Plasmon

იხილეთ აფთიაქების ჩამონათვალი

ერბინოლი / ERBINOL

შემადგენლობა

1 გრამი კრემი შეიცავს

აქტიური ნივთიერება: ტერბინაფინის ჰიდროქლორიდი 10 მგ. 

დამხმარე ნივთიერებები: ცეტოსტეარილის სპირტი, თეთრი რბილი პარაფინი, თხევადი მსუბუქი პარაფინი, პოლისორბატი 80, ტროლამინი, ბენზილის სპირტი, გასუფთავებული წყალი. 

 

პრეპარატის ათქ კოდი D01AE15 

 

ფარმაკოთერაპიული ჯგუფი 

სოკოს საწინააღმდეგო პრეპარატები დერატოლოგიაში გამოსაყენებლად. სხვა სოკოს საწინააღმდეგო საშუალებები გარეგანი გამოყენებისათვის. 

 

ფარმაკოლოგიური თვისებები 

ფარმაკოდინამიკა 

ტერბინაფინი წარმოადგენს ალილამინების ჯგუფის ანტიმიკოზურ საშუალებას, რომელსაც გააჩნია ფართო სპექტრის სოკოს საწინააღმდეგო მოქმედება. ტერბინაფინი დაბალი კონცენტრაციით ავლენს ფუნგიციდურ მოქმედებას დერმატოფიტების, ობის სოკოების და ზოგიერთი დიმორფული სოკოების წინააღმდეგ. საფუარა სოკოებზე, მათი სახეობებიდან გამომდინარე ტერბინაფინი მოქმედებს ფუნგიციდურად ან ფუნგისტატურად.

ტერბინაფინი სპეციფიკურად აინჰიბირებს სოკოს უჯრედის სტეროლების ბიოსინთეზს ადრეულ ეტაპზე.

ეს იწვევს ერგოსტეროლის დეფიციტს და სკვალენის უჯრედშიდა დაგროვებას,  რაც განაპირობებს სოკოს უჯრედის სიკვდილს. ტერბინაფინის მოქმედება ხორციელდება სოკოების უჯრედების მემბრანებში სკვალენეპოქსიდაზას ინჰიბირების გზით. ფერმენტი სკვალენეპოქსიდაზა არ მიეკუთვნება ციტოქრომ P450 სისტემას. ტერბინაფინი არ მოქმედებს ჰორმონების ან სხვა სამკურნალო პრეპარატების მეტაბოლიზმზე. 

ფარმაკოკინეტიკა

ერბინოლის კრემის ადგილობრივი გამოყენების დროს შეიწოვება დოზის 5%-ზე ნაკლები, შესაბამისად პრეპარატის სისტემური მოქმედება მინიმალურია.

 

გამოყენების ჩვენებები

- კანის სოკოვანი ინფექციები, გამოწვეული Trichophyton (მაგალითად, T. Rubrum, T. Mentagrophytes, T. Verrucosum, T. Violaceum), Microsporum canis და Epidermophyton floccosum;

 - კანის ინფექციები, გამოწვეული ძირითადადCandida -ს (მაგალითად, C. albicans) ჯგუფის სოკოებით;

 - ნაირფერი პიტირიაზი (ლიქენი), გამოწვეული Pityrosporum orbiculare  (ასევე ცნობილია Malassezia furfur სახელწოდებით). 

გამოყენების წესი და დოზირება 

მხოლოდ გარეგანი გამოყენებისათვის.

ერბინოლის გამოყენება შეიძლება დღეში ერთჯერ ან ორჯერ. პრეპარატის დატანამდე აუცილებელია დაზიანებული მონაკვეთის გულმოდგინედ გასუფთავება და გაშრობა. კრემის თხელ ფენას დაიტანებენ დაზიანებულ კანსა და მოსაზღვრე ნაწილებზე და ოდნავ შეიზელენ. გამოყელვის თანხლებით მიმდინარე ინფექციებისას (სარძევე ჯირკვლების ქვეშ, თითებშორის მონაკვეთებში, დუნდულოებს შორის, საზარდულის მიდამოში), კრემის დატანების ადგილი შესაძლებელია დაიფაროს მარლით, განსაკუთრებით ღამით. 

მკურნალობის ხანგრძლივობა და სიხშირე

მკურნალობის რეკომენდირებული ხანგრძლივობა თითოეული დაავადების დროს: 

- გლუვი კანის და საზარდულის არის დერმატომიკოზი: 1-2 კვირა;

- ტერფის დერმატომიკოზი: 1 კვირა;

- კანის კანდიდოზი: 2 კვირა;

- ნაირფერი პიტირიაზი: 2 კვირა.

კლინიკური სიმპტომების შემსუბუქება ჩვეულებრივ აღინიშნება რამდენიმე დღეში. 

არარეგულარულმა გამოყენებამ ან მკურნალობის ნაადრევმა შეწყვეტამ შეიძლება რეციდივი გამოიწვიოს. 

მკურნალობის 2 კვირის შემდეგ გაუმჯობესების ნიშნების არარსებობის შემთხვევაში, საჭიროა დიაგნოზის სისწორის შემოწმება. 

ბავშვები

ბავშვებში ტერბინაფინის ადგილობრივი გამოყენების გამოცდილება შეზღუდულია, ამიტომ მოცემული პრეპარატის გამოყენება ბავშვებში არ არის რეკომენდებული.

ხანდაზმული ასაკის პაციენტები

არ არსებობს მტკიცებულებები, რომ ხანდაზმული ასაკის პაციენტები საჭიროებენ ახალგაზრდებისგან განსხვავებულ დოზირებას ან აღენიშნებათ მათგან განსხვავებული გვერდითი რეაქციები.    

 

უკუჩვენებები

ჰიპერმგრძნობელობა ტერბინაფინის ან კრემის შემადგენლობაში შემავალი ნებისმიერი დამხმარე ნივთიერების მიმართ. 

 

გვერდითი რეაქციები

პრეპარატის დატანების ადგილზე შეიძლება წარმოიშვას ლოკალური სიმპტომები, როგორიცაა ქავილი, კანის აქერცვლა, ტკივილი, გაღიზიანება, პიგმენტაციის დარღვევა, წვის შეგრძნება, გაწითლება და ქერქის წარმოქმნა. 

ეს უმნიშვნელო სიმპტომები უნდა განვასხვავოთ ჰიპერმგრძნობელობის რეაქციებისაგან, როგორიცაა ტანზე გავრცელებული ქავილი, გამონაყარი, ბულოზური გამონაყარი და ჭინჭრის ციება, რომლებიც ცალკეულ შემთხვევებში აღინიშნება და საჭიროებს პრეპარატის მოხსნას. 

შემთხვევით თვალში მოხვედრისას  ტერბინაფინის ჰიდროქლორიდმა შეიძლება გამოიწვიოს თვალების გაღიზიანება.

იშვიათ შემთხვევებში შეიძლება მოხდეს სოკოვანი ინფექციის ძირითადი სიმპტომების პროგრესირება.

გვერდითი რეაქციების სიხშირის პარამეტრები განისაზღვრება შემდეგნაირად:  ძალიან ხშირი (≥1/10), ხშირი (≥1/100, მაგრამ <1/10), არახშირი (≥1/1000, მაგრამ <1/100), იშვიათი (≥1/10000, მაგრამ <1/1000), ძალიან იშვიათი (<1/10000), სიხშირე უცნობია (ვერ შეფასდება არსებული მონაცემების საფუძველზე). თითოეულ ჯგუფში რეაქციები სიხშირის მიხედვით წარმოდგენილია სერიოზულობის ხარისხის კლებით. 

იმუნური სისტემის მხრივ: სიხშირე უცნობია - ჰიპერმგრძნობელობა. 

მხედველობის ორგანოების მხრივ: ხშირი- თვალების გაღიზიანება. 

კანის და კანქვეშა ქსოვილების მხრივ: იშვიათი - კანის აქერცვლა, ქავილი; არახშირი - კანის დაზიანება, ქერქის წარმოქმნა, დარღვევები კანის მხრივ, პიგმენტაციის დარღვევები, გაწითლება, წვის შეგრძნება; იშვიათი - კანის სიმშრალე, კონტაქტური დერმატიტი, ეგზემა; სიხშირე უცნობია - გამონაყარი.

ზოგადი და ადგილობრივი რეაქციები: არახშირი - ტკივილი, ტკივილი დატანების ადგილას, გაღიზიანება; იშვიათი - მდგომარეობის გაუარესება.  

 

განსაკუთრებული მითითებები

უნდა მოვერიდოთ პრეპარატის თვალში მოხვედრას. კრემის თვალებში შემთხვევით მოხვედრისას აუცილებლია მათი გამდინარე წყლით მობანა. 

პრეპარატი ერბინოლი კრემი შეიცავს ცეტოსტეარილის სპირტს და ბენზილის სპირტს, რომლებმაც შეიძლება გამოიწვიონ კანის ადგილობრივი რეაქციები (მაგალითად, კონტაქტური დერმატიტი).   

    

ზემოქმედება ავტომობილისა და სხვა მექანიზმების მართვის უნარზე 

პრეპარატი არ ახდენს გავლენას ავტომობილის მართვასა და იმ სამუშაოების შესრულებაზე, რომლებიც საჭიროებენ ყურადღების მომატებულ კონცენტრაციას. 

 

გამოყენება ორსულობისა და ლაქტაციის დროს 

ორსულობა

ორსულ ქალებში კრემის სახით ტერბინაფინის კლინიკური გამოყენების გამოცდილება არ არსებობს, ამიტომ პრეპარატ ერბინოლის გამოყენება ორსულობის პერიოდში უნდა მოხდეს მხოლოდ იმ შემთხვევაში, როდესაც პოტენციური სარგებელი აღემატება ნებისმიერ შესაძლო რისკს.     

ცხოველებში ტოქსიკურობის ფეტალურმა კვლევებმა არ გამოავლინეს გვერდითი ეფექტები. 

ლაქტაცია

ტერბინაფინი აღწევს დედის რძეში. ამ მიზეზის გამო მეძუძურმა დედებმა არ უნდა გამოიყენონ პრეპარატი ერბინოლი. არ შეიძლება ჩვილის კონტაქტის დაშვება პრეპარატით დამუშავებულ კანთან, მკერდის ჩათვლით.

ფერტილობა

ცხოველებზე კვლევებმა არ გამოავლინეს ტერბინაფინის ფერტილობაზე ზემოქმედება. 

 

გამოყენება პედიატრიაში

ბავშვებში ტერბინაფინის ადგილობრივი გამოყენების გამოცდილება შეზღუდულია, ამიტომ მოცემული პრეპარატის გამოყენება ბავშვებში არ არის რეკომენდირებული. 

ურთიერთქმედება სხვა სამკურნალო საშუალებებთან 

ერბინოლის რაიმე სახის მედიკამენტური ურთიერთქმედებები არ არის ცნობილი. 

 

ჭარბი დოზირება

გარეგანი გამოყენებისათვის კრემის ფორმით ტერბინაფინის დაბალი სისტემური აბსორბციის გამო ჭარბი დოზირება ნაკლებად სავარაუდოა. მაგალითად პრეპარატ ერბინოლის (30 გ) ერთი ტუბის შემცველობის, რომელიც შეიცავს 300 მგ ტერბინაფინის ჰიდროქლორიდს, შემთხვევით გადაყლაპვა, შესადარებელია 250 მგ დოზით ტერბინაფინის ერთი ტაბლეტის მიღებასთან (ერთჯერადი პერორალური დოზა მოზრდილებისათვის).  

პრეპარატის ერბინოლი კრემი დიდი რაოდენობის შემთხვევით გადაყლაპვის შემთხვევაში, აღინიშნება გვერდითი ეფექტები, მსგავსი პრეპარატის ტერბინაფინი ტაბლეტები ჭარბი დოზირების ეფექტებისა, რომლებიც მოიცავენ თავის ტკივილს, გულისრევას, ეპიგასტრალურ არეში ტკივილს და თავბრუსხვევას.   

შემთხვევით გადაყლაპვისას ჭარბი დოზირების რეკომენდირებული მკურნალობა მდგომარეობს პრეპარატის გამოდევნაში, ძირითადად აქტივირებული ნახშირის დახმარებით და საჭიროების შემთხვევაში შემანარჩუნებელი სიმპტომური თერაპიის ჩატარებაში. 

 

გამოშვების ფორმა

30 გ კრემი ალუმინის ტუბში. 

1 ალუმინის ტუბი ჩანართ-ფურცელთან ერთად მუყაოს კოლოფში.

შენახვის პირობები 

ინახება არაუმეტეს 25ºC ტემპერატურაზე. 

ინახება ბავშვებისათვის მიუწვდომელ ადგილას!  

 

ვარგისიანობის ვადა

3 წელი წარმოების თარიღიდან. 

არ გამოიყენება ვარგისიანობის ვადის ამოწურვის შემდეგ. 

 

აფთიაქიდან გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.

 

სად შევიძინოთ?