპტომები: იგივეა რაც გვერდითი ეფექტები.
მკურნალობა: საჭიროებისამებრ მიიღება ზოგადი სიმპტომატური და დამხმარე ზომები.
სხვა წამლებთან ურთიერთქმედება
ანტაციდები: აზითრომიცინის მიღება დასაშვებია ანტაციდების მიღებამდე სულ მცირე 1 სთ-ით ადრე ან მიღებიდან 2 სთ-ის შემდეგ.
ციკლოსპორინი: თუ პრეპარატების ერთობლივი გამოყენება გარდუვალია ციკლოსპორინის დონე უნდა გაკონტროლდეს და დოზა დაკორექტირდეს შესაბამისად.
დიგოქსინი: პაციენტებში, რომლებიც ერთობლივად ღებულობენ აზითრომიცინს და დიგოქსინს გასათვალისწინებელია ის ფაქტი, რომ შესაძლებელია მოიმატოს დიგოქსინის დონემ და ამიტომაც უნდა გაკონტროლდეს იგი.
ჭვავის რქით წარმოებული პრეპარატები: რადგან თეორიულად შესაძლებელია აღინიშნოს ერგოტიზმი ამიტომ აზითრომიცინისა და ჭვავის რქით წარმოებული პრეპარატების კომბინაცია არ არის სასურველი.
ზიდოვუდინი: აზითრომიცინის გამოყენებამ გაზარდა ფოსფორილირებული ზიდოვუდინის კონცენტრაცია , კლინიკურად აქტიური მეტაბოლიტი სისხლის პერიფერიულ მონონუკლეურ უჯრედებში. აღნიშნული ფაქტის კლინიკური მნიშვნელობა დაუდგენელია.
შენახვის პირობები და ვადები
ტაბლეტები და კაფსულები: ინახება მშრალ ადგილზე არაუმეტეს 30oC ტემპერატურაზე. ფხვნილი პერორალური სუსპენზიისათვის: ინახება მშრალ ადგილზე არაუმეტეს 25 oC ტემპერატურაზე.
გახსნილი პერორალური სუსპენზია: ინახება 2 oC - 8 oC ტემპერატურაზე და გამოიყენება 5 დღის განმავლობაში.
ვარგისობის ვადა: 36 თვე
აფთიაქში გაცემის წესი
ფარმაცევტული პროდუქტის ჯგუფი II – გაიცემა ექიმის რეცეპტით.
სად შევიძინოთ?