Plasmon

იხილეთ აფთიაქების ჩამონათვალი

რონოციტი / RONOCIT

წამლის ფორმა

შიგნით მისაღები ხსნარი.

აღწერილობა: ღია-ვარდისფერი ერთგვაროვანი გამჭვირვალე ხსნარი.

 

შემადგენლობა

პრეპარატის 1 მლ შეიცავს

აქტიური ნივთიერება: ციტიკოლინი (ნატრიუმის ციტიკოლინის ფორმით) 100 მგ.

დამხმარე ნივთიერებები: სორბიტოლის არაკრისტალიზებული ხსნარი, გლიცერინი, მეთილპარაჰიდროქსიბენზოატი, პროპილპარაჰიდროქსიბენზოატი, ნატრიუმის ციტრატის დიჰიდრატი, ნატრიუმის საქარინი, პონსო4ღ,არომატიზატორი ,,მარწყვი’’, კალიუმის სორბატი, ლიმონმჟავას მონოჰიდრატი, გასუფთავებული წყალი.

 

პრეპარატის ათქ კოდი: N06BX06

 

ფარმაკო თერაპიული ჯგუფი

ფსიქოსტიმულატორები, ნოოტროპული საშუალება.

 

ფარმაკოლოგიური თვისებები

ფარმაკოდინამიკა

ციტიკოლინი, წარმოადგენს რა უჯრედული მემბრანის ძირითადი ულტრასტრუქტურული კომპონენტების (განსაკუთრებით ფოსფოლიპიდების) წინამორბედს, ხასიათდება მოქმედების ფართო სპექტრით: ხელს უწყობს უჯრედის დაზიანებული მემბრანის აღდგენას, აინჰიბირებს ფოსფოლიპაზებს, ხელს უშლის თავისუფალი რადიკალების ზედმეტი რაოდენობით წარმოქმნას, ასევე, მოქმედებს რა აპოპტოზის მექნიზმებზე, ხელს უშლის უჯრედის სიკვდილს. ინსულტის მწვავე პერიოდში ამცირებს დაზიანებული ქსოვილის მოცულობას, აუმჯობესებს ქოლინერგულ გადაცემას. ქალა-ტვინის ტრავმის დროს ამცირებს პოსტტრავმული კომის ხანგრძლივობას და ნევროლოგიური სიმპტომების გამოხატულებას, გარდა ამისა, ხელს უწყობს აღდგენითი პერიოდის ხანგრძლივობის შემცირებას. 

თავის ტვინის ქრონიკული ჰიპოქსიის დროს ციტიკოლინი ეფექტურია ისეთი კოგნიტიური დარღვევების სამკურნალოდ, როგორიცაა მეხსიერების გაუარესება, უინიციატივობა, სიძნელეები, რომლებიც ჩნდება ყოველდღიური საქმიანობის შესრულებისა და თვითმომსახურეობის პროცესში. ზრდის ყურადღების და ცნობიერების დონეს, ასევე ამცირებს ამნეზიის გამოვლინებას. 

ციტიკოლინი ეფექტურია დეგენერაციული და სისხლძარღვოვანი ეტიოლოგიის სენსორული და მოტორული ნევროლოგიური დარღვევების მკურნალობაში.

 

ფარმაკოკინეტიკა

შეწოვა

ციტიკოლინი კარგად აბსორბირდება შიგნით მიღების შემდეგ. Aაბსორბცია პერორალური მიღების შემდეგ პრაქტიკულად სრულია, ბიოშეღწევადობა კი დაახლოებით ისეთია, როგორც ინტრავენური შეყვანის შემდეგ.

 

მეტაბოლიზმი 

პრეპარატი მეტაბოლიზდება ნაწლავებსა და ღვიძლში ქოლინის და ციტიდინის წარმოქმნით. მიღების შემდეგ ქოლინის კონცენტრაცია სისხლის შრატში მნიშვნელოვნად იზრდება.

 

განაწილება

ციტიკოლინი მნიშვნელოვანი ხარისხით ნაწილდება თავის ტვინის სტრუქტურებში, ქოლინის ფრაქციის სწრაფი ჩანერგვით ფოსფოლიპიდებისა და ციტიდინის სტრუქტურაში – ციტიდინურ ნუკლეოტიდებში და ნუკლეინის მჟავაში. ციტიკოლინი აღწევს თავის ტვინში და აქტიურად ჩაშენდება უჯრედულ, ციტოპლაზმურ და მიტოქონდრიულ მემბრანებში, წარმოქმნის რა სტრუქტურული ფოსფოლიპიდების ფრაქციის ნაწილს.

 

გამოყოფა

ციტიკოლინის შეყვანილი დოზის მხოლოდ 15% გამოიყოფა ადამიანის ორგანიზმიდან: 3%-ზე ნაკლები – თირკმელებით და ნაწლავებით, დაახლოვებით 12% ამოსუნთქულ ნახშირჟანგთან ერთად. პრეპარატის გამოყოფას შარდით აქვს ორი ფაზა: პირველი ფაზა, გრძელდება დაახლოებით 36 საათი, რომლის დროსაც გამოყოფის სიჩქარე სწრაფად მცირდება და მეორე ფაზა, რომლის დროსაც ექსკრეციის სისწრაფე მცირდება უფრო ნელა.

იგივე პროცესი ვლინდება ნახშირჟანგით ამოსუნთქვისას – გამოყოფის სიჩქარე სწრაფად მცირდება დაახლოებით 15 საათის შემდეგ, რომელსაც მოსდევს ნელი გამოყოფის ფაზა.

 

გამოყენების ჩვენებები

- იშემიური ინსულტის მწვავე პერიოდი (კომპლექსური თერაპიის შემადგენლობაში);

- აღდგენითი პერიოდი იშემიური და ჰემორაგიული ინსულტის შემდეგ;

- ქალა-ტვინის ტრავმები, მწვავე (კომპლექსური თერაპიის შემადგენლობაში) და აღდგენითი პერიოდი;

- კოგნიტიური და ქცევითი დარღვევები თავის ტვინის დეგენერაციული და სისხლძარღვოვანი დაავადებების დროს.

 

გამოყენების წესი და დოზები

რონოციტი შიგნით მისაღები ხსნარი ინიშნება პერორალურად. გამოყენებამდე შესაძლებელია პრეპარატის მცირე რაოდენობის წყალში გახსნა (120 მლ ან 1/2 ჭიქა). რეპარატი მიიღება კვების დროს ან კვების მიღებებს შორის შუალედში.

 

დოზირების რეკომენდებული რეჟიმი:

 

იშემიური ინსულტის მწვავე პერიოდი ან ქალა-ტვინის ტრავმა: 1000 მგ (10 მლ) ყოველ 12 საათში. მკურნალობის ხანგრძლივობა შეადგენს არანაკლებ 6 კვირა.

აღდგენითი პერიოდი იშემიური და ჰემორაგიული ინსულტის, ქალა-ტვინის ტრავმების შემდეგ, კოგნიტური და ქცევითი დარღვევები, თავის ტვინის დეგენერაციული და სისხლძარღვოვანი დაავადებების დროს: 500-2000 მგ დღეში (5-10 მლ 1-2-ჯერ დღეში). დოზირება და მკურნალობის ხანგრძლივობა დამოკიდებულია დაავადების სიმპტომების სიმძიმეზე.

 

ბავშვები: 100 მგ (პრეპარატის 1 მლ)2-3-ჯერ დღეში.

პედიატრიულ პრაქტიკაში პრეპარატი გამოიყენება ექიმის მკაცრი მეთვალყურეობით. ხანდაზმული ასაკის პირებში პრეპარატის დანიშვნისას დოზის კორექცია საჭირო არ არის.

 

უკუჩვენება

- მომატებული მგრძნობელობა პრეპარატის ნებისმიერი კომპონენტის მიმართ;

-პაციენტები გამოხატული ვაგოტონიით (ვეგეტატური ნერვული სისტემის პარასიმპათიკული ნაწილის ტონუსის სიჭარბე);

-ფრუქტოზის არასაკმარისი ფერმენტული დაშლა (მალაბსორბციის სინდრომი), პრეპარატის შემადგენლობაში სორბიტოლის არსებობის გამო.

 

გვერდითი მოქმედება

ძალიან იშვიათად (<1/10000) (იდივიდუალური შემთხვევების ჩათვლით): ალერგიული რეაქციები (გამონაყარი, კანის ქავილი, ანაფილაქსიური შოკი), თავის ტკივილი, თავბრუსხვევა, ცხელების შეგრძნება, ტრემორი,  გულისრევა, ღებინება, დიარეა, ჰალუცინაციები, შეშუპება, ქოშინი, უძილობა, აღგზნებადობა, უმადობა, დაბუჟება პარალიზებულ კიდურებში, ღვიძლის ფერმენტების აქტივობის შეცვლა.

ზოგიერთშემთხვევებში პრეპარატმა შესაძლებელია გამოიწვიოს პარასიმპათიკული სისტემის სტიმულირება, ასევე არტერიული წნევის ხანმოკლე ცვლილება.

 

განსაკუთრებული მითითებები

სიცივეში შესაძლებელია წარმოიქმნას კრისტალების უმნიშვნელო რაოდენობა კონსერვანტის დროებითი, ნაწილობრივი კრისტალიზაციის შედეგად. ღეკომენდებულ პირობებში შემდგომი შენახვისას კრისტალები იხსნება რამდენიმე თვის განმავლობაში. კრისტალების არსებობა არ მოქმედებს პრეპარატის ხარისხზე.

 

ზემოქმედება ავტოსატრანსპორტო საშუალებების და მექანიზმების მართვის უნარზე

ციტიკოლინი არ მოქმედებს ავტოსატრანსპორტო საშუალებების და მექანიზმების მართვის უნარზე.

 

გამოყენება ორსულობის და ლაქტაციის პერიოდში

შაკმარისი მონაცემები ორსულ ქალებში ციტიკოლინის გამოყენებასთან დაკავშირებით არ არის. მიუხედავად იმისა, რომ ცხოველებში ჩატარებულ კვლევებში უარყოფითი ზემოქმედება არ გამოვლენილა, ორსულობის პერიოდში პრეპარატი რონოციტი ინიშნება მხოლოდ მაშინ, როცა მოსალოდნელი სარგებელი დედისთვის აღემატება პოტენციურ რისკს ნაყოფისათვის.

ლაქტაციის პერიოდში პრეპარატის დანიშვნისას საჭიროა ბუნებრივი კვების შეწყვეტა, რადგანაც ციტიკოლინის დედის რძეში გამოყოფასთან დაკავშირებული მონაცემები არ არის.

 

გამოყენება პედიატრიაში

ბავშვებში პრეპარატი გამოიყენება ექიმის მეთვალყურეობით.

 

სხვა სამკურნალო საშუალებებთან ურთიერთქმედება

ციტიკოლინი აძლიერებს ლევოდოპის ეფექტებს.

არ უნდა მოხდეს პრეპარატის გამოყენება მეკლოფენოქსატის შემცველ საშუალებებთან ერთად.

 

ჭარბი დოზირება

Pპრეპარატის დაბალი ტოქსიკურობის გათვალისწინებით ჭარბი დოზირების შემთხვევები აღწერილი არ არის.

 

გამოშვების ფორმა და შეფუთვა

შიგნით მისაღები ხსნარის 10 მლ უფერო გამჭვირვალე შუშის ფლაკონში, მოსახრახნი პლასტიკური თავსახურით, რომელიც უზრუნველყოფს პირველი გახსნის კონტროლს.

10 ფლაკონი ფურცელ-ჩანართთან ერთად მოთავსებულია მუყაოს კოლოფში.

 

შენახვის პირობები

ინახება არა უმეტეს 25°С ტემპერატურაზე.

ინახება ბავშვებისათვის მიუწვდომელ ადგილას!

 

ვარგისიანობის ვადა

წარმოებიდან 3 წელი.

არ გამოიყენება ვარგისიანობის ვადის გასვლის შემდეგ.

 

აფთიაქიდან გაცემის წესი

რეცეპტით.

სად შევიძინოთ?