ცელიაკიის უფასო სკრინინგის პროგრამა ბავშვებში!
თარიღი: 03 აპრილი, 2025
ცელიაკიის უფასო სკრინინგის პროგრამა ბავშვებში!
მ. იაშვილის სახელობის ბათუმის დედათა და ბავშვთა ცენტრალურ ჰოსპიტალში შესაძლებელია ცელიაკიის უფასო სკრინინგი ბავშვებში.
სკრინინგის მიზანია, ცელიაკიის ადრეულ ეტაპზე გამოვლენისა და მწვავე, ასევე ქრონიკული გართულებების პრევენცია.
სკრინინგის ფარგლებში 2-18 წლამდე აჭარაში მცხოვრებ ბავშვებს, პედიატრის ან სხვა სპეციალისტის მიმართავის საფუძველზე ჩაუტარდებათ სისხლში სპეციფიური ანტისხეულების კვლევა.
დადასტურების შემთხვევაში კი სპეციალისტის კონსულტაცია.
ცელიაკია ქრონიკული ავტოიმუნური დაავადებაა, რომელიც იწვევს იმუნური სისტემის რეაქციას ხორბლის, ჭვავის და ქერის ძირითად ცილაზე, გლუტენზე. გლუტენით შემცველი პროდუქტების მიღების შედეგად ზიანდება ნაწლავები, იზღუდება აუცილებელი საკვები ნივთიერებების შეწოვა და ვითარდება მრავალი სერიოზული სიმპტომი, როგორიცაა მუცლის ტკივილი, დისკომფორტი, დიარეა, წონის დეფიციტი,ზრდა-განვითარების შეფერხება და ზოგჯერ სერიოზული გართულებები, როგორიცაა ანემია ან ოსტეოპოროზი.
ცელიაკია მსოფლიო პოპულაციის 1 პროცენტზე მეტს აქვს, ის მუდმივი მდგომარეობაა და მისი ერთადერთი მკურნალობა გლუტენისგან სრული თავის არიდებაა.
ცელიაკიის სკრინინგი რეკომენდირებულია:
ცელიაკიის მქონე პირის პირველი რიგის ნათესავებსთვის
ბავშვებისთვის საეჭვო კლინიკური ნიშნებით (აფთოზური სტომატიტი, რკინის და ფოლიუმის მჟავის დეფიციტით განპირობებული ანემია, ზრდაში და სქესობრივი მოწიფების შეფერხება, უშვილობა, მკვდრადშობადობა,ძვლის სიმკვრივის დაქვეითება, ნეიროპათია და აშ.)
სხვა ავტოიმუნური დაავადების და სპეციფიური სინდრომების მქონე პირებისთვის; შაქრიანი დიაბეტი ტიპი 1, ფარისებურის და ღვიძლის ავტოიმუნური პათოლოგიები და ტერნერის, დაუნის და ვილიამსის სინდრომი და აშ
ვიზიტის დასაჯავშნად და დეტალური ინფორმაციისთვის დაგვიკავშირდით:
+995595048895
+995595048865
032 205 20 70
ბათუმი, აეროპორტის გზატკეცილი,