საფენისმიერი დერმატიტი ახალშობილებსა და ადრეული ასაკის ბავშვებში
თარიღი: 15 მაისი, 2019
ყველა ოჯახი მოუთმენლად ელის იმ ბედნიერებას, რომელიც შვილის დაბადებას ახლავს თან, თუმცა ოჯახური სიმყუდროვე და იდილია შესაძლოა იოლად დაარღვიოს ერთი შეხედვით ისეთმა უწყინარმა გარემოებამ, როგორიცაა საფენთან დაკავშირებული პრობლემა. ბავშვის კანი ნაზი და ძალზედ მგრძნობიარეა, შესაბამისად, სათუთ მოპყრობას საჭიროებს.
გამოყელვა ახალშობილებისა და ადრეული ასაკის ბავშვების ერთ-ერთი ყველაზე ხშირი პრობლემაა, რომელიც ვლინდება კანის საფენთან კონტაქტში მყოფი მიდამოების: დუნდულოების, ბოქვენის, გენიტალიებისა და ბარძაყის შიდა ზედაპირების დაზიანებით. გამოყელვის სიმძიმე დამოკიდებულია საფენის გამოყენების სიხშირეზე, საფენის ხარისხზე, ბავშვის პირველად ტუალეტსა და ჰიგიენაზე.
კანის დაზიანების მიზეზებია:
ხახუნი, მაცერაცია, მაღალი PH გარემო და ახალშობილებში განავალის მაღალი ფერმენტული აქტიობა. საფენში შარდისა და განავლოვანი მასების ერთობლიობით იზრდება ტენიანობა, რაც საფენის ქვეშ ზრდის კანის მაცერაციას, ცვლის მის მიკრობიოტას, ასუსტებს კანის ბარიერულ ფუნქციას და იწვევს მისი მთლიანობის დარღვევას . შედეგად, იზრდება ბაქტერიული აგენტებისა და ქიმიური გამღიზიანებლების (მაგ. საპონი) შეღწევადობა და დაინფიცირების რისკები. ამასთან ერთდ, განავალში არსებული ფერმენტები იწვევს ანთებას, აზიანებს და აღიზიანებს ბავშვის მგრძნობიარე კანს.
ახალშობილობის ასაკიდანვე მნიშვნელოვანია მეტი დადებითი ემოცია და ნაკლები სტრესი, ხოლო ზემოთ აღწერილი მდგომარეობები, როგორიცაა: დამწვრობა, სიწითლე, შეშუპება, გამონაყარი და ტკივილი, დღის მანძილზე ბავშვის ჭირვეულობის, ტირილის, გაღიზიანებისა და ღამის მშვიდი ძილის დარღვევის მიზეზი ხდება.
საფენის დერმატიტის გამომწვევი მიზეზები:
ჩვილებში ნაწლავების ხშირი მოქმედება, კანის მუდმივი გაღიზიანების გამო, ლოკალურად ზრდის საფენისმიერი დერმატიტის განვითარების რისკს. საფენის ქვეშ გამოყელვის ალბათობა იზრდება ხელოვნურ კვებაზე მყოფ ბავშვებში, აგრეთვე ანტიბიოტიკების არარაციონალური და ხანგრძლივი დროით გამოყენების შემთხვევაში.
როგორ ავარიდოთ თავი საფენის დერმატიტს:
საფენის ხშირი გამოცვლა, (6-8-ჯერ დღეში);
ჰაერისა და მზის აბაზანები;
კანის ნაზი გასუფთავება თბილი წყლითა და ფიზიოლოგიური PH-ის შემცველი საშუალებებით;
საფენის სწორი და ზუსტი ზომების შერჩევა;
ბავშვისთვის საუკეთესო საფენის შერჩევა სადაო საკითხია. აბსორბირებადი გელის შემცველობის მიუხედავად, არ არსებობს კვლევა, რომელიც დაადასტურებს, რომ საფენის გამოყენება ან სახეობა დაიცავს ბავშვს საფენის ქვეშ გამოყელვისგან.
გამოყელვის შემთხვევაში არ არის რეკომენდებული სიმინდის ან ტალკის პუდრა.
ტოქსიურობის გამო, უნდა გამოვრიცხოთ ბორის მჟავას, ქაფურის, ფენოლის, ბენზოკაინის შემცველი საშუალებები.
გამოყელვის, ანუ საფენისმიერი დერმატიტის, პროფილაქტიკისა და მკურნალობის მიზნით გამოიყენება: კრემი „Diapo-Care" („დაიპო-ქეარ"). ეს არის ინოვაციური ფორმულა, რომელსაც გააჩნია ორმაგი მოქმედება:
• იწვევს განავალში არსებული მავნე ფერმენტების ინაქტივაციას (გაუვნებელყოფას) და ინარჩუნებს კანის ფიზიოლოგიურ PH გარემოს.
• დექსპანთენოლის შემცველობის გამო აღადგენს კანის მთლიანობას, აცხრობს ანთებას, აქრობს სიწითლეს, კანს უნარჩუნებს სინაზესა და ტენიანობას.
კრემი "დაიპო-ქეარ" -ის გამოყენება მიზანშეწონილია საფენის ყოველი გამოცვლის დროს.
კრემი "დაიპო-ქეარ" -ის შემადგენელი ნივთიერებები არატოქსიური და ჰიპოალერგიულია.
წარმოებულია ჰოლანდიაში.
სტატიის ავტორები:
ექიმი პედიატრი – თემურ მიქელაძე.
პედიატრ-ინფექციონისტი – ვიტალი ხარაშვილი.