Plasmon

იხილეთ აფთიაქების ჩამონათვალი

რონოციტი / RONOCIT

წამლის ფორმა

შემოგარსული ტაბლეტები.

აღწერილობა: თეთრი ფერის გარსით შემოგარსული ორივე მხრიდან ამობურცული მრგვალი ტაბლეტები. 

 

შემადგენლობა

შემოგარსული ტაბლეტის შემადგენლობა

აქტიური ნივთიერება: ციტიკოლინი (ნატრიუმის ციტიკოლინის ფორმით) 250 მგ ან 500 მგ.

დამხმარე ნივთიერებები: სიმინდის სახამებელი, სალმანდი, ჰიდროქსიპროპილცელულოზა, მიკროკრისტალური ცელულოზა, ნატრიუმის კროსკარმელოზა, კაჟბადის დიოქსიდი კოლოიდური უწყლო, მაგნიუმის სტეარატი.

გარსის შემადგენლობა: ოპარდი® II თეთრი 85F18422 (პოლივინილის სპირტი ნაწილობრივად ჰიდროლიზირებული, ტიტანის დიოქსიდი, მაკროგოლი, სალმანდი).

 

კოდი ათქ: N06BX06

 

ფარმაკოთერაპიული ჯგუფი

ფსიქოსტიმულატორები, ნოოტროპული საშუალება.

 

ფარმაკოლოგიური თვისებები

ფარმაკოდინამიკა 

ციტიკოლინი, არის რა უჯრედოვანი მემბრანის (ძირითადად ფოსფოლიპიდების) ძირითადი ულტრასტრუქტურული კომპონენტის წინამორბედი, ფლობს მოქმედების ფართო სპექტრს: ხელს უწყობს უჯრედების დაზიანებული მემბრანების აღდგენას, აინჰიბირებს ფოსფოლიპაზების მოქმედებას, ხელს უშლის თავისუფალი რადიკალების ჭარბ წარმოქმნას, ასევე მოქმედებს რა აპოპტოზის მექანიზმზე, ხელს უშლის უჯრედის სიკვდილს. ინსულტის მწვავე პერიოდში ამცირებს თავის ტვინის დაზიანებული ქსოვილის მოცულობას, აუმჯობესებს ქოლინერგულ გადაცემას. ქალა-ტვინის ტრავმის დროს ამცირებს პოსტ-ტრავმული კომის ხანგრძლივობას და ნევროლოგიური სიმპტომების გამოხატულებას.

თავის ტვინის ქრონიკული ჰიპოქსიის დროს ციტიკოლინი ეფექტურია კოგნიტური აშლილობების სამკურნალოდ, აუმჯობესებს მდგომარეობას სენსიტიური და მოტორული აშლილობების დროს. 

შესაძლებელია პრეპარატით ხანგრძლივი მკურნალობა, რადგანაც ციტიქოლინი არ მოქმედებს სუნთქვაზე, პულსზე და არტერიალ წნევაზე.

 

ფარმაკოკინეტიკა

ციტიკოლინი არის ბუნებრივი ნაერთი, რომელსაც შეიცავს ორგანიზმი. ციტიკოლინი სრულად შეიწოვება კუჭ-ნაწლავის ტრაქტში, დოზის <1% გამოვლენილია განავალში პრეპარატის მიღებიდან 5 დღის განმავლობაში. გამოყოფა ორგანიზმიდან ხდება ძალიან ნელა, ძირითადად სუნთქვის ორგანოებიდან და შარდით.

 

გამოყენების ჩვენება

-იშემიური ინსულტის მწვავე პერიოდი;

-აღდგენითი პერიოდი იშემიური და ჰემორაგიული ინსულტის შემდეგ;

-ქალა-ტვინის ტრავმები, მწვავე და აღდგენითი პერიოდი;

-კოგნიტური დარღვევები თავის ტვინის დეგენერაციული და სისხლძარღვოვანი დაავადებების დროს.

გამოყენების წესი და დოზები

პრეპარატი მიიღება შიგნით.

რეკომენდებული დოზა არის 500 მგ-დან 2000 მგ-მდე დღეში.

პრეპარატის დოზა და მკურნალობის ხანგრძლივობა დამოკიდებულია თავის ტვინის დაზიანების სიმძიმეზე და დგინდება ექიმის მიერ.

ხანდაზმული ასაკის პირებში დოზის კორექცია საჭირო არ არის.

უკუჩვენება

-მომატებული მგრძნობელობა პრეპარატის ნებისმიერი კომპონენტის მიმართ;

-ვაგოტონია (ვეგეტატური ნერვული სისტემის პარასიმპათიკული ნაწილის ტონუსის სიჭარბე);

გვერდითი მოქმედება

გვერდითი ეფექტების სიხშირის ქვემოთ მითითებული პარამეტრები განსაზღვრულია შემდეგი სახით: ძალიან იშვიათი (< 1/10000)

ცენტრალური ნერვული სისტემის (ცნს) და პერიფერიული ნერვული სისტემის მხრიდან: ძალიან იშვიათი – უძილობა, თავის ტკივილი, თავბრუსხვევა, აღგზნებადობა, ტრემორი, დაბუჟება პარალიზებულ კიდურებში.

საჭმლის მომნელებელი სისტემის მხრიდან: ძალიან იშვიათი – გულისრევა, უმადობა, ღვიძლის ფერმენტების აქტივობის კლება.

ალერგიული რეაქციები: ძალიან იშვიათი – ქავილი, გამონაყარი, ანაფილაქსიური შოკი.

სხვა: ძალიან იშვიათი – ცხელების შეგრძნება, ხანმოკლე ჰიპოტენზიული მოქმედება, პარასიმპათიკული ნერვული სისტემის სტიმულაცია.

 

განსაკუთრებული მითითებები

რონოციტმა შესაძლებელია გამოიწვიოს ასთმის შეტევა, განსაკუთრებით კი აცეტილსალიცილის მჟავაზე ალერგიის მქონე პაციენტებში.

ზემოქმედება ავტოსატრანსპორტო საშუალებების და მექანიზმების მართვის უნარზე

ციტიკოლინი არ მოქმედებს ავტოსატრანსპორტო საშუალებების და მექანიზმების მართვის უნარზე. ცალკეულ შემთხვევებში, ცნს-ის მხრიდან განვითარებულმა  გარკვეულმა გვერდითმა ეფექტებმა შესაძლებელია იმოქმედონ ავტოსატრანსპორტო საშუალებების და მექანიზმების მართვის უნარზე.

გამოყენება ორსულობის და ლაქტაციის პერიოდში

ორსულობის პერიოდში პრეპარატი ინიშნება მხოლოდ მაშინ, როცა მოსალოდნელი სარგებელი დედისთვის აღემატება პოტენციურ რისკს ნაყოფისათვის.

ლაქტაციის პერიოდში პრეპარატის დანიშვნისას საჭიროა ბუნებრივი კვების შეწყვეტის საკითხის განხილვა.

გამოყენება პედიატრიაში

ბავშვებში პრეპარატი გამოიყენება მაშინ, როცა მოსალოდნელი თერაპიული სარგებელი აღემატება მოსალოდნელ რისკს. დოზირების რეჟიმი და ასაკი განისაზღვრება მკურნალო ექიმის მიერ ინდივიდუალურად.

ურთიერთზემოქმედება სხვა სამკურნალო საშუალებებთან

ციტიკოლინი აძლიერებს ლევოდოპის ეფექტებს.

არ უნდა მოხდეს პრეპარატის გამოყენება მეკლოფენოქსატის შემცველ საშუალებებთან ერთად.

რონოციტის გამოყენება შესაძლებელია სისხლდენის გასაჩერებელ საშუალებებთან, ქალაშიდა ანტიჰიპერტენზიულ საშუალებებთან და ჩვეულებრივ პერფუზიულ სითხეებთან ერთად.

 

ჭარბი დოზა

პრეპარატის დაბალ ტოქსიკურობასთან დაკავშირებით ჭარბი დოზის შემთხვევები არ არის აღწერილი, თერაპიული დოზების გადაჭარბების შემთხვევაშიც.

 

გამოშვების ფორმა და შეფუთვა

შემოგარსული ტაბლეტები.

10 ტაბლეტი ბლისტერში.

1 ან 2 ბლისტერი ფურცელ-ჩანართთან ერთად მოთავსებულია მუყაოს კოლოფში.

 

შენახვის პირობები

ინახება არაუმეტეს 25°С ტემპერატურაზე.

ინახება ბავშვებისათვის მიუწვდომელ ადგილას!

 

ვარგისიანობის ვადა

წარმოებიდან 3 წელი.

არ გამოიყენება ვარგისიანობის ვადის გასვლის შემდეგ.

 

აფთიაქიდან გაცემის წესი

ფარმაცევტული პროდუქტის ჯგუფი II – გაიცემა ფორმა #3 რეცეპტით.

სად შევიძინოთ?