Plasmon

იხილეთ აფთიაქების ჩამონათვალი

დიკლოფენაკი / DICLOFENAC
შემადგენლობა

1 ტაბლეტი შეიცავს:
აქტიური ნივთიერება:^ნატრიუმის დიკლოფენაკი – 100 მგ;
დამხმარე ნივთიერებები: მეტოცელი, მიკროკრისტალური ცელულოზა, კოლოიდური სილიციუმის დიოქსიდი (აეროსილი), მაგნიუმის სტეარატი, გარსი - Insta Moistshield. 
აღწერილობა: მრგვალი ორმხრივამობურცული ტაბლეტი, დაფარული ყვითელი ფერის გარსით.

ფარმაკოლოგიური თვისებები
ნატრიუმის დიკლოფენაკი ხასიათდება მკვეთრად გამოხატული ტკივილგამაყუჩებელი, ანთების საწინააღმდეგო და სიცხის დამწევი მოქმედებით.
არა არჩევითად ახდენს 1 და 2 ტიპის ფერმენტ ციკლოოქსიგენაზას ინჰიბირებას, არღვევს არაქიდონის მჟავის მეტაბოლიზმს, ამცირებს პროსტაგლანდინების რაოდენობას ანთების კერაში. რევმატოიდული დაავადებების დროს ანთების საწინააღმდეგო და ანალგეზიური მოქმედების შედეგად დიკლოფენაკი მნიშვნელოვნად ამცირებს ტკივილს, დილის შებოჭილობას, სასხრების შეშუპებას, რაც აუმჯობესებს სახსრების ფუნქციონალურ მდგომარეობას. ტრავმის და ოპერაციის შემდგომ პერიოდში დიკლოფენაკი ამცირებს ტკივილის შეგრძნებას და ანთებით შეშუპებას.

ფარმაკოკინეტიკა
დიკლოფენაკი სწრაფად და მთლიანად აბსორბირდება, საკვების მიღება ანელებს შეწოვის სიჩქარეს 1-2 სთ-ით და 2-ჯერ ამცირებს მის მაქსიმალურ კონცენტრაციას. საკვებთან ერთად მიღებისას დიკლოფენაკის მაქსიმალური კონცენტრაცია მიიღწევა საშუალოდ 5-6 სთ-ში. დიკლოფენაკის ფარმაკოკინეტიკის ცვლილებები მრავალჯერადი შეყვანის ფონზე არ აღინიშნება, ორგანიზმში არ კუმულირდება. ბიოშეღწევადობა შეადგენს – 50%, პლაზმის ცილებთან კავშირი – 99% (უპირატესად ალბუმინებთან). აღწევს სინოვიალურ სითხეში. დიკლოფენაკის მაქსიმალური კონცენტრაცია სინოვიალურ სითხეში ფიქსირდება 2-4 სთ-ით უფრო გვიან, ვიდრე პლაზმაში. ნახევარგამოყოფის პერიოდი სინოვიალურ სითხიდან შეადგენს 3-6 სთ-ს (აქტიური ნივთიერების კონცენტრაცია სინოვიალურ სითხეში პრეპარატის შეყვანიდან 4-6 სთ-ის შემდეგ უფრო მაღალია, ვიდრე პლაზმაში და მომატებული რჩება კიდევ 12 სთ-ს განმავლობაში). პრეპარატის კლინიკური ეფექტურობის კავშირი მის კონცენტრაციასთან სინოვიალურ სითხეში საბოლოოდ დადგენილი არ არის. 
ავადმყოფებში გამოხატული თირკმლის უკმარისობით (კრეატინინის კლირენსი არა ნაკლები 10 მლ/წთ) მატულობს მეტაბოლიტების გამოყოფა ნაღველთან ერთად. ამ დროს მათი კონცენტრაცია სისხლში არ აღინიშნება. პაციენტებში ქრონიკული ჰეპატიტით ან ღვიძლის კომპენსირებული ციროზით დიკლოფენაკის ფარმაკოკინეტიკური პარამეტრები არ იცვლება.
დიკლოფენაკი არ აღწევს დედის რძეში.

ჩვენებები
საყრდენ - მამოძრავებელი აპარატის დაავადებები (რევმატოიდული ართრიტი, ფსორიაზული, იუვენილური ქრონიკული ართრიტი, მაანკილოზირებელი სპონდილოართრიტი, პოდაგრული ართრიტი, რბილი ქსოვილების რევმატოიდული დაზიანებები, პერიფერიული სახსრებისა და ხერხემლის ოსტეოართროზი, მათ შორის რადიკულური სინდრომი, ტენდოვაგინიტი, ბურსიტი). სუსტად და საშუალოდ გამოხატული ტკივილის სინდრომი: ნევრალგია, მიალგია, ლუმბო-იშალგია, პოსტტრავმული ტკივილის სინდრომი, ოპერაციის შემდგომი ტკივილი, თავის ტკივილი, შაკიკი, ალგოდისმენორეა, ადნექსიტი, პროქტიტი, კბილის ტკივილი. კომპლექსურ თერაპიაში ყელ-ყურ-ცხვირის ორგანოების ინფექციურ-ანთებითი დაავადებების დროს, გამოხატული ტკივილის სინდრომით, (ფარინგიტი, ტონზილიტი, ოტიტი).

მიღების წესები და დოზები
მიიღება პერორალურად, დაუღეჭავად, მცირე რაოდენობით წყლის მიყოლებით, როგორც წესი ჭამის დროს ან ჭამის შემდეგ. 1 ტაბლეტი ერთხელ დღეში.

გვერდითი მოვლენები
საჭმლის მომნელებელი სისტემის მხრივ: 1%-ზე ხშირად - აბდომინალური ტკივილი, მუცლის შებერილობის შეგრძნება, დიარეა, ღებინება, ფაღარათი, მეტეორიზმი, პეპტიური წყლული (შესაძლებელი გართულებები - სისხლდენა, პერფორაცია), სისხლდენა კუჭ-ნაწლავის ტრაქტიდან; 1%-ზე იშვიათად - ღებინება, სიყვითლე, მელენა, სისხლი განავალში, საყლაპავის დაზიანება, აფტოზური სტომატიტი, პირის და ლორწოვანი გარსის სიმშრალე, ჰეპატიტი (შესაძლებელია ფულმინანტური მიმდინარეობა), ღვიძლის ნეკროზი, ციროზი, ჰეპატორენალური სინდრომი, მადის შეცვლა, პანკრეატიტი, ქოლეცისტოპანკრეატიტი, კოლიტი. 
ნერვული სისტემა: 1%-ზე ხშირად – თავის ტკივილი, თავბრუსხვევა; 1%-ზე იშვიათად – ძილის დარღვევა, ძილიანობა, დეპრესია, გაღიზიანება, ასეპტიური მენინგიტი, კრუნჩხვები, სისუსტე, დეზორიენტაცია, კოშმარული სიზმრები, შიშის შეგრძნება.
გრძნობათა ორგანოები: 1%-ზე ხშირად – ხმაური ყურებში; 1%-ზე იშვიათად – არამკვეთრი მხედველობა, დიპლოპია, Gგემოს დარღვევა, სმენის დაქვეითება შექცევადი და შეუქცევადი, სკოტომა.
კანის მხრივ: 1%-ზე ხშირად – ქავილი, გამონაყარი; 1%-ზე იშვიათად – ალოპეცია, ჭინჭრის ციება, ეგზემა, ტოქსიური დერმატიტი, პოლიმორფული ექსუდაციური ერითემა, მათ შორის სტივენ-ჯონსის სინდრომი, ლაიელის სინდრომი, მომატებული ფოტომგრძნობელობა, წერტილოვანი სისხლჩაქცევები.
შარდ-გამომყოფი სისტემის მხრივ: 1%-ზე ხშირად – სითხის შეკავება, 1%-ზე იშვიათად – ნეფროზული სინდრომი, პროტეინურია, ოლიგურია, ჰემატურია, ინტერსტიციალური ნეფრიტი, თირკმლის მწვავე უკმარისობა, აზოტემია.
სისხლის წარმოქმნის და იმუნური სისტემის მხრივ: 1%-ზე იშვიათად – ანემია (მათ შორის ჰემოლიზური და აპლასტიური ანემია), ლეიკოპენია, თრომბოციტოპენია, ეოზინოფილია, აგრანულოციტოზი, თრომბოციტოპენიური პურპურა. 
სასუნთქი სისტემა: 1%-ზე იშვიათად – ხველა, ბრონქოსპაზმი, ხახის შეშუპება, პნევმონიტი.
გულ-სისხლძარღვთა სისტემის მხრიდან: 1%-ზე იშვიათად – არტერიული წნევის მომატება, შეგუბებითი გულის უკმარისობა, ექსტრასისტოლია, ტკივილი გულმკერდის არეში. 
ალერგიული რეაქციები: 1%-ზე იშვიათად – ანაფილაქსიური რეაქციები, ანაფილაქსიური შოკი (ჩვეულებრივ ვითარდება სწრაფად), ტუჩების და ენის შეშუპება, ალერგიული ვასკულიტი.

უკუჩვენება
ჰიპერმგრძნობელობა პრეპარატის კომპონენტების მიმართ, ასევე სხვა არასტეროიდული ანთების საწინააღმდეგო პრეპარატების მიმართ, კუჭ-ნაწლავის ეროზიულ-წყლულოვანი დაზიანება (გართულების ფაზაში), სისხლდენა კუჭ-ნაწლავის ტრაქტიდან, “ასპირინული” ასთმა, სისხლის წარმოქმნის პროცესის დარღვევა, ჰემოსტაზი (მ.შ ჰემოფილია), ორსულობა, 18 წლამდე ასაკის ბავშვები, ლაქტაციის პერიოდი.
სიფრთხილით ინიშნება შემდეგი დაავადებების დროს: ანემია, ბრონქული ასთმა, შეგუბებითი გულის უკმარისობა, არტერიული ჰიპერტენზია, შეშუპებითი სინდრომი, თირკმლის და ღვიძლის უკმარისობა, ალკოჰოლიზმი, ნაწლავების ანთებითი დაავადებები, კუჭ-ნაწლავის ეროზიულ-წყლულოვანი დაავადებები გართულებების გარეშე, შაქრიანი დიაბეტი, ქირურგიული ჩარევის შემდგომი მდგომარეობები, ხანდაზმული ასაკი, დივერტიკულიტი, შემაერთებელი ქსოვილის სისტემური დაავადებები.

ორსულობა და ლაქტაცია
დიკლოფენაკის გამოყენება ორსულობისა (განსაკუთრებით ორსულობის III ტრიმესტრი) და ლაქტაციის პერიოდში არ არის რეკომენდებული.

განსაკუთრებული მითითებები
პრეპარატით მკურნალობის პერიოდში საჭიროა პერიფერიული სისხლის სურათის, ღვიძლის და თირკმლის ფუნქციების, განავალში სისხლის არსებობის რეგულარული კონტროლი. 
პაციენტებმა, პრეპარატის მიღების პერიოდში, თავი უნდა შეიკავონ იმ სახის მოქმედებებისაგან, რომლებიც მოითხოვენ ყურადღების მაღალ კონცენტრაციას და სწრაფ ფსიქიკურ და მოძრაობით რეაქციებს, ალკოჰოლის მიღებისაგან.

ჭარბი დოზირება
სიმპტომები: ღებინება, თავბრუსხვევა, თავის ტკივილი, ქოშინი, გონების დაბინდვა, ბავშვებში – მიოკლონური კრუნჩხვა, გულისრევა, აბდომინალური ტკივილი, სისხლდენა, ღვიძლისა და თირკმლის ფუნქციის დარღვევა.
მკურნალობა: კუჭის ამორეცხვა, გააქტივებული ნახშირის შეყვანა, სიმპტომური თერაპია, ფორსირებული დიურეზი. ჰემოდიალიზი მცირედ ეფექტურია.

სხვა წამლებთან ურთიერთქმედება
ზრდის დიგოქსინის, მეტოტრექსატის, ლითიუმისა და ციკლოსპორინის პრეპარატების კონცენტრაციას პლაზმაში. ამცირებს დიურეზული საშუალებების ეფექტს, კალიუმის დამზოგველი დიურეზული საშუალებების მიღების ფონზე მატულობს ჰიპერკალიემიის განვითარების რისკი; ანტიკოაგულანტების, თრომბოლიზური საშუალებების ფონზე – სისხლდენის რისკი (უფრო ხშირად კუჭ-ნაწლავის ტრაქტიდან). ზრდის სხვა აასპ-ს და გლუკოკორტიკოსტეროიდების გვერდითი ეფექტების განვითარების ალბათობას (სისხლდენა კუჭ-ნაწლავის ტრაქტიდან), მეტოტრექსატის ტოქსიურობას და ციკლოსპორინის ნეფროტოქსიურობას. აცეტილსალიცილის მჟავა ამცირებს დიკლოფენაკის კონცენტრაციას სისხლში. პარაცეტამოლთან ერთდროული გამოყენება აძლიერებს დიკლოფენაკის ნეფროტოქსიურ ეფექტს.
ამცირებს ჰიპოგლიკემიური საშუალებების ეფექტს. ცეფამანდოლი, ცეფოპერაზონი, ცეფოტეტანი, ვალპროის მჟავა და პლიკამიცინი ზრდის ჰიპოპროთრომბინემიის განვითარების რისკს. ციკლოსპორინი და ოქროს შემცველი პრეპარატები ზრდიან დიკლოფენაკის ზემოქმედებას პროსტაგლანდინების სინთეზზე თირკმელებში, რაც იწვევს ნეფროტოქსიურობის მომატებას. ეთანოლთან, კოლხიცინთან, კორტიკოტროპინთან ზრდის სისხლდენის განვითარების საშიშროებას კუჭ-ნაწლავის ტრაქტიდან. დიკლოფენაკი აძლიერებს პრეპარატების მოქმედებას, რომლებიც იწვევენ ფოტოსენსიბილიზაციას. პრეპარატები, რომლებიც იწვევენ თირკმლის მილაკების სეკრეციის ბლოკირებას, ზრდიან დიკლოფენაკის კონცენტრაციას პლაზმაში, შედეგად მატულობს მისი ტოქსიკურობა.

შენახვის პირობები და ვადები
ინახება მშრალ, ბავშვებისათვის მიუწვდომელ ადგილას არა უმეტესი 25oC ტემპერატურაზე. 
ვარგისიანობის ვადა: 2 წელი. დაუშვებელია შეფუთვაზე აღნიშნული ვადის გასვლის შემდეგ პრეპარატის გამოყენება.

აფთიაქში გაცემის წესი
გაიცემა რეცეპტით.

სად შევიძინოთ?