როგორ ამოვიცნოთ არტერიული ჰიპერტენზია?
თარიღი: 09 ივნისი, 2025
მაღალი არტერიული წნევა ანუ არტერიული ჰიპერტენზია ვითარდება მაშინ, როდესაც გულის მიერ გამოტყორცნილი სისხლის ნაკადი ძლიერ ზეწოლას ახდენს არტერიების კედლებზე.
საკუთარი თავისა და გარშემომყოფების მძიმე გართულებებისგან დასაცავად, აუცილებელია, ყველა ჩვენგანმა ვიცოდეთ მისი სიმპტომების ამოცნობა:
უეცრად აღმოცენებული ძლიერი თავის ტკივილი
სუნთქვის გაძნელება
გაბრუება/ თავბრუსხვევა
მხედველობის დაბინდვა
ყურებში შუილი
გულისრევის შეგრძნება/ ღებინება
სიმძიმე/ დისკომფორტი გულმკერდის არეში
გულისცემის აჩქარება/ გულის ფრიალის შეგრძნება
შესაძლოა ცხვირიდან სისხლდენა
თუ წნევა არის 180/120 ეს არის მომენტი,
როდესაც საჭიროა გადაუდებელი სამედიცინო დახმარება.
ინსტრუმენტულ/ლაბორატორიული კვლევები, რომელიც გვეხმარება არტერიული ჰიპერტენზიის დიაგნოსტიკაში:
ეკგ
ექოკარდიოგრაფია
ლაბორატორიული ანალიზები - (სისხლის საერთო, ბიოქიმიური ანალიზი, შარდის საერთო და სხვა).
დაავადების პირველ ეტაპზე პროფილაქტიკური ღონისძიებები - ცხოვრების წესის შეცვლა, მავნე ჩვევებისგან თავის შეკავება გვეხმარება არტერიული ჰიპერტენზიის მკურნალობაში. თუ ამ ღონისძიებების დაცვა და/ან განხორციელება უშედეგოა, საჭიროა მედიკამენტური თერაპიის დაწყება.