იბუფენი D / IBUFEN D
- საერთაშორისო დასახელება (აქტიური ნივთიერება): ibuprofen
- კლინიკურ-ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → პროპიონის მჟავას წარმოებული პრეპარატები გამოხატული ანალგეზიური ეფექტით
- მწარმოებელი კომპანია: პოლფარმა
- მწარმოებელი ქვეყანა: პოლონეთი
- გამოშვების ფორმა: 100 მგ/5 მლ შიგნით მისაღები სუსპენზია ბავშვებისათვის 120 მლ ფლაკონში
- გაცემის რეჟიმი: III ჯგუფი (ურეცეპტოდ)
წამლის ფორმა
შიგნით მისაღები სუსპენზია, მარწყვის, 100 მგ/5 მლ
შემადგენლობა
5 მლ სუსპენზია შეიცავს:
აქტიური ნივთიერება: იბუპროფენი 100 მგ
დამხმარე ნივთიერებები: ჰიპრომელოზა, ქსანტანის გუმფისი, გლიცეროლი, ნატრიუმის ბენზოატი, მალტიტოლი, ნატრიუმის ციტრატი, ლიმონმჟავას მონოჰიდრატი, ნატრიუმის საქარინატი, ნატრიუმის ქლორიდი, მარწყვის არომატიზატორი, გასუფთავებული წყალი.
აღწერა
თეთრი, ან თითქმის თეთრი ფერის ერთგვაროვანი სუსპენზია მარწყვის სუნით.
ფარმაკოთერაპიული ჯგუფი
ანთებისსაწინააღმდეგო და ანტირევმატული პრეპარატები (აასს).
ათქ კოდი: M01AE01
ფარმაკოლოგიური თვისებები
ფარმაკოკინეტიკა
პერორალური მიღების შემდეგ, იბუპროფენი სწრაფად შეიწოვება და ნაწილდება ორგანიზმში.
შრატში მაქსიმალური კონცენტრაცია აღინიშნება უზმოზე მიღებიდან 1 – 2 საათში. საკვები აფერხებს იბუპროფენის შეწოვას, მაგრამ არ ამცირებს მის ბიოლოგიურ შეღწევადობას, (ტმახ) ამ შემთხვევაში დაახლოებით 30 – 60 წუთით გახანგრძლივებულია, ვიდრე უზმოზე მიღებისას და შეადგენს 1,5 – 3 სთ. იბუპროფენი უკავშირდება სისხლის პლაზმის ცილებს 99% მეტად. ძირითადი ცილები, რომლებიც უკავშირდებიან იბუპროფენს - ალბუმინებია. იბუპროფენი და მისი მეტაბოლიტები მთლიანად და სწრაფად გამოიყოფიან ორგანიზმიდან თირკმლებით. პროდუქტის ნახევარგამოყოფის პერიოდი შეადგენს დაახლოებით 2 საათს.
ფარმაკოდინამიკა
იბუპროფენი წარმოადგენს პროპიონის მჟავას წარმოებულს, გამოხატული სიცხის დამწევი, ანალგეზიური და ანთების საწინაააღმდეგო მოქმედებით.
იბუპროფენის ანთების საწინააღმდეგო მოქმედების მექანიზმი დაკავშირებულია პროსტაგლანდინების სინთეზის და გამონთავისულების დათრგუნვასთან ციკლოოქსიგენაზას აქტივობის დამუხრუჭების ფონზე, რომელიც აკატალიზებს არაქიდონის მჟავას გარდაქმნას პროსტაგლანდინებად, თუმცა სხვა მექანიზმების არსებობა გამორიცხული არ არის. დადასტურებულია, რომ იბუპროფენის სიცხის დამწევი და ანალგეზიური მოქმედება იწყება სამკურნალო პრეპარატის მიღებიდან 30 წუთის შემდეგ.
მიღების ჩვენებები
იბუფენი® D ახდენს სიცხის დამწევ, ტკივილგამაყუჩებელ და ანთების საწინააღმდეგო მოქმედებას. ამცირებს ისეთი სიმპტომების გამოვლენას, როგორიცაა: სხეულის მომატებული ტემპერატურა, ტკივილი და შეშუპება, მათი გამოვლენის ადგილზე ზემოქმედებით. პრეპარატი არ შეიცავს შაქარს, ამიტომ შეიძლება გამოყენებული იყოს დიაბეტით დაავადებულ პირებში.
იბუფენი® D განკუთვნილია ძუძუზე მყოფ ბავშვებში გამოსაყენებლად და ბავშვებში შემდეგ შემთხვევებში:
• სხვადასხვა გენეზის სხეულის ტემპერატურის მომატება:
- გაციების დროს
- მწვავე რესპირატორული ვირუსული ინფექციები
- გრიპი
- ანგინა (ფარინგიტი)
- ბავშვთა ინფექციები, რასაც ახლავს სხეულის ტემპერატურის მატება
- პოსტვაქცინალური რეაქციები.
• სხვადასხვა წარმომავლობის სუსტი ან ზომიერი ინტენსივობის ტკივილის სინდრომი:
- ყურის ტკივილი შუა ყურის ანთებისას;
- კბილის ტკივილი, კბილის მტკივნეული ამოჭრისას
- თავის ტკივილი, შაკიკი
- ტკივილი კუნთებში, სახსრებში
- საყრდენ-მამოძრავებელი აპარატის ტრავმა.
უკუჩვენებები
პრეპარატი იბუფენი® D უკუნაჩვენებია პაციენტებში:
• მომატებული მგრძნობელობა იბუპროფენის ან ნებისმიერი დამხმარე ნივთიერების მიმართ.
• მომატებული მგრძნობელობა არასტეროიდული ანთების საწინააღმდეგო პრეპარტების მიმართ.
• თუ ანამნეზში აღინიშნებოდა აცეტილსალიცილის მჟავას ან სხვა არასტეროიდული ანთების საწინააღმდეგო პრეპარატების მიღების შემდეგ ალერგიული სიმპტომები, როგორიცაა სურდო, ჭინჭრის ციება ან ბრონქული ასთმა.
• კუჭის და (ან) თორმეტგოჯა ნაწლავის აქტიური წყლულოვანი დაავადებისას გამწვავების ფაზაში ან ანამნეზში, პერფორაციით ან სისხლდენით, აასპ-ს მიღების შემდეგ.
• ღვიძლის, თირკმლის და გულის მძიმე უკმარისობა
• პაციენტებში, რომლებიც ერთდროულად იღებდნენ სხვა არასტეროიდულ ანთების საწინააღმდეგო პრეპარატებს, მათ შორის ციკლოოქსიგენაზას ინჰიბიტრორებს-2 (გვერდითი ეფექტების რისკის გაზრდა).
• პაციენტებში ტვინის სისხლძარღვებიდან სისხლდენისას ან სხვა ნებისმიერი მწვავე სისხლდენისას
• პაციენტებში ჰემორაგიული დიათეზით ან აუხსნელი გენეზის სისხლის წარმომქმნელი სისტემის დარღვევა
• პაციენტებში მძიმე გაუწყლოებით (გამოწვეული ღებინებით, დიარეით ან არასაკმარისი სითხის მიღებით)
• ორსულობის III ტრიმესტრი.
გამოყენების წესი და დოზირება
პერორალური გამოყენებისათვის.
გამოყენებამდე ფლაკონი აუცილებლად შეანჯღრიეთ.
იბუპროფენის დოზის განსაზღვრისას უნდა გაითვალისწინოთ პაციენტის სხეულის მასა და ასაკი. იბუპროფენის ერთჯერადად მისაღები დოზა, როგორც წესი შეადგენს 7-დან 10მგ/კგ სხეულის მასაზე. მაქსიმალური დღიური დოზა შეადგენს 20-30მგ/კგ/სხეულის მასაზე.
ზუსტი დოზირებისათვის შეფუთვას თან ერთვის შპრიცი-დოზატორი.
პრეპარატი ინიშნება ერთჯერად დოზებში ქვემოთ მოცემული სქემის მიხედვით:
მეძუძური ჩვილები 3-დან 6 თვემდე (5-7.6კგ): 3 ჯერ დღეში 2.5მლ (რაც შეესაბამება 150 მგ იბუპროფენს დღეში).
მეძუძური ჩვილები 6-დან 12 თვემდე (7.7-9კგ): 3-დან 4 ჯერ დღეში 2.5მლ (რაც შეესაბამება 150-200 მგ იბუპროფენს დღეში)
ბავშვები 1 წლიდან 3 წლის ასაკში (10-15კგ): დღეში 3ჯერ 5მლ (რაც შეესაბამება 300მგ იბუპროფენს დღეში)
ბავშვები 4 დან 6 წლამდე (16-20კგ): დღეში 3 ჯერ 7.5მლ (რაც შეესაბამება 450მგ იბუპროფენს დღეში).
ბავშვები 7დან 9 წლამდე ასაკში (21-29კგ): დღეში 3 ჯერ 10 მლ (რაც შეესაბამება 600მგ იბუპროფენს დღეში).
10-12 წლის ბავშვები (30-40 კგ) 15 მლ 3-ჯერ დღეში დღეში (რაც შეესაბამება 900 მგ იბუპროფენს დღეში)
დოზა შეიძლება გამეორდეს ყოველ 6 – 8 საათში. მომდევნო დოზებს შორის მინიმუმ 4 საათიანი შუალედის დაცვით.
6 თვემდე ასაკის ბავშვებში სამკურნალო პრეპარატის გამოყენება შეიძლება ექიმთან კონსულტაციის შემდეგ, მისი რეკომენდაციის შესაბამისად. თუ 3-დან 5 თვემდე ასაკის ბავშვებში პრეპარატის მიღების შემდეგ 24 საათის განმავლობაში სიმპტომები ნარჩუნდება ან ძლიერდება, აუცილებელია ექიმთან მიმართვა. თუ პრეპარატის მიღების ფონზე 6 თვიდან 12 წლამდე ასაკის ბავშვებში სიმპტომები ნარჩუნდება 3 დღეზე მეტი ხნის განმავლობაში, აუცილებელია ექიმთან მიმართვა.
არ გადააჭარბოთ რეკომენდებულ დოზას.
სამკურნალო პროდუქტი განკუთვნილია სასწრაფო თერაპიისთვის. თუ სიმპტომები არ წყდება ან ძლიერდება, ან ვითარდება ახალი სიმპტომები, პაციენტმა უნდა მიმართოს ექიმს.
გახსნილი შეფუთვა გამოყენებული უნდა იყოს 6 თვის განმავლობაში.
გვერდითი მოვლენები
იბუფენი® D მარწყვის გემოთი ჩვეულებრივ კარგად გადაიტანება, მაგრამ გამოყენებისას შეიძლება განვითარდეს გვერდითი ეფექტები.
იბუპროფენის ხანმოკლე დროით, რეცეპტის გარეშე მისაღები დოზებით გამოყენებისას, შეიძლება განვითარდეს ქვემოთ აღნიშნული ეფექტები. იბუპროფენის ხანგრძლივი გამოყენებისას და სხვა ჩვენებისას, შეიძლება გამოვლინდეს სხვა ეფექტები.
გვერდითი მოვლენები დალაგებულია სიხშირის მიხედვით, შემდეგი განსაზღვრებების გამოყენებით:
ძალიან ხშირი (უფრო ხშირი, ვიდრე 1 10 პაციენტიდან)
ხშირი (უფრო ხშირი, ვიდრე 1 – 10 100 პაციენტიდან)
არახშირი (უფრო ხშირი, ვიდრე 1 – 10 1000 პაციენტიდან)
იშვიათი (უფრო ხშირი, ვიდრე 1 – 10 10 000 პაციენტიდან)
ძალიან იშვიათი (უფრო იშვიათი, ვიდრე 1 10 000 პაციენტიდან).
ინფექციული და პარაზიტული დაავადებები
ძალიან იშვიათი: აღწერილია ინფექციურ-ანთებითი რეაქციების გამწვავება (მაგალითად ნეკროზული ფასციიტის გამოვლენა), რომელიც დაკავშირებულია არასტეროიდული ანთებისსაწინააღმდეგო პრეპარატების გამოყენებასთან. შესაძლოა ეს დაკავშირებული იყოს არასტეროიდული ანთების საწინააღმდეგო პრეპარატების მოქმედების მექანიზმთან.
თუ პრეპარატის გამოყენების პერიოდში ვლინდება ან ძლიერდება ინფექციის სიმპტომები, პაციენტმა დაუყოვნებლივ უნდა მიმართოს ექიმს. საჭიროა შეფასდეს ინფექციის საწინააღმდეგო მკურნალობის გამოყენების (ანტიბიოტიკოთერაპიის) ჩვენებების არსებობა.
იბუპროფენის გამოყენების დროს აღინიშნა ზურგის ტვინის გარსების ასეპტიკური ანთების სიმპტომები კეფის კუნთების რიგიდულობით, თავის ტკივილით, გულისრევით, ღებინებით, ცხელებით ან ცნობიერების დარღვევით. როგორც ჩანს, ამისადმი წინასწარგანწყობას ავლენენ პაციენტები აუტოიმუნური დარღვევებით (SLE, შემაერთებელი ქსოვილის შერეული დაავადებები).
დარღვევები სისხლის და ლიმფური სისტემის მხრივ:
ძალიან იშვიათი: სისხლის მორფოლოგიური მაჩვენებლების დარღვევა (ანემია, ლეიკოპენია, თრომბოციტოპენია, პანციტოპენია, აგრანულოციტოზი). პირველი სიმპტომებია ცხელება, ყელის ტკივილი, ზედაპირული სტომატიტი, გრიპისმაგვარი სიმპტომები, დაღლილობა, სისხლდენა ცხვირიდან და კანიდან. ხანგრძლივი თერაპიისას საჭიროა სისხლის მორფოლოგიური მაჩვენებლების რეგულარული შემოწმება.
დარღვევები იმუნური სისტემის მხრივ:
არახშირი: ალერგიული რეაქციები კანის გამონაყარით და ქავილით, ასევე მოხრჩობის შეტევები (შესაძლოა განვითარდეს არტერიული წნევის დაქვეითებასთან ერთად). საჭიროა პაციენტის ინფორმირება, რომ ასეთ შემთხვევაში დაუყოვნებლივ მიმართოს ექიმს და აღარ მიიღოს სამკურნალო პრეპარატი იბუფენი®D.
ძალიან იშვიათი: მძიმე სისტემური ალერგიული რეაქციები. ისინი შესაძლოა განვითარდნენ სახის შეშუპების, ენის შეშუპების, ხახის შეშუპების სახით, სასუნთქი გზების გამტარობის დარღვევით, სუნთქვის უკმარისობით, ტაქიკარდიით, არტერიული წნევის დაქვეითებით, სიცოცხლისთვის საშიში შოკის ჩათვლით.
თუ განვითარდა ზემოთ აღწერილიდან ერთი სიმპტომი, რაც შესაძლოა განვითარდეს პრეპარატის პირველივე მიღების შემდეგ, აუცილებელია დაუყოვნებელი სამედიცინო დახმარება.
ფსიქიკის დარღვევა:
ძალიან იშვიათი: ფსიქოზური რეაქციები, დეპრესია.
დარღვევები ნერვული სისტემის მხრივ:
არახშირი: თავის ტკივილი, თავბრუსხვევა, უძილობა, ძილიანობა, აგზნება, გაღიზიანება და დაღლილობის შეგრძნება.
ძალიან იშვიათი: ასეპტიკური მენინგიტი.
დარღვევები მხედველობის ორგანოების მხრივ:
არახშირი: მხედველობის დარღვევა.
დარღვევები სმენის მხრივ და ლაბირინთული დარღვევები:
იშვიათი: ყურებში ხმაური.
დარღვევები გულის მხრივ:
ძალიან იშვიათი: გულის ფრიალი, გულის უკმარისობა, მიოკარდიუმის ინფარქტი, ინსულტი.
დარღვევები სისხლძარღვების მხრივ:
ძალიან იშვიათი: არტერიული ჰიპერტენზია.
დარღვევები კუჭ-ნაწლავის ტრაქტის მხრივ:
ხშირი: გულძმარვა, მუცლის ტკივილი, ღებინება, ფაღარათი, მეტეორიზმი გაზების გამოყოფით, შეკრულობა და სუსტი სისხლდენა კუჭ-ნაწლავის ტრაქტიდან, რომელმაც გამონაკლის შემთხვევებში შეიძლება გამოიწვიოს ანემია.
არახშირი: კუჭ-ნაწლავის ტრაქტის დაწყლულება, პოტენციური სისხლდენით და პერფორაციით. წყლულოვანი სტომატიტი, კოლიტის და კრონის დაავადების გამწვავება, გასტრიტი.
ძალიან იშვიათი: ეზოფაგიტი, პანკრეატიტი, ნაწლავების მემბრანული შევიწროვებების განვითარება. საჭიროა პაციენტის ინფორმირება, რათა ეპიგასტრალურ მიდამოში მწვავე ტკივილის, კუპრისებრი განავლის ან სისხლიანი ღებინების განვითარების შემთხვევაში, შეწყვიტოს სამკურნალო პრეპარატის მიღება და დაუყოვნებლივ მიმართოს ექიმს.
დარღვევები ღვიძლის და ნაღვლმდენი გზების მხრივ:
ძალიან იშვიათი: ღვიძლის ფუნქციის დარღვევა, განსაკუთრებით ხანგრძლივი გამოყენებისას, ღვიძლის უკმარისობა, მწვავე ჰეპატიტი.
დარღვევები კანის და კანქვეშა ქსოვილის მხრივ:
არახშირი: კანის სხვადასხვა გამონაყარი.
ძალიან იშვიათი: კანის მძიმე რეაქციები, როგორიცაა ექსფოლიატიური დერმატიტი, ბულოზური რეაქციები, მათ შორის სტივენს-ჯონსონის სინდრომი, ტოქსიკური ეპიდერმალური ნეკროლიზი.
გამონაკლის შემთხვევებში ჩუტყვავილას ვირუსით დასნებოვნებისას, შესაძლოა განვითარდეს კანის მძიმე ინფექციები და გართულებები, რომელიც ეხება რბილ ქსოვილებს.
დარღვევები თირკმლების და შარდმდენი გზების მხრივ:
იშვიათი: შესაძლოა ასევე განვითარდეს თირკმლის ქსოვილის დაზიანება (ნეკროზული პაპილიტი) და სისხლში შარდმჟავას კონცენტრაციის მომატება.
ძალიან იშვიათი: შეშუპების განვითარება, განსაკუთრებით პაციენტებში არტერიული ჰიპერტენზიით, ან თირკმლის უკმარისობით, ნეფროზული სინდრომი, ინტერსტიციული ნეფრიტი, რომელსაც შესაძლოა თან ახლდეს თირკმლის მწვავე უკმარისობა. ამიტომ საჭიროა თირკმლის ფუნქციის რეგულარული კონტროლი.
დოზის გადაჭარბება
ბავშვებში ერთჯერადად 400 მგ/კგ სხეულის მასაზე მეტი დოზის მიღებამ შეიძლება გამოიწვიოს დოზის გადაჭარბების სიმპტომები.
მოზრდილებში დოზა, რომელსაც შეუძლია ასეთი სიმპტომების გამოწვევა, ზუსტად არ არის განსაზღვრული. დოზის გადაჭარბებისას, ნახევარგამოყოფის პერიოდი შეადგენს 1.5-დან 3 საათამდე.
სიმპტომები
პაციენტების უმრავლესობას, რომლებიც იღებენ აასს-ს კლინიკურად მნიშვნელოვან დოზებს, შესაძლოა განუვითარდეთ: გულისრევა, ღებინება, ტკივილი ეპიგასტრალურ მიდამოში, ან ფაღარათი. შეიძლება ასევე განვითარდეს: ხმაური ყურებში, თავის ტკივილი, სისხლდენა კუჭიდან ან ნაწლავებიდან, აპნოე და არტერიული წნევის დაქვეითება.
მძიმე მოწამვლა გავლენას ახდენს ცენტრალურ ნერვულ სისტემაზე და ვლინდება ძილიანობით, ხოლო ძალიან იშვიათად – ასევე აგზნებით და დეზორიენტაციით, ან კომით. ძალიან იშვიათად შეიძლება განვითარდეს კრუნჩხვების შეტევები. მძიმე მოწამვლისას შეიძლება გამოვლინდეს მეტაბოლური აციდოზი, ხოლო პროთრომბინული დრო /INღ შეიძლება გაიზარდოს. შეიძლება გამოვლინდეს: თირკმლის მწვავე უკმარისობა, ან ღვიძლის დაზიანება. პაციენტებში ასთმით, შეიძლება განვითარდეს ასთმის სიმპტომების გამწვავება.
მკურნალობა
სპეციფიური ანტიდოტი არ არსებობს. მკურნალობა სიმპტომური და შემანარჩუნებელია. საჭიროა დაკვირვება გულის ფუნქციაზე და სასიცოცხლო ფუნქციების კონტროლი, თუ ისინი სტაბილურია. დოზის გადაჭარბებისას, საჭიროა განხილული იქნას 1 საათის განმავლობაში აქტივირებული ნახშირის მიღების საკითხი.
ურთიერთქმედება სხვა სამკურნალო საშუალებებთან
იბუპროფენი (როგორც სხვა აასს ჯგუფის სამკურნალო პრეპარატები) არ უნდა მიიღოთ ქვემოთ ჩამოთვლილ სამკურნალო პრეპარატებთან ერთად:
• სხვა არასტეროიდულ ანთებისსაწინააღმდეგო პრეპარატებთან, რადგან ერთდროულად რამდენიმე აასს-ს მიღებამ, სინერგული მოქმედების შედეგად, შესაძლოა გაზარდოს კუჭ-ნაწლავის ტრაქტის დაწყლულების რისკი და სისხლდენა;
• დაბალი დოზებით აცეტილსალიცილის მჟავასთან: ექსპერიმენტული მონაცემებიდან გამომდინარეობს, რომ ერთდროული გამოყენებისას, იბუპროფენმა შეიძლება მოახდინოს აცეტილსალიცილის მჟავას დაბალი დოზების დამაინჰიბირებელი მოქმედება თრომბოციტების აგრეგაციაზე. თუმცა ეს მონაცემები შეზღუდულია, ხოლო გაურკვეველი, კლინიკურ სიტუაციაზე ეხ ვივო ექსტრაპოლაციური მონაცემების საფუძველზე არ შეიძლება რაიმე ერთმნიშვნელოვანი დასკვნების გამოტანა იბუპროფენის რეგულარული გამოყენების მიმართ. ამავე დროს თვლიან, რომ იბუპროფენის ექსტრენული გამოყენება არ ახდენს კლინიკურად მნიშვნელოვან გავლენას;
• ჰიპოტენზიურ სამკურნალო პრეპარატებთან: აასს-ს ჯგუფის სამკურნალო პრეპარატებმა შესაძლოა დააქვეითონ იმ სამკურნალო პრეპარატების მოქმედების ეფექტურობა, რომლებიც არტერიულ წნევას აქვეითებენ;
• შარდმდენ სამკურნალო პრეპარატებთან: არის მცირერიცხოვანი მტკიცებულებები შარდმდენი სამკურნალო პრეპარატების ეფექტურობის დაქვეითების შესახებ;
• ანტიკოაგულანტებთან: მცირერიცხოვანი კლინიკური მონაცემებიდან გამომდინარეობს, რომ აასს შესაძლოა გააძლიერონ იმ პრეპარატების მოქმედება, რომლებიც ამცირებენ სისხლის შედედებას;
• ლითიუმთან და მეტოტრექსატთან: დამტკიცებულია, რომ არასტეროიდულმა ანთებისსაწინააღმდეგო პრეპარატებმა შეიძლება გაზარდონ სისხლის პლაზმაში როგორც ლითიუმის, ასევე მეტოტრექსატის კონცენტრაცია, რეკომენდებულია სისხლის პლაზმაში ლითიუმის და მეტოტრექსატის კონცენტრაციის კონტროლი;
• ზიდოვუდინთან: არსებობს მტკიცებულება სისხლდენის გახანგრძლივების შესახებ პაციენტებში, რომლებიც მკურნალობდნენ ერთდროულად იბუპროფენით და ზიდოვუდინით;
• კორტიკოსტეროიდებთან: იზრდება გვერდითი მოქმედების რისკი კუჭ-ნაწლავის ტრაქტის მხრივ;
• დიგოქსინთან: იბუპროფენის და დიგოქსინის შემცველი სამკურნალო პრეპარატების ერთდროულმა გამოყენებამ შესაძლოა გაზარდოს სისხლის შრატში ამ პრეპარატების კონცენტრაცია;
• ფენიტოინთან: იბუპროფენის და ფენიტოინის შემცველი სამკურნალო პრეპარატების ერთდროულმა გამოყენებამ შესაძლოა გაზარდოს სისხლის შრატში ამ პრეპარატების კონცენტრაცია;
• ციკლოსპორინთან: ციკლოსპორინის მიღების შედეგად, თირკმლის დაზიანების რისკი იზრდება ერთდოულად ზოგიერთი არასტეროიდული ანთებისსაწინააღმდეგო პრეპარატების მიღების შემთხვევაში. ამ მოქმედების გამორიცხვა ასევე არ შეიძლება ციკლოსპორინის და იბუპროფენის ერთდროული მიღების შემთხვევაში;
• ტაკროლიმუსთან: ამ ორი პრეპარატის ერთდროული გამოყენების შემთხვევაში, იზრდება ნეფროტოქსიური მოქმედების რისკი;
• ქინოლონურ ანტიბიოტიკებთან: ცხოველებზე ჩატარებული კვლევების მონაცემები აჩვენებენ, რომ აასს შეიძლება გაზარდოს კრუნჩხვების რისკი, რომელიც დაკავშირებულია ქინოლონების ჯგუფის ანტიბიოტიკების მიღებასთან. პაციენტებს, რომლებიც იღებენ აასს-ს და ქინოლონებს, შეიძლება ქონდეთ კრუნჩხვების განვითარების მომატებული რისკი;
• პრობენეციდთან და სულფინპირაზონთან: პრობენეციდის და სულფინპირაზონის შემცველმა პრეპარატებმა შეიძლება დაამუხრუჭონ იბუპროფენის გამოყოფა;
• ანტითრომბოციტულ პრეპარატებთან და ზოგიერთ სეროტონინის უკუმიტაცების სელექტიურ ინჰიბიტორთან (სუმსი): იზრდება კუჭ-ნაწლავის ტრაქტიდან სისხლდენის განვითარების რისკი.
• მიფეპრისტონთან: მიფეპრისტონის გამოყენების შემდეგ, 8-12 დღის განმავლობაში არ უნდა გამოიყენოთ აასს, რადგან აასს შესაძლოა დააქვეითოს მისი მოქმედება;
• კალიუმის შემნახველ დიურეტიკებთან: იბუფენი®D და კალიუმის შემნახველი დიურეტიკების ერთდროულმა გამოყენებამ შეიძლება გამოიწვიოს ჰიპერკალიემიის განვითარება (რეკომენდებულია სისხლის შრატში კალიუმის კონცენტრაციის შემოწმება).
განსაკუთრებული მითითებები
სამკურნალო პრეპარატის გამოყენებისას, საჭიროა სიფრთხილე პაციენტებში:
• სისტემური წითელი მგლურით და შემაერთებელი ქსოვილის შერეული დაავადებით – ასეპტიკური მენინგიტის მომატებული რისკი,
• კნტ-ის დაავადებებით, ასევე ნაწლავების ქრონიკული ანთებითი დაავადებებითY (წყლულოვანი კოლიტი, კრონის დაავადება),
• ჰიპერტონიით და (ან) გულის ფუნქციის დარღვევით, რადგან იყო ცნობები აასს-ს მიღებასთან დაკავშირებული სითხის შეკავების და შეშუპებების შესახებ,
• პორფირინების მეტაბოლიზმის თანდაყოლილი დარღვევებით (მაგ. მწვავე გარდამავალი პორფირია),
• უშუალოდ ქირურგიული ოპერაციის შემდეგ,
• თირკმლის ფუნქციის დარღვევით,
• ღვიძლის ფუნქციის დარღვევით,
• სისხლის შედედების დარღვევებით (იბუპროფენმა შეიძლება გაზარდოს სისხლდენის დრო),
• პაციენტებში ალერგიით სხვა ნივთიერებების მიმართ, რადგან სამკურნალო პროდუქტი იბუფენი®D-ს მიღებამ შესაძლოა გამოიწვიოს მათში ჰიპერმგრძნობელობის რეაქციების განვითარება,
• პაციენტებში, რომლებსაც აღენიშნებათ თივისმიერი ცხელება, ცხვირის პოლიპები, ან სუნთქვის ქრონიკული ობსტრუქციული დარღვევა, რადგან მათ მომატებული აქვთ ალერგიული რეაქციების რისკი. ეს რეაქციები შეიძლება გამოვლინდეს მოხრჩობის ფორმით (ეგრეთ წოდებული ასპირინული ასთმა), კვინკეს შეშუპებით, ან ჭინჭრის ციებით.
სამკურნალო პრეპარატის მიღება მინიმალური ეფექტური დოზით, ხანმოკლე პერიოდის განმავლობაში, რომელიც აუცილებელია სიმპტომების შესამსუბუქებლად, ამცირებს გვერდითი მოვლენების რისკს (იხ. ქვემოთ: გავლენა კნტ-ზე და სისხლის მიმოქცევის სისტემაზე.)
ხანდაზმული პაციენტები
ხანდაზმულ პაციენტებში სამკურნალო პროდუქტის მიღების შედეგად გვერდითი მოვლენების განვითარების რისკი მეტია, ახალგაზრდა პაციენტებთან შედარებით. გვერდითი ეფექტების განვითარების სიხშირის და ინტენსივობის შემცირება შესაძლებელია მინიმალური თერაპიული დოზის ყველაზე ხანმოკლე ეფექტური დროის განმავლობაში მიღებით.
სისხლდენა, დაწყლულება და კნტ-ის პერფორაცია
არსებობს კუჭ-ნაწლავის ტრაქტიდან სისხლდენის, დაწყლულების ან პერფორაციის განვითარების რისკი, რომლებიც შესაძლოა სასიკვდილო იყოს და რომლებსაც ყოველთვის არ უსწრებს წინ გამაფრთხილებელი სიმპტომები, ან ისინი შეიძლება განუვითარდეს პაციენტებს, რომლებსაც აღენიშნებოდათ ასეთი გამაფრთხილებელი სიმპტომები. კუჭ-ნაწლავის ტრაქტიდან სისხლდენის, ან წყლულების განვითარების შემთხვევაში, საჭიროა სამკურნალო პრეპარატის მიღების დაუყოვნებლივ შეწყვეტა. პაციენტებს ანამნეზში კუჭ-ნაწლავის წყლულოვანი დაავადებით, განსაკუთრებით ხანდაზმულ პირებს უნდა უთხრათ, რომ აცნობონ ექიმს კუჭ-ნაწლავის ტრაქტთან დაკავშირებული ყველანაირო არატიპიური სიმპტომების (განსაკუთრებით სისხლდენის) შესახებ, უპირველეს ყოვლისა თერაპიის საწყის პერიოდში. ამ პაციენტებმა უნდა გამოიყენონ სამკურნალო პრეპარატის რაც შეიძლება დაბალი დოზები.
კუჭ-ნაწლავის ტრაქტიდან სისხლდენის, დაწყლულების, ან პერფორაციის რისკი იზრდება აასს-ს დოზის მატებისას, პაციენტებში წყლულით ანამნეზში, განსაკუთრებით სისხლდენით ან პერფორაციით გართულებით და ხანდაზმულ პირებში. ამ პაციენტების მკურნალობა უნდა დაიწყოს უმცირესი დოზით. ამ პაციენტებს, როგორც პაციენტებს, რომლებსაც ესაჭროებათ ერთდროული მკურნალობა აცეტილსალიცილის მჟავას დაბალი დოზებით, ან სხვა მოქმედი ნივთიერებებით, რომლებსაც შეუძლიათ გაზარდონ კუჭ-ნაწლავის ტრაქტში ცვლილებების რისკი, საჭიროა განხილული იყოს დამცავი სამკურნალო პრეპარატებით (მაგ. მიზოპროსტოლით ან პროტონის ტუმბოს ინჰიბიტორებით) კომბინირებული მკურნალობა.
საჭიროა სიფრთხილე სამკურნალო პრეპარატის გამოყენებისას პაციენტებში, რომლებიც ერთდროულად იღებენ სხვა სამკურნალო პრეპარატებს, რომლებმაც შესაძლოა გაზარდონ კუჭ-ნაწლავის დარღვევების ან სისხლდენების რისკი, როგორიცაა კორტიკოსტეროიდები, ან ანტიკოაგულანტები, როგორიცაა ვარფარინი, სეროტონინის უკუმიტაცების სელექტიური ინჰიბიტორები ან ანტიაგრეგანტები, როგორიცაა აცეტილსალიცილის მჟავა. აასს სიფრთხილით უნდა მიეცეს პირებს, ანამნეზში კუჭ-ნაწლავის ტრაქტის დაავადებებით (წყლულოვანი კოლიტი, კრონის დაავადება), რადგან შესაძლებელია ამ დაავადებების გამწვავება.
გავლენა სისხლის მიმოქცევის სისტემაზე
საჭიროა სიფრთხილე პაციენტებში ანამნეზში არტერიული ჰიპერტენზიით და (ან) გულის უკმარისობით, რადგან აასს-თი მკურნალობისას აღინიშნება სითხის შეკავება, არტერიული ჰიპერტენზია და შეშუპებები.
პაციენტებში არაკონტროლირებადი არტერიული ჰიპერტენზიით, სისხლის მიმოქცევის შეგუბებითი უკმარისობით, დიაგნოსტირებული გულის იშემიური დაავადებით, პერიფერიული არტერიების და (ან) გულ-სისხლძარღვთა დაავადებებით, ასევე როგორც გულ-სისხლძარღვთა დაავადებების (მაგალითად არტერიული ჰიპერტენზია, ჰიპერლიპიდემია, შაქრიანი დიაბეტი, მწეველები) რისკ-ფაქტორების პაციენტებში, იბუპროფენით მკურნლობა უნდა ჩატარდეს მხოლოდ გულმოდგინე ანალიზის შემდეგ.
კლინიკური კვლევების და ეპიდემიოლოგიური მონაცემებიდან გამომდინარეობს, რომ იბუპროფენის მიღება, განსაკუთრებით მაღალ დოზებში (2400 მგ დღე-ღამეში) და ხანგრძლივი დროის განმავლობაში, შეიძლება დაკავშირებული იყოს არტერიების ემბოლიის რისკის მცირე მომატებასთან (მაგალითად მიოკარდიუმის ინფარქტი ან ინსულტი). ზოგადად ეპიდემიოლოგიური კვლევები არ აჩვენებს, რომ იბუპროფენის დაბალი დოზების მიღება (≤ 1200 მგ დღე-ღამეში), დაკავშირებულია მიოკარდიუმის ინფარქტის რისკის გაზრდასთან.
რეაქციები კანის მხრივ
კანის მძიმე რეაქციები, ზოგიერთი მათგანი სასიკვდილო, მათ შორის ექსფოლიატიური დერმატიტი, სტივენს-ჯონსონის სინდრომი და ტოქსიური ეპიდერმალური ნეკროლიზი, ძალიან იშვიათად იყო აღწერილი აასს ჯგუფის სამკურნალო პრეპარატების მიღებასთან დაკავშირებით. ამ მძიმე რეაქციების გამოვლენის ყველაზე დიდი რისკი აღინიშნება თერაპიის დასაწყისში, უმრავლეს შემთხვევაში პრეპარატის გამოყენების პირველ თვეში. საჭიროა პრეპარატის მიღების შეწყვეტა პირველი სიმპტომების გამოვლენისას: კანის გამონაყარი, ლორწოვანი გარსის დაზიანების ან ალერგიის სხვა სიმპტომებისას.
გამონაკლის შემთხვევაში კანის და რბილი ქსოვილების მძიმე ინფექციების მიზეზი შეიძლება იყოს ჩუტყვავილა. ამჟამად არ შეიძლება აასს-ს როლის გამორიცხვა ამ ინფექციების გაძლიერებაში. ამის გამო ჩუტყვავილას დროს რეკომენდებულია პრეპარატის გამოყენებისთვის თავის არიდება.
სხვა შენიშვნები
სხვადასხვა ტკივილგამაყუჩებელი სამკურნალო პრეპარატების ხანგრძლივმა ერთდროულმა გამოყენებამ შეიძლება გამოიწვიოს თირკმლების დაზიანება, თირკმლის უკმარისობის რისკით (ანალგეზიური ნეფროპათია).
აასს ჯგუფის სამკურნალო პრეპარატებმა შეიძლება შენიღბონ ინფექციის და ცხელების სიმპტომები.
ძალიან იშვიათად აღინიშნება მძიმე მწვავე ალერგიული რეაქციები (მაგალითად ანაფილაქსიური შოკი). სამკურნალო პრეპარატ იბუფენი®D-ს მიღების შემდეგ, ალერგიული რეაქციების პირველი სიმპტომების გამოვლენისას მკურნალობა უნდა შეწყდეს. სპეციალიზირებულმა პერსონალმა უნდა ჩაატაროს საჭირო სამედიცინო პროცედურები გამოვლენილი სიმპტომებიდან გამომდინარე.
იბუპროფენმა, სამკურნალო პრეპარატ იბუფენი®D-ს მოქმედმა ნივთიერებამ, შეიძლება დროებით მოახდინოს თრომბოციტების აქტივობის (თრომბოციტების აგრეგაციის) ინჰიბირება. ამიტომ რეკომენდებულია ყურადღებით დაკვირვება სისხლის შედედების დარღვევების მქონე პაციენტებზე.
პრეპარატის ხანგრძლივი გამოყენების შემთხვევაში აუცილებელია ღვიძლის, თირკმლების ფუნქციის მაჩვენებლების და სისხლის მორფოლოგიის რეგულარული კონტროლი.
ანალგეტიკების ხანგრძლივი გამოყენებისას შეიძლება განვითარდეს თავის ტკივილი, რომლებსაც არ უნდა ვუმკურნალოთ ამ სამკურნალო პრეპარატის მომატებული დოზებით.
არსებობს იმის მტკიცებულება, რომ ციკლოოქსიგენაზას მაინჰიბირებელმა (პროსტაგლანდინების სინთეზი) სამკურნალო პრეპარატებმა შეიძლება გავლენა მოახდინოს ოვულაციაზე ქალებში ფერტილობის დარღვევის გამოწვევით. ეს მოქმედება დროებითია და ქრება თერაპიის დასრულების შემდეგ.
იბუპროფენის გამოყენებისას აღინიშნა ტოქსიური ამბლიოპიის ერთეული შემთხვევები, ამიტომ მხედველობის ყველა დარღვევის შესახებ საჭიროა აცნობოთ ექიმს.
ბავშვებში და მოზარდებში გაუწყლოვნებით არსებობს თირკმლის უკმარისობის რისკი.
სამკურნალო პრეპარატი შეიცავს ნატრიუმის ბენზოატს, რის გამოც ის დიდი სიფრთხილით უნდა იქნას გამოყენებული პაციენებში მომატებული მგრძნობელობით, განსაკუთრებით ბავშვებში ატოპიური ცვლილებებით, ასთმით და ა.შ.
პრეპარატი შეიცავს თხევად მალტიტოლს და ის არ უნდა იყოს გამოყენებული პაციენტებში ფრუქტოზის აუტანლობის იშვიათი მემკვიდრული დაავადებით.
ორსულობა
იბუპროფენი არ უნდა იქნას გამოყენებული ორსულობის პირველ და მეორე ტრიმესტრში თუ ეს არ წარმოადგენს აბსოლუტურ აუცილებლობას. იბუპროფენის გამოყენების აუცილებლობის შემთხვევაში ქალებში, რომლებიც გეგმავენ ორსულობას ან არიან ორსულობის პირველ ან მეორე ტრიმესტრში, საჭიროა უმცირესი დოზის გამოყენება დროის რაც შეიძლება ხანმოკლე პერიოდის განმავლობაში.
ორსულობის III ტრიმესტრში იბუპროფენის მიღება წინააღმდეგნაჩვენებია.
ლაქტაცია
იბუპროფენი და მისი მეტაბოლიტები გადიან ქალის რძეში დაბალი კონცენტრაციით (მიღებული დოზის 0.0008%). რადგან დღემდე არ არის მონაცემები სამკურნალო პრეპარატის ახალშობილებზე უარყოფითი გავლენის შესახებ, ძუძუთი კვების შეწყვეტა აუცილებელი არ არის ტკივილის და ცხელების სამკურნალო დოზებით იბუპროფენის ხანმოკლე დროით გამოყენებისას.
გავლენა სატრანსპორტო საშუალებების და მექანიზმების მართვის უნარზე
იმის გამო, რომ სამკურნალო პრეპარატ იბუფენი® D მაღალი დოზებით გამოყენებისას შეიძლება განვითარდეს გვერდითი მოვლენები ცენტრალური ნერვული სისტემის მხრივ, როგორიცაა დაღლილობა და თავბრუსხვევა, ცალკეულ შემთხვევაში შეიძლება მივიდეს რეაგირების უნარის დარღვევასა და საგზაო მოძრაობაში აქტიური მოძრაობების და მექანიზმების მართვის უნარის დარღვევამდე.
ზემოთ მოყვანილი გაფრთხილებები განსაკუთრებით ეხება სამკურნალო პრეპარატის ალკოჰოლთან ერთად გამოყენების შემთხვევას.
გამოშვების ფორმა
120 მლ სუსპენზია მოთავსებულია პლასტიკურ ფლაკონში ადაფტორით, მოხუფულია ხრახნიანი პოლიეთილენის თავსახურით “პირველი გახსნის” დამცავი რგოლით, ბავშვების მიერ გახსნისაგან დაცვის მექანიზმით და შპრიც-დოზატორით.
ყოველი ფლაკონი დანართ ფურცელთან და შპრიც-დოზატორთან ერთად მოთავსებულია მუყაოს კოლოფში.
შენახვის პირობები
შეინახეთ ორიგინალ შეფუთვაში 25oC-მდე ტემპერატურის პირობებში.
შეინახეთ ბავშვებისთვის მიუწვდომელ ადგილას.
ვარგისიანობის ვადა:
2 წელი.
გახსნილი ფლაკონი აუცილებელია გამოყენებული იქნას 6 თვის განმავლობაში.
არ გამოიყენოთ შეფუთვაზე მითითებული ვარგისობის ვადის გასვლის შემდეგ.
აფთიაქიდან გაცემის პირობები:
ფარმაცევტული პროდუქტის ჯგუფი III, გაიცემა რეცეპტის გარეშე
სად შევიძინოთ?