Plasmon

იხილეთ აფთიაქების ჩამონათვალი

კაპტოპრილი ლაროფარმი / Captopril Laropharm

შემადგენლობა:
1 შემოგარსული ტაბლეტი შეიცავს 25 მგ კაპტოპრილს - აქტიური ნივთიერება
დამხმარე ნივთიერებები: ლაქტოზას მონოჰიდრატი, მიკროკრისტალური ცელულოზა, სიმინდის სახამებელი, მაგნიუმის სტეარატი, ტალკი, პოვიდონი K 30. 

ფარმაკოლოგიური ჯგუფი:
რენინ ანგიოტენზინ სისტემაზე მოქმედი საშუალება. ანგიოტენზინ-გარდაქმნელი ფერმენტის (აგფ) ინჰიბიტორი.

ჩვენება: 
• არტერიული ჰიპერტენზია (არტერიული წნევის მომატება)
• გულის უკმარისობა
• მიოკარდიუმის ინფარქტის შემდომი პერიოდი კლინიკურად სტაბილურ პაციენტებში მარცხენა პარკუჭის დისფუნქცის სიმპტომების გარეშე, გადმოსროლის ფრაქციით 40% წამში
• დიაბეტური ნეფროპათია პაციენტებში I ტიპის შაქრიანი დიაბეტით (ინსულინ დამოკიდებული)

მიღების წესი და დოზირება:
კაპტოპრილით მკურნალობის დასაწყისში და მკურნალობის დროს სასურველია განისაზღვროს კრეატინინი და წყალ-მარილოვანი ცვლა. 
ჰიპერტენზია: პაციენტებს, რომელთაც არ აღენიშნებათ წყალ-მარილოვანი ცვლის დარღვევა ან თირკმლების უკმარისობა, საწყისი რეკომენდებული შედგენს დღეში 25 – 50 მგ-ს. დღეში 2-ჯერ, 12 საათში ერთხელ.
დოზა რეგულირდება თერაპიული ეფექტის შესაბამისად ყოველი 2 კვირის შემდეგ. დოზის გაზრდა შესაძლებელია მანამდე, სანამ არ მიაღწევს 100 მგ-ს. დოზა ნაწილდება 2 მიღებაზე.აუცილებლობის შემთხვევაში, შესაძლებელია მკურნალობის დასაწყისში პრეპარატი დაინიშნოს შედარებით მაღალი დოზით (150 მგ დღეში, განაწილებული 2-3 მიღებაზე), რომელიც შემდგომში უნდა შემცირდეს.

ჰიპერტენზია პაციენტებში, რომლებიც იღებენ შარდმდენ საშუალებებს (დიურეტიკებს): 
• პრეპარატის მიღებამდე 3 დღით ადრე უნდა შეწყდეს დიურეტიკების მიღება (ამ პერიოდში არტერიული წნევის კონტროლის ქვეშ), აუცილებლობის შემთხვევაში შარდმდენი საშუალებების მიღების შემდგომი განახლებით. ან,
• მკურნალობა იწყება საწყისი დოზით 12,5 მგ, დოზა რეგულირდება თერაპიული პასუხისა და ორგანიზამის ამტანობის შესაბამისად
რენოვასკულარული ჰიპერტენზია:რეკომენდებულია მკურნალობა დაიწყოს დოზით - 6,25 მგ კაპტოპრილი დღეში, დოზის შემდგომი რეგულირება უნდა მოხდეს თერაპიული პასუხის შესაბამისად.
თირკმლების უკმარისობა:
კაპტოპრილის დოზა რეგულირდება კრეატინინის კლირენსის მიხედვით, ქვემოთ მოცემული ცხრილის შესაბამისად

კრეატინინის კლირენსი

( მლ/წთ/1,73 მ2 )

მაქსიმალური სადღეღამისო დოზა (მგ)

საწყისი სადღეღამისო დოზა (მგ)

>41

ძირითადად 150

25 – 50

40 – 41

100

25

20 -11

75

12,5

<10

37,5

6,25

კაპტოპრილი გამოიყოფა თირკმლების საშუალებით. ექვემდებარება დიალიზს.
გულის უკმარისობა: 
გულის კომპენსირებული უკმარისობა: 
მკურნალობა უნდა დაიწყოს და მიმდინარეობდეს ექიმის მკაცრი მეთვალყურეობის ქვეშ
კაპტოპრილის რეკომენდებული საწყოსი დოზა არის 6,25 – 12,5 მგ დღეში 2-3-ჯერ. დოზის გაზრდა შესაძლებელია მოხდეს ეფექტურ დოზამდე (დღეში 50 – 100 მგ კაპტოპრილი 2-3 მიღებაზე), თანდათან ორი კვირის განმავლობაში პაცინტის ამტანობის და თერაპიული პასუხის შესაბამისად.
შემანარჩუნებელი დოზის დადგენა ხდება ისე, რომ ადგილი არ ქონდეს ორთოსტატიკული სისტოლური არტერიული წნევის დაქვეითებას 90 მმ/HG-ზე ქვემოთ.
მიოკარდიუმის ინფარქტის შემდომი პერიოდი:
მკურნალობა უნდა დაიწყოს მიოკარდიუმის ინფარქტიდან 3 დღის შემდეგ კაპტოპრილის ერთჯერადი დოზით - 6,25 მგ. დოზის გაზრდა ხდება თანდათან  25 მგ-მდე 3-ჯერ დღეში, პაციენტის ამტანობისა და თერაპიული პასუხის შესაბამისად.
კარდიოპროტექტორული მოქმედების თვალსაზრისით რეკომენდებულია პრეპარატის დანიშვნა მოხდეს ხანგრძლივი დროის განმავლობაში დოზით დღეში 75 – 150 მგ განაწილებული 2-3 მიღებაზე.
გულის უკმარისობით გამოწვეული სიმპტომური ჰიპოტენზიის შეთხვევაში უნდა მოხდეს დიურეტიკების ან/და ვაზოდილატატორების დოზის რეგულირება, კაპტოპრილის შემანარჩუნებელიდოზით მიღების მიზნით. აუცილებლობის შემთხვევაში პრეპარატის დოზა რეგულირდება პაციენტის კლინიკური ამტანობის შესაბამისად.
დიაბეტური ნეფროპათია 
კაპტოპრილის რეკომენდებული სადღეღამისო დოზა არის 50 – 100 მგ განაწილებული 2 – 3 მიღებაზე.
თირკმლების ფუნქციის დარღვევის შემთხვევაში, კაპტოპრილის დოზა უნდა დარეგულირდეს თირკმლის უკმარისობის ხარისხის შესაბამისად. 
პრეპარატი მიღებული უნდა იქნას საკვების მიღებიდან არანაკლებ 1 საათის შემდეგ, ვინაიდან საკვების არსებობა ამცირებს კაპტოპრილის შეწოვას.

გვერდითი მოვლენები:
• თავის ტკივილი, დაღლილობის შეგრძნება,  თავბრუსხვევა
• ჰიპოტენზია ან ორთოსტატიკული ჰიპოტენზია
• ქავილი, გამონაყარი
• გულისრევა, ანორექსია, ტკივილი ეპიგასტრიუმის არეში
• გემოს შეგრძნების დაქვეითება. თავს იჩენს მკურნალობის პირველი სამი თვის განმავლობაში, მაღალი დოზის მიღების და თირკმლების უკმარისობის დროს
• მშრალი ხველა ნაზალური ობსტრუქციითა ან ობსტრუქციის გარეშე (ფარმაკოლოგიური ჯგუფისთვის დამახასიათებელი გვერდითი მოვლენა) 
• ძალიან იშვიათად: პანკრეატიტი, ქოლეცისტიტი
• ძალიან იშვიათად: კვინკეს შეშუპება
• თირკმლების ფუნქციური უკმარისობის გამოვლინება გულის უკმარისობის მქონე პაციენტებში, პაციენტებში დეჰიდრატაციით და პირებში, რომლებიც მკურნალობენ დიურეტიკებით. ეს გვერდითი მოვლენა შედარებით მძიმეა პაციენტებში ბილატერული რენალური არტერიული სტენოზით, პირებში ერთი თირკმლითდა აორტის კოარქტაციით. უნდა მოხდეს კაპტოპრილის მიღების შეწყვეტა
• პროტეინურია: ადგილი აქვს პრეპარატის მაღალი დოზებით (დღეში 150 მგ)მკურნალობის, ან თირკმლის ფუნქციის დარღვევის დროს
• ჰიპერკალიემია, ჩვეულებრივ გარდამავალი
• ძალიან იშვიათად: თრომბოციტოპენია
• პაციენტებს თირკმლების უკმარისობით, სისტემური წითელი მგლურას პათოლოგიით, სკლეროდერმით, ან ვინც იღებს იმუნოდეპრესანებს, შესაძლებელია განვითარდეს ნეუტროპენია ან აგრანულოციტოზი
• ტრანსამინაზას ან ბილირუბინის მომატება
• თირკმლის უკმარისობის ან გადანერგილი თირკმლის მქონე პაციენტებში აგფ ინჰიბიტორებმა შესაძლოა გამოიწვიოს აპლასტიური ანემია
• იმპოტენცია, გინეკომასტია

უკუჩვენება:
• ჰიპერმგრძნოებელობა პრეპარატის შემადგენელი კომპონენტების მიმართ. თანდაყოლილი ანგიოედემა (კვინკეს შეშუპება). აგფ ინჰიბიტორების მიღებასთან დაკავშირებული ანგიოედემა
• ორსულობა და ლაქტაცია
• ბილატერული რენალური არტერიული სტენოზი, ერთი თირკმლის ფუნქციონირება, თირკმლების ფუნქციის მძიმე დარღვევები
• ჰიპერკალიემია

ორსულობის და ლაქტაციის პერიოდი:
პრეპარატი არ მიიღება ორსულობის პერიოდში ნაყოფზე შესაძლო ტოქსიური ზემოქმედების გამო. თუ დაორსულება მოხდა კაპტოპრილით მკურნალობის პერიოდში, მისი მიღება უნდა შეწყდეს დაუყოვნებლივ. 
კაპტოპრილი გადადის დედის რძეში. ლაქტაციის პერიოდში პრეპარატი არ მიიღება.

მანქანისა და სხვა მექანიზმების მართვა:
კაპტოპრილი არ მოქმედებს მანქანისა და სხვა მექანიზმების მართვის უნარზე.

სხვა წამლებთან ურთიერთქმედება:
პრეპარატის მიღება უკუნაჩვენებია:
ალდოსტერონის კონკურენტულ ანტაგონისტებთან (ამილორიდი, სპირონოლაქტონი, ტრიამტერენი), კალიუმის მარილებთან - ჰიპერკალიემიის განვითარების რისკი.
ლითიუმის მარილებთან - პლაზმაში ლითიუმის კონცენტრაციამ შესაძლებელია მიაღწიოს ტოქსიურ დონეს.
ესტრამუსტინთან - იზრდება ანგიოედემის განვითარების რისკი.
პრეპარატი სიფრთხილით ინიშნება შემდეგ ნივთიერებებთან კომბინაციაში:
მარყუჟოვან დიურეზულ საშუალებებთან - ჰიპოტენზიის ან/და თირკმლის მწვავე უკმარისობის განვითარების რისკი.
ბაკლოფენი - აძლიერებს კაპტოპრილის მოქმედებას (რეკომენდებულია სისხლის წნევის კონტროლი და პრეპარატის დოზის რეგულირება)
არასტეროდულ ანთების საწინააღმდეგო საშუალებებთან კომბინაციის დროს კაპტოპრილის ეფექტი შესაძლებელია დაქვეითდეს პროსტაგლანდინების ინჰიბირებისა და წყალ-მარილოვანი შეკავების გამო.
ინსულინთან და ანტიდიაბეტურ სულფონამიდებთან კომბინაციაში იზრდება ჰიპოგლიკემიის განვითარების რისკი.
მხედველობაში უნდა იქნას მიღებული კაპტორილის კომბინაცია:
იმიპრამინთან (ანტიდეპრესანტი) და ნეიროლეფსურ საშუალებებთან: ადგილი აქვს ანტიჰიპერტენზიული მოქმედების სინერგიზმს, შესაძლოა განვითარდეს ორთოსტატიკური ჰიპოტენზია.
ამიფოსტინთან - ადგილი აქვს ანტიჰიპერტენზიული ეფექტის გაძლიერებას.
იმუნოდეპრესანტების კომბინაციამ ფერმენტის  ინჰიბიტორებთან შესაძლოა გამოიწვიოს ნეუტროპენია/აგრანულოციტოზის განვითარების რისკი.
გლუკოკორტიკოსტეროიდებთან - ანტიჰიპერტენზიული ეფექტის დაქვეითება (წყალმარილოვანი შეკავების გამო).
უროლოგიაში გამოყენებული ალფა-ბლოკატორებთან - ადგილი აქვს ანტიჰიპერტენზიული ეფექტის გაძლიერებას და ორთოსტატიკული ჰიპოტენზიის განვითარების შესაძლო რისკს.

ჭარბი დოზირება:
დოზის გადაჭარბების შემთხვევაში ყველაზე ხშირი გვერდითი მოვლენა არის ჰიპოტენზია. საჭიროების შეთხვევაში უნდა მოხდეს მარილოვანი საინფუზიო ხსნარის ან პლაზმის გადასხმა.
ორგანიზმიდან კაპტოპრილის გამოდევნა შესაძლებელია ჰემოდიალიზის საშუალებით.

სიფრთხილე და განსაკუთრებული მითითებები
თირკმლისა და ღვიძლის უკმარისობის მქონე პაციენტებში საჭიროა დიდი
სიფრთხილე და დოზის რეგულირება.
ხანდაზმულებშიკაპტოპრილით მკურნალობის დაწყების წინსასურველია შემოწმდეს თირკმლის ფუნქცია და შესაბამისად იქნას შერჩეული დოზა. რეკომენდებულია მკურნალობა დაწყებული იქნას მცირე დოზებით, შემდეგ თერაპიული პასუხის შესაბამისად თანდათანუნდა მოხდესმისი გაზრდა არტერიული წნევის უეცარი ვარდნის თავიდან აცილების მიზნით.
ბავშვებში ეფექტურობა და უსაფრთხოება არ არის სათანადოდ შესწავლილი.
ვინაიდან პრეპარატი შეიცავს ლაქტოზას მონოჰიდრატს, ის არ ინიშნება პირებში, რომელთაც აქვთ გალაქტოზას მემკვიდრეობითი აუტანლობა, ლაქტაზას უკმარისობა (Lაპპ), ან გლუკოზა-გალაქტოზას შეწოვის დარღვევა.

შენახვის პირობები:
გრილ, მშრალ, სინათლისაგანდაცულ, ბავშვებისთვისმიუწვდომელადგილას, +25ჩ- მდეტემპერატურისპირობებში. 

ვარგისანობის ვადა: 
3 წელი.
ვარგისიანობის ვადის გასვლის შემდეგ პრეპარატი არ გამოიყენება.

გაცემის წესი:
II ჯგუფი, ფორმა №3 რეცეპტით(გადაუდებელი დახმარებისას გაიცემა ურეცეპტოდ).

სად შევიძინოთ?